2014

Helgina 21. - 23. febrúar sl. fórum við 5 félagar úr Dalbjörg á æfingarhelgi í Borgarfirði á vegum Björgunarhesta Íslands. Við tókum ekki hesta með okkur suður en við m.a. æfðum flutning slasaðra á hestum, tókum leitaræfingu, sátum fyrirlestra hjá dýralæknum og öðrum hestamönnum. Við fengum gistingu á Gistiheimilinu Geirshlíð í Flókadal og gistum þar ásamt fleiri sveitum annarsstaðar að af landinu.

Þann 22. nóvember voru Grettis félagar búnir að undirbúa flotta veislu og buðu nágrannasveitum nær og fjær að fagna deginum með sér. Skruppum við 4 Dalbjargar félagar og fögnuðu deginum með þeim, heimamenn voru búnir að raða öllum sínum tækjum og búnaði snyrtilega til sýnis og undirbúa dýrindis veisluborð. Þökkum við gott boð og óskum þeim allt hið besta. Fyrirmyndar sveit þar á ferð.

Hér eru ýmsar myndir frá unglingastarfinu hjá Dalbjörg veturinn 2014.

Fimmtudaginn 3. apríl fóru 12 manns upp í Garðsárdal á báðum jeppum sveitarinnar, fjórum sleðum og snjóbíl. Tilgangur ferðarinnar var að moka ofan af gangnaskálanum Adda sem er þar í dalnum. Snjórinn var orðinn það mikill að hann var að sliga skálann og því nauðsynlegt að moka af honum svo ekki yrði tjón á skálanum. Lagt var af stað um kl. 17 og komið heim um kl. 23 um kvöldið. Veður og færi var gott og allir voru ánægðir með afrekið þennan daginn.

Dagana 14.-16. mars var Stóra Dalbjargarferðin farin. Ætlunin var að fara í Réttartorfu og þaðan í Gæsavötn en áætlunin breyttist aðeins vegna veðurs og við vorum í Réttartorfu alla helgina. Mjög gaman og góður hópur í þessari ferð!