Hjálparsveitin Dalbjörg

Ný stjórn Dalbjargar 2024

Fri, 24 May 2024 11:19:00 GMT

Aðalfundur var haldinn að Ytra-Gili þann 20. maí sl. Þar var boðið upp á fínustu veitingar og ný stjórn sveitarinnar kosin. Nú skipa stjórnina þeir Hreiðar Fannar Víðisson, Kristján Hermann Tryggvason, Jóhannes Jakobsson, Bjarki Búi Ómarsson og Elmar Sigurgeirsson. Þeir munu skipta með sér verkum á næsta stjórnarfundi.

Aðalfundur Hjálparsveitarinnar Dalbjargar 2024

Fri, 26 Apr 2024 22:37:00 GMT

Aðalfundur Hjálparsveitarinnar Dalbjargar 2024 verður haldinn mánudagskvöldið 20. maí, annan í hvítasunnu, kl. 20:00 á Ytra-Gili. Á dagskrá eru venjuleg aðalfundarstörf.

Athugið að framboðsfrestur til stjórnar rennur út viku fyrir aðalfund.

Veitingar verða í boði og vonumst við til að sjá sem flesta. Nýjir félagar eru boðnir velkomnir.

Kær kveðja,

Hjálparsveitin Dalbjörg

Fyrsti hittingur unglingadeildar 2023-2024

Wed, 20 Sep 2023 13:50:00 GMT

Fyrsti hittingur unglingadeildarinnar var haldinn þriðjudagskvöldið 19. september þar sem var farið í kassaklifur og farið stuttlega yfir flutning í börum. Á hittinginn mættu 15 unglingar sem tóku virkan þátt. Einnig var farið yfir starf vetrarins og fyrirhugaða ferð í Laugafell 29.-30. september næstkomandi. Á hittingnum var mikið fjör eins og sjá má á mynd hér fyrir neðan :)

Fyrsti almenni fundur vetrarins

Tue, 05 Sep 2023 20:00:00 GMT

Nú er komið að fyrsta almenna fundi vetrarins sem verður haldinn sunnudaginn 10. september nk. í Dalborg kl. 20:30.

Farið verður yfir starf vetrarins, námskeið og viðburði. Léttar veitingar í boði.

Við bjóðum nýja félaga velkomna.

Björgunarleikar og Landsþing SL

Sun, 14 May 2023 16:25:00 GMT

Björgunarleikar og Landsþing SL var haldið á Akureyri um helgina og landaði lið Dalbjargar í Björgunarleikunum, "Made in Sveitin", 3. sæti af 16 liðum! Þetta er í þriðja skiptið sem lið frá Dalbjörg kemst á pall, en Björgunarleikarnir hafa verið haldnir samhliða Landsþingi Slysavarnafélagsins Landsbjargar frá árinu 2001.

Lið Dalbjargar var skipað þeim Kristjáni reynslubolta og nýliðunum Önnu Hlín, Jóhanni, Guðrúnu, Erlu, Tryggva og Freydísi. Þau lögðu hart að sér í verkefnum sem og mútustarfsemi og buðu dómurum meðal annars upp á fyrsta flokks brodd eins og sveitafólks er siður.

Þetta er glæsilegur árangur liðsins okkar og við erum virkilega stolt af þeim. Á meðan liðið lagði mikið á sig yfir daginn sátu nokkrir aðrir félagar á Landsþinginu og sinntu annars konar málefnum hjálparsveitarinnar. Á laugardagskvöldið var árshátíð Slysavarnafélagsins Landsbjargar haldin á glæsilegan hátt í Íþróttahöllinni og skemmtu 23 meðlimir sveitarinnar sér vel við dans og söng.

Fleiri myndir og efni frá helginni má sjá á Facebook og Instagram reikningum Dalbjargar - sjá einnig #bleikar23.

Aðalfundur Dalbjargar 2023

Fri, 05 May 2023 21:52:00 GMT

Aðalfundur Dalbjargar var haldin sunnudagskvöldið 30. apríl á Ytra-Gili hjá þeim eðalhjónum Sigurgeir og Bylgju.

Á fundinum var farið yfir venjuleg aðalfundarstörf, s.s. skýrslu stjórnar, skoðun reikninga, framboð til stjórnar, fullgilda félaga frá síðasta aðalfundi og nýliða ásamt fleiru. Sigurgeir Hreinsson var fundarstjóri og Bjarney Guðbjörnsdóttir fundarritari.

Kosið var um 3 aðila í stjórn og komu 3 framboð þannig það má segja að þeir aðilar hafi verið sjálfkjörnir.
Eftirfarandi aðilar gáfu kost á sér til stjórnarsetu:

Elmar Sigurgeirsson
Hreiðar Fannar Víðisson
Víðir Sveinn Ágústsson

Einnig var kosið til gjaldkera og gaf Jóhannes Jakobsson kost á sér, en hann hefur sinnt gjaldkerastarfinu í nokkurn tíma. Ekki bárust fleiri framboð svo Jóhannes var kosinn gjaldkeri Dalbjargar.

Í vara stjórn eru þá eftirfarandi aðilar:

Bjarki Búi Ómarsson
Gyða Sjöfn Njálsdóttir

Aðalfundur Dalbjargar 2022

Mon, 02 May 2022 06:59:00 GMT

Aðalfundur Dalbjargar var haldin sunnudagskvöldið 1. maí kl. 20 á Brúnir Horse.

Á fundinum var farið yfir venjuleg aðalfundarstörf, s.s. skýrslu stjórnar, skoðun reikninga, framboð til stjórnar, fullgilda félaga frá síðasta aðalfundi og nýliða ásamt fleiru. Ragnar Jónsson var fundarstjóri og Bjarney Guðbjörnsdóttir fundarritari.

Kosið var um 4 aðila í stjórn og komu 4 framboð þannig það má segja að þeir aðilar hafi verið sjálfkjörnir.
Eftirfarandi aðilar gáfu kost á sér stjórnarsetu:

Kristján Hermann Tryggvason
Víðir Sveinn Ágústsson
Hreiðar Fannar Víðisson

Elmar Sigurgeirsson

Og Kristján bauð sig fram til formanns, en hann hefur setið áður sem formaður óskum við honum til hamingju með þann titil.

Gyða Sjöfn Njálsdóttir fráfarandi formaður gaf ekki kost á sér aftur til formennsku, þökkum við henni fyrir vel unnin störf síðastliðin 2 ár. En hún segir þó ekki skilið við starfið og gaf kost á sér til varamanns.

Í vara stjórn eru þá eftirfarandi aðilar:

Gyða Sjöfn Njálsdóttir
Bjarki Búi Ómarsson

Páskaganga og vöfflukaffi

Thu, 14 Apr 2022 17:01:00 GMT

Föstudaginn langa, þann 15. apríl 2022 ætlar Hjálparsveitin Dalbjörg að bjóða gestum að koma í heimsókn. Eins og undanfarin ár efnum við til göngu frá húsi okkar Dalborg. Gengið verður eftir útivistastígnum fína. Ýmsar vegalengdir eru í boði, frá 2,5 km til 12 km., svo að allir ættu að geta fundið eitthvað við sitt hæfi. Að göngu lokinni bjóðum við uppá stórglæsilegt vöfflukaffi.

Það verður opið hús, þar sem gestir geta skoðað og fræðst um starf sveitarinnar. Gangan hefst stundvíslega kl. 10:00. Þátttökugjald í gönguna eru 1.500 kr. fyrir 13 ára og eldri og 500 kr. fyrir 6-12 ára og innifalið í því er vöfflur og drykkir að lokinni göngu. Einnig er hægt að leggja frjáls framlög inn á reikning okkar, 0302-26-012482 og kt. 530585-0349.

Við hvetjum auðvitað sem flesta til að mæta, ganga, skokka eða hjóla og styðja við bakið á Dalbjargarfélögum.

Hlökkum til að sjá ykkur!

Aðalfundur Dalbjargar 2022

Thu, 14 Apr 2022 16:40:00 GMT

Aðalfundur Hjálparsveitarinnar Dalbjargar 2022 verður haldinn sunnudaginn 1. maí, kl. 20:00 í Dalborg. Á dagskrá eru venjuleg aðalfundarstörf. Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.

Uppstillingarnefnd minnir á að framboð til stjórnar þurfa að berast í síðasta lagi viku fyrir aðalfund samkvæmt lögum Hjálparsveitarinnar Dalbjargar.

Hafi félagar áhuga á því að bjóða sig fram í stjórn skal hafa samband við uppstillingarnefnd, Ólaf Inga Sigurðsson eða Davíð Almar Víðisson, í síðasta lagi sunnudaginn 24. apríl.

Flugeldasala 2021

Wed, 29 Dec 2021 17:13:00 GMT

Gleðilega hátíð kæru vinir og velunnarar.

Flugeldasalan hjá okkur er hafin í Hrafnagilsskóla, við erum staðsett í hjartanu.

Opnunartímar eru eftirfarandi:

29. Des 10-22

30. Des 10-22

31. Des 9-16

Einnig viljum við benda á netsöluna okkar, en þar er hægt að velja og greiða fyrir vörurnar, við tökum þær til og þú kemur sækir þær.

Netslóðin er Dalbjörg Flugeldamarkaður – Hjálparsveitin Dalbjörg (flugeldar.is)

Fyrir þá kjósa að styrkja okkur á alveg snertilausan máta þá setjum við hér með í fréttinni kennitölu og bankareikning þá sem vilja leggja beint inn á okkar reikning.

Kt. 530585-0349

Reiknr. 0302-26-012482

Við vonumst til að sjá sem flesta sveitunga okkar og þökkum jafnframt fyrir alla styrki og velhug á árinu.

Vikulegur á morgun!

Tue, 19 Oct 2021 20:19:00 GMT

Vikulegir hittingar þettta haustið byrja af krafti, á morgun miðvikudaginn 20.okt verður einmitt fyrsti hittingur.

Landsæfing 2. október

Sun, 19 Sep 2021 21:01:00 GMT

Landsæfing verður haldin í Reykjavík þann 2. október næstkomandi.
Við ætlum að sjálfsögðu að taka þátt og eru áhugasamir félagar beðnir um að hafa samband við Ólaf Inga (S: 861-9414).

Meira síðar.

Aðalfundur Dalbjargar 2021

Sun, 06 Jun 2021 20:13:00 GMT

Aðalfundur Hjálparsveitarinnar Dalbjargar 2021 verður haldinn miðvikudagskvöldið 9.júní kl. 19:30.

Hann verður að þessu sinni haldinn í Dalborg. Á dagskrá eru venjuleg aðalfundarstörf. Veitingar verða í boði og vonumst við til að sjá sem flesta.

Nýir félagar eru boðnir velkomnir.

Kveðja stjórnin.

Neyðarkall 2021

Wed, 03 Feb 2021 20:18:00 GMT

Árlegri neyðarkallasölu var frestað í nóvember en nú látum við slag standa! Við leggjum af stað með Neyðarkall 2020 núna 4.-7. febrúar. Vopnuð grímum, hönskum, spritti, hæfilegri fjarlægð og góða skapinu keyrum við galvösk um sveit og þorp með kallinn og hundinn hans. Kallinn kostar 2.500 kr. og hver króna skiptir gríðarlegu máli fyrir litla sveit.

Hvetjum alla til að versla við sína heimasveit þar sem ágóðinn rennur til þeirrar sveitar sem selur, en ekki í heildarsjóð Landsbjargar. Með von um góðar móttökur úr hæfilegri fjarlægð.

Hjálparsveitin Dalbjörg

Dalbjargarblað og flugeldar!

Wed, 23 Dec 2020 15:13:00 GMT

Dalbjargarblaðið er komið út og flugeldavertíðin að hefjast. Blaðið sjálft má sjá með því að smella hér , en einnig verður því dreift í alla póstkassa sveitarinnar eins og venjan er.

Flugeldasalan okkar hefst í Hrafnagilsskóla á milli jóla og nýárs. Þá verður einnig opin vefverslun á https://dalbjorg.flugeldar.is/ . Nánar má fræðast um fyrirkomulag flugeldasölunnar og auðvitað opnunartíma á miðjuopnunni í blaðinu okkar.

Við óskum sveitungum og landsmönnum öllum gleðilegra jóla og hamingjuríks nýs árs. Takk fyrir stuðninginn í gegnum tíðina.

Ný stjórn kosin hjá Hjálparsveitinni Dalbjörg

Thu, 16 Jul 2020 18:23:00 GMT

Á aðalfundi sveitarinnar, þann 13. júní, var kosið til nýrrar stjórnar.

Stjórnin er skipuð eftirfarandi;

Gyða Sjöfn Njálsdóttir, formaður.

Hreiðar Fannar Víðisson, varaformaður.

Jóhannes Jakobsson, gjaldkeri.

Snædís Lind Péturssdóttir, ritari.

Bjarki Jóhannsson, meðstjórnandi.

Það á ekki enn í dag að þykja til tíðinda en fyrir heimildaskráningu er Gyða Sjöfn fyrsti kvenkyns formaður sveitarinnar.

Aðalfundur Hjálparsveitarinnar Dalbjörg 2020

Fri, 29 May 2020 00:04:00 GMT

Aðalfundur Hjálparsveitarinnar Dalbjörg 2020 verður haldin laugardags kvöldið 13.júní kl.19:30. Hann verður að þessu sinni haldinn á Kaffi Kú.

Á dagskrá eru venjuleg aðalfundarstörf. Veitingar verða í boði og vonumst við til að sjá sem flesta.
Nýjir félagar eru boðnir velkomnir.

Frá uppstillingarnefnd.

Uppstillingarnefnd minnir á að framboð til stjórnar þurfa að berast í síðasta lagi viku fyrir aðalfund
samkvæmt lögum Hjálparsveitarinnar Dalbjörg.
Hafi félagar áhuga á því að bjóða sig fram í stjórn skal hafa samband við uppstillingarnefnd fyrir klukkan
20:30, laugardaginn 6 júní.
Í uppstillingarnefnd sitja, Ragnar Jónsson, Jófríður Stefánsdóttir og Davíð Almar Víðisson.

Flugeldavaktir 2019

Wed, 25 Dec 2019 12:35:00 GMT

Nú er komið að flugeldasölunni okkar og hér er vaktafyrirkomulagið.

Gleðileg jól

Fri, 20 Dec 2019 19:36:00 GMT

Hjálparsveitin Dalbjörg óskar sveitungum og landsmönnum öllum gleðilegra jóla og þakkar fyrir allt gamalt og gott. Það er ómetanlegt að eiga sveitunga og velunnara að þegar reynir á eins og undanfarna daga.

Blaðið okkar kemur út á næstu dögum og verður dreift í hús á milli jóla og nýárs.

Jólakveðjur

Hjálparsveitin Dalbjörg.

Litlu jól Dalbjargar

Sat, 23 Nov 2019 10:10:00 GMT

Litlu jól Dalbjargar verða haldin föstudagskvöldið 6. des á Lambinn, Öngulstöðum. Húsið opnar kl. 19 og hefst borðhald kl. 19:30. Þar sem að Karl Jónsson hótelstjóri sá sér ekki fært að mæta fékk hann Kristínu Kolbeins hjá Silvu til að reiða fram glæsilegt jólahlaðborð að Eyfirskum sið. Ekki er þörf að mæta með með pakka því það verður EKKI pakkaleikur þetta árið. En margt annað bráðsekmmtilegt í staðinn!

Vinsamlegast skráið mætingu í síma 863-1271, Bjarney fyrir 3.des

Rafhlöður og Neyðarkallinn

Tue, 29 Oct 2019 13:27:00 GMT

Hin árlega reykskynjarayfirferð Hjálparsveitarinnar Dalbjargar verður farin helgina 31. október - 3. nóvember. Þetta verður með svipuðu sniði og undanfarin ár, en félagar Dalbjargar munu fara í öll hús í sveitinni og selja rafhlöður fyrir reykskynjara á kostnaðarverði. Auk þess verðum við með reykskynjara til sölu og veitum ráðgjöf um eldvarnir.

Við viljum minna á að ráðlagt er að skipta árlega um rafhlöður í reykskynjurum, sem og að skipta út gömlum búnaði, en reykskynjarar og önnur eldvarnatæki hafa einungis ákveðinn líftíma. Nú þegar jólin nálgast með jólaljósum og kertum er góður tími til að taka til hendinni í þessum málum.

Samhliða yfirferðinni munum við hafa Neyðarkallinn til sölu. Sala á honum er góð fjáröflun fyrir hjálparsveitina og því vonumst við eftir góðum móttökum eins og undanfarin ár.

Skráning á vaktir:

Fimmtudagur 31. okt.

Austan ár 18 - 22: Ólafur Ingi og Bjarki

Hrafnagilshverfi 18 - 22 :

Föstudagur 1. nóv.

Austan ár 18 - 22: Bjarki og Sigríður

Vestan ár 18 - 22: Ísak og Tristan

Laugardagur 2. nóv.

Austan 10 - 14: Snædís og Bubbi

Vestan 10 - 14:

Austan 14 - 18:

Vestan 14 - 18:

Sunnudagur 3. nóv. eftir þörfum.

Björgunarsveitarstörf - eitthvað fyrir þig?

Thu, 29 Aug 2019 11:15:00 GMT

Fyrsti fundur vetrarins verður sunnudaginn 1. september kl. 20:30 í Dalborg.

Allir 17 ára og eldri velkomnir - hlökkum til að sjá ykkur!

Hjálparsveitin Dalbjörg

Handverkshátíð

Wed, 07 Aug 2019 10:16:00 GMT

Nú er komið að mestu skemmtun ársins, Handverkshátíðinni!

Uppsetning hófst á þriðjudag og hefst síðan aftur kl. 10:00 á miðvikudag. Skráning er hjá Bubba í síma 8650129 eða á facebook.

Okkur vantar einnig fólk í gæslu á hátíðinni, það er sjúkragæsla, bílastæðavarsla og svo mannskap í að tæma rusl og almennt eftirlit. Hátíðin er opin frá kl. 11:00 til 18:00 og við skiptum vöktum vaktir í tvennt eða eftir hentugleika skráning hjá Stefáni 867 8530, eða á facebook.

Á fimmtudagskvöld verður grillveisla að venju og þar vantar einnig fólk, frá kl. 17:00 og fram eftir kvöldi. Skráning hjá Bubba eða á facebook.

Svo tökum við niður á sunnudag, byrjum c.a. 16:00 í rólegheitum og tökum spjall, hitum okkur upp og pökkum svo hátíðinni niður á núllníu eins og alltaf.

Það er einlæg ósk okkar að þið skráið ykkur hér eða hjá viðkomandi.

Kveðja

Stjórn og handverksgúbbar

Handverkshátíð

Mon, 08 Jul 2019 08:05:00 GMT

Nú er okkar stærsta fjáröflun handverkshátíð á næsta leyti. Við þurfum allar hendur af stað í mörg verkefni. Hér koma dagsetningar og tími á undirbúningi

Einnig þarf að sækja miðasöluhúsið og veitingaskála. Boðað verður í það þegar búið er að ákveða tíma.

Endilega skrá sig á facebook eða hafa samband við Bubba í síma 8650129.

Kveðja, stjórnin.

Made in sveitin á palli!

Mon, 20 May 2019 21:28:00 GMT

Made in sveitin, sex manna lið Hjálparsveitarinnar Dalbjargar, náði á pall á Björgunarleikunum sem haldnir voru um liðna helgi samhliða Landsþingi og árshátíð Slysavarnafélagsins Landsbjargar. Herlegheitin voru haldin á Egilsstöðum í afar góðu veðri.

Fjölskyldudagurinn 1. maí

Tue, 30 Apr 2019 10:05:00 GMT

Fjölskyldudagurinn verður haldinn á Lágheiði að þessu sinni. Farið verður úr Dalborg kl. 10:00 stundvíslega og verða sleðarnir að sjálfsögðu með í för.

Að venju verða grillaðar pylsur og fleira og því er gott að fá skráningu. Það má skrá sig á facebook eða hjá Hreiðari.

Við hvetjum alla til að mæta með sleða, þotur, skíði eða hvað sem er - þetta stefnir í svaka fjör!

Ný stjórn Dalbjargar

Tue, 30 Apr 2019 10:01:00 GMT

Á aðalfundi sveitarinnar í síðustu viku var kosið til nýrrar stjórnar. Stjórnin er nú skipuð svo:

Kristján Hermann Tryggvason, formaður

Eiður Jónsson, varaformaður

Jóhannes Jakobsson, gjaldkeri

Hreiðar Fannar Víðisson, ritari

Ingvar Þröstur Ingólfsson, meðstjórnandi.

Aðalfundur Hjálparsveitarinnar Dalbjörg 2019

Tue, 09 Apr 2019 19:52:00 GMT

Aðalfundur Hjálparsveitarinnar Dalbjargar 2019 verður haldinn fimmtudagskvöldið 25. apríl, sumardaginn fyrsta, kl. 20:30 í Dalborg. Á dagskrá eru venjuleg aðalfundarstörf. Kaffiveitingar verða í boði og vonumst við til að sjá sem flesta.

Nýjir félagar eru boðnir velkomnir.

Frá uppstillingarnefnd.

Uppstillingarnefnd minnir á að framboð til stjórnar þurfa að berast í síðasta lagi viku fyrir aðalfund samkvæmt lögum Hjálparsveitarinnar Dalbjörg.

Hafi félagar áhuga á því að bjóða sig fram í stjórn skal hafa samband við uppstillingarnefnd fyrir klukkan 20:30, fimmtudaginn 18. apríl.

Í uppstillingarnefnd sitja, Ragnar Jónsson, Jófríður Stefánsdóttir og Davíð Almar Víðisson.

Útköll að undanförnu

Sun, 07 Apr 2019 19:07:00 GMT

Veikur ferðamaður sóttur í Laugafell.

Að morgni föstudagsins 15. mars var óskað eftir því að sveitin myndi sækja veikan ferðamann í Laugafell. Farið var á tveim bílum sveitarinnar uppúr Skagafirði. Fjórir félagar fóru af stað í þetta verkefni, gekk vel og komu heim um kvöldið.

Vélsleðaslys, Flateyjardal.

Laugardaginn 30. mars varð vélsleðaslys á Flateyjardal, einn slasaður. Kallaðar voru út sveitir á svæði 11 og 12. Þessa helgi var tækjamót fyrir austan og einhver björgunartæki því þar í æfingum. Tveir félagar sveitarinnar fóru af stað á einkabíl og einn félagi var í svæðisstjórn. Hratt og vel gekk að koma manninum að sjúkrabíl með jeppum. Þyrla Landhelgisgæslunnar tók einnig þátt í aðgerðinni.

Týndur gönguskíðamaður á hálendi austan Eyjafjarðar.

Þriðjudagsmorguninn 2. apríl klukkan 06:30 var kallað út á svæði 11 vegna gönguskíðamanns sem var týndur á hálendi austan Eyjafjarðar. Sveitin fór af stað með tvo gönguhópa ásamt bílstjórum, tvo sleða og svo var einn í svæðisstjórn. Gönguhópum var skutlað inn á Garðsárdal þar sem stefnan var sett upp á Staðarbyggðarfjallið. Eftir að samband náðist við manninn voru gönguhópar kallaðir til baka og ákveðið að sleðahópur héldi ferð sinni áfram, alla leið til mannsins.

Útkall - Snjóflóð

Fri, 15 Mar 2019 16:06:00 GMT

Tveir skíðamenn sentu út neyðarboð laust fyrir klukkan 18:00 þann 13. mars.

Fimm félagar lögðu af stað úr Dalborg á tveim bílum um sexleytið. Einn var þó skilinn eftir á leið frameftir þar sem fyrst var talið að neyðarboðið væri úr bíl og mögulega þyrfti að hafa pláss fyrir nokkra farþega til baka.

Fljótlega varð þó ljóst að um skíðagöngumenn var að ræða og höfðu þeir lent í snjóflóði en komist óhultir upp úr því. Bílar sveitarinnar komust ekki lengra þegar um 1,5km var í punktinn þar sem talið var að mennirnir væru. Ákveðið var að kalla út tvo sleða Dalbjargar sem og senda tvo menn, sem voru vel búnir og með snjóflóðabúnað, gangandi síðasta spölinn. Eftir um 1,3km göngu fundust mennirnir en voru þá hinu megin við Eyjafjarðarána. Veður fór versnandi og ekki þótti öruggt að vaða yfir ána. Kallað var eftir frekari búnaði með sleðunum svo það væri hægt og ákveðið að bíða. Loks þegar sleðarnir komu var veðrið orðið mjög leiðinlegt og skyggni lítið. Rösklega gekk þó að ná mönnunum örugglega yfir ána og var þeim skutlað á sleðunum í bílana. Þeir voru nokkuð brattir en þakklátir fyrir aðstoðina.

Óhætt er að segja að útkallið hafi þróast í allt aðra átt en reiknað var með í upphafi og sýnir okkur hversu mikilvægt er að fara alltaf vel búin af stað í útköll, þá sérstaklega að veturlagi.

Útkall - Dalsmynni

Mon, 07 Jan 2019 18:01:00 GMT

Þann 30.12 síðastliðinn klukkan 13:40 var sveitin kölluð út. Óskað var eftir fjallabjörgunarmönnum til að aðstoða við að koma tveimur slösuðum konum niður af fjalli við Dalsmynni. Framundan var gífurlega erfitt fjallabjörgunarverkefni.

Fjórir félagar með reynslu og menntun í fjallabjörgun héldu af stað ásamt bílstjóra. Þyrla Landhelgisgæslunnar ásamt björgunarsveitum kom fljótlega annarri konunni niður af fjallinu. Setja þurfti upp tryggingar niður alla fjallshlíðina til að flytja hina konuna, tryggða í línu, að sjúkrabíl. Aðgerðin var stór og krefjandi en gekk vel. Eftir að settar höfðu verið upp tryggingar tók 2klst að flytja konuna niður.

Verkefnið leystist og var okkar fólk komið aftur í Dalborg um klukkan 20:00.

Þrettándasala Dalbjargar

Thu, 03 Jan 2019 21:49:00 GMT

Gleðilegt nýtt ár kæru landsmenn og þökk fyrir veittan stuðning á síðastliðnu ári.

Eins og hefð hefur verið fyrir síðustu ár munum við Dalbjargar fólk vera með flugeldasölu fyrir þrettándann.

Laugardaginn næsta, þ.e. 5. janúar á milli kl. 19 og 21 verðum við í Dalborg og tökum á móti gestum og gangandi sem vilja klára jólin með stæl og sprengja upp á þrettándanum.

Við verðum með heitt á könnunni og posi verður á staðnum.

Vaktir í flugeldasölu 2018

Sat, 22 Dec 2018 18:31:00 GMT

Nú er komið að flugeldasölunni okkar og hér er vaktafyrirkomulagið. 27. desember, fimmtudagur Mæting kl. 19:30 í Dalborg. - Setjum upp staðinn, komum skiltum fyrir o.þ.h. Bjarney, Halli, Óli Sig, Ísak, Ágúst, Bjarki, Davíð, Ragnar Ágúst, Tristan, Hreiðar, Snorri Már 28. desember, föstudagur Mæting kl. 8:50 fram að hádegi ca. á sölustað - Bera inn alla flugeldana okkar og ferja gamla lagerinn. Bjarney, Halli, Ísak, Eiður, Ólafur Ingi, Ágúst, Bjarki, Davíð, Tristan, Hreiðar, Raggi, Ragnar Ágúst Kl. 13-16 Óli Sig, Ísak Kl. 16-22 Ísak Næturvakt kl. 22-10 Valdemar og Þór 29. desember, laugardagur Kl. 10-16 Óli Sig, Ísak Kl. 16-22 Ágúst, Ólafur Ingi Næturvakt kl. 22-10 Davíð og Ragnar Ágúst 30. desember, sunnudagur Kl. 10-16 Óli Sig, Ágúst, Hreiðar, Gulla e. Hádegi Kl. 16-22 Raggi, Jóhann, Bjarney Næturvakt kl. 22-10 Kristinn Örn 31. desember, mánudagur Kl. 9-16 Raggi, Bjarney, Halli, Óli Sig, Eiður, Ólafur Ingi, Bjarki, Tristan, Hreiðar, Snorri Már, Ísak, (Friðrik, Gulla, Jakob, Bubbi e. Kl. 12) (Hér mega allir koma, mikið að gera og allir gera gagn!) Frágangur, Eftir kl. 16 Sigmar, Gulla, Jabob, Ingi, Ágúst, Kristinn Örn (Hér mega algjörlega allir mæta og hjálpa til!)

Flugeldar og Dalbjargarblað!

Thu, 20 Dec 2018 10:42:00 GMT

Nú styttist í útgáfu Dalbjargarblaðsins 2018!

Blaðið er nýkomið úr prentun og verður dreift á næstu dögum. Að venju inniheldur blaðið okkar skemmtilegar og fræðandi frásagnir um starfið okkar ásamt fjölmörgum myndum af ýmsum vettvangi.

Næst á dagskrá er flugeldasalan okkar sem hefst þann 28. desember í Hrafnagilsskóla. Hér að neðan má sjá opnunartíma flugeldasölunnar - að sjálfsögðu vonumst við eftir að sjá ykkur sem flest!

28. desember kl. 13:00-22:00

29. desember kl. 10:00-22:00

30. desember kl. 10:00-22:00

31. desember kl. 09:00-16:00

5. janúar kl. 19:00-21:00

Flugeldasíminn er 8631271.

Aðstoðarbeiðni

Tue, 30 Oct 2018 22:38:00 GMT

Laugardaginn 27. október hafði rjúpnaskytta samband við sveitina og bað um aðstoð við að losa bíl sinn. Bíllinn var í sjálfheldu í hliðarhalla. Fjórir félagar fóru til aðstoðar á einum bíl sveitarinnar. Verkefnið var leyst fljótt og veður gott.

Þá er rétt að segja í leiðinni frá því að þann 16. september fékk sveitin útkall vegna fjórhjólaslys við Kiðagil. Tíu félagar mættu í hús og biðu frekari fyrirmæla en ekki reyndist þörf á okkar mannsskap.

Neyðarkallinn og rafhlöður

Tue, 30 Oct 2018 14:07:00 GMT

Hér eru vaktir fyrir helgina - hafið samband við Sunnu til að skrá ykkur.

Fimmtudagur

18-22

Að vestan: Ólafur Ingi og Bjarki

Að austan: Sunna

Hverfið: Gulla og Jakob

Föstudagur

18-22

Að vestan: Eydís og Friðrik

Að austan:Tristan og Ísak

L augardagur

10-14

Að vestan:

Að austan:

14-18

Að vestan:

Að austan:Bubbi og Snædís

Sunnudagur

10-14

Að vestan: Ragnar og Bjarney

Að austan: Eiður og Erna

14-18

Að vestan: Davíð og Ágúst

Að austan:

Útköll að undanförnu

Thu, 13 Sep 2018 21:07:00 GMT

1. júní

Flugatvik í Kinnafjöllum. Þrír menn fóru frá Dalbjörg í útkallið. Tveir á sleðum og einn á jeppa. Útkallið var þó afturkallað áður en okkar fólk kom á staðinn. Verkefni lokið.

4. júní

Þennan dag um klukkan 10:30 var sveitin kölluð út, ásamt Súlum á Akureyri, til að sækja slasaðan einstakling á hálendið. Sex félagar fóru af stað á tveimur jeppum og sleðabíl með tveimur sleðum. Ekki var hægt að komast með góðu móti að fólkinu nema á sleðum en björgunarlið þurfti að koma sleðunum á bíl upp Vatnahjallann. Allt gekk þetta vel og var björgunarlið komið heim um klukkan 17.

18. júní

Sveitin kölluð út til að hefja eftirgrennslan eftir konu á Glerárdal. Fimm manna gönguhópur leggur af stað úr húsi. Málið leystist áður en gönguhópar voru komnir af stað inn dalinn.

23. júní

F1, neyðarboð berst frá neyðarsendi í flugvél. Sex félagar frá Dalbjörg drifu sig af stað á tveimur bílum. Ekki reyndist hætta á ferðum.

8. júlí

Sveitinni barst útkall vegna fólksbíls sem var fastur á leið fram Eyjafjarðardalinn. Tveir voru um borð í bílnum. Tveir félagar lögðu af stað til að bjarga mönnunum en var þeim snúið við þar sem mennirnir höfðu fengið far með vel búnum bíl til byggða.

6. september

Hjálparsveitinni barst útkall þar sem hestakona hafði fallið af baki og slasast í Hraunárdal sem gengur inn af Sölvadal. Fóru sex meðlimir sveitarinnar ásamt tveimur sjúkraflutningamönnum á tveimur bílum sveitarinnar. Konan náði að hafa sig aftur á bak og kom til móts við björgunarmenn. Um tveimur tímum síðar, þegar hlúið hafði verið að konunni, var hún flutt með sjúkrabíl til byggða þar sem hún fór til frekari skoðunar.

Fjölskyldudagur 1. maí.

Sat, 28 Apr 2018 22:17:00 GMT

Fjölskyldudagur Dalbjargar verður haldinn þriðjudaginn 1. maí á Lágheiðinni .Við ætlum að hittast kl. 10 við Shell og vera komin út í Lágheiði um klukkan 11. Þar ætlum við að leika okkur í snjónum en Bubbi formaður fór nýlega í vettvangsferð og er færið ljómandi gott. Í hádeginu verður grillað að venju.

Hlökkum til að sjá ykkur öll og ykkar fólk.

Ný stjórn Dalbjargar 2018

Fri, 20 Apr 2018 21:20:00 GMT

Ný stjórn var kosin á aðalfundi sveitarinnar 19. apríl.

Í stjórninni sitja nú:

Kristján Hermann Tryggvason, formaður

Jóhannes Jakobsson, gjaldkeri

Ólafur Ingi Sigurðsson

Hreiðar Fannar Víðisson

Friðrik Karlsson

Ný stjórn hefur enn ekki skipt með sér verkum en gerir það á allra næstu dögum.

Fráfarandi stjórnarmeðlimir, Sunna Axelsdóttir, Ingvar Þ. Ingólfsson og Stefán Magnús Jónsson viljum við þakka þeim kærlega fyrir vel unnin störf síðustu ár.

Sumardagurinn fyrsti og Fjölskyldudagur

Tue, 17 Apr 2018 11:01:00 GMT

Fjölskyldudagur Dalbjargar verður haldinn þriðjudaginn 1. maí á Víkurskarði. Þar ætlum við að hittast eins og oft áður um kl. 10, leika okkur í snjónum fram eftir degi og grilla pylsur í boði Dalbjargar.

Sumardaginn fyrsta verður aðalfundurinn okkar haldinn kl. 20:30 í Dalborg. Að deginum ætla nokkrir vaskir félagar að fara með tækin okkar á sumarhátíð Funa á Melgerðismelum eins og við höfum gert síðustu ár. Við hvetjum auðvitað alla til að mæta á hátíðina.

Útköll og aðstoðarbeiðnir

Mon, 16 Apr 2018 22:02:00 GMT

Lítið hefur verið um útköll og aðstoðarbeiðnir að undanförnu sem er afar gott.

Upp úr hádegi þann 13. febrúar barst útkall á allt svæði 11 vegna tveggja gönguskíðamanna sem lentu í vandræðum upp á hálendi. Þeir voru fluttir í burtu með þyrlu landhelgisgæslunnar þaðan sem þeir fundust, austur af Hofsjökli. Níu félagar Dalbjargar tóku þátt í þessu verkefni.

Það var svo að kvöldi 22. febrúar þegar næsta útkall barst, leit innanbæjar. Átta Dalbjargar félagar leituðu þar til einstaklingurinn fannst heill á húfi nokkrum tímum síðar. Tveir félagar voru í svæðisstjórn.

Þann 20. mars var sveitin beðin um að aðstoða tvo erlenda ferðamenn á einkabíl en þeir höfðu fest sig inn á Eyjafjarðardal. Sex félagar fóru á tveimur bílum og leystu verkefnið hratt og örugglega.

Þessu til viðbótar höfum við haldið okkur við með æfingum, aðallega á tækjunum okkar, til að vera til þegar næsta kall kemur.

Framboð til stjórnar 2018

Thu, 12 Apr 2018 13:27:00 GMT

Uppstillilngarnefnd kynnir framboð til stjórnar Hjálparsveitarinnar Dalbjargar 2018.

Í framboði til almennrar stjórnarsetu eru eftirtaldir:

Í framboði til formanns er:

Gjaldkeri er ekki í kjöri í ár.

Athugið að frestur til framboðs er liðinn.

Uppstillingarnefnd.

Hálendisferð 13.-15. apríl

Sun, 08 Apr 2018 21:51:00 GMT

Nú hefur verið ákveðið að fara saman í jeppaferð 13.-15. apríl.

Lagt verður af stað kl. 18 á föstudeginum og miðað er við að gista í Laugafelli.

Áhugasamir skrái sig hjá Eiði, sími 8615537.

Frá uppstillingarnefnd

Sun, 08 Apr 2018 19:46:00 GMT

Uppstillingarnefnd minnir á að framboð til stjórnar þurfa að berast í síðasta lagi viku fyrir aðalfund samkvæmt lögum Hjálparsveitarinnar Dalbjargar.

Hafi félagar áhuga á því að bjóða sig fram í stjórn skal hafa samband við uppstillingarnefnd, Ragnar Jónsson, Jófríði eða Davíð Almar, í síðasta lagi miðvikudaginn 11. apríl.

Aðalfundur Hjálparsveitarinnar Dalbjargar 2018

Mon, 02 Apr 2018 20:11:00 GMT

Aðalfundur Hjálparsveitarinnar Dalbjargar 2018 verður haldinn fimmtudagskvöldið 19. apríl, sumardaginn fyrsta, kl. 20:30 í Dalborg. Á dagskrá eru venjuleg aðalfundarstörf. Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.

Útkall - Óveðursaðstoð

Sun, 04 Feb 2018 14:09:00 GMT

Útkall barst rétt fyrir 9 í morgun, 4. febrúar. Þak að losna í Leyningi.

Sex félagar frá Dalbjörgu voru mætt á staðinn um klukkan 9:30 ásamt Inga og Jóa sem sinntu svæðisstjórn.

Mjög hvasst var á svæðinu og var tvísýnt í fyrstu hvort vit væri að senda menn upp á þak. Þó var fljótlega ákveðið að ganga hratt og skipulega til verks áður en þakið færi meira af stað. Settar voru upp línur til trygginga og stigar lagðir upp á þak. Tveir hjálparsveitarmenn fóru upp á þak búnir hömrum og nöglum. Hægt var að festa plöturnar niður á skömmum tíma.

Verkefninu var lokið 10:30.

90 ára afmæli Slysavarnafélagsins Landsbjargar

Sun, 28 Jan 2018 14:11:00 GMT

90 ár eru liðin frá stofnun Slysavarnafélags Íslands en stofnun þess markaði upphaf skipulagðs björgunar- og slysavarnastarfs á Íslandi.

Afmælisdagurinn sjálfur er 29. janúar og haldin verður veisla hjá öllum einingum félagsins að kvöldi hans.

Í Dalborg opnar húsið rétt fyrir klukkan 20:00. Á dagskrá eru léttar veitingar og bein útsending frá stjórnarfundi.

Fyrrum félagar eru sérstaklega velkomnir ásamt núverandi félögum, fjölskyldum og öðrum velunnurum.

Sjáumst í Dalborg, annað kvöld klukkan 20:00.

Útkall - Verðmætabjörgun í Hörgárdal

Sun, 28 Jan 2018 13:22:00 GMT

Hjálparsveitin var kölluð út klukkan rúmlega 8 að morgni 27. janúar.

Flutningabíll hafði oltið í Hörgárdal og timbur og matvara dreifst um töluvert svæði. Verkefni sveitarinnar var verðmætabjörgun. Björgunarfólk frá Dalbjörg var níu talsins en auk þeirra voru á staðnum fjórir frá björgunarsveitinni Súlur, á Akureyri.

