Blómaskála breytt í björgunarsveitarhús
4. mars 2014
Á haustdögum árið 2013 varð langþráður draumur félaga í Hjálparsveitinni Dalbjörg í Eyjafjarðarsveit um stærra húsnæði fyrir sveitina að veruleika. Þann 4. október 2013 var skrifað undir samning um kaup á gamla blómaskálanum sem stendur í Hrafnagilshverfi í Eyjafjarðarsveit, en kaupin eru stærsta fjárhagslega skuldbinding Hjálparsveitarinnar Dalbjargar frá upphafi.
Sveitin er þannig komin í mun stærra húsnæði en áður sem hentar betur fyrir starfsemina og einnig nær kjarna sveitarfélagsins. Fyrra húsnæði er staðsett í Bangsabúð við Steinhóla í Saurbæjarhreppi og flutti Hjálparsveitin Dalbjörg formlega úr gamla húsnæðinu þann 23. nóvember 2013.
Þrotlaus vinna hefur verið innt af hendi síðustu vikur og mánuði til þess að standsetja nýja húsið eins og félagar vilja hafa það. Það hefur verið sett innkeyrsluhurð á húsið, settur upp fundarsalur og nýtt eldhús útbúið ásamt búnaðarherbergi og tækjasal og eiga félagar mikið hrós skilið fyrir dugnaðinn. Enn er þó margt eftir til þess að húsið verði fullbúið og mikil vinna er framundan fyrir félaga sveitarinnar.
En nýtt hús þarf nýtt nafn og því hefur Hjálparsveitin Dalbjörg beðið vini og velunnara um að koma á framfæri nafnatillögum á nýja húsið með því að senda tölvupóst á netfangið dalbjorg@dalbjorg.is. Allar sniðugar tillögur eru vel þegnar.
Í sveitinni starfa um 40 virkir félagar og mikið líf hefur verið í störfum sveitarinnar síðustu mánuði, þrátt fyrir mikla vinnu í nýja húsinu samhliða venjubundnum störfum. Félagar sveitarinnar sækja reglulega námskeið sem tengjast starfinu, fara í æfingaferðir, sinna fjáröflunum eins og flugeldasölu nú um áramótin og fleiru sem til fellur. Fræðast má um líf og störf félaga í Dalbjörg með því að skoða glæsilega, uppfærða heimasíðu sveitarinnar, dalbjorg.is
sem fór í loftið þann 4. mars með ómetanlegri aðstoð frá starfsmönnum Stefnu.
Mánudaginn 24. febrúar 2014 var nýafstaðin mikil vinnuhelgi í nýja húsnæðinu. Við fengum fréttamenn N4 sjónvarps í heimsókn til okkar, til að líta á nýja húsið og sjá hvernig verkinu vindur fram. Haraldur Þór Óskarsson formaður og Eiður Jónsson varaformaður tóku á móti þeim, en fréttin var sýnd í þættinum Að norðan í N4 sjónvarpi 25. febrúar og hana má sjá með því að smella
hér
.
The body content of your post goes here. To edit this text, click on it and delete this default text and start typing your own or paste your own from a different source.
Góðan daginn, þetta er flugstjórinn sem talar.
Aðalfundur var haldinn að Ytra-Gili þann 20. maí sl. og ný stjórn kosin.
Aðalfundur Hjálparsveitarinnar Dalbjargar 2024 verður haldinn þann 20. maí kl. 20:00.
Fyrsti hittingur unglingadeildarinnar var haldinn þriðjudagskvöldið 19. september þar sem var farið í kassaklifur og farið stuttlega yfir flutning í börum.
Nú er komið að fyrsta almenna fundi vetrarins sem verður haldinn sunnudaginn 10. september nk. í Dalborg kl. 20:30.
Björgunarleikar og Landsþing SL var haldið á Akureyri um helgina og landaði lið Dalbjargar í Björgunarleikunum, "Made in Sveitin", 3. sæti af 16 liðum!
