Þvælingur á sleðadeild
Sleðaflokkurinn er byrjaður að keyra nýju sleðana og var þriðja æfingaferðin farin í dag. Áður höfð Hlynur og Bubbi K farið
í tvær ferðir á Vaðlaheiði og Fnjóskadal til að tilkeyra sleðana eða samtals 250 km á hvorn sleða.
Í dag fóru hinsvegar fleiri sleðadeildarmenn með í ferð en það voru Ketill, Pétur, Bubbi K, Bubbi T, Palli auk Stebba Stef og Arnars á
Kvistási. Við fórum upp Súlumýrar og fram með Súlunum að austan, upp Kvarnárdalinn, Röðulinn og alla leið upp á
Kerlingu.
Þaðan rendum við til baka og vestur yfir lambárdalinn og ofan í Finnastaðardal. Þar kíktum við upp Heimari Lambá og höfðum okkur
þar upp þrátt fyrir gríðar stórt og úfið snjóflóð sem hafði fallið um það. Eðlilega kíktum við aftur
upp á Kerlingu áður en við héldum sömu leið til baka og í nestispásu við Lamba.
Þaðan var stefnan tekin norður með Tröllunum og upp á Hlíðarfjall um Krossastaðargil og heim í skúr hjá Bubba K. Góð
ferð og alls eknir um 105 km.
Heimari Lambá á Finnastaðardal
Á leiðinni heim um Krossastaðargil