Verkefninu var lokið um klukkan 15.

Flugeldavaktir 2017

Sun, 24 Dec 2017 13:34:00 GMT

Nú er komið að flugeldasölunni okkar og hér er vaktafyrirkomulagið. 27. desember, miðvikudagur Mæting kl. 19:30 í Dalborg. - Setjum upp staðinn, komum skiltum fyrir o.þ.h. Davíð, Bjarney, Ragnar, Andri Björn, Halli, Freydís, Kristinn, Jófríður, Friðrik, Ingvi, Ísak, Tristan, Þór, Íris, Eiður, Ólafur Sig, Kató 28. desember, fimmtudagur Mæting kl. 8:30 fram að hádegi ca. á sölustað - Bera inn alla flugeldana okkar og ferja gamla lagerinn. Bjarney, Halli, Andri Björn, Freydís, Víðir, Ingvi, Valdemar, Ísak, Ólafur Ingi, Íris, Kató Kl. 13-16 Íris Kl. 16-22 Jófríður, Íris til kl. 18 ca Næturvakt kl. 22-10 Davíð, Tristan og Valdemar 29. desember, föstudagur Kl. 10-16 Jófríður, Ólína, Halli Kl. 16-22 Íris, Halli, Freydís, Ólafur Sig, Bjarki eftir kl. 17 Næturvakt kl. 22-10 Kristinn og Sigmar 30. desember, laugardagur Kl. 10-16 Ólína, Ólafur Sig, Bjarney Kl. 16-22 Ólafur Ingi, Bjarney, Halli, Ólafur Sig, Freydís Næturvakt kl. 22-10 Davíð og Þór 31. desember, sunnudagur Kl. 9-16 Davíð, Bjarney, Ragnar, Halli, Freydís, Friðrik, Ingvi, Eiður, Ólafur Sig, Ólafur Ingi, Bjarki, Kató, Simmi (9-15) (Hér mega allir koma, mikið að gera og allir gera gagn!) Frágangur, Eftir kl. 16 Þór, Ólína (Hér mega algjörlega allir mæta og hjálpa til!)

Litlu-jól Dalbjargar 2017

Sat, 25 Nov 2017 16:59:00 GMT

Litlu-jólin í ár verða föstudaginn 1. desember. Þau verða í Funaborg með okkar hefðbundna sniði. Húsið opnar kl. 19:30 og veislan hefst kl. 20:00.

Nefndin mun reiða fram dýrindis veitingar og margt verður gert til skemmtunar - þetta er eitthvað sem þið viljið ekki missa af :) Skráning hér við fréttina eða í athugasemdum á facebook.

Kveðja, nefndin.

Útkall - Óveðursaðstoð

Mon, 06 Nov 2017 02:41:00 GMT

Kl 01:20 barst útkall vegna óveðurs. Skúta hafði losnað frá flotbryggjunni við Hof. Um borð í skútunni var níu manna fjölskylda.

Átta Dalbjargarmenn fóru úr húsi á tveimur bílum. Auk þess voru 2 í svæðisstjórn.

Fjölskyldunni var komið í öruggt skjól og skútur sem lágu við bryggjuna festar kirfilega.

Aðgerðum var lokið um 02:40.

Þetta var fyrsta sjóbjörgun Dalbjargar í langan tíma og komu flotgallarnir okkar tveir sér vel.

Útkall - Bíll í sjóinn á Árskógsströnd

Fri, 03 Nov 2017 20:37:00 GMT

Um klukkan 18:20 í dag barst sveitinni útkall þar sem bíll fór fram af bryggjunni á Árskógsströnd. Óskað var eftir einum bíl frá Dalbjörgu til að ferja kafara frá Akureyrarflugvelli og á Árskógssand.
Einn maður fór frá Dalbjörgu á einum bíl.

Aðgerðum var lokið um klukkan 20:00.

Reykskynjarar og Neyðarkallinn

Fri, 27 Oct 2017 12:14:00 GMT

Hin árlega reykskynjarayfirferð Hjálparsveitarinnar Dalbjargar verður farin helgina 2.-4. nóvember. Þetta verður með svipuðu sniði og undanfarin ár, en félagar Dalbjargar munu fara í öll hús í sveitinni og selja rafhlöður fyrir reykskynjara á kostnaðarverði. Auk þess verðum við með reykskynjara til sölu og veitum ráðgjöf um eldvarnir.

Samhliða yfirferðinni munum við hafa Neyðarkallinn til sölu. Sala á honum er góð fjáröflun fyrir hjálparsveitina og því vonumst við eftir góðum móttökum eins og undanfarin ár.

Þeim sem ekki verða heima um helgina, en vilja samt nýta sér þessa þjónustu og kaupa rafhlöður, reykskynjara eða Neyðarkallinn, bendum við á að hafa samband við Ólaf Inga í síma 8619414.

Skráning á vaktir:

Fimmtudagur

Austan ár 18 - 22: Valdemar og Aðalsteinn

Vestan ár 18 - 22: Jófríður og Friðrik

Hrafnagilshverfi 18 - 22: Jonni og ...

Föstudagur

Austan ár 18 - 22: Ólína og Freydís

Vestan ár 18 - 22: Ísak og Tristan

Laugardagur

Austan 10 - 14: Tristan og Ísak

Vestan 10 - 14: Davíð og Þór

Austan 14 - 18: Kristján H og Hákon

Vestan 14 - 18: Bjarney og Íris

Hrafnagilshverfi 10 - 14: Gulla og Þórhildur

Sunnudagur (Farið þangað sem enginn var heima, mögulega verðum við búin á laugardag)

Jóhann, Skírnir, Eiður, Víðir...

Útkall - Leit í kringum Akureyri

Tue, 24 Oct 2017 21:30:00 GMT

Klukkan 17:57 var sveitin boðuð í útkall. Leit í nágrenni Akureyrar. Um 18:30 lögðum við af stað úr húsi á tveimur bílum, Dalbjörg 1 og Dalbjörg 2, ásamt 10 mönnum. Auk þess voru 2 Dalbjargarmenn í svæðisstjórn.

Haustferð 2017 - Ferðadagbók

Mon, 23 Oct 2017 23:27:00 GMT

Laugardaginn 21. október héldum við í okkar árlegu haustferð. Var ferðinni heitið í Laugafell.

Það var klukkan 8:30 á laugardeginum sem ævintýrasæknir Dalbjargarfélagar mættu í hús. Já nema þeir sem sváfu yfir sig, en þeir birtust laust fyrir 9. Klukkan 9 var lagt í hann og hópurinn var kominn nokkuð áfallalaust í Laugafell uppúr 12.

Við ókum því næst smá hring í kring um Laugafell. Kíktum í Grána, Landakot, Sandbúðir og renndum að lokum forsetaleiðina aftur í Laugafell. Ferðin gekk vel þó eitthvað hafi verið um húddopnanir og fleira. Auk þess sem sum dekkin voru stundum eitthvað loftminni en önnur.
Þá var komið að snæðingi. Um kvöldið var grillað lambakjöt og sá Guðlaug um sósur og annað meðlæti af mikilli snilld. Við lauguðum okkur og lögðumst loks til hvílu í Hjörvarsskála.

Á sunnudagsmorgninum lá leiðin beint heim á leið og fórum við sömu leið og á laugardeginum, Eyjafjarðarleið.

Viðurkenningar helgarinnar:

Færasti húddopnarinn: Kristinn Örn

Nuddglaðasti bílstjórinn: Ragnar Ágúst

Loftlausasta dekkið: Vinstra framhjól á Patrol

Gleymnasti bensínlokalokarinn: Ólafur Ingi

Félagslyndasti farþeginn: Guðlaug Sigríður

Hressasti sögumaðurinn: Ingi

Fallegasti formaður ferðarinnar: Kristján Hermann

Samæfing á svæði 11

Mon, 16 Oct 2017 23:38:00 GMT

Þann 14. október var haldin samæfing hjá björgunarsveitum á svæði 11. Í æfingunni tóku þátt ásamt Dalbjörg, Björgunarsveitin Súlur á Akureyri og Björgunarsveitin á Dalvík.

Súlumenn sáu um skipulagningu á æfingunni. Sveitirnar hittust í H12 klukkan 8:00 þennan ágæta laugardagsmorgun. Þar var hópnum, sem taldi um 40 manns, skipt í 3 hópa blandaða sveitum.

Haldið var inn á Glerárdal en þar var búið að setja upp þrjú verkefni. Tvö fjallabjörgunarverkefni og eitt leitartæknisverkefni. Verkefnin voru krefjandi og skemmtileg, við allra hæfi.

Sex félagar fóru frá Dalbjörg á tveimur bílum. Þeir höfðu mjög gaman af og stóðu sig vel, að eigin sögn.

Vikulegur fer vel af stað

Mon, 16 Oct 2017 23:19:00 GMT

Síðustu mánudaga höfum við haft húsið opið frá kl 20:15 og kallað hittinginn "Vikulegan".

Yfirleitt er engin sérstök dagskrá en fólki er velkomið að gera það sem því dettur í hug. Heitt er á könnunni og kex í skápnum.

Ekki höfum við þó liðið hugmyndaskort síðustu mánudaga. Mikið hefur verið um júmm og sig, akkerisuppsetningu, dobblun, línubrýr og meiri spottavinnu , bílaviðgerðir, þrif, viðhald á húsinu og fleira.

Mæting hefur verið góð og fer batnandi. Höfum verið á bilinu 7 - 20.

Það hefur því sannað sig að það er frábært fyrir okkur að hafa fasta vikulega hittinga og vonum við að mætingin haldist góð áfram.

Útkall í Djúpadal

Mon, 16 Oct 2017 23:03:00 GMT

Þann 9. september klukkan 16:20 barst útkall vegna gangnamans sem fallið hafði í gil, inn á Djúpadal, við minni Strjúksárdals. Gangnamaðurinn hafði fallið niður í gil, tæpa 16 metra.

Um 16:50 fóru Dalbjörg 1 og 2 úr húsi, með 8 menn, auk þess sem einn var í svæðisstjórn. Í útkallinu tóku einnig þátt; Súlur Björgunarsveitin á Akureyri, Björgunarsveitin á Dalvík, Slökkviliðið, Lögreglan og Landhelgisgæslan.

Búið var um sjúklinginn í þyrlusekk sveitarinnar og var hann hífður um borð í þyrlu Landhelgisgæslunnar. Með henni var hann fluttur á Sjúkrahúsið á Akureyri.

Vikulegur!

Thu, 21 Sep 2017 15:14:00 GMT

Nú ætlum við að fara af stað með nýja tegund af "hittingum". Nýji hittingurinn verður hvern mánudag í vetur kl. 20:15 og kallast því "Vikulegur". Á þessum hittingum ætlum við að gera alls konar - spjöllum, horfum á myndbönd, bindum hnúta, rifjum upp fyrstu hjálp og alls konar skemmtilegt.

Þetta er skemmtilegt viðbót í starfið okkar, hugmynd sem kom frá Ólafi Inga, Ragnari Ágústi, Friðriki og Bjarka. Ef ykkur langar að koma einhverjum hugmyndum að um hvað er hægt að bardúsa á þessum dögum, heyrið endilega í þeim.

Fyrsti vikulegur var síðasta mánudag, þann 18. september og var fínasta mæting, enda fullt af fólki að vinna í nýja þakinu á Dalborg. Við hlökkum til að sjá enn fleiri næst!

Mission: Þakið á

Mon, 11 Sep 2017 21:17:00 GMT

Mission helgarinnar er að koma nýju þaki á Dalborg!

Við ætlum að byrja kl. 8 á föstudagsmorguninn, þann 15. september og verðum að fá með okkur allar lausar hendur! Það skiptir engu máli hvort þið kunnið að smíða eða ekki - það geta allir hjálpað til, verið handlangarar, séð um matinn og margt fleira.

Við verðum með vana smiði með okkur á föstudag og laugardag og vinnum auðvitað bara eins mikið og lengi og hægt er til að komast sem lengst með verkið!

Þetta er auðvitað mega skemmtileg vinna í góðum félagsskap, matur í boði, góð veðurspá og allt æðislegt.

Hlökkum til að sjá ykkur!

Starfið okkar að sigla af stað!

Mon, 28 Aug 2017 23:21:00 GMT

Nú líður að hausti og okkar starf fer í sinn vanagang eftir Handverkshátíð.

Fyrsti almenni fundur vetrarins verður þann 3. september nk., kl. 20:30 í Dalborg. Allir eru velkomnir og þá sérstaklega nýjir félagar.

Námskeið og fleira sem er á döfinni verða vonandi komin inn fyrir fundinn og svo er auðvitað velkomið að koma með óskir um hvað þið viljið gera í vetur. Við höfum okkar föstu punkta, einn þeirra er til dæmis haustferðin sem við finnum vonandi pláss fyrir í september.

Þetta og meira til ræðum við á fundinum á sunnudag - hlökkum til að sjá ykkur.

Stjórnin.

Handverkshátíðin 2017

Mon, 07 Aug 2017 19:30:00 GMT

Nú er undirbúningur fyrir Handverkshátíðina 2017 í fullum gangi. Búið er að teppaleggja, setja upp sýningarkerfi og næst er að setja upp tjöld og fleira og þökkum við öllum fyrir sem hafa lagt hönd á plóginn - en það er nóg eftir! Eins og alltaf er þetta bara fjör og skemmtileg vinna með öðrum félagasamtökum í sveitinni. Við minnum á að þessi hátíð er okkar helsta fjáröflun yfir árið og því er um að gera að allir sem geti taki sér tíma og aðstoði við það sem þarf að gera til að allt gangi upp.

Næsta skref er að setja upp tjöldin, en sú vinna fer fram dagana 8. og 9. ágúst nk., þ.e. þriðjudag og miðvikudag eftir verslunarmannahelgi. Við þurfum allar lausar hendur í það eins og venjulega, þá er auðvelt að drífa þetta af!

Síðan hefst hátíðin sjálf fimmtudaginn 10. ágúst og stendur hún til sunnudagsins 13. ágúst. Opnunartímar eru frá kl. 12-19 fimmtudag til laugardags og 12-18 á sunnudegi. Við þurfum fólk í gæslu á hátíðinni sjálfri og síðan þarf að taka herlegheitin niður þegar öllu er lokið.

Endilega skráið ykkur í vinnu og á vaktir hér í athugasemdum eða hjá Jóhanni í síma 8474041.

Þriðjudagur 8. ágúst

Uppsetning tjalda o.fl. ca. kl. 17. Vantar allan mannskap sem hægt er að fá !

Miðvikudagur 9. ágúst

Uppsetning tjalda o.fl. ca. kl. 8-17 (eða eftir þörfum). Vantar allan mannskap sem hægt er að fá!

Fimmtudagur 10. ágúst

Gæsla á sýningu kl. 10-19.

Kl. 12-16: Hreiðar, Davíð

Kl. 16-19: Ólína, Hreiðar, Gulla

Föstudagur 11. ágúst

Gæsla á sýningu kl. 10-19.

Kl. 12-16: Íris, Ingvi, Davíð

Kl. 16-19: Íris, Þórhildur, Gulla

Föstudagskvöld 11. ágúst

Grill og kvöldvaka kl. 18-24 ( hér þarf margar hendur )

Eva, Jóhann, Gulla, Eiður, ...

Laugardagur 12. ágúst

Gæsla á sýningu kl. 10-19.

Kl. 12-16: Bjarney, Freydís, Palli, Kristinn

Kl. 16-19: Bjarney, Þór, Ólafur Ingi, Kristinn

Sunnudagur 13. ágúst

Gæsla á sýningu kl. 10-19.

Kl. 12-16: Þór, Ólafur Ingi, Bjarki

Kl. 16-19: Þór, Ólína, Bjarki

Svo þurfum við allar lausar hendur til að taka sýninguna niður!

Tekið niður eftir hátíð sunnudaginn 13. ágúst, mæting kl. 17.

Kl. 17: Ólína, ...

Handverkshátíð- Uppsetning

Tue, 18 Jul 2017 18:45:00 GMT

Kæru Félagar þá fer að hefjast vinna við uppsetningu sýningarkerfa fyrir Handverkshátíð 2017.

Við byrjum næsta föstudag 21. júlí kl 19:00 og svo allan laugardaginn, tímasetning ákveðin síðar.

Hvetjum ykkur öll til að mæta og taka þátt í skemmtilegri fjáröflun.

ATH Unglingadeild þið megið líka mæta ;)

fyrir hönd formanns.

Gulla ;)

Vorhreinsun og tiltekt - UPPFÆRT

Tue, 30 May 2017 22:42:00 GMT

Föstudaginn 9 júní ætlar húsnefndin að hafa tiltektar og vorhreinsunardag í Dalborg.

Mæting kl 17:00 eða þegar fólk kemst. Mætum öll og tökum til í og við húsið okkar og eigum góða stund saman.

Stefnum svo að því að grilla ofan í mannskapin að verki loknu, það verður nánar auglýst síðar.

Hlökkum til að sjá ykkur

kv Húsnefnd

Gulla, Friðrik, Ólafur Ingi og Jóhann

ATH ;) Þeir sem ætla að mæta mega endilega skrá sig hér í athugasemdir eða á facebook á Dalbjargarspjallinu

Fjölskyldudagur 1. maí

Sat, 29 Apr 2017 22:18:00 GMT

Fjölskyldudagur Hjálparsveitarinnar Dalbjargar verður haldinn 1. maí í Hlíðarfjalli klukkan 10.

Við ætlum að mæta með skíði, sleða og þotur og hafa gaman saman! Við ætlum að grilla pylsur að vanda og erum búin að panta gott veður líka. Töfrateppið verður opið og svaka fjör.

Mætum hress og kát og skemmtum okkur saman :)

Kveðja, stjórnin.

Páskaganga

Tue, 11 Apr 2017 19:38:00 GMT

Páskaganga

Föstudaginn langa, þann 14. apríl 2017 ætlar Hjálparsvetin Dalbjörg að bjóða gestum að koma í heimsókn. Eins og undanfarin ár efnum við til göngu frá húsi okkar Dalborg. Gengið verður gömlu bakkana að Munkaþverá. Ýmsar vegalengdir eru í boði, frá 2.5 km til 12 km., svo að allir ættu að geta fundið eitthvað við sitt hæfi. Að göngu lokinni bjóðum við uppá stórglæsilegt vöfflukaffi. Það verður opið hús, þar sem gestir geta skoðað og fræðst um starf sveitarinnar. Fyrir yngri kynslóðina verðum við með páskaeggjaleit og kassaklifur. Gangan hefst stundvíslega kl.10 og páskaeggjaleitin verður eftir gönguna. Þátttökugjald í gönguna eru 1500 kr. Fyrir 13 ára og eldri og 500 kr. Fyrir 6-12 ára og innifalið í því er vöfflur og drykkir að lokinni göngu. Einnig er hægt að leggja frjáls framlög inn á reikning okkar, 0302-26-012482 og kt. 530585-0349. Við hvetjum auðvitað sem flesta til að mæta, ganga, skokka eða hjóla og styðja við bakið á Dalbjargarfélögum. Eins og síðustu ár er það unglingadeildin og umsjónarmenn hennar sem sjá um gönguna. Þetta er því kjörið tækifæri til að hitta efnilegu krakkana í unglingadeildinni og styrkja þau í sínu starfi.

Gleðilega páska!

Hjálparsveitn Dalbjörg

www.dalbjorg.is

Aðalfundur Hjálparsveitarinnar Dalbjargar 2017

Thu, 06 Apr 2017 16:27:00 GMT

Aðalfundur Hjálparsveitarinnar Dalbjargar 2017 verður haldinn fimmtudagskvöldið 20. apríl, sumardaginn fyrsta, kl. 20:30 í Dalborg. Á dagskrá eru venjuleg aðalfundarstörf.

Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.

Kær kveðja

Hjálparsveitin Dalbjörg

Styrkur til Dalbjargar

Thu, 16 Mar 2017 21:36:00 GMT

Nú á dögunum bauðst hjálparsveitinni styrkur frá veitingastaðnum Akureyri Fish and Chips við Skipagötu. Á staðnum verður box undir þjórfé með myndum úr starfi Hjálparsveitarinnar Dalbjargar og mun allt sem kemur í boxið renna beint til styrktar sveitinni. Hann Friðrik okkar smíðaði þennan flotta bauk og naut aðstoðar Axels í Pedromyndum við að setja myndirnar á.

Á meðfylgjandi mynd sést hann Andri (á flandri) setja fyrstu 200 krónurnar í baukinn.

Við þökkum eigendum staðarins kærlega fyrir framtakið og Friðrik og Axel fyrir aðstoðina.

Við hvetjum auðvitað alla til þess að líta við á Akureyri Fish and Chips, bragða á þeirra góðu réttum og láta eitthvað smávegis af hendi rakna í baukinn góða!

Viðburðir síðustu daga

Thu, 16 Mar 2017 21:16:00 GMT

Margt hefur verið að gera undanfarið og þónokkur vinnukvöld haldin í Dalborg. Meðal annars var stóra hurðin löguð og ný sæti eru komin í Cruiserinn okkar.

Nokkir félagar skruppu ásamt félögum í Súlum í leit að kindum laugardaginn 25. febrúar og var ætlunin að fara upp Bárðardalinn. Leiðangurinn þurfti síðan að snúa við vegna veðurs. Einnig var farin var æfingaferð þann 2. mars upp á Vaðlaheiði.

Undirbúningur fyrir Hálendisvaktina er hafinn, en haldinn var fundur í Dalborg með þeim sem ætla að taka þátt þann 1. mars sl.

Tveir félagar fóru á námskeið í Fyrstu hjálp 2 í febrúar og einn félagi sótti endurmenntun í Wilderness First Responder.

Helgina 10.-12. mars voru námskeiðin Ferðamennska og Rötun haldin í Dalborg og á það mættu nokkrir Dalbjargarmeðlimir auk félaga úr öðrum sveitum.

Vinnukvöld var haldið í Dalborg þann 15. mars og húsið okkar gert fínt.

Það er semsagt alltaf nóg að gera hjá okkur í Hjálparsveitinni Dalbjörg og verður ekkert lát á því, en í næstu viku verður Fyrsta hjálp 2 haldin í Dalborg og helgina eftir það verður haldið á Tækjamót Slysavarnafélagsins Landsbjargar, sem verður haldið að Fjallabaki að þessu sinni.

Útkall á Glerárdal

Wed, 15 Mar 2017 21:26:00 GMT

Dalbjargarfélagar fengu boð um útkall á Glerárdal þann 28. febrúar síðastliðinn, um kl. 22 um kvöldið. Um var að ræða tvo erlenda göngumenn sem voru á leið í skálann Lamba á Glerárdal. Þeir óskuðu eftir aðstoð þar sem þeir treystu sér ekki lengra, en voru vel búnir. Tveir félagar fóru til aðstoðar á sleðum sveitarinnar auk þess sem einn félagi var í svæðisstjórn á meðan á útkallinu stóð.

Mennirnir fundust heilir á húfi um kl. 00:30 um nóttina. Vel gekk að koma mönnunum til byggða og var aðgerðinni lokið um klukkustund síðar.

Heimsókn á lögreglustöðina

Mon, 06 Feb 2017 22:09:00 GMT

Fimmtudaginn 2. febrúar heimsóttu Dalbjargarfélagar lögreglustöðina á Akureyri. Þar fór Hermann yfir hin ýmsu mál með okkur, s.s. samstarf viðbragðsaðilanna og fleira og lögreglustöðin skoðuð.

Þeir félagar sem mættu höfðu bæði gagn og gaman af og þökkum við kærlega fyrir boðið.

Námskeið þessa dagana

Sun, 05 Feb 2017 17:44:00 GMT

Nú er mikið að gera í námskeiðum hjá okkur.

Síðustu vikur hafa verið haldin þónokkur námskeið hér á svæðinu sem okkar fólk hefur sótt. Hegðun týndra var haldið um miðjan mánuð á Akureyri og sóttu það fjórir félagar. Björgunarmaður í aðgerðum var í Dalborg þann 17. janúar og mættu allnokkrir félagar til að hlusta á þann fyrirlestur. Á Grenivík var bifreiðastjóranámskeið sem einn félagi sótti og svo var haldið endurmenntunarnámskeið í fyrstu hjálp hjá okkur 31. janúar, en á það mættu um 20 manns. Þá sótti einn félagi endurmenntun í vettvangshjálp í óbyggðum helgina 3.-5. febrúar.

Af þessu má sjá að það er mikil gróska í menntuninni hjá okkur þessa dagana sem er auðvitað frábært!

En það verður lítið hlé á námskeiðum. Helgina 10.-12. febrúar verður Hópstjórnun á Dalvík. Snjóflóð 1 og 2 verður haldið í vetur, mögulega í febrúar. Þá verður Fjallamennska 2 á Dalvík fyrstu helgina í mars, Ferðamennska og rötun hjá okkur 10.-12. mars og Fyrsta hjálp 2 verður í Dalborg síðustu helgina í mars.

Mörg þessara námskeiða eru hluti af Björgunarmanni 1 og nauðsynleg til að komast á útkallslista. Við hvetjum ykkur til að skrá ykkur í tíma á þau námskeið sem þið viljið sækja. Ef í ljós kemur að þið komist ekki, munið þá að láta Björgunarskólann vita.

Leit á höfuðborgarsvæðinu

Sun, 22 Jan 2017 21:38:00 GMT

Um hádegi þann 20. janúar bárust Hjálparsveitinni Dalbjörg, ásamt öðrum björgunarsveitum á landinu, boð um leit á höfuðborgarsvæðinu að Birnu Brjánsdóttur, sem hefur verið saknað síðastliðna viku.

Þrír félagar Dalbjargar héldu af stað suður til að taka þátt í leitinni kl. 19:00 á föstudagskvöldi ásamt félaga frá Björg á Eyrarbakka og þremur félögum frá Tý á Svalbarðseyri. Með í för voru einnig þrír leitarhundar. Þá fór einn svæðisstjórnarmaður frá Dalbjörg einnig suður til aðstoðar ásamt öðrum úr svæðisstjórn á svæði 11.

Leitað var allan laugardaginn og var leit haldið áfram á sunnudag. Birna fannst látin við Selvogsvita um hádegisbil á sunnudeginum.

Vinnukvöld hjá sleðaflokki

Thu, 19 Jan 2017 13:13:00 GMT

Í fyrrakvöld var vinnukvöld hjá sleðaflokki í Dalborg. Það eru mörg verk sem þarf að sinna til þess að halda tækjunum okkar útkallshæfum og einnig þarf að fara yfir búnað og fleira. Eins er mikilvægt að allir sem tilheyra hópnum viti hvaða búnaður er á sleðunum og kunni á búnaðinn þegar á reynir. Hér má sjá umfjöllun um sleðaflokk og þann búnað sem er ávallt tiltækur.

Vinnukvöld í Dalborg

Tue, 10 Jan 2017 16:45:00 GMT

Í kvöld verður vinnukvöld í Dalborg. Hvetjum sem flesta til að mæta - margt sem þarf að gera og margar hendur vinna létt verk!

Margt framundan á nýju ári

Fri, 06 Jan 2017 08:36:00 GMT

Nú er nýtt ár gengið í garð og líður að fyrsta almenna fundi ársins sem verður á sunnudaginn.

Flugeldasalan er nýyfirstaðin og gekk afar vel og þið eigið hrós skilið fyrir alla vinnuna sem innt var af hendi í kringum söluna.

Í gær barst útkall vegna leitar að sleðafólki á Langjökli, en ætlunin var að fara af stað í fyrramálið. A.m.k. þrír félagar gerðu ráð fyrir að fara af stað, en fólkið fannst svo um kl. 21 í gærkvöldi, heilt á húfi.

Það verður nóg að gera hjá okkur á næstunni, sérstaklega í námskeiðahaldi. Hvet alla félaga til að skoða upplýsingar um námskeið hjá SL, til dæmis skiptinguna í Björgunarmann 1, 2 og 3. Upplýsingar má sjá hér , en einnig á innra svæðinu ykkar hjá Björgunarskólanum.

Fyrir þau sem náðu ekki að taka Fjallamennsku 1 fyrir áramót, þá verður það á Ólafsfirði 13.-15. janúar nk. Eitt af þeim námskeiðum sem þarf að hafa til að komast á útkallslista. Mjög skemmtilegt.

Björgunarmaður í aðgerðum er kvöldnámskeið sem verður haldið 17. janúar. Það er hluti af Björgunarmanni 1 og um að gera að skella sér í Dalborg og klára þetta með hópnum.

Grunnnámskeið í fjallabjörgun verður svo 20.-22. janúar hér hjá okkur - svakalega skemmtilegt námskeið sem er fyrir alla (ekki bara þá sem hafa gaman af því að hanga í spotta). Gott fyrir alla að kunna aðeins og geta aðstoðað við uppsetningu kerfa og grunnatriðin í fjallabjörgun.

Endurmenntun í fyrstu hjálp verður haldið 31. janúar. Mæli með þessu fyrir alla sem hafa tekið fyrstu hjálp og vantar að hressa upp á minnið!

Svo heldur þetta áfram - Hópstjórnun á Dalvík, stefnt að Snjóflóð 1 og 2 dagana 23.-26. febrúar, Fjallamennska 2 á Dalvík og Ferðamennska og rötun verður haldið hjá okkur 10.-12. mars.

Skoðið dagskrána okkar hér í linknum og endilega skráið ykkur tímanlega á þessi námskeið! Muna líka að láta vita ef eitthvað breytist og þið komist ekki.

Hér má svo finna upplýsingar um námskeiðin sem þarf til að komast á útkallslista hjá okkur. Ef þið eruð komin með öll þessi námskeið, þá sendið þið ferilskrána á stjórn og við bætum ykkur við listann.

Svo verður Tækjamót 31. mars, Landsþing og Björgunarleikar í maí og fullt af fleiri skemmtilegum námskeiðum!

Sjáumst á fundi á sunnudaginn - nýjir félagar velkomnir!

Flugeldasala í Hrafnagilsskóla

Wed, 28 Dec 2016 13:21:00 GMT

Opnunartímar flugeldasölu Hjálparsveitarinnar Dalbjargar í Hrafnagilsskóla eru sem hér segir:

Miðvikudagur 28. desember kl. 13-22

Fimmtudagur 29. desember kl. 10-22

Föstudagur 30. desember kl. 10-22

Laugardagur 31. desember kl. 9-16

Fimmtudagur 5. janúar kl. 19-21

Við hvetjum alla til að koma við hjá okkur og styrkja gott málefni fyrir áramótin. Alltaf heitt á könnunni!

Flugeldasöluvaktir

Tue, 27 Dec 2016 13:00:00 GMT

Flugeldafundur

Fri, 16 Dec 2016 21:35:00 GMT

Nú líður að áramótum og þar með flugeldasölunni okkar. Það verður haldinn flugeldafundur næsta mánudag kl. 20:00 í Dalborg til þess að kynna söluna fyrir félögum.

Það er mjög mikilvægt að allir sem ætla að hjálpa til við söluna í ár mæti á þennan fund. Ef þið ætlið að taka þátt en komist ekki á fundinn, hafið þá samband við Bjarneyju.

Útköll og aðstoðarbeiðnir

Tue, 22 Nov 2016 10:53:00 GMT

Mikið hefur verið um útköll undanfarið og því mikið að gera hjá okkur í Hjálparsveitinni Dalbjörg. Við erum heppin að hafa svo góðan mannskap í sveitinni okkar sem við getum treyst á til að manna stór útköll, sem og aðrar aðstoðarbeiðnir.

29. október

Þennan dag valt Buggy bíll ofan Laugalands í Eyjafjarðarsveit með ökumann innanborðs. Óskað var eftir aðstoð og fóru fimm félagar á staðinn á báðum bílum sveitarinnar. Ökumaðurinn hlaut einhver meiðsli af byltunni. Honum var komið til aðstoðar og hann fluttur á slysadeild Sjúkrahússins á Akureyri á öðrum bíl sveitarinnar.

3. nóvember

Rétt um hádegi þennan dag fékk Dalbjörg útkallsbeiðni vegna 5 göngumanna í vandræðum, en þeir höfðu sent boð með neyðarsendi. Fjórir félagar sveitarinnar fóru af stað til aðstoðar. Úr varð að þyrla Landhelgisgæslunnar sótti fólkið en félagar Dalbjargar luku þó verkefninu með því að sækja bílinn og flytja hann á lögreglustöð.

5. nóvember

Þennan dag barst Dalbjörg beiðni um að göngumönnum yrði ekið á Hólafjall vegna eftirleitar á sauðfé og fór einn félagi á verkefnið á Dalbjörg 1.

6. nóvember

Tvö útköll bárust þennan dag, annars vegar um morguninn vegna tveggja veiðimanna sem saknað var á Snæfellsnesi og hins vegar um kl. 18:30 vegna manns sem hafði lent í sjálfheldu við fossinn Míganda í Gunnólfsvíkurfjalli við eftirleit á sauðfé. Sveitin sendi fimm manns til aðstoðar í Gunnólfsvíkurfjall. Þeir fóru af stað um kl. 20:30 og voru komnir til baka um kl. 10:00 morguninn eftir. Báðar aðgerðir voru mjög umfangsmiklar og voru kallaðar til björgunarsveitir af mörgum svæðum til aðstoðar. Aðgerðirnar gengu báðar vel og komust allir til síns heima heilu og höldnu.

18.-20. nóvember

Föstudaginn 18. nóvember barst útkall vegna rjúpnaskyttu sem orðið hafði viðskila við félaga sína á Héraði. Átta félagar fóru til leitar frá Hjálparsveitinni Dalbjörg og lögðu af stað um kl. 22 á föstudagskvöld en komu til baka seinnipart laugardags. Leitin hafði þá ekki borið árangur. Á sunnudagsmorgni var maðurinn enn ófundinn og fóru fjórir félagar frá Dalbjörg enn til leitar um kl. 7 að morgni þann. Á leið þeirra austur bárust þær góðu fréttir að maðurinn hafði fundist heill á húfi.

22. nóvember

Þennan dag barst björgunarsveitum við Eyjafjörð útkall vegna leitar að manni sem var saknað. Sex félagar sveitarinnar fóru til leitar á þremur bílum. Eftir nokkra leit fannst bíll mannsins og maðurinn einnig.

Stærstu litlu-jólin

Wed, 16 Nov 2016 21:50:00 GMT

Stærstu litlu-jól Dalbjargar verða haldin laugardaginn 3. desember nk. í Funaborg. Húsið opnar kl. 19:00 og borðhald hefst kl. 19:30. Við hvetjum félagsmenn til að mæta og vekjum athygli á að makar eru velkomnir. Til að hvíla okkur aðeins á jólamatnum svona fyrir jólin verður íslenskt lambakjöt á boðstólum ásamt óáfengjum drykkjum og kaffi.

Eins og oft áður verður pakkaleikur, en hver þátttakandi kaupir þá eina gjöf að verðmæti hámark 2000 kr.

Við þurfum að fá skráningu í síðasta lagi mánudaginn 28. nóvember svo unnt sé að ákveða matarmagnið. Veislustjóri er Ólína, sími 8480834 og tekur hún á móti skráningum ef aðilar geta ekki skráð sig á veraldarvefnum. Ef félagar hafa áhuga á því að koma með eitthvað skemmtilegt á dagskrá er það vel þegið og má hafa samband við Ólínu varðandi það líka.

Við lofum góðum mat, rífandi skemmtidagskrá, miklu dansiballi og bullandi gleði!

Kveðja, nefndin.

Reykskynjarar og Neyðarkallinn

Wed, 26 Oct 2016 00:36:00 GMT

Hin árlega reykskynjarayfirferð Hjálparsveitarinnar Dalbjargar verður farin helgina 3.-6. nóvember. Þetta verður með svipuðu sniði og undanfarin ár, en félagar Dalbjargar munu fara í öll hús í sveitinni og selja rafhlöður fyrir reykskynjara á kostnaðarverði. Auk þess verðum við með reykskynjara til sölu og veitum ráðgjöf um eldvarnir.

Samhliða yfirferðinni munum við hafa Neyðarkallinn til sölu. Sala á honum er góð fjáröflun fyrir hjálparsveitina og því vonumst við eftir góðum móttökum eins og undanfarin ár.

Þeim sem ekki verða heima um helgina, en vilja samt nýta sér þessa þjónustu og kaupa rafhlöður, reykskynjara eða Neyðarkallinn, bendum við á að hafa samband við Sunnu í síma 6697965.

Vaktir verða með þessu sniði:

Fimmtudagur

Austan megin: Bjarki og Jonni

Vestan megin: Davíð Almar og Ragnar Ágúst, Unnur Eyrún og Jóhann

Föstudagur

Austan megin: Íris Björk og Freydís

Vestan megin: Hreiðar og Jonni

Laugardagur

Austan fyrri part: Halli og Ólafur Ingi

Vestan fyrri part: Íris Björk og Aðalsteinn

Austan seinnipart: Halli og ...

Vestan seinnipart:

Sunnudagur

Austan fyrri part: Unnur Eyrún og Íris Björk

Vestan fyrri part:

Austan seinnipart:

Vestan seinnipart:

Með von um góðar móttökur - eins og alltaf

Hjálparsveitin Dalbjörg.

Haustferð 2016

Sat, 15 Oct 2016 12:06:00 GMT

Helgina 21.-23. október verður farin okkar árlega haustferð.

Farið verður í Versali á föstudeginum og gist þar báðar næturnar. Á laugardeginum verður svæðið í kring skoðað eins og veður og færð leyfir. Sameiginlegur matur verður á laugardagskvöldinu.

Skráning er hér í athugasemdum, í síðasta lagi á mánudag . Frekari upplýsingar hjá Hreiðari. Takið endilega fram hvort þið ætlið á einkabíl. Gistigjald er kr. 6000 og skal greiðast fyrir brottför. Eins og alltaf reynum við að koma öllum með sem vilja fara.

Kveðja, nefndin.

Sumarið og starfið framundan

Wed, 24 Aug 2016 11:37:00 GMT

Nú líður að hausti og fer starfið okkar þá að hefjast á ný.

Það hefur þó nóg verið að gera hjá okkur í sumar. Að venju tók vinna við Handverkshátíðina mikinn tíma og skipulagningu og var fjöldi félaga sem lagði hönd á plóginn, hvort sem var með því að taka vaktir, setja upp skilti, tjöld og sýningarkerfi eða með aðstoð á annan hátt.

Nokkrir félagar fóru í hálendisgæslu vikuna 17.-24. júlí og gekk það ljómandi vel.

Starfið í vetur hefst að venju með fyrsta almenna fundi vetrarins á fyrsta sunnudegi septembermánaðar, þann 4. september nk. kl. 20:30. Nýjir félagar eru auðvitað sérstaklega boðnir velkomnir.

Námskeið

Vert er að nefna að það er mikið um að vera í námskeiðshaldi hjá okkur í vetur eins og verið hefur undanfarin ár og eru öll okkar námskeið og námskeiðin hér í kringum okkur komin á dagskrána okkar, sjá hér . Fyrsta námskeið vetrarins hér á svæðinu er á Dalvík 2.-4. september í Leitartækni .

Þá verður námskeiðið Fyrsta hjálp 1 haldið hjá okkur 16.-18. september og hvetjum við alla sem eiga það eftir (og þá sem vilja rifja upp) til að skrá sig á það, enda grundvallarnámskeið. Einnig munum við halda endurmenntunarnámskeið í fyrstu hjálp í janúar og síðan Fyrstu hjálp 2 eftir áramótin.

Fjallabjörgun grunnnámskeið verður haldið 7.-9. október og er nauðsynlegt fyrir þá sem vilja vera í spottahóp í vetur. Forkröfurnar þar eru Fjallamennska 1.