Aðalfundur Dalbjargar var haldin sunnudagskvöldið 30. apríl á Ytra-Gili hjá þeim eðalhjónum Sigurgeir og Bylgju.Á fundinum var farið yfir venjuleg aðalfundarstörf, s.s. skýrslu stjórnar, skoðun reikninga, framboð til stjórnar, fullgilda félaga frá síðasta aðalfundi og nýliða ásamt fleiru. Sigurgeir Hreinsson var fundarstjóri og Bjarney Guðbjörnsdóttir fundarritari.Kosið var um 3 aðila í stjórn og komu 3 framboð þannig það má segja að þeir aðilar hafi verið sjálfkjörnir.Eftirfarandi aðilar gáfu kost á sér til stjórnarsetu:Elmar SigurgeirssonHreiðar Fannar VíðissonVíðir Sveinn ÁgústssonEinnig var kosið til gjaldkera og gaf Jóhannes Jakobsson kost á sér, en hann hefur sinnt gjaldkerastarfinu í nokkurn tíma. Ekki bárust fleiri framboð svo Jóhannes var kosinn gjaldkeri Dalbjargar.Í vara stjórn eru þá eftirfarandi aðilar:Bjarki Búi ÓmarssonGyða Sjöfn Njálsdóttir
Aðalfundur Dalbjargar var haldin sunnudagskvöldið 1. maí kl. 20 á Brúnir Horse.Á fundinum var farið yfir venjuleg aðalfundarstörf, s.s. skýrslu stjórnar, skoðun reikninga, framboð til stjórnar, fullgilda félaga frá síðasta aðalfundi og nýliða ásamt fleiru. Ragnar Jónsson var fundarstjóri og Bjarney Guðbjörnsdóttir fundarritari.Kosið var um 4 aðila í stjórn og komu 4 framboð þannig það má segja að þeir aðilar hafi verið sjálfkjörnir.Eftirfarandi aðilar gáfu kost á sér stjórnarsetu:Kristján Hermann TryggvasonVíðir Sveinn ÁgústssonHreiðar Fannar VíðissonElmar Sigurgeirsson Og Kristján bauð sig fram til formanns, en hann hefur setið áður sem formaður óskum við honum til hamingju með þann titil.Gyða Sjöfn Njálsdóttir fráfarandi formaður gaf ekki kost á sér aftur til formennsku, þökkum við henni fyrir vel unnin störf síðastliðin 2 ár. En hún segir þó ekki skilið við starfið og gaf kost á sér til varamanns.Í vara stjórn eru þá eftirfarandi aðilar:Gyða Sjöfn NjálsdóttirBjarki Búi Ómarsson
Föstudaginn langa, þann 15. apríl 2022 ætlar Hjálparsveitin Dalbjörg að bjóða gestum að koma í heimsókn. Eins og undanfarin ár efnum við til göngu frá húsi okkar Dalborg. Gengið verður eftir útivistastígnum fína. Ýmsar vegalengdir eru í boði, frá 2,5 km til 12 km., svo að allir ættu að geta fundið eitthvað við sitt hæfi. Að göngu lokinni bjóðum við uppá stórglæsilegt vöfflukaffi.Það verður opið hús, þar sem gestir geta skoðað og fræðst um starf sveitarinnar. Gangan hefst stundvíslega kl. 10:00. Þátttökugjald í gönguna eru 1.500 kr. fyrir 13 ára og eldri og 500 kr. fyrir 6-12 ára og innifalið í því er vöfflur og drykkir að lokinni göngu. Einnig er hægt að leggja frjáls framlög inn á reikning okkar, 0302-26-012482 og kt. 530585-0349.Við hvetjum auðvitað sem flesta til að mæta, ganga, skokka eða hjóla og styðja við bakið á Dalbjargarfélögum. Hlökkum til að sjá ykkur!