Að öðru leyti hvetjum við ykkur til að skoða dagskrána okkar og dagskrá Björgunarskólans . Gott er að skrá sig tímanlega á námskeiðin - en þó ekki með svo löngum fyrirvara að námskeiðin gleymist eða að ske kynni að dagskráin ykkar breytist mikið. Ef svo fer er nauðsynlegt að senda póst til Björgunarskólans og afskrá sig af námskeiðinu.

Athugið einnig að Björgunarskólinn er með fjarnám í flestum grunnnámskeiðunum. Þið sjáið þau námskeið með því að fara inn á dagskrá Björgunarskólans og smella á "Staðsetning" í efstu línunni. Færið ykkur svo neðar á síðunni þar til þið sjáið "Fjarnám" í staðsetningarreitnum og þá sjáið þið hvenær hvert námskeið er keyrt.

Námskeiðin Öryggi við sjó og vötn, Björgunarmaður í aðgerðum, Hópslys og Aðkoma að flugslysum eru þó alltaf opin svo hægt er að taka þau heima þegar tími gefst til - þótt auðvitað sé ákjósanlegt að taka þau í hóp og eru þau haldin reglulega í húsi hjá okkur.

Útkallsskrá

Útkallsskráin verður uppfærð fyrir veturinn. Þeir sem eru komnir með þau lágmarksnámskeið og aldur sem til þarf, skulu hafa samband við stjórn og senda ferilskrá frá Björgunarskólanum á dalbjorg@dalbjorg.is.

Sjá reglur um útkallsskrána hér .

Hlökkum annars til að sjá ykkur 4. september.

Handverkshátíð og landbúnaðarsýning 2016

Fri, 29 Jul 2016 10:50:00 GMT

Nú er undirbúningur fyrir þennan skemmtilega viðburð í fullum gangi og alltaf nálgast hátíðin. Hún er með stærra móti í ár þar sem einnig er haldin landbúnaðarsýning samhliða handverkshátíðinni. Þetta verður því bara fjör og skemmtileg vinna með öðrum félagasamtökum í sveitinni. Við minnum á að þessi hátíð er okkar helsta fjáröflun yfir árið og því er um að gera að allir sem geti taki sér tíma og aðstoði við það sem þarf að gera til að allt gangi upp.

Næsta skref er að setja upp tjöldin, en sú vinna fer fram dagana 2. og 3. ágúst nk., þ.e. þriðjudag og miðvikudag eftir verslunarmannahelgi. Við þurfum allar lausar hendur í það eins og venjulega, þá er auðvelt að drífa þetta af!

Síðan hefst hátíðin sjálf fimmtudaginn 4. ágúst og stendur hún til sunnudagsins 7. ágúst. Opnunartímar eru frá kl. 12-19 fimmtudag til laugardags og 12-18 á sunnudegi. Við þurfum fólk í gæslu á hátíðinni sjálfri og síðan þarf að taka herlegheitin niður þegar öllu er lokið.

Endilega skráið ykkur í vinnu og á vaktir hér í athugasemdum eða hjá Jóhanni í síma 8474041.

Þriðjudagur 2. ágúst

Uppsetning tjalda o.fl. ca. kl. 8-17. Vantar allan mannskap sem hægt er að fá!

Miðvikudagur 3. ágúst

Uppsetning tjalda o.fl. ca. kl. 8-17 (eða eftir þörfum). Vantar allan mannskap sem hægt er að fá!

Fimmtudagur 4. ágúst

Gæsla á sýningu kl. 10-19.

Föstudagur 5. ágúst

Gæsla á sýningu kl. 10-19.

Föstudagskvöld 5. ágúst

Grill og kvöldvaka kl. 18-24 (hér þarf margar hendur)

Laugardagur 6. ágúst

Gæsla á sýningu kl. 10-19.

Sunnudagur 7. ágúst

Gæsla á sýningu kl. 10-19.

Svo þurfum við allar lausar hendur til að taka sýninguna niður!

Tekið niður eftir hátíð, mæting kl. 17.

Sumargleði 16. júlí

Sun, 10 Jul 2016 21:01:00 GMT

Nú er áætluð sumargleði hjá okkur um næstu helgi. Sumarnefndin biður fólk um að taka frá laugardagskvöldið 16. júlí, en þá er ætlunin að hittast um 16:30, hafa smá fjör og enda kvöldið á grilli og skemmtilegheitum.

Endilega skráið ykkur hér í athugasemdum. Frekari upplýsingar veita Ólína og Hreiðar.

Útkall 2. júlí

Sun, 03 Jul 2016 10:28:00 GMT

Um kl. 18:16 barst útkall vegna týnds göngumanns í Þorvaldsdal, en hann hafði tekið þátt í Þorvaldsdalsskokkinu þennan dag og villst af leið. Frá Dalbjörg tóku 8 manns þátt í aðgerðinni, þar af einn í svæðisstjórn. Leitin gekk vel og fannst maðurinn uppúr kl. 21, heill á húfi.

Útkall 24. júní

Sun, 26 Jun 2016 10:29:00 GMT

Föstudaginn 24. júní um kl. 20:30 barst útkall vegna leitar að manni á Akureyri. Frá Dalbjörg fóru af stað 6 manns á tveimur bílum, auk þess sem einn var í svæðisstjórn. Maðurinn fannst rúmum sólarhring síðar.

Gæsla á Bíladögum

Mon, 20 Jun 2016 10:38:00 GMT

Meðlimir Dalbjargar sinntu gæslu á Bíladögum 15.-19. júní sl. Um var að ræða gæslu á tjaldsvæðinu á Hrafnagili, en nokkur fjöldi af fólki var á svæðinu og því þörf á að fylgjast með aðstæðum. Eitthvað var um uppákomur og afskipti af gestum, en allt fór vel að lokum.

Gæsla á Bíladögum

Mon, 20 Jun 2016 10:38:00 GMT

Ný stjórn Dalbjargar

Sat, 23 Apr 2016 14:58:00 GMT

Nú er aðalfundi lokið og ný stjórn hefur verið kosin.

Formaður er sem áður Kristján Hermann Tryggvason og gjaldkeri Jóhannes Jakobsson. Aðrir stjórnarmenn eru Sunna Axelsdóttir, Ingvar Þ. Ingólfsson og Stefán Magnús Jónsson. Varamenn eru Haraldur Þór Óskarsson og Víðir Ágústsson.

Einnig var kosið í húsnefnd, það eru Haraldur Þór Óskarsson, Friðrik Karlsson, Davíð Almar Víðisson og Jóhann Jóhannesson.

Framboð til stjórnar

Thu, 14 Apr 2016 20:44:00 GMT

Uppstillingarnefnd kynnir framboð til stjórnar 2015 sem komin eru fram, en vekur athygli á því að hægt er að tilkynna um framboð fram að aðalfundi og á fundinum sjálfum. Þeir sem vilja gefa kost á sér eru þó eindregið hvattir til þess að gera það sem fyrst svo félögum verði unnt að kynna sér þá sem í framboði eru.

Kosið verður um formann og þrjá stjórnarmenn.

Til formanns eru í kjöri:

Aðalfundur Hjálparsveitarinnar Dalbjargar 2016

Wed, 06 Apr 2016 21:29:00 GMT

Aðalfundur Hjálparsveitarinnar Dalbjargar 2016

Aðalfundur Hjálparsveitarinnar Dalbjargar 2016 verður haldinn fimmtudagskvöldið 21. apríl, sumardaginn fyrsta, kl. 20:30 í Dalborg. Á dagskrá eru venjuleg aðalfundarstörf.

Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.

Kær kveðja

Hjálparsveitin Dalbjörg

Aðstoðarbeiðni á Glerárdal

Sat, 02 Apr 2016 21:02:00 GMT

Um hádegi í dag, eða um 11:30, barst Hjálparsveitinni Dalbjörg aðstoðarbeiðni frá skíðagöngufólki á Glerárdal. Um var að ræða sjö konur sem farið höfðu upp Glerárdalinn og voru á leið niður aftur þegar þær lentu í slæmu skyggni og treystu sér ekki lengra, en allar voru þær við góða heilsu. Þær sneru við í skálann Lamba og þrátt fyrir stopult símasamband gátu þær hringt til byggða og óskað eftir aðstoð til að komast heim á leið.

Tveir sleðamenn, Arnar og Hlynur, lögðu af stað á tveimur sleðum sveitarinnar um kl. 12:30 og voru komnir í skálann um kl. 14:00. Þeir höfðu þá þegar farið og gert slóðir frá Lamba og yfir Lambárgil, þar sem komið er að stikaðri leið. Þeir héldu þá í skálann og ræddu við konurnar sem voru ferðbúnar og biðu aðstoðarmannanna. Skyggni og veður var orðið gott á þessum tíma og konurnar eltu sleðaslóðirnar yfir gilið og héldu síðan heim á leið eftir stikuðu leiðinni af sjálfsdáðum. Þær voru komnar til byggða um kl. 18:00.

Páskagangan 2016

Mon, 21 Mar 2016 19:03:00 GMT

Páskaganga og vöfflukaffi Dalbjargar

Eins og undanfarin ár verður páskaganga Dalbjargar á föstudaginn langa, þann 25. mars nk. Gangan hefst við húsið okkar Dalborg í Hrafnagilshverfinu kl. 10 og gengið verður gömlu bakkana að Munkaþverá. Hægt verður að velja um nokkrar vegalengdir svo allir ættu að finna eitthvað við sitt hæfi, auk þess sem drykkjarstöðvar verða á leiðinni.

Þátttökugjald í göngunni eru 1500 kr. fyrir eldri en 12 ára og 500 kr. fyrir 6-12 ára. Innifalið í því eru vöfflur og kaffi í nýja húsinu okkar að lokinni göngu. Einnig er hægt að leggja frjáls framlög inn á reikninginn okkar:

Reikningsnúmer: 302-26-12484 og kennitala: 530585-0349

Við hvetjum auðvitað sem flesta til að mæta, ganga, skokka eða hjóla og styðja við bakið á Dalbjargarfélögum. Eins og í fyrra ætlar unglingadeildin og umsjónarmenn hennar að sjá um gönguna. Þetta er því kjörið tækifæri til að hitta efnilegu krakkana í unglingadeildinni og styrkja þau í sínu starfi.

Gleðilega páska!

Hjálparsveitin Dalbjörg

Hópslysaæfing svæði 11

Mon, 21 Mar 2016 09:19:00 GMT

Hópslysaæfing í umdæmi lögreglustjórans á Norðurlandi eystra og almannavarnarnefndar Eyjafjarðar verður haldin þann 30. apríl nk. en nú liggur fyrir ný viðbragðsáætlun vegna hópslysa á svæðinu. Mikilvægt er að allir sem mögulega geta taki daginn frá og taki þátt. Í æfingunni verða allir viðbragðsaðilar á svæðinu, þ.e. almannavarnir, lögreglan, björgunarsveitir, landsstjórn og svæðisstjórn, sjúkrahús, Landhelgisgæslan, Rauði krossinn, slökkvilið og sjúkraflutningar.

Sjá auglýsingu frá æfingastjórn:

HÓPSLYSAÆFING
Fer fram í umdæmi lögreglustjórans á Norðurlandi eystra og almannavarnanefndar Eyjafjarðar
30. apríl 2016.

Allir viðbragðsaðilar sem hlutverk hafa í ný gerðri hópslysaáætlun eru boðaðir á æfinguna.
Vinsamlega takið frá tíma.

Við „Neyðarstig-rauður “ í “Viðbragðsáætlun vegna hópslysa í umdæmi Lögreglustjórans á Norðurlandi eystra / svæði almannavarnanefndar Eyjafjarðar“ þá boðar Neyðarlínan-112 eftirfarandi vettvangseiningar:

Aðgerðarstjórn almannavarna
Almannavarnadeild ríkislögreglustjórans
Björgunarsveitin Dalbjörg Eyjafjarðarsveit
Björgunarsveitin Dalvík
Björgunarsveitin Jörundur Hrísey
Björgunarsveitin Strákar Siglufirði
Björgunarsveitin Sæþór Grímsey
Björgunarsveitin Tindur Ólafsfirði
Björgunarsveitin Týr Svalbarðsströnd
Björgunarsveitin Ægir Grenivík
Fjarskiptamiðstöð ríkislögreglustjórans
Hjálparsveitin Dalbjörg Eyjafjarðasveit
HSN Akureyri, Dalvík, Fjallabyggð, Húsavík
Landhelgisgæsluna stjórnstöð / JRCC - Útkallslið
Landspítala
Landsstjórn björgunarsveita – Bakvakt
Lögreglan Norðurlandi eystra
Rauði krossinn
Sjúkraflutningar Dalvík
Sjúkraflutningar Ólafsfirði
Sjúkraflutningar Siglufirði
Sjúkrahúsið á Akureyri
Slökkvilið Akureyrar
Slökkvilið Dalvíkur
Slökkvilið Fjallabyggðar
Slökkvilið Grenivíkur
Svæðisstjórn björgunarsveita á - svæði 11
Súlur - Björgunarsveitin á Akureyri

Stóra Dalbjargarferðin

Sun, 28 Feb 2016 11:13:00 GMT

Stóra Dalbjargarferðin verður farin helgina 4.-6. mars. Ætlunin er að stefna aðeins í vesturátt og dvelja í Ströngukvíslarskála báðar nætur ferðarinnar. Dagarnir verða svo notaðir til þess að skoða svæðið í kring og auðvitað verður farið í þá átt sem býður upp á besta veðrið.

Brottfarartími frá Dalborg er kl. 17:00 föstudaginn 4. mars. Kostnaður er kr. 5.000 á mann með gistingu báðar nætur og sameiginlegum kvöldmat á laugardagskvöldinu. Að öðru leyti sér fólk um sitt eigið nesti í ferðinni og allir verða að passa upp á að hafa meðferðis viðeigandi hlífðarfatnað, góða skó, aukaföt og annað sem skiptir máli.

Skráning er hér í athugasemdum og eins og alltaf reynum við að koma öllum með sem vilja. Gott væri ef við gætum lokið skráningu á miðvikudagskvöld.

Snjóflóð 1 og 2

Sun, 21 Feb 2016 21:05:00 GMT

Námskeiðin Snjóflóð 1 og 2 verða haldin 26.-29. febrúar - ath. að það byrjar á fimmtudagskvöldi og verður haldið í Dalborg.

Leiðbeinendur verða formaðurinn okkar hann Kristján og Anton og Sara frá Súlum. Nánari upplýsingar og skráning hér og hér (athugið að skrá ykkur á bæði 1 og 2).

Athugið að Snjóflóð 1 er hluti af Björgunarmanni 1 og eitt af námskeiðum sem þarf að ljúka til að komast á útkallsskrá . Svo er ekki verra að ná að taka Snjóflóð 2 í leiðinni.

Snjóflóðaæfing

Wed, 10 Feb 2016 12:09:00 GMT

Snjóflóðaæfing verður í Hlíðarfjalli laugardaginn 13. febrúar nk. en um er að ræða samæfingu viðbraðgsaðila á svæði 11. Unnið verður skv. nýrri viðbragðsáætlun vegna snjóflóða á svæðinu og er gert ráð fyrir aðkomu allra viðbragðsaðila, s.s. lögreglu, slökkviliðs, sjúkrahúss og björgunarsveita á svæði 11.

Endilega látið vita í athugasemdum ef þið ætlið að mæta.

Flugeldasala og blaðið

Fri, 25 Dec 2015 12:19:00 GMT

Nú er blaðið okkar komið út og á að vera komið í alla póstkassa í Eyjafjarðarsveit. Einnig má sjá rafræna útgáfu hér .

Flugeldasalan er komin á fullt skrið og orðið mannað á flestar vaktir. Skipulagið má sjá hér að neðan.

27.des kl. 10 - Setja upp staðinn (setja upp hillur, teppaleggja, raða borðum o.þ.h.)

Bjarney, Hemmi, Halli, Sigmar

28.des kl. 8:30 – Raða flugeldum á lager og í hillur.

Hemmi, Raggi, Bjarney, Íris, Halli, Jóhann, Hrund, Valdimar, Davíð, Jana

Kl. 13-16: Íris, Snorri

Kl. 16-22 : Simmi eftir kl 17, Snorri

Næturvakt kl. 22-10 : Ingvi og Friðrik

29.des

Kl. 10-16 : Íris, Hrund, Jóhann

Kl. 16-22 : Bjarney, Gulla, Halli, Raggi

Næturvakt kl. 22-10 : Íris og Hrund

30.des

Kl. 10-16 : Halli, Óli S VANTAR FLEIRI

Kl. 16-22 : Bjarney, Raggi, Eiður, Hreiðar, Halli (Hemmi og Ólína eftir kl. 19) Snorri, Óli Sig.

Næturvakt kl. 22-10 : Simmi og Kristinn

31.des

Kl. 9 -16 : Raggi, Bjarney, Eiður, Hemmi, Hreiðar, Íris, Bubbi, Halli, Ingvi, Ólína frá hádegi, Snorri, Jóhann, Jón Ólafur, Óli Sig.

Kl. 16 – Frágangur - Raggi, Bjarney, Eiður, Hemmi, Hreiðar, Íris, Simmi, Ingi, Bubbi, Halli, Ingvi, Snorri Már, Jóhann, Kristinn, Jón Ólafur, Óli S, Bjarki.

Allir koma um kl. 16 og ganga frá öllu saman. Margar hendur vinna létt verk.

Getið annað hvort skráð ykkur á vaktir sem ummæli við fréttina eða í síma hjá Bjarney, 863-1271.

Hlökkum til að fá góð viðbrögð, þetta er mjög skemmtileg og mikilvæg fjáröflun!

Óveðursvakt og aðstoðarbeiðnir

Wed, 09 Dec 2015 21:59:00 GMT

Eins og margar aðrar björgunarsveitir voru Dalbjargarfélagar með óveðursvakt í húsi seinnipart mánudagsins 7. desember og fram á næsta morgun, en það voru sjö manns sem stóðu vaktina hjá okkur. Sem betur fer skall veðrið ekki á sveitinni með jafn miklum ofsa og búist var við, svo nóttin var tíðindalítil utan þess að rafmagnið fór af í sveitinni og á fleiri svæðum. Tíminn var nýttur í ýmsar æfingar og lagfæringar í húsi, en undir morgun var orðið heldur kalt í húsinu vegna rafmagnsleysisins. Auk þess voru aðilar frá Dalbjörg á vakt í svæðisstjórninni á svæði 11 vegna óveðursins undanfarna daga.

Dagana á undan höfðu Dalbjargarfélagar í nógu að snúast þar sem ýmsar aðstoðarbeiðnir bárust vegna óveðurs og ófærðar.

Þann 23. nóvember fóru fimm félagar til aðstoðar á bæ í sveitinni vegna þakglugga á fjósi sem var að gefa sig vegna hvassviðris og var bóndinn aðstoðaður við að loka glugganum.

Þann 4. desember fóru tveir félagar á Dalbjörg 2 fram í sveit til þess að koma heilbrigðisstarfsmanni til vinnu á Akureyri.

Þann 5. desember var farið á Dalbjörg 1 og ljósmóður í Hrafnagilshverfinu komið til starfa á Akureyri.

Þann 6. desember barst aðstoðarbeiðni frá bónda í Sölvadal um að ná í bilaðan vélsleða og var farið á Dalbjörg 1 til aðstoðar.

Af þessu sést að Dalbjargarfélagar hafa haft í nógu að snúast undanfarna daga og vikur. Næstu verkefni eru vinna við útgáfu blaðsins okkar um jólaleytið og síðan verður flugeldasalan í Hrafnagilsskóla að venju. Við hlökkum auðvitað til að sjá sem flesta þar.

Stóru-jól Dalbjargar

Fri, 20 Nov 2015 23:55:00 GMT

Jólanefndin kynnir Stóru-jól Dalbjargar sem verða haldin laugardagskvöldið 28. nóvember nk. kl. 19:30 í Funaborg. Meiri upplýsingar fást ekki að sinni en víst er að nefndin lofar hörkufjöri, góðum mat og tralli fram eftir kvöldi.

Skráning á herlegheitin er hafin hér í athugasemdum og stendur fram á miðvikudag. Vonumst til að sjá sem flesta :)

Útkall 11. nóvember

Fri, 13 Nov 2015 23:18:00 GMT

Hjálparsveitin Dalbjörg fékk beiðni um eftirgrennslan rétt fyrir kl. 23:00 miðvikudagskvöldið 11. nóvember um eftirgrennslan eftir ungum mönnum sem ekki höfðu skilað sér til byggða úr ferð upp að Laugafelli. Fimm félagar Dalbjargar héldu af stað á tveimur jeppum sveitarinnar auk þess sem einn var í svæðisstjórn. Þegar upp var komið fannst slóð frá Laugafelli og áleiðis í Skagafjörð. Dalbjörg 1 fór þá að Laugafelli til frekari athugunar en Dalbjörg 2 rakti slóðina austur Dragaleið. Drengirnir fundust á Skagafjarðarleið um kl. 02:00. Þeir höfðu ætlað til baka þá leið en bíllinn varð óökufær eftir að þeir óku yfir Hnjúkskvísl við Laugafell. Drengirnir voru fluttir til byggða heilir á húfi en bíllinn skilinn eftir og verður sóttur síðar.

Eins og lögreglan benti á í frétt sinni um málið er þetta skýrt dæmi að ferðalög til fjalla að vetri til krefjast þekkingar, undirbúnings, góðs skipulags og öflugs búnaðar ef allt að ganga upp. Gott að allt fór vel í þetta skiptið.

Útkall 8. nóvember

Mon, 09 Nov 2015 09:27:00 GMT

Sunnudagskvöldið 8. nóvember fóru fimm Dalbjargarfélagar til aðstoðar ferðafólki við Laugafell. Þau höfðu farið upp Eyjafjarðardalinn á óbreyttum bíl en fest bílinn rétt við Laugafell. Vel gekk að losa bílinn og komst fólkið síðan af sjálfsdáðum til byggða og engan sakaði.

Neyðarkallinn og rafhlöður

Mon, 02 Nov 2015 17:32:00 GMT

Þá er komið að árlegri sölu okkar og yfirferð á Neyðarkalli og rafhlöðum í reykskynjara.

Við byrjum á fimmtudagskvöld kl 19:00, best er að vera tvö og tvö saman og vil ég biðja ykkur að skrá ykkur á vaktir í athugasemdir hérna undir eða senda mér í sms 8699380 eða skilaboð á Facebook þær vaktir sem þið viljið vera. Við höfum þetta bara einsog verið hefur að það eru tvær vaktir á ferðinni í einu á sitthvorum bakkanum. Flott væri ef fólk mundi para sig saman og skrá saman þá gengur þetta allt mun betur ;). Margar hendur vinna létt verk, klárum þetta með stæl einsog okkur einum er lagið. Hlakka til að heyra frá ykkur.

Ef einhverjir vilja fara á þeim tíma sem er orðið fullmannað einsog fimmtudagskvöld eða seinnipart á laugardag að þá eru til 3 posar svo það geta verið 3 vaktir í gangi í einu ;)

Hiace inn okkar er í boði fyrir söluna Ég er búin að tala við Stefán og það þarf EKKI að senda honum sms ;) .ið bara takið bílinn ef þið viljið nota hann á ykkar vakt, hann verður geymdur utandyra á meðan á sölunni stendur ;)

kv Gulla

Vakt 1 Vakt 2 Vakt 3

Fimmtudagur 5 nóv kl 19:00 - 22:00 Íris og Davíð Ragnar Ágúst og Bjarki

Föstudagur 6 nóv kl 19:00 - 22:00 Gulla og Unnur Hreiðar og Ingvi Bjarki og Ragnar Ágúst

Laugardagur 7 nóv kl 10:00-14:00 Íris og Halli

kl 14:00- 18:00 Sunna og Þór Eiður og Erna

Sunnudagur 8 nóv kl 10:00-14:00 Unnur og Íris

kl 14:00-18:00 Sigmar

Haustferð 2015

Mon, 19 Oct 2015 19:57:00 GMT

Haustferðin okkar verður farin helgina 23.-25. október nk. Þetta árið verður gamanið á Austurlandi.

Farið verður frá Dalborg seinnipart föstudags og haldið í Fjallaskarð þar sem verður gist um nóttina. Á laugardaginn verður farið í Snæfell og verður sameiginlegur matur á laugardagskvöldinu.

Félagar þurfa auðvitað að vera klæddir eftir veðri og hafa nesti sem dugar fyrir helgina, nema fyrir laugardagskvöldið.

Lagt verður af stað frá Dalborg kl 17:00 en það verður hægt að hitta okkur líka bara á Leirunni og koma í bílana þar 17:20 ca ;) Hlökkum til að sjá ykkur ;)

Skráning er hér í athugasemdum og biðjum við félaga einnig að taka fram ef þeir ætla á einkabíl og hve mörg pláss eru þá í bílnum. Þátttökugjald í ferðina eru 3000 kr. og má millifæra það á reikning Dalbjargar, kt. 530585-0349, reikn. 0302-26-12482. Eins og alltaf reynum við eftir fremsta megni að koma öllum með sem vilja.

Landsæfing S.L. 10. október

Sun, 04 Oct 2015 18:51:00 GMT

Eins og þið vitið flest verður Landsæfing björgunarsveita S.L. haldin í Eyjafirði laugardaginn 10. október. Sveitirnar á svæðinu koma að skipulagi æfingarinnar með einum eða öðrum hætti og eru þónokkur verkefni í umsjón Dalbjargarfélaga. Við þurfum á öllum okkar mannskap að halda þennan laugardag eins og við ræddum á síðasta fundi, bæði til að hafa umsjón með verkefnum, vera sjúklingar og fleira. Þetta er bæði skemmtileg og fræðandi reynsla og við hvetjum ykkur til að taka þátt.

Þeir sem hafa enn ekki fengið verkefni á æfingunni sjálfri eru hvattir til að láta vita í athugasemdum hér að neðan og þá verður haft samband við ykkur!

Kv. stjórnin.

Fyrsti almenni fundur vetrarins

Fri, 04 Sep 2015 09:28:00 GMT

Fyrsti almenni fundur vetrarins verður haldinn sunnudaginn 6. september kl. 20:30 í Dalborg.

Á fundinum verður fjallað um starf vetrarins, sem byrjar með látum þar sem framundan eru mörg námskeið, Landsæfing björgunarsveitanna og fleira skemmtilegt. Þá verður farið yfir starf sumarsins, útköll og aðstoðarbeiðnir og margt fleira.

Við bjóðum nýja félaga sérstaklega velkomna og hvetjum sem flesta til að mæta.

Hlökkum til að sjá ykkur.

Stjórnin.

Útköll í sumar

Tue, 25 Aug 2015 18:30:00 GMT

Aðstoð á Eyjafjarðardal

Þann 14. júní sl. óskuðu fjórir einstaklingar eftir aðstoð. Þeir höfðu ætlað í Laugarfell en festu bíl sinn á Eyjafjarðardal. Þeir gengu niður dalinn um nóttina og létu vita af sér í Hólsgerði. Farið var á Dalbjörg 1 upp dalinn til þess að losa bilinn og hann var fluttur niður í Hólsgerði. Ferðalangana sakaði ekki og var komið til síns heima.

Leit við Þórisvatn

Þann 21. júlí um kl. 05:25 barst útkall vegna göngumanna sem orðið höfðu viðskila á göngu frá Hofsjökli. Annar komst í bíl hjá ferðamönnum við Þórisvatn en hafin var leit að hinum manninum. Fimm manns lögðu af stað á Dalbjörg 1 til aðstoðar, en maðurinn fannst heill á húfi áður en félagar Dalbjargar komust á leitarstað.

Leit að flugvél

Þann 9. ágúst upp úr kl. 18:00 barst Hjálparsveitinni Dalbjörg útkall vegna flugvélar sem hafði lagt af stað kl. 14:10 frá Akureyri til Keflavíkur, en ekki skilað sér á áfangastað. Aðgerðin var stór og fjölmargar björgunarsveitir voru kallaðar út til leitar, eða rúmlega 40 talsins. Fjórir félagar fóru af stað til leitar á Dalbjörg 1 og var farið upp Garðsárdalinn þar sem þrír félagar gengu upp dalinn frá skálanum Adda. Um kl. 21:00 fannst flugvélin við Gíslahnjúk í Barkárdal, sem er inn af Hörgárdal. Tveir menn voru í vélinni og var annar látinn. Dalbjörg 1 var kominn í hús um miðnætti en svo gegndu tveir félagar gæslustörfum um nóttina við Barkárdal.

Aðstoð við vélhjólamann á Garðsárdal

Þann 15. ágúst óskaði vélhjólamaður sem var á ferð inn á Garðsárdal eftir aðstoð, en hjólið hans hafði bilað. Tveir félagar Dalbjargar fóru til aðstoðar og komu manninum heilum á húfi til byggða, ásamt hjólinu.

Leit að konu á Vaðlaheiði

Þann 25. ágúst barst útkall um kl. 18:22 vegna leitar að göngukonu á Vaðlaheiði, en skollið hafði á þoka þá um daginn. Konan var í símasambandi framan af og rataði ekki til baka, en var vön göngum og vel búin. Frá Dalbjörg fóru níu manns til leitar, en konan fannst um kl. 19:50, heil á húfi.

Leit að konu í Sölvadal

Aðfaranótt 26. ágúst barst aðstoðarbeiðni vegna konu sem hafði verið í girðingarvinnu í Sölvadal. Þoka var á svæðinu og var hún orðin villt. Tveir félagar fóru þegar til aðstoðar og fannst konan stuttu seinna.

Aðstoð á Eyjafjarðardal

Að kvöldi 26. ágúst barst aðstoðarbeiðni vegna tveggja ferðamanna í vandræðum á Eyjafjarðardal, en bifreið þeirra hafði bilað. Þau höfðu reynt að ganga til byggða en snúið við í bifreiðina. Fjórir félagar fóru á Dalbjörg 1 og 2 til aðstoðar og komu ferðamönnunum til byggða, en þá hafði ekki sakað.

Fastur bíll í Þormóðsdal

Þann 3. september fóru þrír félagar Dalbjargar til aðstoðar ökumanni á bifreið sem notuð var til að flytja gangnamenn upp á Hólafjall. Bifreiðin sat föst og var ökumanninum hjálpað við að losa bifreiðina.

Sumarfögnuður

Sun, 23 Aug 2015 21:45:00 GMT

Sumarnefndin stendur fyrir sumarfögnuði laugardaginn 29. ágúst. Um verður að ræða óvissudag, mæting er kl. 16 í Dalborg.

Svo ætlum við að eiga skemmtilegan dag saman og endum þetta á mat um kvöldið. Formlegri dagskrá verður lokið um kl. 22:00, en fólki er velkomið að vera lengur. Í Dalborg reynum við að sameinast í bíla eins og mögulegt er, gott er að taka fram í skráningunni hvort viðkomandi getur verið á bíl yfir daginn.

Mælt er með að klæða sig eftir veðri, þar sem við verðum eitthvað úti. Jakkafötin og síðkjólarnir eru ekki nauðsynlegir þennan laugardaginn! Fólki er velkomið að taka með sér drykki að heiman til að svala sér yfir daginn og einnig eiga með kvöldmatnum ef vilji er fyrir.

Skráning er hér í athugasemdum, endilega skráið ykkur sem fyrst, helst ekki seinna en á fimmtudag. Við viljum sjá sem flesta. Þetta verður gaman, sumarnefndin lofar hörkufjöri!

Vinnukvöld á fimmtudag

Sun, 23 Aug 2015 21:41:00 GMT

Vinnukvöld verður í Dalborg, fimmtudagskvöldið 27. ágúst kl. 20:00. Við þurfum að fara að taka til hendinni í húsinu okkar eftir sumarið og handverkið og hafa það fínt fyrir vetrartörnina!

Svo stendur sumarnefndin fyrir skemmtun laugardaginn 29. ágúst - kíkið á næstu frétt fyrir það. Góð upphitun að hittast á vinnukvöldi á fimmtudegi og skemmta sér á laugardegi!

Flott væri að fá skráningu hér í athugasemdum.

Kv. stjórnin

Vaktir og vinna við Handverkshátíð

Tue, 28 Jul 2015 14:47:00 GMT

Nú er frekari vinna framundan vegna Handverkshátíðarinnar.

Þriðjudaginn 4. ágúst - Þennan dag byrjum við kl. 16:00 að setja upp tjöldin.

Miðvikudaginn 5. ágúst - Tjaldauppsetning kl. 10:00 og frameftir degi . Okkur vantar margar hendur allan þennan dag, frá morgni og þar til öll tjöld eru komin upp.

Endilega látið vita í athugasemdum hvort þið komist þessa tvo daga og þá hvenær - það er frábært ef þeir sem komast ekki gætu einnig látið vita, það minnkar skipulagsvinnu! En við gerum auðvitað ráð fyrir að sem allra flestir mæti, margar hendur vinna létt verk!

Gæsluvaktir á Handverkshátíðinni sjálfri. Við verðum með bæði sjúkragæslu og bílastæðagæslu á hátíðinni. Jóhann sér um skráningu og utanumhald á þær vaktir, hægt er að ná í hann í síma 8474041.

Við þurfum að manna alla daga, þ.e. fimmtudaginn 6. ágúst til sunnudagsins 9. ágúst frá opnun til lokunar og einnig þurfum við fólk í grillið á laugardagskvöldinu.

Opnunartími Handverkshátíðar er fimmtudag til laugardags frá kl. 12-19 og frá kl. 12-18 á sunnudeginum.

Fyrsta fólk í gæslu, þ.e. tveir aðilar, mæta í gæslu kl. 11 á morgnana. Rétt upp úr hádegi eða um kl. 13-14 bætast við 2-4 í viðbót. Vöktum verður raðað upp eins og hentar eftir því hvenær félagar komast, Jóhann sér um það.

Grillið verður eins og venjulega á laugardagskvöldinu og í það þurfum við allar lausar hendur.

Frágangur verður svo strax eftir lokun á sunnudeginum, frá kl. 18 og frameftir. Á mánudagskvöldið þurfum við að koma sýningarkerfinu inn í gám.

Þriðjudagur uppsetning - Eiður, Ragnar, Bubbi, kannski Íris, Sunna, kannski Eysteinn, Ingi, Sigmar, Halli, Jói Jak, Helga, Hreiðar, Ingi, Bjarney, Friðrik frá kl. 17, Palli...

Miðvikudagur uppsetning - Eiður, Ragnar, Bubbi, Íris, Sunna, kannski Eysteinn, Ingi, Sigmar, Halli, Jói Jak, Helga, Hreiðar, Ingi, Bjarney til kl. 16, Friðrik frá kl. 17...

Fimmtudagur gæsla - Jóhann 10-13. Íris 9:30-19, Sigmar 11-19, Helga allan daginn.

Föstudagur gæsla - Jóhann 10-14, Ólína 11-19, Hreiðar 11-19, Ólafur Ingi 14-19, Ágúst Örn 14-19, kannski Friðrik.

Laugardagur gæsla - Jóhann 10-13. Íris 16-19, Sigmar 11-19, Hreiðar 11-21, Bjarney 11-19, Sunna 13-19, Snorri Már, Ragnar Ágúst.

Grill á laugardagskvöldi - Íris, Eiður, Bubbi, Elmar, Bjarney, Friðrik, Bjarki, Snorri Már, Ragnar Ágúst, Jóhann...

Sunnudagur gæsla - Jóhann 10-13, Helga 12-18, Íris eftir kl. 16, Gulla 11-18 VANTAR tvo

Sunnudagur frágangur - Eysteinn, Helga, Sigmar, Halli, Jói Jak, Eiður, Ragnar, Bubbi, Ingi, Hreiðar, Ingi, Bjarney, Friðrik, Palli, Gulla, Bjarki

Mánudagskvöld frágangur - Ragnar, Eiður, Gulla...

Skráning á vaktir er hér í athugasemdum eða hjá Jóhanni í síma 8474041. Látið vita hvenær þið komist á vaktir og einnig hvort þið getið verið með í grillinu, uppsetningu og frágangi. Einnig hægt að láta Sunnu vita með sms í síma 6697965.

Munið að það auðveldar okkur alla vinnu ef það er líka látið vita um þá sem komast lítið eða ekkert! Hvet sem flesta til að skrá sig í tjaldauppsetningu, gæslu, grill og frágang , það er mun auðveldara að dreifa vinnunni á fleiri hendur!

Kv. stjórnin.

Vinna við Handverkshátíð

Mon, 13 Jul 2015 21:47:00 GMT

Nú mega allir fara að undirbúa sig undir skemmtilegu störfin á Handverkshátíðinni!

Fimmtudagur 16. júlí - Teppalögn í íþróttasal. Mæting er kl 19:00.

Föstudagur 17. júlí - Sýningarkerfið sett upp. Mæting kl 17:00.

Laugardagur 18. júlí - Lokið við að setja upp sýningarkerfi. Mæting kl. 10:00.

Skráning er hjá Eisa með sms í síma 8615537 og með athugasemdum við þessa frétt, alltaf gaman að sjá hverjir mæta!

Vinna við Handverkshátíðina er mjög stór fjáröflun fyrir okkur og því er mikilvægt að allir sem mögulega geta, taki þátt. Þetta er forsendan fyrir því að við getum haldið skemmtilega starfinu okkar áfram, haldið námskeið, gert húsið okkar fínt og fleira.

Þeir sem ætla að vera í sjúkra- og bílastæðagæslu á hátíðinni og þeir sem ætla að vera á grillinu á laugardagskvöldið mega hafa samband við Jóhann, en nánari upplýsingar um vaktir í því koma síðar.

Kveðja, stjórnin.

Dalbjargarútilega!

Mon, 06 Jul 2015 21:45:00 GMT

Næsta föstudag, 10. júlí, mun sumarnefndin endurvekja útilegustemninguna okkar í Leyningshólum! Það eru orðin nokkur ár síðan síðast.

Herlegheitin byrja kl. 18 og stefnan er að borða saman góðan mat í boði nefndarinnar og hafa gaman saman. Það er frábært að tjalda í Leyningshólum svo þau sem hafa áhuga á því mega endilega grípa með útilegubúnaðinn og rifja upp hvernig skal tjalda eins og einu kúlutjaldi. Vonandi reddar nefndin svo einhverjum með gítar svo hægt verði að syngja öll helstu lögin.

Skráning er við þessa frétt - vonandi sjáum við frábæra mætingu!

Kv. Súpersumarnefndin!

Almennur fundur 5. júlí

Sat, 04 Jul 2015 16:42:00 GMT

Almennur fundur verður haldinn 5. júlí kl. 20:30. Rætt verður um undirbúning handverks, námskeið næsta vetrar og fleira.

Við hvetjum sem flesta til að mæta, hlökkum til að sjá ykkur!

Kveðja, stjórnin.

Aðstoðarbeiðni

Tue, 16 Jun 2015 20:16:00 GMT

Um kl. 09:00 þann 14. júní barst Hjálparsveitinni Dalbjörg beiðni um aðstoð. Fjórir ferðalangar höfðu fest bíl sinn á Eyjafjarðardal um nóttina, en þeir höfðu farið í ökuferð inn á dalinn. Þeir höfðu gengið til baka um nóttina og komist í Hólsgerði til að láta vita af sér.

Tveir félagar fóru á Dalbjörg 1 til aðstoðar og losuðu bílinn. Ferðalangarnir tóku bílinn aftur í Hólsgerði og héldu til Akureyrar, heilir á húfi.

Gjöf til Hjálparsveitarinnar Dalbjargar

Mon, 15 Jun 2015 22:19:00 GMT

Randver Víkingur Rafnsson gaf Hjálparsveitinni Dalbjörg veglega peningagjöf á dögunum í tilefni af 60 ára afmæli sínu þann 10. júní sl. Randver er ættaður frá Hólum í Eyjafjarðarsveit og býr á Akureyri.

Það er alltaf gott að finna fyrir stuðningi frá fólkinu í kringum okkur og viljum við þakka Randver kærlega fyrir þessa góðu gjöf.

Klifurdagur með Súlum

Thu, 11 Jun 2015 20:41:00 GMT

Við höfum fengið boð frá Súlum, björgunarsveitinni á Akureyri um að taka þátt í klifurdegi sem þau ætla að halda í Munkaþverárgilinu á laugardaginn. Svona hljómar viðburðarlýsingin:

Á laugardag er útlit fyrir gott klifurveður í Eyjafirði og þá ætlar undanfararhópur Súlna bjóða ykkur að koma í klettaklifur í Munkaþverárgili. Reiknað er með að keyra frá Hjalteyrargötunni kl. 9 og klifra eitthvað fram eftir degi. Markmiðið er að fólk fái aðeins að kynnast sportklifri og verði öruggari með að kíkja í klifur á eigin vegum. Þið getið einnig bara rennt við og jafnvel tekið eitt eða fleiri gó eða bara sigið ofan í gilið :)

Kassaklifur og girðing

Thu, 11 Jun 2015 20:21:00 GMT

Á laugardaginn verðum við með kassaklifur vegna Kvennahlaupsins við Hrafnagilsskóla. Þetta er alltaf svaka fjör - þeir sem geta hjálpað til mega skrá sig í athugasemdir hér fyrir neðan og / eða láta Sunnu vita. Mæting verður kl. 10:00 á laugardaginn og við verðum búin um hádegi.

Á sunnudagskvöld verður haldið í girðingavinnu eins og venjulega á þessum árstíma. Þetta er verk sem tekur stutta stund ef við fáum nógu margar hendur í það, svo við hvetjum ykkur alveg endilega til að mæta! Komið í fötum sem hæfa veðri og með hamar, naglbít og hvaðeina sem nýtist við þessa vinnu. Skráning í athugasemdum.

Kveðja, stjórnin

Landsþing afstaðið

Mon, 01 Jun 2015 22:21:00 GMT

Hópurinn sem hélt til Ísafjarðar til að sitja Landsþing og taka þátt í Björgunarleikum átti frábæra helgi í fínasta veðri á Ísafirði. Við sendum tvö lið á Björgunarleikana og annað þeirra, "Made in sveitin" varð í 5.-6. sæti af 18 liðum sem verður að teljast góður árangur fyrir sveitina okkar. Sýnum það og sönnum enn og aftur að við erum framarlega í þessum málum og þekkingin og samheldnin hjá okkur er mikil. Svo var liðið auðvitað í svo flottum göllum frá Jötunn vélum, sem hafa eflaust hjálpað til! Í hinu liðinu okkar voru margir sem höfðu aldrei tekið þátt í Björgunarleikum áður en stóðu sig engu að síður vel og höfðu upp úr þessu mikilvæga reynslu. Þau lentu í 17. sæti. Í því liði voru Ólína, Íris, Bjarney, Gulla, Hreiðar og Sigmar (sjá mynd neðst).

Helgin var líka skemmtileg fyrir þá sem sátu Landsþingið, sérstaklega þegar á kosningum stóð, þar sem formannskjör og kjör til stjórnar voru æsispennandi.

Á sunnudeginum litum við í opin hús til Björgunarsveitarinnar Ernis á Bolungarvík og Tinda í Hnífsdal og var mjög gaman að sjá aðstöðuna hjá þessum sveitum.

Takk fyrir helgina!

P.S. Sjáumst næst í kassaklifri í Kvennahlaupinu og svo auðvitað í girðingavinnu og á Handverkshátíð! Nóg að gera þótt sumarið sé komið!

Björgunarleikar, þing og árshátíð

Mon, 25 May 2015 12:28:00 GMT

Landsþing Slysavarnafélagsins Landsbjargar verður haldið helgina 29.-30. maí á Ísafirði, eins og þið vitið. Á laugardeginum verða háðir hinir stórskemmtilegu Björgunarleikar og auðvitað erum við með tvö lið sem taka þar þátt!

Við munum gista í svefnpokaplássi á vegum Hótel Eddu á Ísafirði og mun Dalbjörg standa straum af kostnaði vegna gistingar ásamt morgunverði fyrir mannskapinn.

Á laugardagskvöldinu verður árshátíð S.L. haldin. Húsið opnar kl. 19:30 (þó enn óljóst nákvæmlega hvaða hús..). Borðhaldið hefst kl. 20:00 og dansleikur eftir það. Aldurstakmark er 18 ár. Veislustjóri verður Kenneth Máni og hljómsveitin Húsið á sléttunni leikur fyrir dansi. Miðaverð er kr. 7.900 og munu félagar greiða það sjálfir.

Þeir félagar sem ætla að sitja þingið munu fara héðan á fimmtudegi, en björgunarleikaliðin munu fara frá Dalborg kl. 10:00 á föstudagsmorgni.

Skráning á Landsþing

Fri, 24 Apr 2015 20:14:00 GMT

Birtum hér póst sem kom frá Slysavarnafélaginu Landsbjörg um Landsþingið:

Skráning er hafin á landsþing Slysavarnafélagsins Landsbjargar verður sett föstudaginn 29. maí kl. 14 á Ísafirði. Skráningin fer fram á innri vef félagsins. Er félagsfólk beðið um að skrá sig tímanlega, það auðveldar alla skipulagningu og utanumhald.

Eins og fyrr segir hefst þingið föstudaginn 29. maí og lýkur því seinnipartinn á laugardaginn 30. maí. Laugardagskvöldið 30. maí verður svo árshátíð félagsins haldin með dansleik fram á nótt. Athugið að merkja við í skráningaforminu ef þið ætlið að mæta á grillið á föstudagskvöldinu og/eða árshátíðina á laugardagskvöldinu. Verð á árshátíðina er kr. 7.900,-

Björgunarleikarnir verða haldnir á laugardeginum 30. maí samhliða þinghaldi. Lið þurfa að skrá sig sérstaklega á leikana og er það gert á innri vef SL. Þátttakendur í björgunarleikum er bent á að skrá sig í grill og á árshátíð ætli þeir sér að taka þátt í þeim viðburðum.

Þið þurfið semsagt að skrá ykkur sjálf á þá viðburði sem þið ætlið að mæta á:

Ef þið kunnið ekki á kerfið getið þið sent póst á dalbjorg@dalbjorg.is og stjórn aðstoðar við skráningu.

Ef þið fenguð ekki þennan póst frá S.L., sendið þá línu á dalbjorg@dalbjorg.is og við bætum ykkur á póstlistann.

Aðalfundi 2015 lokið

Fri, 24 Apr 2015 12:32:00 GMT

Aðalfundur Hjálparsveitarinnar Dalbjargar 2015 var haldinn í gær, sumardaginn fyrsta.

Á dagskrá fundarins voru venjuleg aðalfundarstörf, þ.á.m. stjórnarkjör. Í ár voru gjaldkeri og þrír stjórnarmenn kosnir í stjórn. Í kjöri til gjaldkera voru Jóhannes Jakobsson og Alexander Gunnar Jónasson, en eftir kosningu hélt Jóhannes stöðu sem gjaldkeri sveitarinnar.

Í kjöri til almennrar stjórnarsetu voru Sunna Axelsdóttir, Eiður Jónsson, Ingvar Þ. Ingólfsson, Guðlaug Sigríður Tryggvadóttir, Stefán Magnús Jónsson, Alexander Gunnar Jónasson og Bjarney Guðbjörnsdóttir. Kjöri til almennrar stjórnarsetu náðu Sunna Axelsdóttir, Eiður Jónsson og Ingvar Þ. Ingólfsson svo stjórn er óbreytt frá fyrra ári. Fyrsti varamaður er Stefán Magnús Jónsson og annar varamaður Alexander Gunnar Jónasson.

Mæting á fundinn var með besta móti og þökkum við félögum kærlega fyrir komuna og skemmtilegar umræður. Við sjáumst næst á almennum fundi þann 3. maí nk.

Kveðja, stjórnin.

Sumardagurinn fyrsti

Wed, 22 Apr 2015 09:21:00 GMT

Sumardaginn fyrsta, þann 23. apríl, verður margt um að vera hjá okkur.

Aðalfundurinn verður haldinn kl. 20:30 í Dalborg og hvetjum við sem flesta til að mæta.

Ingi og Hreiðar ætla svo að vera með tækin okkar til sýnis á sumarhátíð á Melgerðismelum frá kl. 13:30. Þau sem vilja aðstoða mega endilega hafa samband, eða bara kíkja við á melunum.

Sjáumst hress!

Stjórnin.

Framboð til stjórnar

Mon, 20 Apr 2015 13:52:00 GMT

Uppstillingarnefnd kynnir framboð til stjórnar 2015 sem komin eru fram, en vekur athygli á því að hægt er að tilkynna um framboð fram að aðalfundi og á fundinum sjálfum.

Kosið verður um gjaldkera og þrjá stjórnarmenn.

Til gjaldkera eru í kjöri:

Námskeið í leitartækni

Sat, 18 Apr 2015 18:27:00 GMT

Dagana 15.-17. maí verður haldið hjá okkur námskeið í leitartækni. Allir sem eiga þetta námskeið eftir eru hvattir til að skrá sig, en nánari upplýsingar og skráning eru hér .

Ef það eru einhverjir sem komast ekki þessa daga, þá er á dagskrá námskeið í leitartækni í fjarnámi sem hefst núna á föstudaginn, 24. apríl. Verklegur hluti er áætlaður 2. maí nk. Skráning hér .

Við mælum sterklega með því að þið reynið að mæta á námskeiðið sem við höldum í húsi um miðjan maí. Um að gera að skrá sig sem fyrst.

Aðalfundur 2015

Tue, 07 Apr 2015 14:57:00 GMT

Aðalfundur Hjálparsveitarinnar Dalbjargar 2015 verður haldinn fimmtudaginn 23. apríl, sumardaginn fyrsta, kl. 20:30 í Dalborg. Á dagskrá eru venjuleg aðalfundarstörf.

Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.

Kveðja, stjórnin.

Fundur vegna hálendisgæslu

Mon, 06 Apr 2015 10:49:00 GMT

Fundur vegna hálendisgæslu verður á miðvikudaginn, 8. apríl kl. 20:00 í Dalborg. Skyldumæting fyrir þá sem hafa áhuga á að vera með i hálendisgæslunni í sumar. Þeir sem komast ekki skulu láta Halla vita í síma 8479844.

Farið verður yfir hlutverk okkar og skyldur á meðan á vaktinni stendur, en okkar vika er 12.-19. júli á Sprengisandi. Möguleiki er á að vera hluta vikunnar.

Almennur fundur

Sun, 29 Mar 2015 16:19:00 GMT

Almennur fundur verður í kvöld, 29. mars kl. 20:30. Það eru mörg mál á dagskrá, s.s. námskeið, kynning á Svörun, viðburðir framundan o.fl.

Hlökkum til að sjá ykkur.

Kv. stjórnin.

Stefnumótunarfundur

Sat, 28 Mar 2015 15:32:00 GMT

Nú er að fara af stað vinna við stefnumótun Slysavarnafélagsins Landsbjargar. Umsjón með því starfi hefur Dr. Haukur Ingi Jónasson. Það er afar mikilvægt fyrir þá sem sitja í stjórn S.L. hverju sinni að hafa skýra stefnu sem endurspeglar vilja grasrótarinnar. Stefnumótunin mun því fara fram víða og með þátttöku margra enda mikilvægt að vanda til verka þegar stefna félagsins næstu árin er mótuð.

Þann 31. mars verður stefnumótunarfundur með Hauki Inga haldinn í húsnaði Súlna, björgunarsveitarinnar á Akureyri, Hjalteyrargötu 12. Fundurinn stendur frá kl. 18-21 og er öllum opinn.

Stjórn Dalbjargar hvetur alla sem hafa áhuga á málefnum Slysavarnafélagsins Landsbjargar til að mæta á fundinn.

Útkall 18. mars

Sat, 28 Mar 2015 15:16:00 GMT

Dalbjörg barst útkall um kl. 3:30 aðfaranótt 18. mars vegna eldsvoða að Brúnalaug. Nokkrir Dalbjargarfélagar fóru á staðinn til aðstoðar, m.a. til að loka götum á húsum o.fl. Eldurinn kviknaði í tengibyggingu við gróðurhús og varð af mikið tjón, en ný uppskera var á leið í verslanir eftir nokkra daga. Rafmagn fór einnig af í eldsvoðanum.

Stjórnarheimsókn

Sat, 14 Mar 2015 18:23:00 GMT

Sunnudaginn 15. mars fengum við heimsókn frá stjórn Slysavarnafélagsins Landsbjargar. Þaðan komu fjórir stjórnarmeðlimir til að ræða málin við okkur og mættu nokkrir félagar auk stjórnar. Þetta var hin besta heimsókn og það er frábært að stjórn S.L. heimsæki einingar um landið til að sjá hvað félagar þeirra hafa að segja.

Útköll og aðstoðarbeiðnir

Sat, 14 Mar 2015 11:51:00 GMT

Nokkuð hefur verið um útköll og aðstoðarbeiðnir undanfarið.

Þann 26. febrúar sl. voru kallaðar út sveitir af svæði 10 og 11 vegna neyðarmerkis frá SPOT staðsetningartæki. Frá Dalbjörg fóru tveir menn á sleðum auk snjóbíls af stað úr húsi. Lagt var af stað upp Vatnahjallann frá Hólsgerði um kl. 18. Veður var með versta móti og sóttist ferðin seint og stoppaði hluti hópsins í Berglandi sökum þess að ekkert skyggni var á svæðinu. Mennirnir fundust síðan um kl. 23:00 heilir á húfi og var komið til byggða.

Aðstoðarbeiðni barst seinnipart dags þann 7. mars sl. vegna jeppamanna sem voru á ferð við Eyjafjörð og höfðu farið niður Gönguskarð ofan í Garðsárdal. Aðstoð þurfti við að koma bílunum upp á ný, en ekki var hægt að aka lengra niður sökum snjóleysis. Um 5 bíla var að ræða sem þurfti að spila upp. Aðgerðin gekk vel og félagar voru komnir í hús rétt upp úr miðnætti.

Eins og eflaust allir hafa orðið varir við er veður mjög slæmt á landinu og eru fjölmargir björgunarsveitarmenn að störfum út um allt land. Tveir félagar Dalbjargar fóru þann 14. mars til aðstoðar að bænum Brúnum í Eyjafjarðarsveit þar sem stór fjárhúsgluggi brotnaði vegna veðurs. Sú aðstoðarbeiðni barst um kl. 11:30 og gekk vel að loka gatinu.

Eftir aðstoðina á Brúnum fóru þrír félagar Dalbjargar til aðstoðar á Sigtúnum, en þar hafði stór súrheysturn fokið um koll í rokinu og lent á hluta af hlöðu á bænum. Sem betur fer slösuðust hvorki menn né dýr, en hlaðan skemmdist talsvert.

Vinnukvöld 10. mars

Mon, 09 Mar 2015 12:24:00 GMT

Það verður vinnukvöld í Dalborg þriðjudagskvöldið 10. mars kl. 20:00. Mætum nú sem flest og gerum fínt og flott í húsinu okkar.

Hlökkum til að sjá ykkur!

Kv. stjórnin.

Landsþing og Björgunarleikar 2015

Tue, 03 Mar 2015 21:54:00 GMT

Landsþing og Björgunarleikar S.L. verða haldin á Ísafirði 29.-30. maí. Laugardagskvöldið 30. maí verður árshátíð félagsins haldin með dansleik fram á nótt.

Við tökum auðvitað þátt og stefnum að því að fjölmenna. Ef einhverjir hafa áhuga á því að sitja þing má endilega hafa samband við stjórn og láta vita af því. Einnig hvetjum við þá sem hafa áhuga á Björgunarleikunum til að safna saman í lið og taka þátt!

Nú er farið að huga að því að bóka gistingu á Ísafirði, svo þeir sem hafa áhuga á því að fara með skulu láta vita með athugasemd við þessa frétt fyrir næsta sunnudag, 8. mars. Stjórn mun síðan taka saman fjöldann og athuga með gistimöguleika. Ef frekari upplýsingar vantar má hafa samband við stjórn: dalbjorg@dalbjorg.is.

Tækjamót 20.-22. mars

Wed, 18 Feb 2015 09:52:00 GMT

Tækjamót Slysavarnafélagsins Landsbjargar verður haldið í Trékyllisvík á Ströndum dagana 20.-22. mars 2015.

Þangað munu hópast félagar úr fjölmörgum björgunarsveitum á landinu til að sýna sig og sjá aðra. Þetta er mjög skemmtilegur viðburður og þið skuluð endilega skrá ykkur sem fyrst, til að við getum örugglega bókað gistingu og haft pláss fyrir alla! Skráning er hér í athugasemdum.

Kv. stjórnin.

Snjóflóð 1 og 2, 27. feb. - 1. mars

Wed, 18 Feb 2015 09:23:00 GMT

Dagana 27. febrúar - 1. mars verður haldið námskeið í Snjóflóðum 1 og 2 hjá okkur í Dalborg.

Hægt er að finna frekari upplýsingar um námskeiðið og skráningu með því að smella hér , en námskeiðið sem verður haldið hjá okkur er bæði 1 og 2 svo það eru í raun ekki forkröfur á þetta námskeið.

Þetta er flott námskeið með frábærum leiðbeinendum, Sara og Kristján frá Súlum og svo okkar eigin formaður, hann Bubbi. Við hvetjum alla til að skrá sig, þetta er mikilvægt námskeið. Ef langt er síðan þið hafið tekið þetta námskeið þá er um að gera að skella sér aftur!

Kveðja, stjórnin.

Aðstoðarbeiðni 4. febrúar

Wed, 04 Feb 2015 17:36:00 GMT

Að morgni þann 4. febrúar barst aðstoðarbeiðni vegna óveðurs. Mikið hvassvirði hafði verið þá um nóttina og hafði rúða brotnað á bænum Arnarfelli í Eyjafjarðarsveit. Nauðsynlegt var að loka fyrir gatið sem myndaðist og var farið til þeirra með verkfæri og fleira sem þurfti til að ljúka verkinu.

Verkið gekk fljótt og vel, en engan sakaði í hvassviðrinu svo vitað sé og ekki bárust fleiri aðstoðarbeiðnir.

Útkall 1. febrúar

Tue, 03 Feb 2015 20:46:00 GMT

Að kvöldi sunnudagsins 1. febrúar barst aðstoðarbeiðni frá lögreglu vegna ferðalanga sem voru í vandræðum austan við Laugafell. Þar voru á ferð sjö manns á þremur bílum og fóru fjórir Dalbjargarfélagar af stað til aðstoðar.

Þegar beiðnin barst var almennur fundur í Dalborg svo nægur mannskapur var til að manna bílana sem fóru af stað, sem og til að undirbúa ferðina. Tveir bílar frá Dalbjörg fóru af stað og freistuðu þess að komast upp Kerhólsöxl í Sölvadal, en snjóbíll frá Súlum fór upp á hálendið frá Öxnadalsheiðinni. Bílar Dalbjargar lögðu af stað um kl. 23:00 og sóttist ferðin hægt upp öxlina, en um kl. 03:00 um nóttina kom upp bilun í öðrum bílnum. Þá var ákveðið að hinn Dalbjargarbíllinn færi upp Bárðardal með þrjá félaga innanborðs, ásamt bílum frá Súlum og Þingey. Lagt var af stað frá Mýri í Bárðardal um kl. 06:00.

Snjóbíllinn kom að fólkinu um kl. 7:30 að morgni 2. febrúar og bílarnir sem fóru upp úr Bárðardalnum í kjölfarið. Hugað var að fólkinu sem var við góða heilsu og hafði hafst við í bílunum um nóttina. Síðan var lagt af stað aftur til byggða, en einn bílinn þurfti að draga sökum bilunar. Farið var af stað um kl. 10 og sóttist ferðin seint. Komið var niður í Bárðardalinn á milli 18 og 19 og komu seinustu björgunarmenn til Akureyrar um kl. 20:40, um sólarhring eftir að aðstoðarbeiðnin barst. Við komuna í H12, húsnæði Súlna, beið heitur matur eftir mannskapnum, en það var vel þegið eftir langa törn.

Fundur á sunnudag, 1. febrúar

Fri, 30 Jan 2015 22:31:00 GMT

Almennur fundur verður í Dalborg á sunnudaginn, 1. febrúar kl. 20:30.

Margt er á dagskránni, s.s. umræða um Tækjamót, Landsþing og Björgunarleika, Hálendisvakt, útköll sem voru í byrjun mánaðarins o.fl.

Hlökkum til að sjá sem flesta.

Kv. stjórnin.

Fyrsta hjálp 1

Fri, 23 Jan 2015 16:45:00 GMT

Námskeið í fyrstu hjálp 1 hefst í kvöld í Dalborg kl. 20:00.

Haldið verður áfram á laugardag og sunnudag kl. 09:00 báða dagana og eitthvað fram eftir degi.

Leiðbeinandi er Stefán Magnús Jónsson.

Hálendisvaktin 12.-19. júlí

Thu, 22 Jan 2015 19:34:00 GMT

Okkar vakt verður dagana 12.-19. júlí. Þeir sem hafa áhuga skulu hafa samband við stjórn sem fyrst og við munum fara yfir stöðuna og allar umsóknir.

Tækjamót og Hálendisvakt 2015

Sun, 18 Jan 2015 19:32:00 GMT

Tækjamót Slysavarnafélagsins Landsbjargar verður haldið í Trékyllisvík á Ströndum dagana 20.-22. mars 2015. Þangað munu hópast félagar úr fjölmörgum björgunarsveitum á landinu til að sýna sig og sjá aðra. Þetta er mjög skemmtilegur viðburður og við hvetjum ykkur til að hafa dagsetninguna í huga, en þetta verður rætt frekar á næsta almenna fundi þann 1. febrúar.

Við minnum svo á að skráningar eru að hefjast í Hálendisvaktina 2015. Svæðin eru þau sömu og fyrr og okkar vakt verður 12.-19. júlí. Þeir sem hafa áhuga skulu setja sig í samband við stjórn sem fyrst.

Útkall í Hlíðarfjalli 14. janúar

Sun, 18 Jan 2015 19:29:00 GMT

Upp úr kl. 16 þann 14. janúar barst útkall til Dalbjargar, Súlna og Dalvíkurfélaga um slasaðan vélsleðamann í Hlíðarfjalli. Tíu félagar fóru af stað frá Dalbjörg á tveimur jeppum sveitarinnar, tveimur sleðum og einu Timbersled tæki. Maðurinn hafði verið á ferð ásamt fleirum á vélsleðum rétt við Stórahnjúk í Hlíðarfjalli og slasast. Farið var á sleðum á staðinn ásamt snjótroðara frá skíðasvæðinu sem flutti sjúkraflutningamenn og fleiri björgunarmenn upp ásamt búnaði. Sleðar Dalbjargar drógu síðan upp frekari búnað ásamt tjaldi sem tjaldað var yfir sjúklinginn á meðan beðið var flutnings, en ákveðið var sökum aðstæðna að kalla til þyrlu Landhelgisgæslunnar til þess að flytja manninn á Sjúkrahúsið á Akureyri.

Útkall í Litla-dal 10. janúar

Sat, 17 Jan 2015 09:26:00 GMT

Laugardaginn 10. janúar voru Dalbjörg og Súlur á Akureyri kallaðar út vegna slasaðs göngumanns í Litla-Dal. Maðurinn hafði verið ásamt fleirum við fjárleit, en skrikaði fótur og rann niður mikið harðfenni og slasaðist nokkuð við það. Sex manns frá Dalbjörg fóru á staðinn ásamt fleirum frá Súlum, sjúkraflutningamönnum og lögreglu.

Búið var um manninn og ákveðið að kalla til þyrlu til að flytja hann á sjúkrahús þar sem erfitt var að flytja hann til byggða miðað við aðstæður. Maðurinn var fluttur nokkur hundruð metra niður brekkuna á stall þangað sem þyrlan gat lent. Maðurinn var síðan fluttur á sjúkrahúsið á Akureyri. Aðgerðin gekk vel miðað við aðstæður.

Við sendum góðar kveðjur til mannsins og fjölskyldu hans og óskum honum góðs bata.

Fyrsti almenni fundur ársins 2015

Sat, 03 Jan 2015 21:34:00 GMT

Fyrsti almenni fundur ársins 2015 verður sunnudaginn 4. janúar kl. 20:30. Farið verður yfir blaðið, flugeldasöluna, námskeið framundan og sitthvað fleira.

Vonumst til að sjá sem flesta!

Kveðja, stjórnin.

Flugeldasala í Hrafnagilsskóla

Sun, 28 Dec 2014 16:15:00 GMT

Að venju mun Hjálparsveitin Dalbjörg vera með flugeldasölu í Hrafnagilsskóla.

Opnunartímar verða sem hér segir:

Við minnum á að gæta öryggis við meðferð flugelda, s.s. gæta að því að allir noti flugeldagleraugu, séu í hæfilegri fjarlægð frá skotstað og auðvitað nota vöruna eins og til er ætlast.

Flugeldasalan er ein af okkar stærstu fjáröflunum og við hlökkum til að sjá ykkur sem flest styrkja björgunarsveitina í ykkar heimabyggð.

Kveðja,

Hjálparsveitin Dalbjörg

Vaktir í flugeldasölu

Fri, 19 Dec 2014 15:01:00 GMT

Flugeldavaktir 2014

27.des - Setja upp staðinn (setja upp hillur, teppaleggja, raða borðum o.þ.h.)

Simmi, Snorri, Kristinn, Óli Sig, Bjarki, (Bjarney), Hemmi, Halli

28.des – Raða flugeldum á lager og í hillur

10-16 : Óli Sig, Snorri, Bjarki, Alexander, Hófý, Halli, Sævar vantar fleiri hér við að bera inn

16-22 : Simmi, Kristinn

Næturvakt 22-10 : Kristinn Örn og ...

29.desember

10-16 : Ólína, Simmi, Alexander, Hófý, Ólafur Ingi

16-22 : Óli Sig, Snorri VANTAR FLEIRI

Næturvakt 22-10 : Snorri og Hreiðar

30.des

10-16 : Ólína, Simmi, Sævar, Halli, Ólafur Ingi? VANTAR FLEIRI

16-22 : Óli Sig, Eiður, Bjarney, Snorri, Ingvi, Ragnar, Ólafur Ingi? VANTAR FLEIRI

Næturvakt 22-10 : Snorri og Simmi

31.des

10-16 : Bjarki, Óli Sig, Kristinn, Eiður, Bjarney, Snorri (e.h.), Simmi (e.h.), Ingvi, Halli, Ragnar, Ólafur Ingi (e.h.).

Allir koma um kl. 16 og ganga frá öllu saman. Margar hendur vinna létt verk.

Flugeldasölufundur

Wed, 10 Dec 2014 23:22:00 GMT

Þriðjudaginn 16. desember verður flugeldasölufundur í Dalborg og hefst hann kl. 20:30.

Mikilvægt að þeir sem ætla að taka þátt í sölunni og vinnunni í kringum flugeldasölu mæti á þennan fund. Hermann og Bjarney munu sjá um skipulag og þeir sem vilja taka þátt í sölunni skulu setja sig í samband við þau. Við hvetjum alla til að vera duglegir að taka að sér vaktir í þessari mikilvægu fjáröflun fyrir sveitina.

Kveðja, Gulla

Jólafundur - sýnikennsla á þyrlupoka

Sun, 07 Dec 2014 22:57:00 GMT

Góð mæting var á jólafundinn okkar í kvöld og voru allir sáttir með veitingarnar sem voru í kaffinu; piparkökur, mandarínur og jólaöl.

Í lok fundar var Jóhannes gjaldkeri með sýnikennslu á þyrlupokann okkar sem við fengum að gjöf frá sveitum á svæði 11 í minningu Péturs Róberts. Anton Berg í Súlum kom á síðasta stjórnarfund hjá okkur og kenndi mönnum að nota pokann og var Jóhannes nú að miðla þeirri kennslu áfram. Nokkrar myndir af sýnikennslunni eru komnar á myndasíðuna.

Takk fyrir góðan fund.

Jólafundur í kvöld

Sun, 07 Dec 2014 13:31:00 GMT

Í kvöld kl. 20:30 höldum við almennan jólafund í Dalborg. Rætt verður um flugeldasölu, blaðið okkar og fleira skemmtilegt. Piparkökur og jólaöl í boði - sjáumst hress.

Kveðja, stjórnin.

Vinnudagur laugardaginn 6. desember

Thu, 04 Dec 2014 12:03:00 GMT

Næsta laugardag er áætlaður vinnudagur frá kl. 10-13. Halli mun vera verkefnastjórinn þennan dag og væri frábært að sem flestir sæu sér fært að mæta og rétta hjálparhönd. Svo eru Litlu-jólin okkar um kvöldið svo það er kjörið að hittast og gera fint í og við húsið okkar og hrista okkur saman fyrir kvöldið.

Vonumst til að sjá sem flesta.

Kveðja, stjórnin.

Búnaðarbasar hjá Súlum

Sun, 30 Nov 2014 19:02:00 GMT

Þann 9. desember kl. 20-22 verður búnaðarbasar hjá Súlum. Þar verður fullt af fólki með notaðan búnað sem hægt er að skoða og örugglega gera góð kaup.

Hvetjum ykkur til að kíkja - allir velkomnir, líka þeir sem ekki eru í björgunarsveitum.

Kv. Sunna.

Viðburðir - ábending

Sat, 22 Nov 2014 12:25:00 GMT

Lítil ábending: Eins og sumir hafa áttað sig á er viðburðadálkur neðarlega til hægri á síðunni okkar. Þar koma í röð ýmsir viðburðir sem eru á döfinni, s.s. íþróttahúsið, næstu námskeið o.fl.

Þetta eru ekki allt viðburðir sem birtast sem fréttir á síðunni. Námskeið, íþróttahús og fleira birtast bara sem viðburðir, svo það er um að gera fyrir ykkur að fylgjast með viðburðaflipanum og umræðum þar eins og sjálfum fréttunum.

Kveðja, Sunna.

Endurskinsmerki og unglingadeild

Thu, 20 Nov 2014 11:55:00 GMT

Í dag fóru þau Stefán og Ólína í leikskólann Krummakot og í Hrafnagilsskóla og gáfu krökkunum endurskinsmerki. Bjarney og Gulla fóru með endurskinsmerki í 10. bekk og kynntu í leiðinni unglingadeildina sem byrjar á allra næstu dögum.

Við hvetjum alla til að vera dugleg að nota endurskinsmerki í skammdeginu bæði unga sem aldna.

Litlu-jól Dalbjargar 2014

Mon, 17 Nov 2014 21:23:00 GMT

Litlu-jól Dalbjargar í ár verða haldin laugardaginn 6. desember.

Við verðum í hinu ágæta húsi að Funaborg á Melgerðismelum og herlegheitin byrja kl. 20:00.

Við ætlum að hafa pakkaleik eins og hefðin býður - þeir sem vilja vera með skulu taka með sér eitt stykki pakka. Verðmætinu í krónum talið ætti að stilla í hóf, það er hugurinn sem gildir :)

Matseðillinn samanstendur af leynilegum hráefnum og er sérlega freistandi. Einnig verður í boði blávatn og gos.

Við viljum endilega fá skráningu í síðasta lagi á þriðjudaginn - hlökkum til að sjá sem flesta!

Kveðja, nefndin.

Íþróttahús

Thu, 13 Nov 2014 19:11:00 GMT

Föstudagskvöldið 14. nóvember ætlum við að byrja á íþróttatímum í íþróttahúsinu við Hrafnagilsskóla frá kl. 19 - 20 og er stefnan að vera með íþróttahúsið á þessum tíma öll föstudagskvöld í vetur.

Nú er um að gera að nýta þetta hús vel, mæta í tímana og hreyfa okkur saman og gera eitthvað skemmtilegt.

Hlökkum til að sjá ykkur öll !

Hópslys - Námskeið

Wed, 12 Nov 2014 19:40:00 GMT

Eru ekki allir búnir að skrá sig á námskeiðið Hópslys sem verður hjá okkur næsta laugardag 15 nóvember?

Námskeiðið byrjar kl 09:00 og stendur til 13:00. Nú er um að gera að skrá sig og taka þetta námskeið. Athygli er vakin á því að það er 17 ára aldurstakmark á þetta námskeið.

Vonumst til að sjá sem flesta.

Neyðarkallssala og rafhlöður

Mon, 03 Nov 2014 21:57:00 GMT

Jæja gott fólk þá er komið að sölunni okkar, Neyðarkallinn og rafhlöður. Við ætlum að byrja á fimmtudagskvöld kl 19:00.

Ég vil biðja fólk að skrá sig hérna og láta vita hvenar þið getið verið. Og um að gera að skrá sig tvö og tvö saman.

Fimmtudagskvöld frá 19:00 - Sigmar og Kristinn Örn vantar 2

Föstudagskvöld frá 19:00 - Gulla og Bjarki (labba Hrafnagilshverfið kl 17-19) Simmi og Elísabet (konan hans), Ólafur Ingi og Bjarki

Laugardagur frá 10:00 - 14:00 - Gulla og Ragnar Ágúst, Bjarney og Bjarni Reykjalín

Laugardagur frá 14:00 - 18:00 - Ólafur og Bjarki Jó og Friðrik

Sunnudagur frá 10:00 - 14:00 - Gulla og Halli, Jóhann og Sindri

Sunnudagur frá 14:00 - 18:00 - Ólafur og Ragnar Ágúst, vantar 2

Ef einhverjar spurningar eru má endilega hafa samband við Gullu í síma 8699380.

Súlur 15 ára

Wed, 29 Oct 2014 22:02:00 GMT

Laugardaginn 1. nóvember verður opið hús hjá Súlum, björgunarsveitinni á Akureyri í tilefni af því að 15 ár eru liðin frá því að Hjálparsveit skáta Akureyri, Flugbjörgunarsveitin á Akureyri og Sjóbjörgunarsveitin SVFÍ Súlur sameinuðust í eina sveit.

Súlur eru til húsa að Hjalteyrargötu 12 og hafa þeir breytt húsinu mikið síðan þeir komu þar inn fyrst, og hafa lagt mikinn metnað í að skipuleggja húsið og breyta því þannig að það nýtist þeim sem best. Við viljum hvetja okkar félaga til að fara og skoða aðstöðuna hjá þeim og samgleðjast með Súlumönnum á þessum degi.

Húsið verður opið frá 14:00-16:00.

Kveðja, stjórnin.

Almennur Fundur

Wed, 29 Oct 2014 21:27:00 GMT

Kæru félagar

Við viljum minna á almenna fundinn næsta sunnudag. Húsið opnar kl. 20:00 og hefst fundurinn kl. 20:30. Við hvetjum alla til að mæta.

Á dagskrá er meðal annars neyðarkallssala, blaðið, námskeið og margt fleira.

Kaffi og með því á sínum stað.

Hlökkum til að sjá ykkur!

Stjórnin.

Námskeið

Tue, 28 Oct 2014 17:47:00 GMT

Næsta laugardag ætlum við nokkur að hittast í Dalborg og fara yfir námsefni í fjarnámi í Fjarskiptum1 þeir sem vilja taka þetta með okkur endilega skrá sig á síðu Björgunarskólans og svo förum við saman yfir námsefnið á laugardaginn kl 11:00. Ekki kl 13 einsog var auglýst áður.

kv Guðlaug

Haustferð 2014

Mon, 27 Oct 2014 21:17:00 GMT

Föstudaginn 24. október héldum við í okkar árlegu haustferð, ferðinni var heitið í Kerlingafjöll þar sem við gistum svo tvær nætur. Við hittumst í Dalborg seinnipartinn, 17 manns á 5 bílum. Fyrsta stopp var í Varmahlíð þar sem hópurinn tók kvöldmat áður en haldið var á fjöll. Við ókum suður Kjöl og vorum komin í Kerlingafjöll um kl. 22:00 og ferðin gekk mjög vel.

Á laugardagsmorgni var hópurinn ræstur með hafragraut uppúr kl 8. Ákveðið var að keyra hring um svæðið og skoða okkur um. Frá Kerlingafjöllum keyrðum við að skálanum Setri og vorum við þar um hádegi svo við tókum hádegismat þar. Eftir að allir voru mettir var ekið sem leið lá að Kisugljúfri sem var mjög stórfenglegt og flott að standa á gilbrúninni og horfa ofan í það. Við keyrðum svo frá Kisugljúfri að skála sem heitir Klakksskáli og þaðan í Leppistungur. Þegar við vorum á leið um Kerlingaflatir á leið í Kerlingafjöll keyrðum við fram á gangandi mann sem sagðist hafa fest bíl sinn í á þarna rétt hjá. Við fórum að ánni og hjálpuðum honum og félögum hans sem voru í bílnum að ná bílnum upp úr ánni og breyttist ferðin í björgunaraðgerð. Við héldum svo heim í skála og var grillað, borðað, sungið og spilað á gítar fram eftir kvöldi.

Sunnudagsmorguninn hófst líka á hafragraut einsog er orðið að hefð í okkar ferðum. Ákveðið var að kanna gönguleiðir um Hveragil og var hluta af hópnum skutlað upp eftir gilinu og var áætlunin að komast ofan í gilið og labba niður í skála, þetta varð tæplega tveggja tíma ganga sem heppnaðist mjög vel. Hópurinn skipti sér í tvennt og fórum við niður á tveimur stöðum í gilið og mættumst svo niðri. Þetta var sannkölluð ævintýraganga og mjög skemmtileg.

Haldið var heim á leið um Kjöl með viðkomu á Hveravöllum. Við Dúfunesfell á Kili keyrðum við fram á 2 jepplinga sem í voru 9 erlendir ferðamenn sem höfðu fest annan jepplinginn á steini og komust hvergi. Við losuðum bílinn fyrir þau og ókum þeim jafnframt niðrá þjóðveg 1 þar sem Kjölur var ekki fær fyrir bíla af þessari stærð. Þau þökkuðu vel og innilega fyrir og voru fegin að komast á góðan veg aftur. Kvöldmatur var svo tekin í Varmahlíð og komum við svo í Dalborg um kl. 21:00.

Undirrituð vil þakka kærlega fyrir frábæra ferð.

Guðlaug Sigríður Tryggvadóttir

Aðstoðarbeiðni við Laugafell

Sun, 12 Oct 2014 22:34:00 GMT

Þriðjudaginn 7. október um kl. 17:00 var óskað eftir aðstoð við Laugafell. Þar voru á ferð 6 erlendir ferðamenn sem höfðu fest bíl í snjó og vatni. Fjórir félagar lögðu af stað úr húsi á tveimur bílum Dalbjargar upp Eyjafjarðardalinn. Þegar félagar Dalbjargar voru á leið uppeftir hafði aðili sem var á ferð á þessum slóðum komið ferðamönnunum til aðstoðar og dregið bíl þeirra upp. Dalbjargarfélagar fóru engu að síður á staðinn þar sem aðstoð vantaði við að koma bílnum og mannskapnum niður, en allir voru við góða heilsu. Félagar voru komnir aftur í hús rétt fyrir kl. 22:00.

Haustferð 2014

Mon, 06 Oct 2014 22:10:00 GMT

Haustferð verður farin 24.-26. október 2014. Stefnan er sett í Kerlingarfjöll.

Á laugardegi er planið að líta í Setrið, fara í Kisugljúfur og inn í Klakksskála. Á sunnudegi geta þeir sem vilja gengið um svæðið fyrripartinn, en á leið heim þann dag verður komið við á Beinhóli, farið yfir Blöndu, um Mælifellsdal og ofan í Skagafjörð

Sveitin býður upp á dýrindis hafragraut í morgunmat og grill á laugardagskvöldinu. Annað nesti sjá félagar um sjálfir.

Á síðasta fundi kom fram að mikill áhugi er fyrir ferðinni svo við biðjum ykkur um að skrá ykkur eins fljótt og hægt er svo við getum áætlað fjöldann og sæti í bílum. Við reynum eins og hægt er að koma öllum félögum sem skrá sig með í ferðina.

Skráning í ferðina er hér á síðunni. Gott væri að vera búin að fá skráningu sunnudaginn 19. október.

Kveðja, stjórnin.

Almennur fundur í kvöld

Sun, 05 Oct 2014 14:36:00 GMT

Fundurinn hefst kl. 20:30 og er margt sem þarf að ræða - haustferð, Neyðarkallinn og rafhlöður, húsnæðismál, samæfingin og fleira skemmtilegt.

Auðvitað heitt á könnunni eins og venjulega.

Hlökkum til að sjá ykkur.

Kveðja, stjórnin.

Smáskreppur og vinnukvöld

Sun, 28 Sep 2014 17:14:00 GMT

Það verður margt að gera hjá okkur næstu daga.

Í kvöld verður farið að sækja rafgirðingastöðina við mæðuveikisgirðinguna. Þeir sem vilja með skulu heyra í Bubba í síma 8650129.

Annað kvöld, mánudagskvöld, verður farið með olíukálfinn upp í Laugafell. Skráning er hér á síðunni og/eða hjá Bubba í síma 8650129. Það verður farið úr húsi kl. 19:00.

Á þriðjudagskvöldið verður svo vinnukvöld í Dalborg. Við þurfum að taka til hendinni í húsinu okkar, þrífa, þvo bílana og margt fleira sem þarf að koma í stand.

Við viljum auðvitað sjá sem flest andlit á þriðjudagskvöldið, við notum jú öll húsið og tækin og viljum auðvitað halda þessu í góðu lagi og snyrtilegu.

Það væri gaman að sjá í athugasemdum hverjir ætla að mæta á þriðjudagskvöldið!

Uppfært: Búið að bæta við að það verður farið úr húsi kl. 19:00 á morgun. Svo er ægilega sniðugt fyrir þau sem mæta með í þá ferð að kíkja og taka þátt í að þrífa bílana á þriðjudagskvöldið eftir ferðina eins og margir virðast ætla að gera :)

P.S. Athugasemdakerfið er eitthvað aðeins að stríða okkur, en athugasemdirnar virðast ekki birtast öllum. Unnið er að lagfæringu.

Kveðja, stjórnin.

Samæfing á svæði 11

Thu, 18 Sep 2014 21:09:00 GMT

Súlur, björgunarsveitin á Akureyri mun halda samæfingu á svæði 11, nánar tiltekið í Hrísey, laugardaginn 27. september nk.

Æfingin verður sett upp eins og um raunverulegt útkall væri að ræða. Æfingin mun felast í leit á sjó og landi, fyrstu hjálp, fjallabjörgun og flutningi sjúklinga. Stefnt er að því að sveitir mæti til leiks frá sinni bækistöð en búið verður að koma öllum upplýsingum til svæðisstjórnar fyrir æfingu sem verður búin að skipuleggja framkvæmdina.

Við hvetjum sem flesta til að vera með, en svona æfingar eru frábærar til að öðlast reynslu, læra á búnaðinn okkar og hitta annað björgunarsveitarfólk á svæðinu.

Skráning er í athugasemdum hér á síðunni fyrir 22. september - það er næsti mánudagur.

Uppfært 21. sept.:

Áætlað er að æfingin hefjist á milli 10 og 11. Frekari upplýsingar koma þegar líður á vikuna.

Kveðja, stjórnin.

Hausttilboð fyrir björgunarsveitir

Mon, 08 Sep 2014 16:48:00 GMT

Hér eru nokkur tilboð og fleira frá ýmsum útivistarverslunum sem við fengum send frá SL. Ef þið eruð ekki á póstlistanum, sendið þá línu á dalbjorg@dalbjorg.is og látið vita hvaða netfang skal skrá á listann.

Tilboðin eru sett hér inn í tímaröð.

Nýliðavika í Intersport

Dagana 8.-12. september verður 25% afsláttur af öllum útivistarvörum. Nánari upplýsingar veitir Laufey, laufey@intersport.is.

Afsláttardagar hjá Íslensku ölpunum

Dagana 15. september til 31. október verða Íslensku alparnir með tilboð til björgunarsveita. Veittur verður 25% afsláttur þessa daga.

Kynningarkvöld og safnpantanir Fjallakofans 2014

Kynningarkvöld 23. september og 6. október í Kringlunni 7 kl. 18:30. Félagar SL fá 25-50% afslátt af fjallafatnaði og fjallabúnaði (almennur afsláttur fyrir björgunarsveitafólk er 15%). Uppboð verður á völdum vörum kl. 19:30. Á kynningarkvöldunum verður fyrirkomulag safnpantana björgunarsveita einnig kynnt.

Afsláttardagar hjá Everest

Dagana 29. sept.-4. okt. verður verslunin Everst með 20% afslátt af öllum útivistarvörum fyrir meðlimi Slysavarnafélagsins Landsbjargar. Einnig verður 30-70% afsláttur af Mammut og OR fatnaði og 30% afsláttur af Mammut alstífum gönguskóm. Einnig er félögum boðið að panta gönguskíði fyrir veturinn með 30% pakkaafslætti. Pantanir þurfa að berast fyrir 20. sept. nk.

Frekari uppl. hjá Steina, steini@everest.is.

Afsláttarkvöld Útilífs

Kynningarkvöld í Glæsibæ, miðvikudagskvöldið 1. október kl. 17:00-21:00. Á kynningarkvöldinu býður Útilíf 25% afslátt af öllum fjalla og útivistarbúnaði. Einnig verða sértilboð og verða þau sérmerkt, ekki er afsláttur af GPS tækjum.

Athugið að félagar Slysavarnafélagsins Landsbjargar úti á landi geta keypt útivistarvörur með 25% afslætti í póstkröfu, fimmtudaginn 2. október kl.10:00 – 18:00 í Glæsibæ, s. 5451510.

Kynningar og afsláttarkvöld hjá Eins og fætur toga

Kynning og afsláttarkvöld þann 1. október kl. 20:00 í Bæjarlind 4, Kópavogi. Úrval af skóm og sokkum sem henta í göngur og hlaup og boðinn 15% afsláttur af ýmsum vörum. Einnig afsláttur af göngugreiningu, eða 40%.

Björgunarsveitakvöld í 66°N

Í verslun 66°N í Skipagötu á Akureyri fimmtudaginn 2. október nk. Kynning verður á lagskiptum klæðnaði og hvernig honum er raðað saman miðað við aðstæður. Sértilboð verða ásamt öðrum afslætti. Nánari tímasetning auglýst síðar.

Almennur fundur

Sat, 06 Sep 2014 11:36:00 GMT

Nú er komið að fyrsta almenna fundi vetrarins, en hann verður haldinn í húsnæðinu okkar Dalborg í Hrafnagilshverfi kl. 20:30 sunnudaginn 7. september (sem er á morgun!).

Á fundinum verða mörg umræðuefni, s.s. námskeið vetrarins, útköll og aðstoðarbeiðnir sem okkur hafa borist, húsnæðismál, Handverkshátíðin, verkefni haustsins, haustferð, Björgun 2014 og margt fleira.

Við hvetjum ykkur til að mæta og vera með í starfinu okkar í vetur. Dagskrá Björgunarskólans býður upp á fjölmörg námskeið nú í haust og allir geta fundið eitthvað við sitt hæfi. Skoðið þau hér og hér .

Við hlökkum til að sjá ykkur á morgun - endilega mætið og störtum starfinu með stæl!

Kveðja, stjórnin.

Aðstoðarbeiðni og gæsla

Sun, 31 Aug 2014 14:17:00 GMT

Rétt fyrir klukkan 11 í morgun barst aðstoðarbeiðni til Dalbjargarfélaga vegna þakglugga sem var að fjúka af fjósinu í Garði hér í sveitinni. Sex manns frá Dalbjörg fóru af stað til aðstoðar og festu niður þakgluggann. Hluti af glugganum hafði þó fokið af. Auðvitað var öryggi okkar manna vel tryggt, allir með hjálma og tryggðir með línu.

Á sunnudaginn var allhvöss austanátt líkt og spáð hafði verið í veðurfréttum. Ekki hafa borist fleiri aðstoðarbeiðnir til okkar vegna veðurs, enda lægði talsvert upp úr hádeginu á sunnudag.

Félagar Dalbjargar hafa einnig staðið vaktina í Tómasarhaga á Gæsavatnaleið vegna eldsumbrotanna sem nú eru í Holuhrauni og hafa alls verið þar um fjóra sólarhringa. Fyrirkomulagið er þannig að sveitir á svæði 11 hafa skipst á vöktum í Tómasarhaga í 1-2 sólahringa í senn, síðustu tvær vikurnar eða svo. Ekki er vitað hve lengi slík vakt á að standa á svæðinu, en við aðstoðum auðvitað eins og við getum.

Vetrarstarfið

Tue, 26 Aug 2014 19:03:00 GMT

Hvort sem okkur líkar betur eða verr, þá er langt liðið á sumarið. En góðu fréttirnar eru þær að það styttist í fyrsta fund haustsins.

Fyrsti fundurinn okkar verður sunnudaginn 7. september. Þar verður farið yfir Handverkshátíðina, mögulega haustferð, tekið á móti nýliðum, farið yfir útköll og aðstoðarbeiðnir, verklag við útköll, námskeið og margt fleira skemmtilegt.

Í sumar var líka keyptur nýr klifur- og sigbúnaður sem verður hægt að skoða og fræðast betur um ásamt nýjum og flottum skyndihjálparbúnaði sem einhverjir eiga kannski eftir að skoða.

Fjölmörg námskeið eru komin á dagskrá Björgunarskólans sem þið skuluð endilega kynna ykkur. Þar getið þið skráð ykkur sjálf á námskeið. Við erum búin að taka saman þau námskeið sem eru hér nálægt okkur ásamt fjarnámskeiðum og fleiru, sem þið getið skoðað hér . Endilega farið yfir þau námskeið sem er miðað við að þurfi að taka til að komast á útkallslista, þær reglur má sjá hér .

Svo er aldrei að vita nema við bjóðum upp á köku.. þetta verður ofurfundur.

Hlökkum til að sjá ykkur sem flest, sérstaklega nýja fólkið!

Update 17. september: Fyrstu námskeiðin hjá okkur um helgina, Leitartækni og Straumvatnsbjörgun 1. Skráning á vef Björgunarskólans.

Kveðja, stjórnin.

Aðstoð og handverk

Tue, 26 Aug 2014 18:41:00 GMT

Nú er Handverkshátíðinni lokið þetta árið. Þetta tókst mjög vel í alla staði og við erum rosalega ánægð með hve margir félagar sáu sér fært að leggja hönd á plóginn við vinnuna í ár. Hátíðin er stór þáttur í fjáröflun okkar og Ungmennafélagsins Samherja og það er alltaf jafn gaman að finna hve margir vijla taka þátt og vera með. Við settum til dæmis hraðamet í frágangi á sýningunni á sunnudeginum. Ragnar, Eiður og Víðir starfa áfram í kringum hátíðarmálin með Samherjum og öðrum skipuleggjendum til þess að gera hátíðina upp.

En að öðru; við höfum ekki setið auðum höndum þótt hátíðin sé búin. Tvær aðstoðarbeiðnir hafa borist Dalbjörg á undanförnum dögum. Þann 23. ágúst kom beiðni frá lögreglunni á Húsavík til svæðisstjórnar á svæði 11 vegna fjögurra ferðamanna sem voru strand á Sprengisandsleið með bilaðan bíl. Hlynur og Ingi fóru af stað á Cruiser til aðstoðar fólkinu um kl. 14 og komu til baka um kl. 18. Aðgerðin gekk vel, allir komust heilir á húfi til byggða og sömuleiðis bifreið ferðafólksins, en í ljós kom að farin var lega í afturhásingu.

Önnur aðstoðarbeiðni barst þann 25. ágúst þegar félagar í Björgunarsveitinni Tý voru á leið í Tómasarhaga til að taka við gæslustörfum af Dalbjargarfélögum sem þar voru fyrir. Bifreið þeirra bilaði og fóru fjórir Dalbjargarfélagar til aðstoðar með nauðsynlegan búnað til þess að unnt væri að halda áfram ferðinni. Tveir félagar fóru úr húsi um kl. 17:00 á Dalbjörg 2 en aðrir tveir lögðu af stað á einkabíl félagsmanns um kl. 21:00 með frekari búnað. Vel gekk að koma bilaða bílnum í lag og voru Dalbjargarfélagar komnir í hús um kl. 01:30 aðfaranótt þriðjudags.

Lokadagur Handverkshátíðar

Sun, 10 Aug 2014 11:32:00 GMT

Við þökkum öllum þeim sem hafa hjálpað til við Handverkið kærlega fyrir vinnuframlagið - þetta er búið að ganga svakalega vel.

Nú er lokahnykkurinn eftir; við þurfum að pakka saman og ganga frá. Mæting er kl. 17:45 og við þurfum einfaldlega ALLAR lausar hendur í þetta - því fleiri sem mæta og taka til hendinni, því fljótari verðum við!

Hlökkum til að sjá ykkur sem flest.

Stjórnin.

Gæsla - Vaktir

Tue, 05 Aug 2014 12:44:00 GMT

Jóhann verður alla dagana og mætir á fundina kl. 10:00. Þegar þið mætið á vaktirnar þá setjið ykkur í samband við Jóhann í síma 8474041.

Fimmtudagur

Kl. 11:30 - Ólína, Alexander, Snorri Már

kl. 12 - Eydís

Kl. 16:00 - Hólmfríður

Föstudagur

Kl. 11:30 - Alexander og Hólmfríður.

kl 13 Snorri Már

Kl 15 Stefán

Laugardagur

Kl. 11:30 - Ólína. Ragnar Ágúst, Snorri Már

Kl. 12:00 - Ingvi og Friðrik

Kl. 13:00 - Sigmar

Kl. 16:00 - Bjarney. Eydís

Laugardagskvöld

Kl. 19:00 - Bjarney, Sigmar, Eydís, Snorri Már, Ragnar Ágúst, Ólína, Hreiðar... hér vantar líka fleiri nöfn.

Sunnudagur

Kl. 11:30 - Ólína. Eydís .

Kl. 13:00 - Sigmar, Stefán

Kl. 16:00 - Bjarney

Endilega hringið, sendið sms eða facebookpóst eða skrifið undir þessa frétt ef þið getið verið á þeim dögum sem vantar. Sími 8699380, Gulla.

Hlakka til að heyra frá fleirum.

Kveðja, Gulla

Gæsla á Handverkshátíð

Sun, 03 Aug 2014 14:04:00 GMT

Nú vantar okkur fólk á gæsluvaktir á Handverkshátíðinni. Þeir sem geta tekið vaktir setja sig í samband við mig í gegnum sms 8699380 eða facebookskilaboð og láta mig vita hvaða daga og klukkan hvað þið getið verið. Það má einnig kommenta undir fréttina hér. Við þurfum að manna alla dagana frá opnun til lokunar og svo grillið á laugardagskvöldið.

Opnunartími Handverkshátíðar er Fimmtudag-Laugardags frá 12-19 og frá kl 12-18 á Sunnudeginum

Við þurfum að hefja vinnu við Grill strax kl 19. svo þeir sem koma í gæslu seinnipartinn á laugardag mega reikna með að fara beint í grillið.

VIð höfum lagt upp með undanfarin ár að vera með 2 frá kl 11 og svo bætast við 3-4 um 2 leytið og þeir sem koma fyrstir fá að fara fyrstir heim eða bara eftir því hvað hentar hverjum þá má raða þessu einsog okkur hentar ef einhver kemst bara seinnipart þá er það allt í góðu.

Við þurfum flest okkar fólk á grillið svo ég hvet ykkur til að skrá ykkur á það.

ég set svo inn vaktirnar hér þegar ég hef heyrt frá ykkur og næ að raða saman vöktum

kv Gulla

Áfram heldur Handverksvinna

Mon, 28 Jul 2014 18:52:00 GMT

Jæja gott fólk nú þurfum við að taka höndum saman og klára að setja upp Handverkshátíðina. Vinnutímar í næstu viku eru sem hér segir. Og um að gera að taka frá einhverntíma í þetta því þetta er ein af okkar aðalfjáröflunum ;)

Þriðjudaginn 5. ágúst kl 17:00 þá þarf að setja girðingarnar utan um svæðið og tjalda á bílaplani og setja upp einsog hægt er til að flýta fyrir.

Miðvikudagur 6. ágúst kl 8:00 um morguninn setja upp alla sýninguna.

Ef einhverjar spurningar eru þá á að hafa samband við Eið í síma: 8615537 og endilega senda honum sms með þeim tíma sem þið komist svo hann viti hvaða mannskap hann hefur hverju sinni. og megið setja það í komment hérna undir líka :)

Nú hvet ég ykkur öll til að taka ykkur tíma í þessa skemmtilegu vinnu og ég vona að þið sjáist öll hress og kát.

F.h. stjórnar

Gulla

Handverkshátíðarfundur !

Thu, 10 Jul 2014 08:51:00 GMT

Þann 13. júlí verður almennur fundur í Dalborg.

Við ætlum aðallega að ræða Handverkshátíðina og vinnuna okkar þar, verðum að ná upp hörkustemningu bæði í undirbúningi og á meðan hátíðinni stendur. Þetta er bara skemmtilegt , vinnum með öllum hinum félögunum í sveitinni og vinnum öll saman. Svo ræðum við fleiri hluti líka á fundinum.

Vinnan byrjar þó að öllum líkindum núna um helgina, þurfum að ná í dót fram í Sólgarð. Bubbi verður með það á sínum snærum og við auglýsum það sérstaklega.

Svo eru það 24. júlí í teppalagningu og 25. júlí í uppsetningu sýningarkerfis.

Handverkshátíðin sjálf verður dagana 7.-10. ágúst. Vinnan á hátíðinni sjálfri felst í sjúkragæslu og bílastæðagæslu, ásamt því sem við þurfum fullt af fólki til þess að vinna á grillveislunni á laugardagskvöldið. Takið dagana endilega frá! Það er hún Gulla sem ætlar að sjá um að halda utan um skráningar á vaktir, svo ef þið hafið spurningar um vaktir eða viljið einfaldlega skrá ykkur - heyrið í henni.

Við setjum inn meiri upplýsingar fljótlega, auk þess sem Ragnar , Víðir og Eiður vita allt um málið ef þið viljið spyrja um eitthvað.

Komið á fund, fáið ykkur kleinu og hittið hina félagana. Bara gaman !

Kveðja, stjórnin.

Vinna við Handverkshátíð

Wed, 09 Jul 2014 12:54:00 GMT

Nú mega allir fara að undirbúa sig undir skemmtilegu störfin á Handverkshátíðinni!

Fimmtudagur 24. júlí - Teppalögn í íþróttasal. mæting er kl 19:00

Föstudagur 25. júlí - Sýningarkerfið sett upp. mæting kl 17:00

Skráning er hjá Eisa með sms í síma 8615537

Þeir sem ætla að vera í sjúkra og bílastæða gæslu á hátíðinni og þeir sem ætla að vera á grillinu á laugardagskvöldið mega hafa samband við Gullu 8699380 en nánari upplýsingar um vaktir í því koma síðar.

Kveðja, stjórnin.

Sjúkragæsla á Landsmóti skáta

Thu, 26 Jun 2014 22:31:00 GMT

Dagana 20.-27. júlí verður Landsmót skáta haldið á Hömrum. Súlur, björgunarsveitin á Akureyri hefur tekið að sér sjúkragæslu á mótinu og leitar liðsinnis félaga í björgunarsveitum víða um landið, meðal annars Dalbjargarfélaga.

Á mótinu má áætla að verði um 2-5000 manns og búist er við mörgum verkefnum sem þarf að sinna yfir þessa átta daga. Hver vakt verður 8 tímar og 3-5 manns á hverri vakt.

Þetta verkefni er flott í reynslubankann fyrir björgunarsveitarfólk, en m.a. mun reyna á kunnáttu í fyrstu hjálp, fjarskiptum, skipulagshæfileikum, stjórnun, samskiptum og án efa fleiri þáttum. Verkefnið verður líka örugglega og mjög skemmtilegt. Það má reikna með að oft verði eitthvað að gerast í sjúkratjaldinu. Félagar úr sveitum að sunnan munu að öllum líkindum manna einhverjar vaktir og svo verða á svæðinu læknar og hjúkrunarfræðingar svo þetta er einnig góður vettvangur til að kynnast öðru fólki.

Allar frekari fyrirspurnir eða skráningar á vaktir skulu fara fram með því að senda póst til Unnar eða Elvu: unnsteinsdottir@gmail.com eða elvahronn@gmail.com .

Við hvetjum ykkur til að skoða málið og hjálpa til með því að skrá ykkur á eina vakt :)

Kveðja, stjórnin.

Girðingavinna - uppáhaldið okkar!

Mon, 23 Jun 2014 10:01:00 GMT

Miðvikudaginn 25. og fimmtudaginn 26. júní förum við í hina árlegu girðingavinnu okkar við að lagfæra mæðuveikisgirðinguna.

Nauðsynlegt er að sem flestir mæti til að við klárum verkið á sem stystum tíma - margar hendur vinna létt verk! Við ætlum að byrja kl. 19:00 og því er mæting í Dalborg kl. 18:30.

Allir sem hafa tök á skulu hafa með sér verkfæri til girðingarvinnu og svo eru fjórhjól eða sexhjól líka vel þegin til þess að ferja efni.

Þeir sem ætla að vera með skulu skrá sig hjá Bubba, sími 8650129, með því að senda honum sms. Þá skal líka láta vita hvort félaginn kemur með verkfæri eða á farartæki sem nýtist við vinnuna.

Sjáumst sem flest á miðvikudaginn!

Update : Það mættu 9 manns og einn hundur í girðingavinnuna og hún gekk súpervel. Nú eigum við bara efsta partinn eftir.

Heimsókn um borð í varðskipið Vædderen

Tue, 17 Jun 2014 21:46:00 GMT

Félögum Dalbjargar og annarra sveita á svæði 11, auk Siglfirðinga, býðst að fara í heimsókn um borð í danska varðskipið Vædderen, laugardaginn 21. júní kl. 10:30. Mæting er kl. 10:00 við húsnæði Súlna á Akureyri.

Um borð munu Sören Tversted, skipherra á Vædderen og aðrir skipverjar uppfræða gesti í stuttu máli um skipið og verkefni þess ásamt því að bjóða upp á kaffi og eitthvað til að maula á á meðan. Því næst verður farinn túr um skipið.

Þeir sem hafa áhuga á því skulu láta Sunnu vita með sms fyrir kl. 14:00 á morgun, miðvikudaginn 18. júní þar sem áhöfn varðskipsins þarf að vita fjölda gesta fyrirfram.

Leit í Fljótshlíð 14. júní

Tue, 17 Jun 2014 21:31:00 GMT

Föstudaginn 13. júní barst útkall til sveita á svæði 11 um leit að konu í Fljótshlíð, en hennar hafði verið leitað í nokkra daga.

Sjö félagar frá Dalbjörg; Kristján, Ingi, Bjarney, Jóhann, Hilmar, Jóhannes og Alexander, tveir frá Tý; Jón Hrói og Aðalsteinn fóru af stað ásamt leitarhundinum Ellý. Farið var á tveimur bílum sveitanna og lagt af stað suður um kl. 23:00 á föstudegi. Leiðin lá yfir Kjöl sem hafði nýlega verið opnaður og fær aldrifs bílum. Hópurinn kom í Fljótshlíð um kl. 05:00 á laugardagsmorgni og gat hvílst þar til leit hófst um kl. 10:00. Verkefnin voru af ýmsum toga og unnu félagar Dalbjargar og Týs saman að verkefnunum. Einn félaga Dalbjargar fór til leitar með Aðalsteini og hundinum Ellý og Jóhannes fór í svæðisstjórn á svæði 16 en hinir félagarnir fóru á önnur leitarsvæði. Meðal annars var farið í breiðleit á lúpínusvæði í samvinnu við Skagfirðinga og Björgunarsveitina Klakk og einnig leituðum við fjöruna og ósa Markárfljóts en leitin bar ekki árangur. Leitað til um kl. 19:00 þegar leit var hætt þann daginn.

Eftir að leit var lokið var lagt af stað norður á ný og komu félagar í hús um kl. 04:00 að morgni sunnudagsins 15. júní. Einn félaga Dalbjargar varð fyrir þeirri leiðu reynslu að brotist var inn í bifreið hans sem stóð við Dalborg, húsnæði Hjálparsveitarinnar Dalbjargar, á meðan hann sinnti útkallinu og unnar skemmdir á leiðslum. Við vonum að slíkt athæfi munum við ekki sjá aftur, enda mikil vonbrigði að koma heim úr löngu útkalli og sjá skemmdarverk á eigum sínum.

Kvöldskreppa

Mon, 26 May 2014 18:46:00 GMT

Nú erum við að velta fyrir okkur áhuga félaga fyrir kvöldskreppu annað kvöld kl 20:00. Þeir sem hafa áhuga á að fara með, endilega hafa samband við Hreiðar í 8457947.

Vígsla Dalborgar

Sun, 25 May 2014 09:47:00 GMT

Laugardaginn 17. maí sl. var nýtt húsnæði Hjálparsveitarinnar Dalbjargar formlega vígt.

Veðrið lék við Dalbjargarfélaga og gesti þennan dag og margir af sveitungum og velunnurum litu við. Boðið var upp á tertu, kleinur og auðvitað ís - í síðasta skipti í gamla blómaskálanum sem nú hefur fengið nýtt hlutverk.

Hannes Blandon, presturinn okkar, vígði húsið formlega og hafði mörg falleg orð um störf björgunarsveita í landinu. Oddvitinn okkar, Arnar Árnason söng tvö vel valin lög og formaðurinn Kristján Hermann Tryggvason fór yfir húsnæðismálin okkar síðustu ár og ástæður þess að nýtt húsnæði var orðin nauðsyn fyrir okkur, en eins og flestir vita hafði eldra húsnæðið okkar sprengt utan af sér starfsemina á síðustu árum.

Hjálparsveitin Dalbjörg hefur vaxið og dafnað mikið frá stofnun sveitarinnar fyrir rúmum 30 árum og hefur það áorkast vegna öflugs starfs góðra og duglegra félaga. Breytingar hafa verið miklar, en til dæmis hefur tækjakostur farið úr einni bifreið upp í öll þau tæki sem við eigum í dag. Félögum hefur fjölgað, menntun aukist og nú höfum við eignast nýtt húsnæði sem rúmar alla hluta starfsins okkar. Við erum nú staðsett í kjarna sveitarfélagsins og höfum trú á því að þetta efli starf Dalbjargarfélaga enn frekar.

Það skal þó ávallt hafa í huga að það skiptir ekki máli hvers konar breytingar við göngum í gegnum og hvað við eignumst mörg ný tæki og tól, nema góðir félagar séu til staðar. Alltaf er það mannauðurinn sem skiptir okkur mestu máli og sem allt mæðir á. Án öflugra félaga og auðvitað hinna fjöldamörgu velunnara okkar væri sveitin ekki stödd þar sem hún er í dag.

Vinnukvöld fyrir vígsluna

Tue, 13 May 2014 15:19:00 GMT

Vinnukvöld verða á miðvikudags- og fimmtudagskvöldið í Dalborg kl. 20:00, eða fyrr, bara þegar fólk kemst. Við ætlum að klára að gera fínt fyrir vígsluna á húsinu okkar á laugardaginn og hvetjum sem flesta til að mæta og taka til hendinni.

Sjáumst hress!

Vorfögnuður Dalbjargar

Mon, 12 May 2014 21:09:00 GMT

Þann 17. maí nk. ætlum við að halda vorfögnuð fyrir félaga Hjálparsveitarinnar Dalbjargar. Við erum búin að vera svo dugleg í vetur að við eigum það sko skilið :) Í boði verður veislumatur og drykkir.

Mæting er í hús Náttúrulækningafélagsins við Kjarnaskóg kl. 20:00 þann 17. maí, svo allir hafa tíma til að taka sig til eftir vígsluna og tiltekt. Makar eru velkomnir. Þátttökugjald er kr. 1.500 á manninn og skal greiða það inn á reikning Dalbjargar:

0302-26-012482 kt: 530585-0349. Senda staðfestingu um greiðslu á dalbjorg@dalbjorg.is.

Nauðsynlegt er að skrá sig í herlegheitin, svo allir fái nú eitthvað að borða. Skráning er hjá Gullu fyrir fimmtudaginn næsta í síma 8699380 (símtal eða sms), eða bara hér á síðunni. Þeir sem hafa áhuga á að bregða á leik eða koma einhverju á framfæri skulu hafa samband við Gullu. Bara gaman að hafa skemmtiatriði.

Svo:

Formleg vígsla Dalborgar

Sat, 10 May 2014 09:34:00 GMT

Kæru vinir og velunnarar

Þann 17. maí nk. verður Dalborg, nýja húsið okkar Dalbjargarfélaga í Eyjafjarðarsveit opnað formlega. Af því tilefni langar okkur til að bjóða ykkur í heimsókn þennan dag.

Húsið verður opið frá kl. 13-16 en formleg vígsla verður kl. 14. Boðið verður upp á kaffi og bakkelsi.

Við hlökkum til að sjá ykkur sem flest!

Kveðja, stjórn Hjálparsveitarinnar Dalbjargar

Fjáröflun um helgina

Sat, 10 May 2014 09:25:00 GMT

Við höfum sama fyrirkomulag og í reykskynjarayfirferðinni, en heimsækjum aðeins þau heimili sem hafa fengið pakkann sendan. Ef fólk hefur ákveðið að taka þátt tökum við gögnin og komum þeim til skila.

Skráið ykkur á vaktir hjá Bubba í síma 8651029. Þetta er góð fjáröflun og skemmtilegur rúntur um sveitina okkar.

Kveðja

stjórnin.

Fjölskyldudagur Dalbjargar

Fri, 02 May 2014 21:02:00 GMT

Hinn árlegi fjölskyldudagur Dalbjargar var haldinn í Víkurskarði 1. maí.

Veðrið lék við okkur, en sól og blíða var allan tímann. Margir félagar mættu með sínar fjölskyldur og var mikið fjör í brekkunum, en vélsleðar sveitarinnar skutluðu fólki upp ásamt fleirum og ýmislegt var notað til að renna sér á; snjóþotur, sleðar, þoturassar, skíði og snjóbretti. Félagar úr Ferðaklúbbnum 4x4 voru líka á svæðinu svo það var fjölmennt, en frá Dalbjörg mættu upp undir 30 manns.

Um hádegið voru grillaðar pylsur og boðið var upp á Svala. Veitingarnar runnu ljúflega niður, enda tekur það á að leika sér í snjónum.

Við þökkum öllum kærlega fyrir frábæran dag!

Kveðja, stjórnin.

Almennur fundur á sunnudag

Fri, 02 May 2014 20:23:00 GMT

Almennur fundur verður haldinn sunnudaginn 4. maí nk. kl. 20:30. Húsið opnar kl. 20:00.

Á dagskrá eru sumarverkin okkar, formleg opnun hússins, útkallshæfi, hlutverk umsjónarmanna tækja og margt fleira skemmtilegt.

Hlökkum til að sjá ykkur sem flest!

Kveðja, stjórnin.

Fjölskyldudagur Dalbjargar

Mon, 28 Apr 2014 13:26:00 GMT

Hinn árlegi fjölskyldudagur Hjálparsveitarinnar Dalbjargar verður haldinn fimmtudaginn 1. maí nk.

Við ætlum að skemmta okkur saman á Víkurskarði og hefst dagurinn þar kl. 11:00, en veðurspáin fyrir daginn er mjög góð. Dalbjörg býður upp á grillaðar pylsur og drykki á staðnum. Sleðar sveitarinnar verða klárir til að skutla fólki upp í brekkurnar og nú er um að gera að fá fjölskylduna með og taka með sér allt sem rennur!

Við bendum á að ef einhvern vantar far, þá fara jeppar sveitarinnar úr Dalborg kl. 10:30 og verða með einhver laus sæti.

Hlökkum til að sjá sem flesta!

Fjallaferð Unglingadeildarinnar

Mon, 28 Apr 2014 00:08:00 GMT

Föstudaginn 25. apríl fór unglingadeildin Bangsar í jeppaferð. Mæting var í Dalborg kl 16:30 og lagt af stað hálftíma síðar á þremur bílum með 12 manns. Ferðinni var heitið uppí Réttartorfu í Bárðardal þar sem gist var eina nótt.

Ferðin uppeftir gekk mjög vel og var sól og blíða á okkur allan föstudaginn. Þegar komið var í skála vorum við fljót að koma okkur fyrir og umsjónarmenn og Ingi bílstjóri hófust handa við að útbúa kvöldmat sem var að þessu sinni grillað lambalæri og tilheyrandi. Sunna bílstjóri skellti sér með nokkrum af strákunum uppí gil fyrir ofan Réttartorfu að renna sér á rassaþotum, aðrir höfðu það gott í skálanum á meðan beðið var eftir matnum. Gítaristi ferðarinnar spilaði svo frameftir kvöldi og var mikið sungið.

Morguninn eftir var lagt af stað í brakandi blíðu frá Réttartorfu og stefnan tekin á skála sem heitir Slakki og er í Hraunárdal en þar var hádegisnestið borðað. Þaðan var farið upp að Marteinsflæðum að svokallaðri Hitulaug þar sem tveir unglingar tóku sig til og skelltu sér í bað. Við fórum yfir Skjálfandafljótið á Gæsavatnaleið og sem leið lá að Sandbúðum þar sem dimmdi talsvert og skall á okkur mikil þoka sem hægði verulega á för okkar. En við vorum með góða bílstjóra og var keyrt eftir GPS í Galtaból, Landakot og þaðan niður að Kerhólsöxlinni og komum við niður í Sölvadal um kl 21:30.

Við tölum örugglega fyrir munn allra þegar ég segi að þessi ferð var mjög skemmtileg og allir komu sáttir heim. Við umsjónarmenn viljum þakka Inga, Sunnu og Hreiðari bílstjórum ferðarinnar fyrir að hafa komið með og komið okkur öllum heilum heim ;) Elmari þökkum við einnig fyrir lánið á bílnum.

Kv. Gulla og Bjarney, umsjónarmenn.

Vegleg gjöf frá Lionsklúbbnum Vitaðsgjafa

Sun, 27 Apr 2014 22:05:00 GMT

Í tilefni af 40 ára afmæli Lionsklúbbsins Vitaðsgjafa var Hjálparsveitinni Dalbjörg afhent gjafabréf að upphæð kr. 750.000 til kaupa á búnaði í nýtt húsnæði Dalbjargar í Hrafnagilshverfi í Eyjafjarðarsveit, sem hefur fengið nafnið Dalborg.

Eiður Jónsson tók við gjöfinni fyrir hönd Dalbjargarfélaga, en á myndinni má sjá Eið, Sigurgeir Hreinsson formann Vitaðsgjafa og Ingvar Þóroddsson sem tók einnig við styrk frá klúbbnum.

Við kunnum meðlimum Vitaðsgjafa bestu þakkir fyrir þessa veglegu gjöf sem mun nýtast okkur vel til kaupa á nauðsynlegum búnaði í húsið okkar.

Aðalfundur 2014

Fri, 25 Apr 2014 10:49:00 GMT

Aðalfundur Hjálparsveitarinnar Dalbjargar 2014 var haldinn í gær, sumardaginn fyrsta.

Á dagskrá fundarins voru venjuleg aðalfundarstörf, þ.á.m. stjórnarkjör. Í ár voru formaður og þrír stjórnarmenn kosnir í stjórn. Nýr formaður er Kristján Hermann Tryggvason. Gjaldkeri er sem fyrr Jóhannes Jakobsson og almennir stjórnarmenn Sunna Axelsdóttir, Eiður Jónsson og Ingvar Þ. Ingólfsson.

Einnig var valið nafn á nýja húsið okkar og fékk það nafnið Dalborg.

Við þökkum félögum fyrir góða mætingu á fundinn og sjáumst næst á almennum fundi þann 4. maí nk.

Dalborg

Fri, 25 Apr 2014 10:07:00 GMT

Dalborg er nafnið á nýja húsinu okkar, en kosið var um það á aðalfundi sveitarinnar sem haldinn var í gær, á sumardaginn fyrsta.

Nafnið vísar bæði til nafnsins á Hjálparsveitinni Dalbjörg, en einnig til annarra samkomustaða íbúa í Eyjafjarðarsveit sem margir bera nafn með endingunni -borg, s.s. Laugarborg, Félagsborg og Funaborg.

Þetta nafn var valið eftir miklar vangaveltur og yfirferð á tillögunum, en um 40 nafnatillögur bárust okkur frá fjölmörgum sveitungum og velunnurum, sem og meðlimum Dalbjargar. Það er Ragnar Jónsson, félagi í Hjálparsveitinni Dalbjörg sem á heiðurinn af þessari hugmynd.

Við þökkum öllum sem tóku þátt kærlega fyrir að hugsa til okkar og hjálpa okkur við þessa ákvörðun. Við höfum trú á því að þetta fallega nafn öðlist fastan sess meðal félaga Dalbjargar, sveitunga okkar og annarra velunnara sveitarinnar.

Það líður svo að formlegri opnun á húsinu okkar og munum við auglýsa dagsetningu hennar mjög fljótlega. Við vonumst til að sjá ykkur sem flest þar til að gleðjast með okkur.

Kveðja

Stjórn Hjálparsveitarinnar Dalbjargar.

Framboð til stjórnar

Tue, 22 Apr 2014 09:27:00 GMT

Uppstillingarnefnd kynnir framboð til stjórnar 2014 sem komin eru fram, en vekur athygli á því að hægt er að tilkynna um framboð fram að aðalfundi og á fundinum sjálfum.

Kosið verður um formann og þrjá stjórnarmenn.

Til formanns eru í kjöri:

Aðalfundur og framboð

Mon, 21 Apr 2014 09:15:00 GMT

Fimmtudaginn 24. apríl kl. 20:00 verður haldinn aðalfundur Hjálparsveitarinnar Dalbjargar. Á dagskrá eru venjuleg aðalfundarstörf.

Fundurinn verður haldinn í húsnæði sveitarinnar sem áður hýsti blómaskálann Vín. Kaffiveitingar verða á boðstólnum og hvetjum við sem flesta til að mæta, nýja sem eldri félaga.

Viðbót - Þeir sem hafa hug á því að bjóða sig fram til stjórnar geta haft samband við Jóhannes Jakobsson, sími 8963216 eða Elmar Sigurgeirsson, sími 8917981. Gott væri ef framboð kæmu fram með einhverjum fyrirvara, s.s. fyrir páska, en einnig er frjálst að bjóða sig fram síðar eða á aðalfundi.

Páskaganga og vöfflukaffi

Mon, 14 Apr 2014 20:20:00 GMT

Páskaganga Dalbjargar verður að venju föstudaginn langa, þann 18. apríl nk. Dalbjargarfélagar sem geta aðstoðað við gönguna eru beðnir um að skrá sig hjá Bubba í síma 8650129 í síðasta lagi á fimmtudag.

Eins og undanfarin ár verður páskaganga Dalbjargar á föstudaginn langa, þann 18. apríl nk. Gangan hefst við nýja húsnæðið okkar í gamla blómaskálanum í Hrafnagilshverfinu kl. 10 og gengið verður gömlu bakkana að Munkaþverá. Hægt verður að velja um nokkrar vegalengdir svo allir ættu að finna eitthvað við sitt hæfi, auk þess sem drykkjarstöðvar verða á leiðinni.

Reikningsnúmer: 302-26-12484 og kennitala: 530585-0349

Við hvetjum auðvitað sem flesta til að mæta, ganga, skokka eða hjóla og styðja við bakið á Dalbjargarfélögum. Þetta er einnig kjörið tækifæri til að líta á húsið okkar og sjá allar þær breytingar sem hafa orðið á stuttum tíma.

Gleðilega páska!

Aðstoð og Fyrsta hjálp 1

Tue, 08 Apr 2014 11:06:00 GMT

Síðustu daga hafa félagar Dalbjargar sinnt nokkrum aðstoðarbeiðnum af ýmsu tagi. Einnig sóttu um 10 manns frá okkur námskeið í fyrstu hjálp dagana 4.-5. apríl, en þar var hann Stefán Magnús Jónsson leiðbeinandi. Námskeiðið fór vel fram í alla staði og voru þátttakendur ánægðir eftir helgina.

En við höfum sinnt ýmsu öðru meðfram námskeiðshaldi síðustu daga eins og sjá má hér að neðan.

Fimmtudaginn 3. apríl fóru 12 manns upp í Garðsárdal á báðum jeppum sveitarinnar, fjórum sleðum og snjóbíl. Tilgangur ferðarinnar var að moka ofan af gangnaskálanum Adda sem er þar í dalnum. Snjórinn var orðinn það mikill að hann var að sliga skálann og því nauðsynlegt að moka af honum svo ekki yrði tjón á skálanum. Lagt var af stað um kl. 17 og komið heim um kl. 23 um kvöldið. Veður og færi var gott og allir voru ánægðir með afrekið þennan daginn. Myndir eru komnar inn í myndasafnið.

Föstudaginn 4. apríl var farið á snjóbíl með girðingaefni upp í fjall á landamerkjum Hólsgerðis og Torfufells; staura, gaddavír og fleira. Sú ferð gekk mjög vel og allt girðingaefnið komst á réttan stað.

Laugardaginn 5. apríl fóru 2 félagar Dalbjargar til aðstoðar við ökumann sem hafði fest bifreið sína á gamla veginum á milli Hrafnagilshverfis og Kristness. Sú aðgerð gekk vel og allir komust heilir heim.

Unglingadeildin Bangsar

Tue, 08 Apr 2014 00:20:00 GMT

Í kvöld var æfing hjá unglingardeildinni sem gekk mjög vel. Við hittumst í húsi og byrjuðum við á því að fá Inga til að segja okkur frá svæðisstjórn, hvernig hún vinnur og til hvers svæðisstjórn er. Ingi fór líka yfir leitartækni og hvernig skal bera sig að við leit. Eftir fræðslu frá Inga var haldin leitaræfing þar sem leitað var að manni sem týndist í hverfinu. Strákunum var skipt í tvo hópa og hópstjórar skipaðir sem skipulögðu leitina og fóru svo af stað til leitar með sinn hóp. Strákarnir sýndu flotta takta við leitina og var samvinna og samskipti góð milli hópanna. Leitin gekk vel og þegar einstaklingurinn fannst var hlúð að honum, hann spelkaður á brotum, settur á bakbretti og svo í börur og borinn í hús. Strákarnir eiga allir hrós skilið fyrir kvöldið, þeir stóðu sig mjög vel. Við umsjónarmenn viljum þakka Inga fyrir kynninguna og kennsluna og Simma fyrir að vera týndur og slasaður fyrir okkur í kvöld. Takk fyrir hjálpina.

kv Gulla og Bjarney

Sunnudagsferð

Tue, 01 Apr 2014 00:17:00 GMT

Sunnudaginn 30. mars fóru 9 manns á jeppum sveitarinnar, Dalbjörg 1 og 2 í smá dagsskreppu uppá hálendið. Lagt var af stað úr húsi kl. 9:30 og ferðinni heitið inn Sölvadalinn og upp Kerhólsöxl. Þegar upp var komið var stefnan tekin í Landakot og þaðan í Laugafell. í Laugafelli var tekinn hádegismatur í glampandi sól og logni. Nokkrir skelltu sér í bað en hinir nutu veðurblíðunnar og náttúrunnar á meðan. Eftir mat og bað var brunað upp á Laugafellshnjúk og útsýnið skoðað sem var sko ekki af verri endanum. Þaðan renndum við inn að miðju Íslands og þar var sjálfsögðu bílunum og fólkinu stillt upp við stuðlabergið sem markar miðjuna og tekin hópmynd. Í Ingólfsskála var tekin kaffipása og þaðan fórum víð í Skiptabakka og niður Goðdalafjall ofan í Skagafjörð. Eftir kaffisopa í Skagafirði hjá Helgu Hjálmars og fjölskyldu, pylsu og ís stopp í Varmahlíð og tankastopp á Olís renndu bílarnir í hlað við nýja húsið um 22:30 eftir alveg hreint frábæran dag.

Takk fyrir góðan dag ;)

Gulla

Fyrsta hjálp 1

Mon, 31 Mar 2014 13:46:00 GMT

Námskeið í fyrstu hjálp 1 verður haldið í nýja húsinu okkar dagana 4.-6. apríl nk. Leiðbeinandi verður Stefán Magnús Jónsson.

Námskeiðið hefst kl. 20:00 á föstudagskvöldi. Á laugardag og sunnudag byrjum við kl. 08:00 og stendur námskeiðið þá fram eftir degi, til um kl. 17.

Við hvetjum sem flesta til að skrá sig á námskeiðið, bæði þeir félagar sem aldrei hafa sótt námskeið í fyrstu hjálp og einnig þeir sem hafa ekki farið í langan tíma, því auðvitað þarf alltaf að rifja hlutina upp.

Hægt er að skrá sig með því að smella HÉR eða með því að senda póst á dalbjorg@dalbjorg.is. Í skráningu þarf að koma fram nafn og kennitala þátttakanda.

ATH að einnig þarf að skrá sig HÉR svo skráningin komist nú örugglega til Landsbjargar líka.

Heimsókn til Dasa á Dalvík

Tue, 25 Mar 2014 23:58:00 GMT

Í kvöld fórum við í unglingadeildinni Böngsum út að borða á Greifann og svo var ferðinni heitið til Dalvíkur að heimsækja unglingadeildina Dasa. Þar tóku á móti okkur 5 umsjónarmenn þau Friðjón, Fanney, Thelma, Kristján og Arinbjörn og um 40 krakkar. Strákarnir okkar fengu kynningu á húsnæði þeirra og fengu að kíkja á tækjakostinn. Þegar allir voru komnir svo í hús var haldin leitaræfing á bryggjusvæðinu og þar voru krökkunum skipt í tvo hópa sem áttu að leita svæðið frá sitthvorum enda og mætast á miðri leið. Æfingin gekk mjög vel og fengu þau góða innsýn í hvernig leit skal framkvæmd. Eftir að æfingu lauk enduðum við þennan hitting á keppni í reipitogi milli sveitanna, strákarnir okkar 7 á móti 7 frá Dösum og endaði það 1-1. Eftir frábæran hitting enduðum við heimferðina á að fá okkur Brynjuís þar sem sá sem mætti verst klæddur þurfti að splæsa ís á umsjónarmennina... hann mun aldrei koma illa klæddur aftur ;).

Takk fyrir frábærar móttökur Dasar, Dalvík það var frábært að fá að kíkja til ykkar.

Gulla umsjónarmaður.

Myndir, myndir

Sun, 23 Mar 2014 23:08:00 GMT

Nú er komið fullt af nýjum myndum inn á síðuna okkar sem Gulla, Elmar, Bjarney og Júlíus hafa verið svo dugleg að setja inn. Endilega kíkið, nokkur ný albúm, bæði nýjar myndir og eldri.

Aðstoðarbeiðni vegna ófærðar

Fri, 21 Mar 2014 23:30:00 GMT

Dalbjörg 1 og 2 fóru til aðstoðar við bóndann í Sölvadal í kvöld, þar sem hún komst ekki til síns heima vegna ófærðar í sveitinni. Ferðin gekk vel og allir komust heilir á leiðarenda.

Annars hefur ekki verið mikið um aðstoðarbeiðnir þrátt fyrir veðrið og ófærðina undanfarið, en við erum auðvitað við öllu búin og stökkvum af stað ef nauðsyn ber til.

Stóra Dalbjargarferðin!

Mon, 10 Mar 2014 14:16:00 GMT

Nú er komið að Stóru Dalbjargarferðinni, en hún verður farin núna um helgina eins og ákveðið var á síðasta almenna fundi.

Farið verður af stað kl. 17:00 á föstudag, 14. mars, frá nýja húsinu okkar í Hrafnagilshverfi. Þaðan verður farið upp Bárðardalinn í Réttartorfu. Á laugardaginn er ferðinni heitið í Gæsavötn og svo heim á sunnudag.

Ætlunin er að fara á jeppum og sleðum sveitarinnar. A.m.k. einn einkabíll er einnig skráður í ferðina og eru fleiri velkomnir. Dalbjörg mun greiða gistigjöld og flotta veislu á laugardagskvöldinu. Annan mat og allan búnað sjá félagar um sjálfir.

Skráið ykkur með því að smella HÉR fyrir kl. 12:00 á fimmtudaginn.

Frekari upplýsingar eru hjá Hreiðari, s. 8457947.

Til minningar um Pétur Róbert

Mon, 10 Mar 2014 10:29:00 GMT

Sunnudaginn 9. mars komu fulltrúar frá björgunarsveitum á svæði 11 færandi hendi til okkar í nýja húsið og færðu okkur Tyromont þyrlusekk að gjöf, til minningar um Pétur Róbert Tryggvason.

Það voru yfir 30 manns sem komu til að afhenda gjöfina og tók stjórn Dalbjargar á móti þeim. Gjöfin er sérlega glæsileg, en um er að ræða sérstaka grjónadýnu þar sem unnt er að búa um sjúkling til flutnings og hífa upp í þyrlu án þess að nauðsynlegt sé að nota skel eða annan búnað samhliða.

Við kunnum félögum okkar úr sveitum á svæði 11 innilegar þakkir fyrir þessa góðu gjöf, en þær eru: Björgunarsveitin Dalvík, Björgunarsveitin Jörundur í Hrísey, Björgunarsveitin Sæþór í Grímsey, Björgunarsveitin Tindur á Ólafsfirði, Björgunarsveitin Týr á Svalbarðseyri, Björgunarsveitin Ægir á Grenivík og Súlur, björgunarsveitin á Akureyri. Takk fyrir okkur.

Blómaskála breytt í björgunarsveitarhús

Tue, 04 Mar 2014 18:29:00 GMT

Á haustdögum árið 2013 varð langþráður draumur félaga í Hjálparsveitinni Dalbjörg í Eyjafjarðarsveit um stærra húsnæði fyrir sveitina að veruleika. Þann 4. október 2013 var skrifað undir samning um kaup á gamla blómaskálanum sem stendur í Hrafnagilshverfi í Eyjafjarðarsveit, en kaupin eru stærsta fjárhagslega skuldbinding Hjálparsveitarinnar Dalbjargar frá upphafi.

Sveitin er þannig komin í mun stærra húsnæði en áður sem hentar betur fyrir starfsemina og einnig nær kjarna sveitarfélagsins. Fyrra húsnæði er staðsett í Bangsabúð við Steinhóla í Saurbæjarhreppi og flutti Hjálparsveitin Dalbjörg formlega úr gamla húsnæðinu þann 23. nóvember 2013.

Nýtt nafn á nýtt hús

Mon, 03 Mar 2014 18:26:00 GMT

Jæja félagar - nú er komið að því að velja nafn á nýja húsið og þið verðið að taka virkan þátt í því.

sveitapóstinum

hér

Fundur á sunnudag

Fri, 28 Feb 2014 19:57:00 GMT

Kæru félagar.

Vinnudagar um helgina

Fri, 21 Feb 2014 18:28:00 GMT

Núna um helgina á að taka gott átak í tiltekt og brasi í húsinu okkar og gera það fínt fyrir mánudaginn, en þá munum við fá góða gesti í heimsókn.

Kynning frá GG sjósport og fyrirlestur frá 66°N

Fri, 14 Feb 2014 18:27:00 GMT

Æfingardagur tækjaflokks

Thu, 06 Feb 2014 18:25:00 GMT

Á laugardaginn 8. febrúar verður haldinn æfingardagur tækjaflokks.

Útköll vegna óveðurs

Sat, 01 Feb 2014 18:23:00 GMT

Tvö útköll bárust félögum Dalbjargar þann 31. janúar vegna þakplatna sem voru að losna. Í báðum tilvikum gekk fljótt og vel að manna verkið og gekk vinnan við að tryggja vettvanginn og það að plöturnar héldust kyrrar, einnig vel.

Fundur á sunnudag, 2. febrúar

Sat, 01 Feb 2014 18:20:00 GMT

Sæl öll

Uppfærsla á snjóflóðaýlum og námskeið

Fri, 31 Jan 2014 22:49:00 GMT

Sæl öll

Tilboð í fjarþjálfun

Thu, 16 Jan 2014 22:29:00 GMT

Við fengum eftirfarandi skilaboð frá henni Eddu Kamillu einkaþjálfara - smellið hér að neðan til að lesa meira!

Dagskrá næstu daga

Mon, 13 Jan 2014 22:28:00 GMT

Örstutt yfirlit!

Ljósatilboð

Wed, 08 Jan 2014 22:26:00 GMT

Sæl öll

hér

Almennur fundur á sunnudag

Sun, 05 Jan 2014 22:25:00 GMT

Nú er komið að fyrsta fundi ársins, sunnudaginn 5. janúar 2014. Hann verður haldinn í nýja húsinu okkar kl. 20:30.

Aðstoð í Sölvadal

Wed, 01 Jan 2014 22:24:00 GMT

Aðstoðarbeiðni barst Dalbjargarfélögum aðfaranótt gamlársdags ofan úr Sölvadal, en þar höfðu ábúendur á Eyvindarstöðum misst vélsleða ofan í gil við virkjun sem er þar.

Námskeið 2014

Fri, 27 Dec 2013 22:22:00 GMT

Hei góða fólk!! Nú þegar þetta haust og fyrripartur vetrar er á enda þá þurfum við að huga að námskeiðum sem haldin verða á nýju ári. Hér (smellið til að skoða) er samantekt yfir: Þau námskeið sem haldin verða hjá okkur Námskeið sem eru nálægt okkur Upphafsdagsetningar fjarnámskeiða Fagnámskeið fyrir þá sem eru búnir með a.m.k. Björgunarmann 1 Endilega skoðið þetta og finnið hvað ykkur langar til að gera. Hér er hægt að sjá námskeið sem þið hafið lokið og hafa verið skráð hjá ykkur hjá S.L. Smellið á til að lesa meira - þetta er mikilvægt!

Flugeldasöluvaktir 2013

Thu, 26 Dec 2013 22:20:00 GMT

Jæja kæra fólk Nú er flugeldasalan að hefjast - skemmtilegasta fjáröflunin okkar! Það er komið að því að skrá sig á vaktir - endilega verið dugleg og takið allavega eina vakt :) Skráið ykkur í athugasemdum.

Jólakveðja 2013

Mon, 23 Dec 2013 22:19:00 GMT

Stjórn Hjálparsveitarinnar Dalbjargar óskar félögum Dalbjargar, fjölskyldum þeirra og landsmönnum öllum gleðilegra jóla og farsældar á nýju ári. Við þökkum björgunarsveitum og öðrum aðilum nær og fjær, innilega fyrir samstarfið á árinu og allan þann stuðning sem okkur hefur verið veittur.

Blaðið og flugeldar

Wed, 18 Dec 2013 22:01:00 GMT

Jæja kæru félagar!

Fundur sunnudaginn 1. desember

Fri, 29 Nov 2013 21:59:00 GMT

Já, 1. desember gott fólk!

Stór dagur hjá Hjálparsveitinni Dalbjörg!

Sun, 24 Nov 2013 21:56:00 GMT

Eins og flestir vita festum við kaup á nýju húsnæði fyrir sveitina í Hrafnagilshverfinu, nánar tiltekið gamla Blómaskálann Vín. Þann 23. nóvember fluttum við allt okkar hafurtask úr Bangsabúð við Steinhóla, sem hefur þjónað Hjálparsveitinni Dalbjörg síðustu 26 árin. Það var því með nokkrum trega sem gamla húsnæðið var kvatt og búnaðurinn fluttur á nýjan stað.

Útkall í Bakkadal og Vaðlaheiði

Sun, 24 Nov 2013 21:40:00 GMT

Hjálparsveitin Dalbjörg var kölluð út um kl. 15 í dag ásamt Súlum og Björgunarsveitinni Ægi vegna slasaðs vélsleðamanns í Bakkadal.

Litlujól Dalbjargar

Mon, 18 Nov 2013 21:36:00 GMT

Nú er komið að hinni margrómuðu skemmtun Dalbjargar. Þar sem allir fara í sitt fínasta púss, Föstudaginn 29. nóvember n.k. í Funaborg að Melgerðismelum.

Húsið opnar kl 19:30 en hátíðarkvöldverðurinn byrjar kl. 20:00 þar sem la chef Ingvar ber fram dýrindis krásir. Litlujóla nefndin ætlar að standa fyrir skemmtiatriðum fram á kvöld, við tekur lifandi tónlist í boði DJ Rauðhettu. Allir að taka þetta kvöld frá og athuga hvort að dressið sé ekki í örugglega í lagi.
Endilega skráið ykkur hér í athugasemdir fyrir 27. nóvember.

Samæfing 16. nóvember 2013

Sat, 16 Nov 2013 21:33:00 GMT

Þann 16. nóvember var haldin samæfing björgunarsveita á svæði 11, en einnig komu félagar úr Garðari á Húsavík og tóku þátt.

Æfingin var haldin um borð í varðskipinu Tý á Akureyri og hafði Súlur, björgunarsveit, veg og vanda af skipulagningu hennar.

Samæfing, skráning

Mon, 04 Nov 2013 21:31:00 GMT

16.nóvember n.k. verður samæfing á svæði 11 sem haldin er af Tý og Súlum.

Aðstoð vegna hálku

Thu, 31 Oct 2013 21:29:00 GMT

Stefán, Jói,Hemmi og Reynir aðstoðuðu bíl sem lent hafði utanvegar sunnan við Sigtún.

Aðstoðarbeiðni

Thu, 31 Oct 2013 21:27:00 GMT

Stefán, Jói, Hemmi og Reynir aðstoðuðu bíl sem lent hafði utanvegar sunnan við Sigtún.

Neyðarkall og reykskynjarayfirferð

Tue, 29 Oct 2013 21:25:00 GMT

Þá er komið að Neyðarkallssölunni en hún byrjar á fimmtudag og er fram á sunnudag.

Nú er mál að skrá sig allavega á eina vakt í sölunni og taka bíltúr um sveitina. Við byrjum á fimmtudag kl. 18-22 og föstudag kl. 18-22. Á laugardag og sunnudag er vaktir frá kl. 10-14 og kl. 14-18. Látið nú Halla vita í síma 8479844 hvenær þið komist. Við komum til með að keyra þetta í tveimur hollum allan tíman þannig að það þurfa fjórir að vera á vakt í hvert skipti.

Vinnukvöld

Sun, 27 Oct 2013 21:20:00 GMT

Jæja nú ætlum við að halda áfram vinnu í nýja húsinu okkar. Mánudagskvöld og miðvikudagskvöld er ætlunin að hittast og taka til hendinni og jafnvel koma upp innkeyrsluhurð í stafninn.
Mæting kl:20:00.

Endilega skráið ykkur hér í athugasemdir ef þið ætlið að mæta.

Kv.Stjórnin.

Fyrsti vinnudagurinn

Fri, 25 Oct 2013 10:47:00 GMT

Jæja gott fólk nú er komið að því. Á laugardaginn 26. okt. kl. 9:00 ætlum við að byrja að breyta blómaskála í björgunarsveitarhús.

Það er margt sem þarf að gera t.d. fella tré, færa dót fyrri eigenda og svo er að byrja að rífa veggi súlur o.fl. Í hádeginu verður boðið uppá eitthvað snarl þannig að þeir sem ætla að mæta verða að skrá sig hér í athugasemdum eða hjá Bubba í síma 8650129.

Með von um að sjá sem flesta.

Kv.Stjórnin

Húsnæðis fréttir

Wed, 23 Oct 2013 14:59:00 GMT

Til hamingju kæru félagar nú höfum við fest kaup á nýju húsnæði. Þetta eru mikil tímamót fyrir okkur þar sem núverandi húsnæði sem byggt var utan um starfsemi sveitarinnar 1986 og þótti mikill fengur fyrir hina nýstofnuðu hjálparsveit. En þegar árin líða og búnaði hjálpasveitarinnar fjölgar þá er núverandi húsnæði orðið barn síns tíma og orðið allt of lítið fyrir starfsemi sveitarinnar. Hugmyndin var sú að byggja nýtt hús og ákveðið var að leita að mögulegum stað nær byggðakjarna sveitarinnar, en leitin að byggingarlóð reyndist torveld þar til nú á haustmánuðum var farið að athuga með húsnæðið sem áður hýsti Blómaskálan Vín. Fyrir nokkrum dögum náðust samningar um kaup á Blómaskálanum Vín og sjáum við mikla möguleika fyrir okkar starfsemi í því húsi.

Vörukynning

Sun, 06 Oct 2013 23:47:00 GMT

Sæl verið þið björgunarsveita fólk. Okkur hjá jötunn vélum langar að bjóða ykkur á kynningu á Seal skinz vörum sem við erum að selja þetta eru húfur vettlingar og sokkar vatnsheld öndunarefni mjög góð vara og sniðug fyrir ykkur í ykkar starfi. Einnig erum við með alskonar aðrar vörur ,bíla vörur ,leikföng, rekstrarvörur, gæludýra vörur og margt fleira hlökkum til að sjá ykkur. Það verða einhver góð tilboð í gangi. Þriðjudagur 8 okt. kl 20:00 Lónsbakka Akureyri léttar veitingar Kveðja Starfsfólk Jötunn véla

Almennur fundur

Fri, 04 Oct 2013 11:36:00 GMT

Októberfundurinn v erður haldin næstkomandi sunnudag 6.okt kl.20:30.Húsið opnar kl:20:00.

Landsæfing Slysavarnafélagsins Landsbjargar

Thu, 26 Sep 2013 20:07:00 GMT

Landsæfingin verður haldin þann 12. október nk. í Borgarfirði.

Haustferð og landsæfing

Thu, 05 Sep 2013 12:56:00 GMT

Nú er planið að hafa haustferð seinnipartinn í september. Þeir sem hafa áhuga á að fara með skulu hafa samband við Halla, en frekari upplýsingar um ferðatilhögun o.fl. verður sett inn fljótlega.

Fyrsti fundur vetrarins

Wed, 28 Aug 2013 21:11:00 GMT

Fyrsti fundur vetrarins verður haldinn sunnudaginn 1. september kl. 20:30 í Bangsabúð.

Takk fyrir helgina!

Tue, 13 Aug 2013 23:47:00 GMT

Stjórnin vill þakka öllum þeim sem komu að vinnu við Handverkshátíðina síðastliðna viku, hvort sem það var undirbúningur, uppsetning, vinna á hátíðinni sjálfri, tiltekt á eftir og allt saman. Félagar Dalbjargar stóðu sig með prýði; þið megið vera stolt af ykkur.

Handverkshátíðin - lokadagur!

Sun, 11 Aug 2013 23:58:00 GMT

Jæja duglega fólk - nú er komið að lokadegi Handverkshátíðarinnar þetta árið. Búið er að skipuleggja daginn í gæslu - hann Halli sér um það - en að loknum degi er komið að því að taka sýninguna niður. Það verða því allir sem vettlingi (jafnvel bara aukavettlingi) geta valdið að mæta á morgun kl. 17 í Hrafnagilsskóla til að taka niður allt klabbið. Það verður gott veður svo við ættum að verða snögg að þessu ef við vinnum saman :) Þið eruð búin að vera alveg svakalega dugleg síðustu vikuna, við undirbúning, uppsetningu og gæslu á hátíðinni og eigið stórt hrós skilið. Nú skulum við klára þetta með trompi. Kveðja Sunna.

Handverkshátíð

Sat, 03 Aug 2013 11:48:00 GMT

Nú styttist í Handverkshátíðina og núna þurfum við á öllum að halda til að hjálpa til. Þetta er stærsta fjáröflun sveitarinnar og mikilvægt að menn gefi sér smá tíma til að sinna þessu.

Fimmtudagur 8. ágúst : Uppsetning tjalda og fl. ca. kl. 8-17. Vantar 10-12 manns. Jóhann,Hlynur,Simmi,Stefán,Sindri,Palli,Víðir,Hreiðar.

Föstudagur 9. ágúst : Gæsla á sýingu meðan opið er (4 menn). Simmi

Laugardagur 10. ágúst : Gæsla á sýningu og meðan opið er (4 menn). Simmi.

Laugardagskvöld 10 ágúst : Grill og kvöldvaka ca. kl. 18-24+ (8-10 manns) Simmi,Hreiðar,Jóhann.

Sunndugur 11. ágúst : Gæsla á sýningu meðan opið er (4 menn). Simmi

Mánudagur 12. ágúst : Gæsla á sýningu meðan opið er (4menn). Simmi

Mánudagskvöldið klukkan 18:00 þurfa ALLIR að mæta til að taka sýninguna niður.

Endilega hafið samband við Eið í síma 8615537 og skráið ykkur á vaktir eða hér í athugasemdir. Fyrstir skrá fyrstir fá.

kv, stjórnin.

Frestað til sunnudags

Sat, 20 Jul 2013 09:54:00 GMT

Vinnu í íþróttahúsi hefur verið frestað til sunnudags 21.júli vegna efnisskorts.

Handverkshátíðar vinna

Wed, 17 Jul 2013 18:51:00 GMT

Sælir kæru félagar nú er gamanið byrjað. Á föstudag,19. júli vantar mannskap til að teppaleggja íþróttasalinn og setja upp sýningarkerfi í stofur, mæting kl:19:00.

Almennur fundur

Fri, 12 Jul 2013 23:27:00 GMT

Almennur fundur verður haldin sunnudaginn 14júlí.

Sumargleði Dalbjargar

Tue, 09 Jul 2013 22:23:00 GMT

Næstkomandi föstudag þann 12. júlí ætlum við að hittast í leyningshólum og halda sumargleði Dalbjargar með pompi og prakt. Planið er að grilla hásingar, fara í leiki og hafa almennt gaman saman. Mæting er kl 18:00 og mikilvægt er að skrá sig hérna á síðunni eða hjá Palla í síma 8678319 í síðasta lagi á fimmtudag. Ps. Þetta er útilega svo ekki vera rasshausar og mæta í pinnahælum með varanlegt!! Takk og bæ.

Girðingavinna framhald

Tue, 18 Jun 2013 21:52:00 GMT

Jæja félagar fimmtudaginn 20.júní næstkomandi kl:19:00 verður loka áhlaup gert á mæðuveikisgirðinguna. Endilega látið Bubba vita í síma:8650129 eða skráið ykkur hér að neðan ef þið sjáið ykkur fært að mæta.

Leit á laugardag

Thu, 13 Jun 2013 23:08:00 GMT

Nú er búið að óska eftir mannskap til að leita við Hjaltadalsá núna á laugardag og er stefnt að því að byrja leit snemma um morgunin og vera búin að leita upp úr hádegi Það verður sent sms í fyrramálið en við munum þurfa að fá svörun fyrir klukkan 13:00 á morgun.

Það sem á að gera er að vaða ánna á völdum stöðum þar sem baujur voru settar í ánna til að sjá hvar þær myndu reka og möguleka stöðvast á leið niður ánna.

Endilega ef þið hafið tök á því að mæta á laugardag að hafa samband við halla 847-9844 fyrir kl 13 á morgun.

Girðingavinnu frestað til fimmtudags

Sun, 09 Jun 2013 21:00:00 GMT

Fimmtudagskvöldið næstkomandi ætlum við að fara í mæðuveikisgirðinguna.

Kassaklifur í dag

Sun, 09 Jun 2013 00:02:00 GMT

Mættum með kassana okkar og buðum upp á kassaklifur í íþróttahúsinu í dag.. Óli Sig Eiríkssonar fékk einkakennslu í spottum þannig að núna fer hann að sjá um þetta strákurinn.. Spurning hvort það séu ekki fleiri ungir félagar sem hægt er að hengja í spotta, væri gaman að kenna fleirum grunn atriðin...

Glæsilegur árangur á björgunarleikum

Fri, 31 May 2013 11:23:00 GMT

Lið okkar Dalbjargarmanna "Made in sveitin" tók þátt í björgunarleikum Slysavarnarfélagsins Landsbjargar um síðustu helgi. Það voru 24 lið skráð til leiks frá sveitum víðsvegar um landið og aldrei verið jafn mörg og sterk lið sem hafa tekið þátt.

"Made in sveitin" gerði sér lítið fyrir og náði 4. sætinu á eftir undanfarahópum Súlna, HSG og úrvali frá hjálparsveitum í Reykjavík. Í einu verkefninu fengum við fullt hús stiga, en það var verkefni í fyrstu hjálp sem er sá málaflokkur sem Dalbjörg hefur lagt hvað mesta áherslu á síðustu ár.

Þessi árangur er frábær og sýnir að við sveitalubbarnir getum hiklaust borið okkur saman við stærstu sveitir landsins í björgunarmálum.

Landsþing

Fri, 31 May 2013 11:11:00 GMT

Um síðustu helgi var mikið um að vera en þá var landsþing Slysavarnarfélags Landsbjargar, árshátíð og björgunarleikar haldnir á Akureyri og nágrenni. Margir félagar Dalbjargar komu að skipulagningu og þátttöku á þessum viðburðum og sóttu 14 manns árshátíð félagsins á laugardagskvöldið sem var loka hnikkur á viðburðaríkri helgi.

Á þinginu var úthlutað úr ISAVIA sjóði sem við sóttum í og fengum styrk upp á 300.000 kr til kaupa á sjúkrabúnaði í björgunarkerru.

Hjálp á föstudaginn

Tue, 21 May 2013 17:21:00 GMT

Við þurfum að tjalda veislutjaldi við Laugarborg kl. 10:00 á föstudagsmorgun - allir sem geta mætt, vinsamlegast látið Halla vita, 8479844!

Skráning á Landsþing

Sat, 18 May 2013 21:06:00 GMT

Nú er að verða síðasti séns að skrá sig á grill á föstudaginn, landsþingið, lið á björgunarleikana og árshátíðina. Flott að klára það af á morgun! Það er í alvöru síðasti séns á sunnudag til að skrá lið, og væri fínt að vita hitt bara líka. Þið gerið þetta á innra svæðinu, sjá leiðbeiningar í neðri frétt. Miðinn á árshátíð kostar 6.400 en verður greiddur niður um a.m.k. helming af HSD.. svo þetta er í mesta lagi 3.200 :-) Megið svo endilega setja hér inn hvort þið komið!

Fjölskyldudagur Dalbjargar - og skráning á Landsþing!

Mon, 06 May 2013 21:00:00 GMT

Kæru félagar Takk fyrir skemmtilegan dag, þið sem tókuð þátt í flugslysaæfingunni! Næsta fimmtudag - uppstigningardag - 9. maí - verður fjölskyldudagur Dalbjargar haldinn uppi á Víkurskarði. Við ætlum að hittast þar kl. 11:00 með okkar besta skap, snjóþotur, sleða, skíði, bretti eða hvað sem ykkur dettur í hug og skemmta okkur saman. Pylsur og með því verða í boði fyrir alla sem vilja. Megið endilega láta vita í kommentum hvort þið komið. Svo verður nóg að gera út maímánuð, því að helgina 24.-25. maí verða Landsþing Slysavarnafélagsins Landsbjargar, Björgunarleikar og árshátíð S.L. haldin hér á Akureyri.

Fundur fyrir flugslysaæfingu 1. maí

Mon, 29 Apr 2013 22:37:00 GMT

Flugslysaæfingin verður haldin þann 4. maí eins og þið vitið. Þetta er mjög skemmtilegur viðburður og maður lærir margt á því að taka þátt svo við hvetjum alla til þess að vera með!

Aðalfundurinn 18. apríl

Sat, 20 Apr 2013 19:10:00 GMT

Eins og flestir vita var aðalfundur Dalbjargar haldinn þann 18. apríl sl. í Félagsborg. Helst ber að nefna eftir fundinn að Sunna og Pétur gengu úr stjórn en Eiður og Kristján Hermann voru kosnir nýjir inn. Ný stjórn mun skipta með sér hlutverkum á fyrsta fundi og færa nýjar upplýsingar inn á síðuna. Varamenn eru Víðir og Ingvar. Haraldur og Höskuldur eru í húsnefnd og einnig var skipuð sumarnefnd til að sjá um skemmtilega viðburði í sumar; Bjarney, Eydís, Palli og Smári. Næst á dagskrá hjá okkur er sýning á búnaðinum okkar á sumardaginn fyrsta, þ.e. næsta fimmtudag á Melgerðismelum, síðan er flugslysaæfing þann 4. maí nk., almennur fundur 5. maí og Landsþing og björgunarleikar 24.-26. maí. Svo þarf auðvitað að huga að Handverkshátíðinni - svo nóg er að gera.

Almennur fundur

Thu, 04 Apr 2013 13:00:00 GMT

Almennur fundur verður haldinn á sunnudaginn í Bangsabúð kl. 20:30. Rætt verður um flugslysaæfingu, björgunarleika, námskeið, sýndar myndir o.fl.

Hvetjum sem flesta til að mæta!

Stjórnin.

Aðalfundur Hjálparsveitarinnar Dalbjargar 2013 - og almennur fundur 7. apríl

Tue, 02 Apr 2013 10:40:00 GMT

Fimmtudaginn 18. apríl kl. 20:00 verður haldinn aðalfundur Hjálparsveitarinnar Dalbjargar 2013. Á dagskrá eru venjuleg aðalfundarstörf. Fundurinn verður haldinn í Félagsborg. Kaffiveitingar verða á boðstólnum og hvetjum við sem flesta til að mæta, nýja sem eldri félaga. Stjórnin. p.s. Almennur fundur verður haldinn 7. apríl!

Æfingaferðir um páskana

Mon, 01 Apr 2013 22:41:00 GMT

Nú um páskana hafa verið farnar tvær æfingaferðir af jeppahópnum okkar. Sú fyrri var farin laugardaginn 30. mars á Flateyjardal. Fjórir kappar fóru á báðum jeppum sveitarinnar og fengu reynsluminni ökumenn að spreyta sig stóran hluta ferðarinnar. Veðrið lék við þá og dagurinn lukkaðist mjög vel. Einnig var farin ferð ásamt félögum björgunarsveitarinnar á Dalvík inn á Skíðadal og dalina tvo inn af þeim á annan í páskum. Sjö manns fóru á Cruiser og einum einkabíl frá okkur ásamt fjórum félögum á tveimur jeppum Dalvíkurmanna. Veðrið var alveg frábært og var mjög gaman að koma á slóðir sem ekkert okkar hafði ekki komið á áður. Þökkum Dalvíkurfélögum kærlega fyrir daginn. Annars er aðalfundur næst á dagskrá, verður haldinn 18. apríl og auglýstur betur í vikunni.

Páskaganga og ferð á Flateyjardal

Thu, 28 Mar 2013 08:39:00 GMT

Sæl öll Eins og þið vitið er Páskagangan á morgun og vonumst við til að sem flestir mæti, hún byrjar kl. 10 og þið getið verið í sambandi við Stefán ef þið viljið hjálpa til. Annars kom upp hugmynd um að skreppa á Flateyjardal á laugardaginn. Þeir sem hafa áhuga á því að fara með í það geta haft samband við Halla, 8479844. Hvort tveggja verður mjög skemmtilegt, endilega takið þátt ! Kveðja stjórnin.

Páskagangan, Tækjamótið o.fl.

Mon, 25 Mar 2013 17:19:00 GMT

Halló öll Eins og flestir vita fór hópur frá okkur á Tækjamót Landsbjargar á dögunum og skemmtu sér gríðarvel við að finna nýjar leiðir í skála og margt fleira sem þau eiga eftir að skrifa um og setja inn á síðuna okkar við tækifæri. En að næsta máli, nú er komið að Páskagöngunni sem hefur verið fastur viðburður hjá okkur síðastliðin ár. Hún verður kl. 10 á föstudaginn langa eins og venjulega og í þetta skiptið ætla krakkarnir í unglingadeildinni að sjá um þetta og selja vöfflur og með því til að safna sér í sjóð. Það væri gaman ef sem flestir myndu mæta og ganga eða hjóla hringinn og auðvitað hjálpa til, en venjulega er keyrt hringinn á bílunum okkar og göngufólk sem vill ganga hluta úr hringnum getur fengið far í Bangsabúð. Ef þið getið mætt og hjálpað til megið þið endilega skrá ykkur hér í kommentum, og láta Stefán vita í síma 8678530. Vonandi sjáumst við sem flest á föstudaginn! Kveðja, stjórnin.

Tækjamót og afmælið okkar um helgina

Mon, 11 Mar 2013 09:10:00 GMT

Við viljum þakka öllum sem lögðu leið sína í Bangsabúð á laugardaginn kærlega fyrir komuna, þetta var yndislegur dagur í alla staði. Félögum okkar í Súlum þökkum við fyrir frábæra gjöf, nýja spelkusettið mun nýtast vel í nýju kerrunni okkar.

Við viljum einnig þakka þeim Dalbjargarfélögum sem lögðu hönd á plóg við undirbúning dagsins, án ykkar hefði þetta ekki gerst!

En að öðru - Tækjamótið verður um næstu helgi og þeir sem ætla sér að fara eru beðnir að skrá sig hér . Farið verður seinnipart á fimmtudag.

Halli sér um undirbúning að Tækjamótinu og verður með undirbúningskvöld annað kvöld, þriðjudag, kl. 20 í Félagsborg. Þeir sem ætla í ferðina verða að mæta á undirbúningskvöldið. Ef það er ekki mögulegt verður að láta Halla vita í síma 8479844.

Þeir sem ætla að fara mega líka endilega láta vita af því hér í athugasemdum.

Afmæli Dalbjargar

Sat, 09 Mar 2013 10:37:00 GMT

Dalbjörg 30 ára

Fri, 08 Mar 2013 10:02:00 GMT

Kæru félagar

Eins og þið vitið væntanlega öll höldum við afmælisveisluna okkar á laugardaginn og hefjast herlegheitin kl. 14:30.

Mæting hjá okkur verður kl. 12:00, við þurfum að klára að taka til, raða upp tækjum og búnaði og gera allt klárt fyrir gestina okkar.

Megið endilega skrá ykkur hér fyrir neðan svo við vitum hve margir mæta.

Auðvitað mæta allir í rauðum peysum sem eiga!

Kveðja, stjórnin og nefndin.

Almennur fundur, málningarkvöld og undirbúningur

Tue, 05 Mar 2013 00:25:00 GMT

Almennur fundur var haldinn í gær, sunnudag. Hér koma fréttir af því sem er næst á dagskrá hjá okkur. Það helsta er auðvitað afmælið okkar á laugardaginn. Búið er að senda auglýsingu í Dagskrána og sveitapóstinn og verður þetta haldið frá kl. 14:30-17. Afmælisnefndin er búin að standa sig vel, kaupa allt sem þarf og skipuleggja fóður ofan í mannskapinn, en kvenfélagið ætlar auðvitað að bjarga okkur með það. Á morgun, þriðjudag, ætla Helga, Halli, Ólína og e.t.v. fleiri að mála bláa vegginn í Bangsabúð. Þeir sem vilja veita þeim félagsskap er það velkomið. Á miðvikudag er stefnan að hafa vinnukvöld og klára að taka til, það þarf að þrífa frammi í sal, forstofu og bóna gólfið inni í fundarsal. Mæting kl. 20:00, eða fyrr ef einhverjir geta. Skráið ykkur endilega í kommentum og segið líka til um hvort þið mætið á laugardaginn. Við metum það svo á miðvikudaginn hvenær við röðum upp búnaðinum í salnum, e.t.v. verður það gert á föstudagskvöld / laugardagsmorgun. Svo er afmælið sjálft auðvitað á laugardaginn. Mæting verður kl. 13 í síðasta lagi og vonumst við auðvitað til að sjá sem allra flesta, þetta er jú afmælið okkar! Fyrir fleiri fréttir af fundinum, smellið á fréttina.

Vinnukvöld og afmæli OG almennur fundur

Mon, 25 Feb 2013 21:04:00 GMT

Eins og þið vitið flest verður Dalbjörg 30 ára núna í mars. Við ætlum auðvitað að halda eitthvað húllumhæ og þurfum því að gera húsið okkar fínt. Þess vegna verður vinnukvöld næsta fimmtudag, mæting kl. 20:00. Þrífum og tökum til fyrir afmælisdaginn! Hvetjum sem flesta til að mæta.. verður bara gaman :-) Svo er almennur fundur á sunnudag - aldrei að vita nema við reynum að gera eitthvað fyrir fundinn líka.

Hálendisvakt

Tue, 19 Feb 2013 23:32:00 GMT

Varðandi Hálendisvaktina í sumar kom hér póstur frá SL. Þeir sem hafa áhuga eða vilja frekari upplýsingar mega endilega hópa sig saman og hafa samband við stjórn (nú eða hann Jónas hjá SL).

Að Fjallabaki er óskað eftir því að þær sveitir sem þar séu verði með tvö ökutæki (bíla) og a.m.k. sex einstaklingar á vaktinni og af þeim séu tveir með gild WFR réttindi eða sambærilegt. Á öðrum svæðum er óskað eftir því að a.m.k þrír einstaklingar séu á vaktinni hverju sinni og a.m.k einn þeirra hafi lokið Fyrstu hjálp 2 og formlegri upprifjun með reglulegum hætti.

Að venju mun félagið leggja fram styrki og verða þeir að þessu sinni kr. 250.000 á viku (sjö sólarhringar).

Námskeið fyrir þáttendur verður haldið í júní mánuði og verða þau með aðeins breyttu sniði, farið verður dýpra í ákveðna þætti og í raun um formlegri kennslu að ræða en a.mk. síðasta ár.

Hópstjórar fá það hlutverk núna að skrá inn sína hópa í kerfið okkar og geta þeir gert það um leið og þeir hafa fengið úthlutað sinni viku en verða í síðasta lagi að hafa skráð inn hópinn og tæki hans viku áður en vakt þeirra hefst.

Ef fleiri en ein sveit sækir um einhverja viku verða þær settar á biðlista en almennt gildir sú regla að fyrstur kemur fyrstu fær. Sveitir fá svar frá undirrituðum í síðasta lagi 2 - 3 sólarhringum eftir að umsókn berst.

Umsóknir þurfa að berast frá stjórnum eða fulltrúum þeirra í síðasta lagi 2. apríl næstkomandi en munið...fyrstir koma...fyrstir fá

Allar nánari upplýsingar veitir undirritaður

Bestu kveðjur

Jónas G

Fjarskipti 1 - verklegur hluti

Sun, 17 Feb 2013 21:48:00 GMT

Sælir félagar Á morgun, mánudag, verður verklegi hlutinn í Fjarskiptum 1 fyrir þá sem voru skráðir - nemendur ættu að vera búnir að fá tölvupóst um það frá leiðbeinanda. Þeir sem eru búnir að horfa á öll myndböndin og ætla að klára eiga að mæta kl. 20:00 á morgun í Félagsborg. Stefán kemur með stöðvarnar og heldur utan um þetta. Kveðja stjórnin.

Námskeið í ferðamennsku og rötun og æfingarferð 16. febrúar

Fri, 15 Feb 2013 01:10:00 GMT

Sælir félagar Helgina 22.-24. febrúar verður haldið námskeið hjá okkur í ferðamennsku og rötun, að því gefnu að við fáum á það 8 þátttakendur. Endilega skráið ykkur hér í athugasemdum sem fyrst, svo við getum gengið frá þessu við Björgunarskólann. Þetta er eitt af þeim námskeiðum sem er nauðsynlegt að hafa til að komast á útkallslista, svo endilega drífið ykkur! Mjög skemmtilegt og fræðandi námskeið. Einnig verður æfingarferð farin þann 16. febrúar nk. eins og rætt var á síðasta fundi, væntanlega upp á Kerhól. Áhugasamir hafi samband við Halla, 8479844. Kveðja, stjórnin.

Almennur fundur á sunnudag

Fri, 08 Feb 2013 17:59:00 GMT

Almennur fundur verður haldinn í Bangsabúð sunnudaginn 10. febrúar kl. 20:30.

Almennur fundur 10. febrúar

Fri, 01 Feb 2013 11:16:00 GMT

Athugið að almennur fundur verður haldinn þann 10. febrúar nk., EKKI núna um helgina.

Kveðja, stjórnin.

Á döfinni

Tue, 22 Jan 2013 12:10:00 GMT

Það sem er að gerast á næstunni hjá okkur: 23. janúar - Námskeið í Fjarskiptum 1 í Félagsborg kl. 20:00. Ingi verður með umsjón með því og kemur með talstöðvar og skjávarpa. 26. janúar - Landshlutafundur á Akureyri, muna að skrá sig! 2. febrúar - Snjóflóðaleitaræfing hjá Súlum á Akureyri. Takið daginn frá, frekari upplýsingar koma seinna. Hressandi fyrir þorrablót ! Ef næg þátttaka fæst er möguleiki á að við setjum eitt upprifjunarkvöld í næstu viku. 20.-24. febrúar - Fagnámskeið í snjóflóðum á Dalvík 1.-3. mars - Planið að hafa StórAfmælisferð Dalbjargar - því við verðum þrítug! 16. mars - Tækjamót að Fjallabaki. Sjá hér. 4. maí - Flugslysaæfing 24. maí - Landsþing, björgunarleikar og árshátíð á Akureyri. Svo eru námskeið á dagskrá hjá Björgunarskólanum fljótlega í fjarnámi.

Landshlutafundur

Thu, 17 Jan 2013 21:51:00 GMT

Tilkynning frá stjórn SL:

"Stjórn Slysavarnafélagsins boðar til landshlutafundar laugardaginn 26. janúar næstkomandi. Fundurinn verður haldinn á Akureyri, í húsnæði Síðuskóla og byrjar kl. 09:00 og stendur til c.a.16:30/17.

Fundurinn er opinn öllum félögum og biðjum við ykkur að hvetja alla ykkar félaga til að fjölmenna og taka þátt í umræðu um málefni félagsins.

Fyrir hádegi er röð fyrirlestra um ýmis björgunarmál sem Björgunarskólinn sér um. Eftir hádegismat eru málstofur um hin ýmsu mál félagsins.

Skráning er á innra svæði félagsins og biðjum við fólk að skrá sig tímanlega."

Sýnum nú lit kæru félagar og fjölmennum á þennan fund! Þetta verður bara skemmtilegt og auðvitað mjög áhugavert fyrir okkur öll sem höfum áhuga á þessum málum. Ef þið getið ekki skráð ykkur inn á innra svæðið þá hringið þið í 570-5900 og skráið ykkur þar.

Já og ef þið viljið fá dagskrána senda, hendið þá inn e-mailinu ykkar hér að neðan.

Almennur fundur á sunnudag

Tue, 08 Jan 2013 17:41:00 GMT

Næstkomandi sunnudag 13 janúar verður almennur fundur í Bangsabúð. Hefst hann kl 20:30 og meðal efnis á fundi er flugeldasalan, blaðaútgáfan, tækjamál, dagskrá vetrar, námskeið á döfinni ofl. Hlökkum til að sjá ykkur.

Þvælingur á sleðadeild

Sat, 05 Jan 2013 18:11:00 GMT

Sleðaflokkurinn er byrjaður að keyra nýju sleðana og var þriðja æfingaferðin farin í dag. Áður höfð Hlynur og Bubbi K farið í tvær ferðir á Vaðlaheiði og Fnjóskadal til að tilkeyra sleðana eða samtals 250 km á hvorn sleða.

Þrettándasala

Wed, 02 Jan 2013 21:11:00 GMT

Nýju sleðarnir klárir

Sat, 29 Dec 2012 22:44:00 GMT

Þá eru nýju sleðarnir okkar klárir í útköll og er búið að fara fyrsta prufurúntinn á þeim. Bubbi K og Hlynur hafa staðið fyrir mesta þunganum að standsetja þá og er vel vandað til alls frágangs.
Það helsta sem var gert er að þeir voru negldir, settar naglavarnir í skúffu, rífarar í búkka, panna undir skrokkinn, talstöðvar og GPS, töskur á húdd, taska aftan við sæti, custom smíðaðir bögglaberar á skúffu, bensín brúsi og sjópoki á skúffu, merktir, stór límmiðahlíf á skúffu, dráttarbeysli ofl.

Hafa farið um 100 tímar í að gera þá eins vel úr garði og hægt er enda er sleðaflokkurinn mjög ánægður með útkomuna.

Hér má sjá MYNDIR af þeim klárum.

Flugeldasalan er hafin!!

Thu, 27 Dec 2012 13:14:00 GMT

Dalbjörg er búin að opna glæsilegan flugeldasölumarkað í Hrafnagilsskóla og verður hann opinn til 16 á Gamlársdag. Við vonum að sjálfsögðu að sveitungar og velunnarar okkar verði duglegir að styrkja okkur með flugeldakaupum eins og undanfarin ár. Með fyrirfram þökk Dalbjargarmenn

Vaktir í flugeldasölunni

Tue, 25 Dec 2012 16:53:00 GMT

Hallóhalló!

27. desember

28. desember

29. desember

30. desember

31. desember

Jólakveðja

Sun, 23 Dec 2012 12:29:00 GMT

Við óskum félögum og vinum gleðilegrar hátíðar og farsældar á nýju ári. Njótið tímans með fjölskyldunni og við sjáumst svo hress í flugeldasölunni! Jólakveðja stjórnin. P.S. Við byrjum að setja upp sölustaðinn fyrir flugeldasöluna þann 27. desember. Þeir sem vilja vera með en hafa ekki skráð sig eða mætt á fund, skulu hafa samband við Halla í síma 8479844.

Fundur vegna flugeldasölu

Tue, 18 Dec 2012 23:45:00 GMT

Nú nálgast jólin og þar með áramótin og flugeldasalan! Þetta er svakalega skemmtilegur tími hjá okkur og við vonumst auðvitað til þess að sem flestir taki þátt og hafi samband þegar við förum að raða á vaktir.

Litlu-jólin

Mon, 03 Dec 2012 21:24:00 GMT

Nú skuluð þið búa ykkur undir hin svakalegu litlu-jól sem verða haldin LAUGARDAGINN 8. DESEMBER. Ekki föstudag, heldur laugardag, þar sem hinir miklu umsjónarmenn ætla að massa þetta og telja enga þörf á aukakvöldi upp á að hlaupa - þar sem ekkert mun mistakast.

Neyðarkall og Dalbjargarblað

Wed, 14 Nov 2012 12:11:00 GMT

Sælir félagar Neyðarkalls- og rafhlöðusalan sem fram fór í síðustu viku gekk framar vonum, en farið var um alla sveitina á aðeins fjórum kvöldum. Við viljum þakka öllum þeim sem lögðu sitt af mörkum, þetta var glæsilegt hjá ykkur og salan gekk einnig mjög vel. Næst á dagskrá er vinnan við Dalbjargarblaðið sem kemur út um jólaleytið á hverju ári. Þeir sem hafa hugmyndir eða vilja hjálpa til mega setja sig í samband við Sunnu í síma 8654926. Um þetta gildir eins og annað að margar hendur vinna létt verk :) Kærar kveðjur stjórnin.

Sleðadeildar fundur

Sat, 10 Nov 2012 12:23:00 GMT

Miðvikudaginn 7 nóv var fyrsti sleðadeildarhittingurinn. Þar mættu gamlir og nýjir félagar sem hafa áhuga á að starfa með sleðadeildinni í vetur. Þeir sem mættu voru auðvitað Palli og Bubbi k, Hlynur, Binni, Hilmar, Baldvin og Pétur leit við og gerði ekki neitt..
Sleðarnir voru yfirfarnir eftir útkallshrinu haustsins auk þess sem árleg yfirferð var tekin á þeim eins og skipt um olíu á drifi, pústventlar þrifnir ásamt kúplingum ofl. Boltar í búkka voru teknir og yfirfarin hersla á þeim. Lagfært var loftnet á öðrum sleðanum auk þess sem skipt var út nokkrum hnoðum. Sleðarnir er því í topp standi fyrir komandi átök en síðan styttist í að þeir verði endurnýjaðir og skilst okkur að nýju sleðarnir verði komnir til landsins eftir 14 daga. Hefst þá vinna við að standsetja þá þegar þeir koma í hús, kaupa þarf ný GPS tæki á þá. Ef einhver hefur áhuga að starfa með deildinni þá er um að gera að heyra í Bubba K.
Nýju sleðarnir

Sleðar til sölu

Fri, 09 Nov 2012 16:50:00 GMT

Nú er komið að endurnýjun á sleðunum okkar og því eru gömlu til sölu. Þetta eru tveir Arctic cat Crossfire 800 snoproo árg. 2010, þeir eru eknir um 3300 km og eru í toppstandi. Endilega deila og benda mönnum á þessa sleða og Bubbi gefur allar uppls. í síma 8650129. MYNDIR

Litlu-jól og uppskeruhátíð í Funaborg

Thu, 08 Nov 2012 17:25:00 GMT

Sælir félagar Tvennt á dagskrá á næstunni: Litlu-jólin okkar og uppskeruhátíð í Funaborg. Uppskeruhátíðin verður með svipuðu sniði og undanfarin ár, getið séð allt um hana í sveitapóstinum eða á esveit.is. Við viljum kanna áhuga á þátttöku í þessum viðburði þar sem það þarf að panta miða og við myndum þá hafa einhvern með í undirbúningsnefnd ef fólk hefur hug á að fara.

Fyrsta hjálp 2

Wed, 07 Nov 2012 18:38:00 GMT

Námskeið í fyrstu hjálp 2 verður haldið í næstu viku, 12.-15. nóvember, í Félagsborg frá kl. 19-22 öll kvöldin. Leiðbeinandi verður Anna Sigrún.

Neyðarkall og rafhlöður

Mon, 05 Nov 2012 09:47:00 GMT

Í kvöld hefst yfirferð okkar um sveitarfélagið við að selja Neyðarkallinn og rafhlöður í reykskynjara og verðum við á ferðinni næstu 4-5 kvöld. Við munum byrja næst Akureyri beggja megin og halda fram eftir. Neyðarkallinn seljum við eins og áður á 1500 kr. til fjáröflunar, en rafhlöðurnar eru á kostnaðarverði og viljum við minna fólk á mikilvægi þess að skipta um rafhlöður í reykskynjurum einu sinni á ári.

Við þurftum að fresta þessari yfirferð fram yfir helgi vegna veðurs og þó aðallega vegna mikilla anna hjá hjálparsveitinni, en alls eru skráð 14 útköll og aðstoðarbeiðnir frá fimmtudegi til sunnudags. Þau voru t.d. við að bjarga búfé, draga bíla, koma fólki til síns heima, aðstoða viðgerðarflokka og stórt útkall í Skagafirði við leit að týndum manni.

Við vonum að fólk taki vel á móti mannskapnum okkar eins og undanfarin ár.

Reykskynjarar og Neyðarkallinn

Sun, 04 Nov 2012 12:02:00 GMT

Jæja félagar, nú hefst salan á Neyðarkallinum og reykskynjarayfirferðin okkar á morgun - reyndar með þeim fyrirvara að veðrið verði ekki of slæmt til að fara af stað í þetta.

Óveðursaðstoð

Fri, 02 Nov 2012 14:46:00 GMT

Laugardagur 3 nóv kl 12:30
Dalbjörg 1 er búinn að sinna einu verkefni í morgun en það var að koma starfsmanni á laugalandi heim til sín. Annað verkefni bíður að koma viðgerðamönnum símans fram í Sámsstaði til að gera við Tetrakerfiið. Við bendum sveitung áfram á að ef þeim vantar aðstoð að heyra í okkur. (sjá neðar)

Föstudagur 2 nóv.
Hjálparsveitin fór af stað fyrir hádegi til að aðstoða vegfarendur í Brúnahlíðarhverfi og er annar jeppi og mannskapur frá okkur að fara inn á Sölvadal til að aðstoða ábúendur þar. Mannskapur frá okkur var að fram á nótt í að draga bíla og koma mönnum til síns heima.

Hjálparsveitin verður til taks í dag til að aðstoða og koma sveitungum til síns heima ef þörf er á, mönnum er bent á að hafa samband við bakvakt svæðisstjórnar í s:8599100 eða Inga í síma 8940732 eftir aðstoð.

Sala á Neyðarkalli verður að bíða þar til veðrið gengur niður.

Útkall F2 og aðstoð

Thu, 01 Nov 2012 18:04:00 GMT

Í gærkvöldi voru sveitir á svæði 11 kallaðar út vegna týnds manns á Þorljótsstaðarfjalli í Vesturdal í Skagafirði. Þá voru sveitir á svæði 10 við leit að manninum sem hafði týnst fyrr um daginn við gangnastörf. Einnig var búið að kalla út sveitir á svæði 1 til leitar en vonsku veður var á svæðinu og víðar. Maðurinn fannst síðan klukkustund síðar heill á húfi en þá vorum við að senda af stað vestur 6 manns á jeppunum okkar, einn mann í svæðistjórn og 2 menn á sleðum.

Í dag var óskað eftir aðstoð við að ná kind sem vitað var um í Hörgárdal. Fóru tveir menn á jeppa, fundu kindina og fluttu heim á bóndabæ.

Samæfingin, Neyðarkallinn og almennur fundur

Sun, 28 Oct 2012 18:18:00 GMT

Sælir félagar Ég vil byrja á því að þakka öllum kærlega fyrir góða æfingu á laugardaginn, þetta var alveg magnað og allir ánægðir með daginn. Annað mál - nú er komið að reykskynjarayfirferð og sölu á Neyðarkallinum. Við munum hefja yfirferðina seinnipartinn á miðvikudaginn. Seinnipartsvaktir (mið, fim og fös) hefjast um 17 (eða bara þegar fólk getur farið af stað) og standa til um 21. Á laugardag og sunnudag verða tvær vaktir á dag, frá kl. 10-16 og 16-21, svona um það bil. Ef allir taka eina vakt þá verður þetta ekkert mál - nú verða allir að vera virkir og skrá sig í athugasemdum hér fyrir neðan. Ef frekari upplýsingar vantar má tala við Halla í síma 8479844. Svo er auðvitað almennur fundur næsta sunnudag kl. 20:30 sem við hvetjum alla til að mæta á. Kveðja stjórnin.

Mæting á æfingu

Fri, 26 Oct 2012 23:46:00 GMT

Jæja nú líður að þessu... Sjúklingar, umsjónarmenn og aðrir sem koma að æfingunni skulu mæta 13:30 í Félagsborg. Björgunarhópar skulu mæta kl. 15:30 á bílastæðinu við Hrafnagilsskóla og fá þar nánari upplýsingar. Hlökkum til að sjá ykkur! Stjórnin.

Skráning á samæfingu 27. október

Tue, 23 Oct 2012 11:26:00 GMT

Nú er skráningin næstum komin og þátttakan er góð!

Siglufjörður mætir með einn og jafnvel fleiri hópa, Týr mæta með 1 hóp, Súlur mæta með 23 manns, Tindur mætir með einn hóp og Jörundur í Hrísey með einn hóp.

Enn eiga eftir að detta inn skráningar frá Dalvík, Grenivík og jafnvel Grímsey?

Endilega tékkið ykkur inn sem fyrst - þetta verður frábært.

Kveðja, stjórnin.

Fundur vegna samæfingar

Fri, 19 Oct 2012 12:50:00 GMT

Á sunnudaginn verður haldinn fundur vegna samæfingar í Félagsborg kl. 20:30.

Allir Dalbjargarfélagar sem ætla sér að taka þátt eða koma að æfingunni á einn eða annan hátt verða að mæta.

Kveðja

Sunna.

Lokaskráning á samæfingu

Thu, 18 Oct 2012 11:25:00 GMT

Það muna allir eftir samæfingunni er það ekki?

Lokaskráning hópa verður mánudaginn 22. október.

Lesið meira...

Nokkrir punktar

Ef spurningar eru varðandi verkefni eða framkvæmd æfingar skal hafa samband við Sunnu, sunnaax@hotmail.com .

Samæfing 27. október 2012

Fri, 12 Oct 2012 12:55:00 GMT

Góðan dag

Eins og þið vitið sennilega öll munum við í Dalbjörg halda samæfingu laugardaginn 27. október. Æfingin mun hefjast um kl. 15 eða 16 og standa til ca 20, en nánari tímasetningar koma síðar. Eftir æfingu verður boðið upp á mat en nesti á meðan æfingu stendur sjá félagar um sjálfir.

Verkefnin verða fjölbreytt og verður miðað að því að hópar þurfi að vinna saman að lausn þeirra. Þau munu tengjast fyrstu hjálp, tækjum, fjallabjörgun og ýmsu fleiru sem við þurfum að glíma við. Ef þið eruð með sérstakar spurningar varðandi verkefni megið þið endilega hafa samband.

Það væri gott að fara að huga að skráningum á hópum á æfinguna, en þær má senda á þetta netfang: sunnaax@hotmail.com . Skráningu þarf að fylgja:

- Sérstaða hópsins ef einhver

- Fjöldi í hóp

- Hópstjóri

- Tæki

Við vonumst auðvitað eftir hörkumætingu þar sem þetta verður hörkuæfing. Ef einhverjar spurningar vakna, hafið þá samband.

Fræðsluerindi um einelti

Wed, 10 Oct 2012 19:40:00 GMT

Fræðsluerindi um einelti, forvarnir og úrvinnslu eineltismála verður haldið 11. október kl 16:30-18:00 í Félagsheimilum KFUM og KFUK Sunnuhlíð 12 á Akureyri. Aðildarfélagar eru hvattir til að fjölmenna og nýta sér þetta tækifæri.

Endurskinsmerki

Wed, 10 Oct 2012 19:06:00 GMT

Þriðjudaginn 2. okt fóru Guðlaug og Bjarney með endurskinsmerki og bókamerki frá Landsbjörg í Hrafnagilsskóla og Leikskólann Krummakot. Krakkarnir voru mjög ánægð með þessa heimsókn og fengu vonandi allir endurskinsmerki við sitt hæfi. Við mælum auðvitað með því að krakkarnir noti merkin því þau eru bráðnauðsynleg í myrkri og geta komið í veg fyrir slys. Krakkarnir í 5 bekk kíktu svo með okkur út og skoðuðu Dalbjörg 1 og við fengum að smella nokkrum myndum af þeim. Leikskólakrakkarnir voru hissa að sjá þennan stór bíl koma inná planið og voru mjög forvitin um þennan risa bíl og fengu líka að skoða og mynd af sér með bílnum.

Samæfing á svæði 11

Tue, 02 Oct 2012 21:02:00 GMT

Jæja kæru félagar Nú er búið að ákveða dagsetningu fyrir samæfinguna sem við ætlum að halda fyrir björgunarsveitir á svæði 11, en hún verður laugardaginn 27. október. Við erum byrjuð að vinna í því hver verkefnin verða og allir sem hafa hugmyndir mega endilega hafa samband við Sunnu og koma þeim á framfæri. Við vonum að sem flestir sjái sér fært að taka daginn frá og vera með, því að við þurfum auðvitað umsjónarfólk og sjúklinga í hvert verkefni. Frekari tímasetning og skipulag verður sent út síðar í mánuðinum. Kveðja stjórnin.

Vilt þú starfa með björgunarsveit?

Tue, 18 Sep 2012 09:56:00 GMT

Hvetjum fólk sem hefur áhuga á að starfa með eða kynna sér starf Dalbjargar að koma á Kynningafund 7. október kl 20:30 í Bangsabúð.

SLÓÐIN

Útköll og annir síðustu daga

Mon, 17 Sep 2012 11:36:00 GMT

Enginn hefur farið varhluta af því sem gengið hefur á hér allt í kringum okkur síðustu daga. Björgunarsveitir og bændur hafa leitað eftir fé víða og höfum við í Dalbjörg tekið þátt í því á fullu.

Um 20 manns hafa tekið þátt í þessum útköllum frá okkur og skilað yfir 480 vinnustundum. Tækin okkar hafa verið keyrð yfir 3200 km þessa daga. Auk okkar tækja höfum við fengið að láni breyttan jeppa, tvo snjósleða, kerrur og síðan fengum við mikla hjálp frá Hjalta á Akri en hann flutti snjóbílinn fyrir okkur.

Útkall og haustferð

Tue, 11 Sep 2012 21:16:00 GMT

Sjö félagar Dalbjargar fóru í útkall í leit að kindum austur í Mývatnssveit í dag, á sleðum og Dalbjörg 2. Verið er að manna annan hóp til þess að fara kl. 7 í fyrramálið og má fólk endilega láta Halla vita hvort það komist eða ekki.

Útkall vegna göngumanns

Wed, 05 Sep 2012 21:25:00 GMT

Um kl. 17:00 þann 5. september fóru fimm félagar Dalbjargar í útkall til hjálpar slösuðum göngumanni sem talið var að væri á Styttingi, leið milli Sprengisands og Laugarfells. Maðurinn hafði gefið upp GPS punkt og var talið að hann væri á þessu svæði. Þegar Dalbjargarmenn voru komnir langt áleiðis kom í ljós að maðurinn var með tækið stillt á hundraðshluta en ekki mínútur eins og venjulega er gert, svo staðsetning hans var önnur en talið var í upphafi. Félagar frá Súlum fóru því af stað til leitar ofan við Kjarnaskóg og fundu manninn síðar um daginn.

Haustferð og fleira skemmtilegt

Mon, 03 Sep 2012 18:11:00 GMT

Sæl öll!

Við ræddum hvaða námskeið okkur langar að taka í vetur. Fyrsta hjálp 2 verður haldið í nóvember fyrir þá sem eiga það eftir, og einnig þá sem vilja halda menntuninni við. Áhugi er fyrir því að halda námskeið í fjallabjörgun og í slysaförðun. Hópstjórnunarnámskeið verður haldið á Eyjafjarðarsvæðinu þann 9. nóvember og svo ætlum við líka að halda Tetra námskeið í vetur. Ef þið hafið fleiri hugmyndir að góðum námskeiðum sem ykkur langar til að fara á, endilega talið við stjórnina og látið vita af því. Fjarnámið verður áfram í boði og við hvetjum ykkur til þess að nýta ykkur það. Bjarney hefur tekið að sér að vera tengiliður fyrir yngri kynslóðina í hjálparsveitinni og reynt verður að sýna fyrirlestra úr fjarnámskeiðum í Félagsborg.

Aðstoð við Ánastaði

Sat, 01 Sep 2012 16:02:00 GMT

Hlynur sótti gangnamann í Ánastaði, hún hafði meitt sig á hendi en vel gekk að koma henni til byggða.

Fyrsti almenni fundur vetrarins

Sun, 26 Aug 2012 19:07:00 GMT

Sæl öll! Við viljum byrja á því að þakka öllum sem lögðu sitt af mörkum við vinnu á Handverkshátíðinni, þetta var svaka fjör og þið voruð ægilega dugleg :) Fyrsti almenni fundur vetrarins verður haldinn sunnudaginn 2. september í Bangsabúð kl. 20:30. Húsið opnar kl. 20:00. Á dagskrá verða umræður um Handverkshátíð, punktasöfnun þeirra sem unnu við hana, haustferð, námskeið vetrarins og sitthvað fleira. Vonumst til að sjá sem flesta! Kveðja stjórnin.

Aðstoð við Laugarfell

Fri, 24 Aug 2012 15:58:00 GMT

Ingi og Kristján fóru með olíu á Ford-bíl sem staddur var suður undir Laugarfelli.

Allt klárt fyrir Handverk.

Thu, 09 Aug 2012 21:10:00 GMT

Þetta var rosalegur dagur í dag. Má hiklaust hrósa mönnum fyrir að hafa komið tjöldunum heilum upp í þessu roki.. Það er allt að verða klárt og búið að manna allt um helgina þó það mætti sjá fleiri í grillinu. Ég vil biðja menn að skoða vel hvenær þeir eiga að mæta svo við lendum ekki í veseni.. Gleðilega Handverkshátíð félagar..

Handverkshátíð-handverkshátíð!

Wed, 08 Aug 2012 21:17:00 GMT

Halló þið öll

Gulrótarkaka – einföld passar í ofnskúffu

450 g dökkur púðursykur
3 dl matarolía
6 egg
410 g hveiti

1 og ½ tsk vanillusykur

3 tsk lyftiduft
1 tsk salt

1 og ½ tsk matarsódi
3 tsk kanill
450 g fínt rifnar gulrætur

Púðursykur og matarolía þeytt saman og 1 og 1 eggi bætt í.

Þegar það er vel þeytt er öllu hinu hrært saman við .

Bakist í ca. 40 mín. við 180° C.

Rjómaostakrem

200 g rjómaostur

125 g smjör

250 g flórsykur

1 tsk vanillusykur

Öllu hrært vel saman og sett yfir kökuna.

HANDVERKSHÁTÍÐ

Mon, 30 Jul 2012 13:18:00 GMT

Þetta byrjaði föstudaginn 20 júlí við uppsetningu. Ég er búinn að tala við all marga og búinn að setja menn á vaktir í meðfylgjandi skjali.. Núna vantar mig fleiri til að skrá sig og þá sérstaklega á gæsluvaktir.

~~Föstudaginn 20 júlí~~ byrjum við á að setja upp sýningarkerfi.19-23 (6-8 manns) Raggi, Eysteinn, Helga, Snorri, Reynir, Jóhann, Gulla, Ólína

~~Laugardaginn 21 júlí~~ klárum við uppsettningu á sýningarkerfum. 9-16 (10-12 manns) Pétur, Palli, Bubbi K, Ingi, Júlli, Guðmundur, Raggi, Hlynur, Reynir, Kjartan, Helga, Snorri.

~~Verslunarmannahelgi Gæsla á Hrafnagili~~ . .

Týsmenn ætla að hlaupa undir bagga og sjá um gæslu en Gulla fer með umsjón og ætlar að manna bakvakt á þessar 3 vaktir.

~~Föstudagur ca.22-03~~ Jakop og Björn Hróar (Víddi)

~~Laugardagur ca.22-03~~ Máni og Halli (Stefán)

~~Sunnudagur ca.22-03~~ Alli og Halli (Jóhann)

(Bakvakt Dalbjörg)

~~Föstudagskvöld. 3 ágúst~~ . Halli og Hreiðar setja upp skilti.

~~Þriðjudagskvöld. 7 ágúst~~ . Tjöldun ca. 19:30-23 (8manns) Snorri, Halli, Ingi+, Hreiðar, Gulla, Sindri, Júlíus, Eisi, Jói Jak+, Elmar, Raggi.

~~Miðvikudagur 8 ágúst~~ 10-16 Elmar og Raggi brasa í grindum og borðum.

~~Fimmtudagurinn 9 ágúst~~ Uppsetning tjalda og fleira. ca. 8-17 ( til 19 vegna roks) (10-12 manns) Pétur, Elmar, Ingi, Jói Jak, Hlynur, Raggi, Snorri, Reynir, Sindri, Hemmi, Eysteinn, Víðir, Jóhann, Halli,

~~Föstudagurinn 10 ágúst~~ . Gæsla á sýningu með opið er. (4 manns) Snorri, Gulla, Jóhann, Bjarney

~~Laugardagurinn 11 ágúst~~ . Gæsla á sýningu með opið er. (4manns) Gulla, Sunna, Hreiðar, Jóhann, Bjarney, Reynir.

~~Laugardagskvöldið 11 ágúst~~ . Grill og kvöldvaka. Ca. 18:30-24+ (8-10 manns) Smári, Eisi, Raggi, Ólöf, Snorri, Reynir, Hreiðar, Bjarney, Sunna og auðvitað Gulla...

~~Sunnudagurinn 12 ágúst~~ . Gæsla á sýningu með opið er. (4 manns) Gulla, Bjarney, Sunna, Rósa, Hreiðar, Kristinn Örn.

Mánudagurinn 13 ágúst . Gæsla á sýningu með opið er. (4 manns) Júlíus, Jóhannes, Jóhann, Ólína, Ólöf.

Mánudagskvöldið klukkan 18.00 þurfa allir að mæta til að taka sýninguna niður.

Það var flottur hópur sem að mætti og tók niður sýninguna í gærkvöldi ca.28 manns enda veitti ekkert af mannskap.
Rósa, Bjarney, Ingi, Júlíus, Guðmundur, Jóhannes, Elmar, Sindri, Ólafur, Hlynur, Jóhann, Jói Jak, Ólöf, Hemmi, Eiður, Eysteinn, Víðir, Hreiðar, Reynir, Palli, Gói, Pétur, Bubbi K, Björn, Tryggvi, Halli, Gulla, Ólína, Raggi,

Versló Nálgast !!!

Sun, 29 Jul 2012 22:00:00 GMT

Jæja félagar þá nálgast versló og tjaldstæðagæslan. Það er búið að manna allar vaktir en það vantar einn á bakvakt öll kvöldin. Við höfum hugsað okkur að hafa einn til taks öll kvöldin ef á þarf að halda og ef einhver er til í að taka það að sér eitt kvöld eða fleiri þá má endilega hafa samband við mig Gullu í 8699380 eða skrifa það hérna á síðuna.

Vel heppnaður fjölskyldudagur

Sat, 28 Jul 2012 22:37:00 GMT

Það voru á milli 20-30 manns sem skemmtu sér konunglega í veðurblíðunni í Grundarreitnum í dag. Við fórum í skemmtilegan ratleik sem Helga og Sunna skipulögðu, þar sem sigurliðið fékk sápukúlur í verðlaun og auðvitað blésu börnin sápukúlur þar til allt var búið. Jói Jak og fjölskylda komu með grill og allir nutu matarins í þessu frábæra veðri sem við fengum. Þessi reitur er paradís sem maður var búinn að gleyma. En ein spurning (og þið sem voruð á fjölskyldudeginum megið ekki svara): Hvað heitir hóllinn í Grundarreitnum og hver er sagan á bak við hann? Annars segjum við bara takk fyrir góðan dag :-) Stjórnin.

Fjölskyldudagur

Thu, 26 Jul 2012 09:08:00 GMT

Nú er stefnan að hafa fjölskyldudag á laugardaginn kl. 14:00 í Grundarreitnum (litli skógurinn á móti Grund ef einhver er ekki viss...). Stefnan er einfaldlega að eiga góðan dag saman, fara í leiki og grilla.

Hver fjölskylda kemur með á grillið og drykki fyrir sig og sína, grill verða á staðnum.

Veðurspáin er afbragðsgóð svo nú skulum við öll mæta með börn, maka, frænkur, frænda, afa, ömmur og hvað sem er og skemmta okkur saman.

Semsagt:

Staður: Grundarreiturinn

Tími:14:00 á laugardag

Útbúnaður: Viðeigandi föt og góða skapið :)

Handverkshátíðarvinnutörn!

Mon, 16 Jul 2012 22:31:00 GMT

Heibb! Smá áætlanabreyting! Föstudagur 20. júlí kl. 19:00 - Mæting í Hrafnagilsskóla og sýningarkerfið sett upp í skólastofum. Einn punktur. Laugardagur 21. júlí kl. 09:00 - Teppalagning og uppsetning á sýningarkerfi í íþróttasal. Tveir punktar ef allur dagurinn.

Handverkshátíðarfundur á morgun!

Sun, 15 Jul 2012 13:24:00 GMT

Jæja! Þá er komið að því að hefja undirbúning að Handverkshátíðinni fyrir alvöru. Nú verður hátíðin haldin í 20. skiptið og af því tilefni verður gerð heimildarmynd um hátíðina. Þess vegna biðjum við alla sem mæta í vinnu og annað í sambandi við hátíðina að vera í bolum og peysum merktum hjálparsveitinni. Við byrjum á undirbúningsfundi sem haldinn verður í Félagsborg, mánudagskvöldið 16. júlí kl. 20:00. Þangað verða allir að mæta sem ætla að taka þátt í hátíðinni (sem þýðir auðvitað að allir virkir félagar mæta, ekki satt?) :) Svo verður teppalagning á fimmtudagskvöldið og áframhaldandi vinna um helgina, svo endilega mætið á morgun! Kveðja stjórnin.

Hálendisgæsla

Tue, 03 Jul 2012 17:22:00 GMT

Sælir félagar Okkur barst erindi frá SL varðandi hálendisvaktina í sumar, en það vantar enn að manna fjórar vikur: Sprengisandur 13.-20. júlí og svo Kjölur, Sprengisandur og Fjallabak 3.-10. ágúst. Endilega hafið samband ef þið hafið áhuga - það á að láta vita í síðasta lagi annað kvöld. Athugið samt að þið þurfið að hópa ykkur saman 3 í hóp. Einnig er leyfilegt að fara með einhverjum öðrum hóp eða taka part úr viku. Kveðja, stjórnin.

Almennur fundur 1. júlí

Tue, 26 Jun 2012 22:38:00 GMT

Almennur fundur verður haldinn sunnudaginn 1. júlí.

Tjaldsvæðagæsla OG kassaklifur

Tue, 12 Jun 2012 11:49:00 GMT

Jæja þá er ég búin að funda með Ingibjörgu og vaktirnar á tjaldsvæðinu verða eftirfarandi: Föstudagskvöld frá 22 og laugardagskvöld frá 22 Ingibjörg óskaði eftir því að vaktirnar stæðu til allavega 3 og lengur ef þarf. Nú vantar mig bara fólk á þessar vaktir og þar sem þetta er ekki mjög langur tími þá verður bara ein vakt hvort kvöldið. Mig langar að biðja ykkur að skrá ykkur hér að neðan eða hringja í mig í síma 8699380 eða senda mér sms og láta vita og munið að það er mjög gott að fá að vita hverjir komast alls ekki svo ég fari ekki að hringja í þá aðila. Einnig er kassaklifur á meðan á Kvennahlaupinu stendur þann 16. júní og þeir sem vilja vera með í því mega líka skrá sig hér. Jæja endilega taka að sér vakt á þá verður þetta létt og skemmtilegt ;) kv Gulla

Tjaldstæðagæsla!

Thu, 07 Jun 2012 23:55:00 GMT

Sælir Félagar Helgina 15-17 júní verðum við með gæslu á tjaldsvæðinu við Hrafnagilsskóla einsog síðustu ár. Mig langar til að biðja ykkur kæru félagar að hafa þetta bakvið eyrað og leggja hönd á plóg ef þið getið. Margar hendur vinna létt verk og því fleiri sem taka þátt því styttri tíma þarf hver og einn að vera. Ég mun fara á fund næstkomandi mánudag með forstöðumanni íþróttamiðstöðvarinnar og þá kemur í ljós betur hvernig vaktirnar verða en við reiknum með að þetta verði svipað og síðustu ár. endilega allir að taka frá smá tíma og taka vakt í góðum félagsskap og ekki væri nú verra ef fólk paraði sig saman á vaktir ;) kv Gulla

Girðingavinna

Fri, 01 Jun 2012 17:29:00 GMT

Nú er komin dagsetning á girðingavinnuna - miðvikudagskvöldið 6. júní. Allir sem vettlingi geta valdið mega skrá sig hér fyrir neðan.

Mæðuveikisgirðing, kassaklifur o.fl.

Wed, 30 May 2012 13:46:00 GMT

Hallóhalló! Nú fer að líða að því að við förum í mæðuveikisgirðinguna svo við viljum biðja fólk um að hafa næstu eða þarnæstu helgi í huga varðandi það. Við ætlum að sjá um kassaklifur í Kvennahlaupinu við Hrafnagilsskóla þann 16. júní nk. þannig að þeir sem hafa áhuga á því að hjálpa til mega endilega hafa samband við Sunnu. Hafið það annars gott í sólinni :-)

Námskeið vegna Hálendisvaktar

Wed, 30 May 2012 04:38:00 GMT

Námskeiðið verður haldið á Stórutjörnum 3. júní 2012 kl. 20-22 og er fyrir þátttakendur Hálendisvaktar björgunarsveita sumarið 2012.

HÉR

Ný stjórn og almennur fundur

Wed, 02 May 2012 18:04:00 GMT

Aðalfundur Dalbjargar var haldinn þann 19. apríl í Sólgarði. Á fundinum var Haraldur Þór Óskarsson kosinn formaður og Sunna Axelsdóttir kom inn í stjórn sem ritari. Á sunnudag verður svo almennur fundur haldinn í Bangsabúð og húsið opnar kl. 20. Umfjöllunarefni verða m.a. handverkshátíðin, sumardagskráin og fleira. Auðvitað verður kaffi og með því á boðstólnum. Vonumst til að sjá ykkur sem flest! Kveðja stjórnin.

Aðalfundur!

Thu, 19 Apr 2012 16:51:00 GMT

Minni á Aðalfundinn okkar í kvöld kl 20:30 í Sólgarði. Húsið opnar kl 20:00 frábærar veitingar í boði ;)

Páskaganga 2012

Thu, 05 Apr 2012 18:09:00 GMT

Á morgun, föstudaginn langa, verður hin árlega páskaganga gengin frá Bangsabúð. Gangan hefst kl. 10 og verður genginn um 20 km. hringur. Félagar hjálparsveitarinnar munu keyra hringinn með vatn og þeim sem ekki vilja ganga alla leið gefst kostur á að fá far í Bangsabúð. Þátttökugjald er 500 kr. fyrir 15 ára og eldri.

Aðalfundur!

Mon, 02 Apr 2012 00:13:00 GMT

Aðalfundur Dalbjargar verður haldinn í Sólgarði sumardaginn fyrsta 19 apríl nk. Húsið opnar kl 20:00 og hefst fundurinn 20:30. kaffi og kökur verður að sjálfsögðu á boðstólnum og hvetjum við alla til að mæta. Stjórnin.

Fundur á sunnudag

Tue, 27 Mar 2012 20:08:00 GMT

Það er fundur á sunnudag.. Já ég veit það er 1 apríl en það er samt fundur.. Húsið opnar kl. 20 og fundur byrjar 20:30..

Dalbjargarferðin

Tue, 27 Mar 2012 19:23:00 GMT

Það er góð helgi að baki en um síðustu helgi var farið í "stóru" Dalbjagarferðina. Við lögðum af stað á föstudagskvöld upp Vatnahjalla og haldið í Bergland og gist þar, á laugardeginum var farið norður á Nýjabæjarfjall og margir dalir þræddir og svæðið skoðað vel í blíðunni áður en menn fikruðu sér suður með Austurdalnum inn í Grána.

Dalbjargarferð

Sun, 18 Mar 2012 22:07:00 GMT

Þá er komið að stóru Dalbjargarferðinni en hún verður farin næstu helgi 23-25. mars Lagt verður af stað frá Bangsabúð kl 17:00 og er stefnt að fara í Bergland á föstudagskvöldi og gista þar. Síðan notum við laugardaginn til að kynna sér okkar svæði s.s. Torfufell, kíkja kannski ofan í Kaldbaksdal, Geldingsárdrög, Grána, gista síðan í Laugarfelli á laugardagskvöldið þar sem verður grillað í boði sveitarinnar. Gistigjald er 3000 kr og greiðist með cash í upphafi ferðar:) Þeir sem ætla með verða skrá sig hér á síðunni fyrir miðvikudagskvöldið eða hringja í Viðar s 8660546

Útkall F1 Rauður Flateyjardal

Sun, 18 Mar 2012 20:49:00 GMT

Björgunarsveitir við Eyjafjörð voru kallaðar út á fjórðatímanum í dag vegna slasaðs vélsleðamanns. Maðurinn var á ferð ásamt fleiri sleðamönnum á Flateyjardal þegar slysið varð. Samferðamenn hans fluttu hann í Heiðarhús meðan beðið var hjálpar. Hjálparsveitin Dalbjörg var kölluð út 16:30 sendi þrjá menn á sleðum og báða jeppana með sex manns innanborðs að Þverá í Dalsmynni. TF-GNÁ þyrla Landhelgisgæslunar kom að manninum á sjöttatímanum og flutti hann til Akureyrar.

Dalbjargaræfing

Mon, 05 Mar 2012 16:54:00 GMT

Miðvikudaginn 14. mars verður Dalbjargaræfing haldin hjá okkur fram í Bangsabúð. Kristján og Pétur sjá um að skipuleggja æfinguna en hún verður stutt og hnitmiðuð.
Almennur björgunarklæðnaður, fyrstuhjálpartaska, ýlar, stangir, skóflur er æskilegt. Æfingin byrjar kl 19:00 en þá verður boðað útkall og fólk þarf því að vera mætt fyrir þann tíma með sinn búnað í Bangsabúð. Áhersla verður lögð á fystuhjálp, stjórnun og líklega snjóflóð. Æfingin mun taka ca. 2 tíma, síðan verður 25 mín í frágang og þrif á búnaði og tækjum og síðan 30 mín í rýnifund. Æfingunni á að vera lokið kl 22:00.

Nú er gott að fólk fari að finna sér pössun og gera ráðstafanir til að geta mætt.. Því við viljum fá alla sem mögulega komast. Fínt að fólk skrái sig í komment og peppi fólk í að mæta..

Kveðja Pétur og kristján

Almennur fundur Mars

Sat, 03 Mar 2012 16:29:00 GMT

Jæja félagar þá er komið að marsfundinum hjá okkur. Hann verður haldinn í Bangsabúð á sunnudag kl 20:30. Húsið opnar að vanda kl 20.. Hef heyrt að formaðurinn okkar góði hafi gleymt að boða fundinn í tíma og ætli því að bjóða upp á veitingar. :) Meðalefnis Stóra Dalbjararferði Dalbjargaræfing 14 mars. Hálendisgæsla í sumar ofl. Sjáumst hress..

Björgunarmaður í aðgerðum

Thu, 23 Feb 2012 09:22:00 GMT

Varðandi þetta námskeið þurfa þeir sem ekki hafa náð þeim aldri sem skráður er í námskeiðið að skrá sig hér að neðan með nafni og kennitölu. Við sendum svo póst til Björgunarskólans sem handskráir ykkur inn á námskeiðið. Þeir sem eiga eftir að skrá sig mega endilega gera það fyrir laugardag; þ.e. sennilega Bjarney, Valla, Ólína, Hreiðar, Reynir og Júlíus.

Dótið er komið eða að koma

Fri, 17 Feb 2012 11:23:00 GMT

Jæja félagar

HÉR

Upprifjun/æfing

Mon, 13 Feb 2012 12:15:00 GMT

Næstkomandi fimmtudagskvöld kl 20. ætla Pétur og Bubbi K að vera með fræðslukvöld í Félagsborg á Hrafnagili. Þar verður farið í upprifjun á fyrstuhjálp, snjóflóð, rötun og síðan stjórnun og skipulag.
Við vonumst auðvitað til að sjá sem flesta og frábært fyrir þá sem fara á æfinguna á Laugardag að vera með allt á hreinu.

Snjóflóðabúnaður á ruglverði

Mon, 13 Feb 2012 11:42:00 GMT

Slysavarnarfélagið Landsbjörg hefur náð frábærum tilboðum á snjóflóðabúnaði til aðildarsveita sinna. Við ætlum að nýta okkur þetta og erum búin að velja úr þann búnað sem að við mælum með sem er skófla, snjóflóðastöng og snjóflóðaýlir. Þið þurfið að skrá ykkur hér við fréttina fljótt því við pöntum á föstudagsmorgun.

Æfing á laugardaginn :-)

Sun, 12 Feb 2012 21:03:00 GMT

Er ekki komin svaka stemning fyrir laugardaginn?

Samæfnig á svæði 11 verður haldin á Dalvík 18 jan. Dalvíkingar skipuleggja æfinguna og lofa okkur góðum verkefnum fyrir vélsleða, jeppaflokk, skyndihjálp og almennverkefni.
Þeir verða líka með fjallabjörgunarverkefni, báta og snjóbílaverkefni.

Mæting er ekki alveg komin á hreint en verður um kl 9 á laugardagsmorgun og lokið kl 16.

Brjálað stuð hjá Polaris

Thu, 09 Feb 2012 23:17:00 GMT

Ljósakynning

Wed, 08 Feb 2012 10:43:00 GMT

Á morgun, fimmtudaginn 9. febrúar verður haldin kynning á ljósum frá ljosin.net kl. 20:00 í Félagsborg.

Útkall F2 gulur.

Mon, 06 Feb 2012 15:27:00 GMT

Hjálparsveitin Dalbjörg og Súlur á Akureyri voru kallaðar út rétt fyrir kl 11 í dag vegan slasaðs göngumanns á hálendinu. Maðurinn var staddur við Vegamótavatni, austan Hofsjökuls og er talið að hann sé úlnliðsbrotinn eftir fall. Maðurinn er breskur og hugðist ganga á skíðum þvert yfir landið að norðan, suður í Vík, í fjáröflunarskyni.

Tveir bílar frá Dalbjörgu og fimm vélsleðar frá Súlum lögðu af stað á slysstað. Aðstoð var síðan afturkölluð um kl 13 þar sem þyrla LHG hafði fundið manninn. Þá var björgunarlið komið inn fyrir Bergland en færðin var þung fyrir bíla en ágæt fyrir sleða.

Pönnsur, fundur og samæfing

Mon, 06 Feb 2012 07:52:00 GMT

Það var notalegur fundur sem var haldinn með hitabeltisþema í Bangsabúð í gærkvöldi. Þar voru nett og þægileg mál rædd auk þess sem smá tiltekt var í lok fundar. Vil ég þakka öllum sem mættu fyrir góðan fund. Halli hafði skellt í pönnsur og Gulla mætti með skúffuköku enda afmælisbarn.

Það sem ber hæðst eftir fundinn er samæfing sem verður haldin á Dalvík um aðra helgi 18. feb og þurfa menn að skrá sig sem allra fyrst á hana. Stefnan er að senda hópa í almennt, skyndihjálp og sleða verkefni. Þeir sem geta mætt og tekið þátt í skemmtilegum degi skulu skrá sig núna takk. :)

Almennur fundur á Sunnudag.

Fri, 03 Feb 2012 13:06:00 GMT

Jæja félagar þá er komið að febrúarfundi hjá okkur. Hann verður haldinn í Bangsabúð á sunnudag kl 20:30. Húsið opnar að vanda kl 20 og verður hann bísna nettur og skemmtilegur.. Hef heyrt að einn af okkar góðu félögum eigi afmæli um þetta leiti og trúlegt að við fáum að njóta þess.. Þeir sem eiga skyndihjálparbúnað ættu að huga að því að fylla á þar sem allt er til fremra. Gulla mun eflaust aðstoða við það. Sjáumst hress..

Snjóflóð 1 og 2

Thu, 19 Jan 2012 20:18:00 GMT

Helgina 27-29 janúar verða námskeiðin snjóflóð 1 og 2 haldin hérna í firðinum. Er það opið öllum björgunarsveitarfólki við Eyjafjörð og verða kennarar héðan meðalannars mun Bubbi kenna á því. Snjóflóð 1 verður kennt á föstudegi og laugardegi, snjóflóð 2 verður síðan að megninu á sunnudeginum. Fyrir þá sem eru alveg grænir og hafa engann grunn geta mætt á miðvikudeginum 25. kl 20. í Súluhúsið og fengið upprifjun.

Snjóflóð 1 er eitt af grunnnámskeiðum í björgunarmanni 1 og snjóflóð 2 er í björgunarmanni 2.. Hvetum við því alla sem eiga þessi námskeið eftir að taka þau nýliðar sem lengra komna.

Æfingaferð á jeppum

Thu, 19 Jan 2012 19:12:00 GMT

Það er stefnt á æfingaferð hjá Jeppaflokkum Súlna og Dalbjargar upp Kerhólsöxlina á Laugardag. Öllum félögum er velkomið að skella sér með í þessa ferð en við ætlum að reyna að manna báða jeppana okkar. Tilvalið fyrir yngri meðlimi að kynnast tækjunum okkar.

Aðstoð við Eyvindastaði

Wed, 18 Jan 2012 10:23:00 GMT

Óskað var eftir aðstoð björgunarsveitarinnar um kl 16 í dag við að ná bíl upp úr gilinu við Eyvindarstaði. Var farið á báðum bílum sveitarinnar og gekk vel að spila bílinn sem var stór amerískur pallbíll upp úr gilinu.

Mannbroddar og ísöxi

Sun, 15 Jan 2012 23:22:00 GMT

Við erum búin að fá tilboð í mannbrodda og ísöxi fyrir björgunarsveitina. Félögum á útkallsskrá býðst að kaupa brodda á 9000 kr. og gönguísöxi á 11000 kr.

Aðstoð við að ná kindum.

Thu, 12 Jan 2012 21:05:00 GMT

Hjálparsveitin fór aftur í dag inn á Sölvadal en í gær sást til nokkura kinda þar. Farið var á hjálparsveitar jeppa og pallbíl ásamt nokkrum léttfættum bændum. Kindurnar voru handsamaðar og fluttar til eiganda sinna.

Aðstoð vegna hesta

Wed, 11 Jan 2012 10:42:00 GMT

Hjálparsveitin var beðin um aðstoð við að ná nokkrum hestum sem voru inn á Sölvadal í dag. Hlynur og Ingi fóru á báðum jeppunum okkar og ferjuðu bændur inn að Hrauná þar sem hestarnir héldu til. Gekk vel að reka stóðið heim norður með ánastaðafjalli og yfir hjá Eyvindarstöðum.

Almennur fundur

Sat, 07 Jan 2012 18:11:00 GMT

Þá er komið að því... Fyrsti almenni fundur ársins 2012, hann verður haldinn annaðkvöld kl 20:30 í Bangsabúð. Húsið opnar að venju kl 20 og er margt skemtilegt sem við þurfum að ræða og skoða.
s.s.

Hlökkum til að sjá ykkur Stjórnin.

Kindaleiðangur í morgun.

Fri, 30 Dec 2011 16:02:00 GMT

Eins og það nú er þá eru verkefni Björgunarsveita misjöfn eins og þau eru mörg. Bændur í Eyjafirði sáu til kinda á tveimur stöðum í gær og óskuðu eftir aðstoð Hjálparsveitarinnar Dalbjargar við ná þeim og koma þeim til byggða.

Flugeldamarkaðurinn Hrafnagilsskóla.

Thu, 29 Dec 2011 23:18:00 GMT

Útkall í Reykárhverfi

Wed, 28 Dec 2011 21:13:00 GMT

Hjálparsveitin Dalbjörg var kölluð út um kl. 18 í kvöld í Reykárhverfi í Eyjafjarðarsveit. Þar hafði orðið mikið vatnstjón innandyra í íbúðarhúsi þegar að heitt vatn flæddi um öll gólf.
Á annan tug björgunarsveitarmanna vann við að forða búslóð íbúanna úr húsinu út í bíla og flytja það í annað húsnæði.

Dalbjargarblað 2011

Tue, 27 Dec 2011 17:39:00 GMT

Nýja blaðið kom úr prenntun 22 des og núna er langt komið með að dreyfa því. Eins og sjá má er breyting á blaðinu frá því sem verið hefur enda er kominn nýr ritstjóri, viljum við óska Sunnu til hamingju með gott blað. Þeim sem vantar blað geta nálgast það hjá mér eða Snorra.
Allir að vera duglegir að dreyfa blaðinu á vinnustaðinn sinn, til vina og ættingja..

Blaðið á netinu.

Flugeldasalan hefst á morgun

Tue, 27 Dec 2011 09:51:00 GMT

Þá er komið að flugeldasölunni og verður hún eins og verið hefur í Hrafnagilsskóla. Salan hefst á morgun kl 13 og stendur fram til kl 16 á Gamlársdag.

Núna þurfa félagar að vera duglegir að aðstoða við söluna og verður Hermann yfir henni eins og áður.
Á flugeldafundinum skráðu nokkrir sig á vaktir en það vantar en á vaktir eitthvað alla daga. Menn eru því beðnir að skrá sig hér í athugasemdum hvenær menn komast eða heyra í Hemma 867-8586.

                          10-16                   16-22                      Næturvakt
28 des          Sindri/Halli/        Bjarney/Halli/Hemmi        Gulla/Bjarney
             Snorri/Bjarney         Jói

29 des      Sindri/Bubbi/Hemmi      Gulla/Viddi/Hreiðar      Reynir/Ólína

30 des      Snorri/Jón/??     Raggi/Eysteinn/Halli/Hemmi       Reynir/Hreiðar

Gamlárs    Pétur/Eiður/Raggi/Hemmi/Jón/Halli/Gulla+allir kl 16

Við setjum upp sölustaðinn kl 10 í fyrramálið og þá þurfa allir sem vettling geta valdið að mæta og koma dótinu inn.. Munið að gera þetta auðvelt og skemmtilegt með því að allir taka þátt.. :)

Koma svo... klárum árið með stæl og verum dugleg að fá vini og ættingja til að koma og styrkja okkur..

Gleðileg Jól

Sat, 24 Dec 2011 16:08:00 GMT

Hjálparsveitin Dalbjörg Eyjafjarðarsveit óskar sveitungum sínum og landsmönnum öllum Gleðilegra Jóla og farsældar á komandi ári. Þökkum samskiptin á árinu sem er að líða.

Flugeldafundur

Fri, 16 Dec 2011 16:39:00 GMT

Félagar það verður flugeldafundur á sunnudagskvöld kl 20:30 í Félagsborg. Allir að mæta og fara yfir vertíðina saman.
Kv. Hermann

Skráning á Litlu Jól

Mon, 12 Dec 2011 23:48:00 GMT

Sælir félagar ;) Félagsborg kl 20:00 Laugardaginn 17 des. ;) ég vil biðja þá sem eiga eftir að skrá sig á Litlu Jólin að gera það hér á síðunni við þessa frétt eða hina á undan eða senda mér sms í 8699380. Svo vil ég líka minna á pakkaleikinn allir eiga auðvitað að koma með pakka að hámarki 1000kr. endilega allir að skrá sig ;) Hlakka til að sjá ykkur kv Nefndin ;)

Litlu Jól !

Mon, 05 Dec 2011 11:54:00 GMT

Jæja við ætlum að kýla á smá Litlu Jól. Og áætlað er að halda þau í Félagsborg Laugardagskvöldið 17 des. Þetta verður bara létt og skemmtilegt og hittumst og borðum saman og skiptumst á pökkum og reynum að rífa upp smá jólastemmara og hrista saman hópinn fyrir flugeldasöluna ;) Þannig að nú er um að gera að taka kvöldið frá og mæta og hafa gaman ;)
kv litla Litlu Jólanefndin.

Húsið mun opna kl 20:00 og borðhald hefst 30 mín síðar ;) endilega allir sem ætla að mæta skrá sig hérna í athugasemdir í síðasta lagi Miðvikudaginn 14.des.

Litlu-jólanefnd!

Tue, 15 Nov 2011 14:20:00 GMT

Hér er nefndin fyrir Litlu-jólin! Annett, Hulda (sem hefur kannski annað að gera í augnablikinu, spurning um að fá varamann?), Elmar, Halli og Arnar. Svo minnir okkur að Árni hafi átt að vera þarna líka... einhver sem man? Nú er bara um að gera að ákveða dagsetningu :)

Stjórnarbreytingar

Tue, 15 Nov 2011 09:55:00 GMT

Á síðasta félagsfundi urðu breytingar á stöðum innan stjórnar og eru þær nú sem hér segir: Eiður Jónsson, formaður Viðar Garðarsson, varaformaður Jóhannes Jakobsson, gjaldkeri Haraldur Þór Óskarsson, ritari Pétur Róbert Tryggvason, meðstjórnandi. Í vor verða kosningar á aðalfundi um allar stöður innan stjórnar nema stöðu gjaldkera.

Útkall grænn leit á Fimmvörðuhálsi.

Thu, 10 Nov 2011 21:06:00 GMT

Fyrir hádegi í dag var leitað til svæðisstjórnar á svæði 11 um mannskap til leitar á Fimmvörðuhálsi. Þar stóð yfir leit af Svía sem saknað hafði verið síðan kvöldið áður. Vont veður og erfitt landsvæði er þarna svo óskað var eftir vönum fjallgöngumönnum.

Sjö manns frá Dalbjörgu lögðu af stað upp úr hádegi, 5 göngumenn, bílstjóri og svæðisstjórnarmaður. Reiknað er með að þeir tilkynni sig inn til vettvangsstjórnar um 21-22 í kvöld og fái þá úthlutað verkefni. Svæðið sem leitað er á er nú í kringum Sólheimajökul þar sem að bíll og vísbendingar miða að því svæði.

Núna er komið að haustferðinni.

Mon, 07 Nov 2011 12:32:00 GMT

Lagt verður af stað kl 9 á laugardagsmorgun frá Gellunesti og farið um Skagafjörð og upp í Laugafell. Þar er gert ráð fyrir að gista svo menn skulu taka með sér viðeigandi klæðnað til baðferða og svefns..Hjálparsveitin mun bjóða upp á grillaða klafa um kvöldið en annars þurfa menn að hafa með sér fæði til að troða í grímuna á sér.Síðast en ekki síst MUNA eftir 2500 krónum í gistigjöld og skráning fer fram við þessa frétt fyrir fimtudagskv. kl 22:43.

Námskeið á miðvikudagskvöld.

Mon, 07 Nov 2011 12:07:00 GMT

"Björgunarmaður við ár og vötn" verður haldið í Félagsborg á Hrafnagili, miðvikudagskvöld 9 nóv. kl 20:00. Þetta er grunnnámskeið sem að allir þurfa að taka og er ennig kennt í fjarnámi ef þið komist ekki á miðvikudag.
Skráið ykkur við fréttina.

Almennur fundur.

Sun, 06 Nov 2011 08:12:00 GMT

Núna á sunnudag verður nóvemberfundurinn okkar og byrjar hann kl 20:30 í Bangsabúð. Húsið opnar eins og venjulega kl 20:00 og Ólöf mætir örugglega með bakkelsi. =) Við vonum auðvitað til að sjá ykkur sem flest. Dagskrá:

Haustferð

Fri, 04 Nov 2011 15:38:00 GMT

Núna er komið að haustferðinni.
Lagt verður af stað kl 9 á laugardagsmorgun frá Gellunesti og farið um Skagafjörð og upp í Laugafell. Þar er gert ráð fyrir að gista svo menn skulu taka með sér viðeigandi klæðnað til baðferða og svefns..
Hjálparsveitin mun bjóða upp á grillaða klafa um kvöldið en annars þurfa menn að hafa með sér fæði til að troða í grímuna á sér.
Síðast en ekki síst MUNA eftir 2500 krónum í gistigjöld og skráning fer fram við þessa frétt fyrir fimtudagskv. kl 22:43.

Neyðarkall

Mon, 31 Oct 2011 23:13:00 GMT

Þá er komið að Neyðarkallssölunni en hún byrjar á fimmtudag og er fram yfir helgi. Nú er mál að skrá sig allavega á eina vakt í sölunni og taka bíltúr um sveitina. Við byrjum á fimmtudag kl. 18-22 og föstudag kl. 18-22. Á laugardag og sunnudag er vaktir frá kl. 10-14 og kl. 14-18. Látið nú Viðar vita í síma 8660546 hvenær þið komist.

Við komum til með að keyra þetta í tveimur hollum allan tíman þannig að það þurfa fjórir að vera á vakt í hvert skipti.

Fimmtudagur 18-22

Föstudagur 18-22

Laugardagur 10-14

Laugardagur 14-18

Sunnudagur 10-14

Sunnudagur 14-18

Útkall Gulur leit við Varmahlíð

Fri, 28 Oct 2011 10:21:00 GMT

Björgunarsveitir á svæði 11 (Eyjafjörður) voru kallaðar út upp úr kl 7 í morgun vegna þriggja pilta sem strokið höfðu af meðferðarheimilinu Háholti í Skagafriði.
Björgunarsveitir Slysavarnafélagsins Landsbjargar í Austur-Húnavatnssýslu og Skagafirði höfðu leitað piltanna frá því um eitt leytið í nótt. Piltarnir fundust á níunda tímanum heilir á húfi, á göngu í Varmahlíð.
Samkvæmt frétt á mbl.is "voru þeir í nokkuð góðu standi þegar þeir fundust og virtust ekki hafa orðið meint af. Þeir voru blautir og kaldir, en ekkert amaði að þeim að öðru leyti,“ sagði talsmaður lögreglunnar á Sauðárkróki.

Níu manns frá Dalbjörg voru að leggja af stað frá Akureyri auk þess sem einn maður var starfandi í svæðisstjórn þegar leitin var afturkölluð.

Allir með!

Tue, 18 Oct 2011 19:50:00 GMT

Sjúkratöskur

Sat, 15 Oct 2011 21:24:00 GMT

Þar sem að þó nokkrir hafa óskað eftir því að kanna með sjúkratöskur fyrir einstaklinga þá er ég búin að panta 10 stk. af þessum töskum og skrepp til Ameríkuhrepps í næsta mánuði til að sækja þær. Töskurnar eru tómar og kosta 1500 kr. við munum síðan aðstoða við að fylla á þær og finna það sem upp á vantar fyrir virka félaga.

HAUSTFAGNAÐUR

Tue, 11 Oct 2011 01:03:00 GMT

Þá fer að líða að uppskeruhátíð félaga í Eyjafjarðarsveit en hún verður haldin laugardagskvöldið 22. okt. í Funaborg á Melgerðismelum. Þar verður boðið upp á mat og uppistand og verður síðan léttur fílingur fram eftir kvöldi. Meðal annars verður Handverkshátiðinni gert skil þarna og hvernig hún kom út.

Hvetjum við alla til að taka kvöldið frá og gleðjast saman en nánari uppl koma síðar.

Frábær Landsæfing

Sat, 08 Oct 2011 19:58:00 GMT

Landsæfing Landsbjargar var í dag á Ísafirði og nágrenni. Dalbjörg og Týr sendu saman tvo bíla með 7 manns innanborðs. Öll verkefnin sem við tókust á við í dag voru fyrstahjálp, frá því að ná í tvo slasaða menn upp í fjallshlíð, aðtoða björgunarsveit sem velti jeppanum sínum og að lokum stórt verkefni ásamt rústabjörgunarhóp Kóps í stóru húsi sem hafði lent í jarðskjálfta.

Landsæfing á Vestfjörðum

Mon, 03 Oct 2011 14:07:00 GMT

Nú getum við farið að hlakka en meira til!

Landsæfing Slysavarnafélagsins Landsbjargar verður haldin á Ísafirði um næstu helgi 8 okt.
Við ætlum að sjálfsögðu að mæta og eru 4 nú þegar búnir að skrá sig. Hugmyndin er að það verði lagt af stað kl 13 frá Akureyri og haldið vestur og gist í íbúð sem að Dalbjörg er búin að panta. Æfingin sjálf er á laugardeginum og endar með grilli og sundi. Við myndum gista aðra nótt og halda síðan heim á sunnudag.

Nánari upplýsingar getið þið lesið hér .

Almennur fundur.

Sat, 01 Oct 2011 11:15:00 GMT

Þá er komið að októberfundinum okkar en hann verður haldinn í Bangsabúð sunnudagskvöldið 2 okt kl 20:30. Húsið opnar að venju klukkan 20.
Á dagskrá er meðal annars:

Vonum til að sjá sem flesta.
Kveðja stjórnin.

Nýr vatnabjörgunarbúnaður

Wed, 14 Sep 2011 15:33:00 GMT

Þar sem við erum alltaf að auka við búnaðinn okkar til að tryggja eigið öryggi og skjólstæðinga okkar var ákveðið að kaupa öflugan vatnabjörgunarbúnað. Um er að ræða tvö sett sem fara í sitthvorn björgunarjeppann okkar og er haganlega komið fyrir í öflugum töskum.

Dagskrá fyrir námskeið í Fyrstu hjálp 1

Tue, 13 Sep 2011 18:57:00 GMT

Þá er komið að því að halda námskeið í fyrstu hjálp 1 + hjá okkur og verður það í lok september. Verður það kennt á þremur kvöldum og hálfum laugardegi svo að flestir ættu að geta komist.
Núna verða allir að rifja það upp með sjálfum sér hvernig staðan er á skyndihjálpinni er en ætlast er til þess að menn taki hana á 2 ára fresti.
Þetta er auðvitað skyldunámskeið fyrir þá sem eru að byrja og hafa ekki tekið hana hjá okkur.

Námskeiðið verður haldið í Hrafnagilsskóla.
28. sept. - miðvikudagskvöld kl. 20:00-22:30. Kynning

Mannslíkaminn
Þríhyrningakerfið
Æfing í kerfinu
Blóðrásarkerfið

29. sept. - fimmtudagskvöld kl. 20:00-22:30. Öndunarkerfið

Taugakerfið
Sár og brunasár

30. sept. - föstudagskvöld kl. 20:00-22:30. Endurlífgun

Æfing
Rafmagnsslys

1. okt. - laugardagur kl. 9:00. Endurlífgun og æfing

11:00 Stoðkerfisáverkar og æfingar með spelkur
12:00 Matur
12:20 Hryggáverkar og böruburður
13:30 Eitranir
14:00 Ofkæling, kal, ofhitnun
14:45 Pása
15:00 Sykursýki
15:20 Meltingar og þvagkerfi
15:45 Próf

Fundurinn í gærkvöldi

Mon, 05 Sep 2011 18:21:00 GMT

Fyrsti fundur haustsins var í gærkvöldi fram í Bangsabúð. Það mættu yfir 20 manns á mjög skemmtilegan fund enda mikið jákvætt búið að vera í gangi hjá okkur.
Þau námskeið sem við stefnum á að taka námskeið í haust eru: Öryggi við sjó og vötn (hefst í fjarnámi í október), Fyrsta hjálp 1 og Fjallabjörgun 1.

Dagskrá:

Við minnum líka á fjarnámið sem hefst í lok september, það má skoða hér.

Meðal þess sem tekið var fyrir á fundinum var.

Miklar og skemmtilegar umræður voru undir liðnum önnur mál og má þar nefna að Ólöf tók að sér smá innkaup fyrir húsið og Eysteinn ætlar að sjá til þess að það komi perlumöl á planið hjá okkur. Eins voru mönnum bent á að skrá allar athafnir fram í húsi í bókina okkar góðu.

Fatakaup

Mon, 05 Sep 2011 17:10:00 GMT

þennan

Almennur fundur

Sat, 27 Aug 2011 10:34:00 GMT

Fyrsti almenni fundur haustsins verður haldin eftir viku, sunnudag kl 20:30 í Bangsabúð. Það verður ýmislegt til að ræða um og plana fyrir veturinn og eftir sumarið s.s. Handverkshátiðin, námskeið, Íþróttahúsið, Landsæfing, fjallabjörgun, fyrstahjálp, nýliðar og staðan á flokkunum okkar. Kveðja Stjórnin

F2 Gulur, Útkall í Eyjafjarðarsveit

Sat, 27 Aug 2011 10:09:00 GMT

Hjálparveitin Dalbjörg auk annara viðbragðsaðila voru kölluð út rétt fyrir níu í morgun vegna lítillar flugvélar sem átti í vandræðum. Flugmenn vélarinnar kölluðu eftir aðstoð þar sem þeir voru á ferð í Eyjafirðinum í morgun. Flugstjórnarklefinn fylltist af reyk og þurftu mennirnir að drepa á vélinni og rjúfa straum.

Ákváðu flugmenninrir að svífa vélinni að Melgerðismelum og lentu henni þar 10 mín seinna heilu á höldnu.

Stóra helgin..

Tue, 02 Aug 2011 17:15:00 GMT

Þá er komið að fjörinu.. Á fimmtudag verður stóri dagurinn þar sem að við þurfum að klára allt útisvæðið og þurfum allan þann mannskap sem getur mætt. Þeir sem eru búnir að lofa sér eru, Pétur, Raggi, Snorri, Hemmi, Tómas, Hlynur, Kolla, Elsa, Ingi, Júlíus, Gummi, Jói Jak, Elmar?, Stefán, en það mætti fá nokkra í viðbót, byrjum kl 8:00. Sjúkragæslan ca. 12-18:30 Föstudagur Pétur/ Laugardagur Viðar/Ólöf Sunnudagur Sunna/Gulla/Ólína Mánudagur Massa/Helgi Grill laugard. ca.18-00 Viðar, Tómas, Ragnar, Hemmi?, Elmar, Smári, Eiður, Ólöf. Mánudagskvöld Allir sama hvort menn eru í unglingadeils, virkir, óvirkir, þreyttir eða með spangir.. Allir að mæta kl 18.

Gæsla á tjaldsvæði

Tue, 26 Jul 2011 20:45:00 GMT

Jæja þá er að líða að tjaldstæðagæslu um versló. Um er að ræða 4 vaktir: föstudagskvöld kl. 20:00-24:00 og svo 24:00 og fram eftir nóttu laugardagskvöld frá 23:00 og fram eftir nóttu sunnudagskvöld frá 23:00 og fram eftir nóttu. Ég vil biðja þá sem geta tekið að sér vaktir að skrá sig hérna í athugasemdir eða hringja / senda sms til Gullu 8699380 og endilega þeir sem alls ekki geta tekið vaktir að láta vita líka. Um að gera að skrá sig og jafnvel para sig saman ef þið viljið vera með einhverjum sérstökum á vakt. Hlakka til að heyra frá ykkur gott fólk Kveðja Gulla

Aðstoð við Urðarvötn

Tue, 19 Jul 2011 19:28:00 GMT

Þrír félagar fóru á Dalbjörg 1 seinnipartinn í gær til að aðstoða ferðalang sem var fastur á hálendinu. Ferðalangurinn, Svisslendingur hafði fest hjólið sitt í sandbleytu skammt sunnan við Urðarvötn og brotið af því kúplingshandfang. Strákarnir losuðu hjólið og dunduðu sér við að steypa upp kúplingshandfangið með málmkítti þannig að hjólið varð ökufært aftur. Honum var síðan fylgt til baka inn á leiðina um Eyjafjarðardal svo að hann myndi lenda í fleiri ævintýrum á Vatnahjallaleið sem er ekki fær nema vel útbúnum tækjum og staðkunnugum.

Námskeið komandi vetrar og ný könnun!

Mon, 18 Jul 2011 12:01:00 GMT

Ný könnun var að líta dagsins ljós - endilega takið þátt og lesið fréttina um handverkshátíðina - þetta er svo skemmtilegt ef allir eru með! Einnig er komin ný frétt um samstarfssamning við Olís hér neðar, lítið á hana! Nú hefur líka verið sett inn námskeiðadagskrá komandi vetrar undir "Námskeið" hér til vinstri. Endilega skoðið þetta í tíma og hafið samband við stjórn ef þið óskið eftir einhverjum námskeiðum til okkar næsta vetur. Í þessu samhengi minnum við á reglur fyrir útkallslistana okkar, sem allir þurfa að taka til greina.

Handverkshátíðarvinna

Sat, 16 Jul 2011 09:23:00 GMT

Núna hefst almenn vinna fyrir Handverkshátíðina. Ragnar og Snorri hafa verið að undirbúa hana um nokkuð skeið og núna þurfum við fleiri hendur í verkið. Þetta er talsverð vinna en þar sem við erum þetta mörg og ef allir taka þátt þarf hver aðeins að mæta 2 sinnum.

Pétur, Eiður, Ragnar, Jói, Viðar, Halli, Helgi, Helga, Gulla, Massa, Ólöf, Sigrún, Íris B, Bjarney, Sunna, Guðmunda, Steini, Tómas, Kristján, Elmar, Hlynur, Ingi, Stefán, Óli S, Hemmi, Jóhann, Axel, Smári, Valli, Eysteinn, Anton, Júlíus, Kjartan, Binni, Palli, Óli T, Árni, Snorri, Ebbi, Anett, Rósa, Kolla, Víðir.... o.fl... og hverjum er ég að gleyma??? Allavega vonast ég til að sjá ykkur öll eitthvað. =)

Stóri dagurinn er fimmtudagurinn 4. ágúst frá kl 8-22. Þar þurfum við 10-12 manns allan daginn við að koma upp öllu útisvæðinu, tjalda tjöldunum ofl. (Pétur, Ingi, Hlynur, Elmar, Snorri, Hemmi, Halli, Jói J, Smári og fleiri...)

Við verðum með sjúkragæslu á sjálfri Handverkshátíðinni og þurfum við 2 menn alla daga frá kl. 12-19. (Pétur, Massa, Binni, Stefán, Gulla, Sunna, Óli S, Helgi, Halli, Kristján)

Mánudagskvöldið kl. 19 þurfa allir sem mögulega geta mætt að koma og ganga frá eftir sýninguna..

MUNIÐ að þetta er okkar stærsta fjáröflun og við verðum að taka þátt í henni.

Samstarfssamningur við Olís

Fri, 15 Jul 2011 23:00:00 GMT

Nú hefur verið gerður samstarfssamningur á milli Slysavarnafélagsins Landsbjargar og Olís. Í honum er kveðið á um sérkjör á eldsneyti og öðrum vörum fyrir félagsmenn. Í viðbót við afsláttinn sem félagsmenn fá, rennur 1 króna af hverjum seldum lítra + 2500 kr. eftir að lágmarksnotkun hefur verið náð (200 ltr) til sveitarinnar sem valin er í umsókninni um kortið.

Dósagámurinn okkar á Hrafnagili

Fri, 15 Jul 2011 22:59:00 GMT

Dósagámurinn okkar var orðinn smekkfullur og kominn tími á að losa úr honum. Unglingadeildin sér um að flokka og skila inn dósum og fær tekjurnar af söfnunni. Eiður varaformaður náði góðri mynd af formanninum í kvöld þar sem þeir félagar voru að aðstoða unglingadeildina. =)

Útkall F2 í Litla-Garð

Fri, 15 Jul 2011 22:10:00 GMT

Hjálparsveitinni Dalbjörg barst útkall frá Neyðarlínu kl 19:38 í kvöld vegna hests sem hafði fallið ofan í haughús. Það voru bændur á bænum Litla-Garði í Eyjafjarðarsveit sem óskuðu eftir aðstoð þar sem að hestur hafði fallið ofan í haughús og á bólakaf.
Björgunarsveitarmenn voru snöggir á staðinn og þá svamlaði hesturinn um í skítnum og rétt hafði granirnar upp úr til að anda. Náðu menn að koma böndum á hann og var hann síðan hífður upp úr skítnum en þá var hann orðinn mjög þrekaður. Hann var síðan settur á hús og þveginn hátt og lágt meðan beðið var eftir dýralækni til að líta á hann.

Útileguskemmtunarvinnuhelgi ;)

Tue, 12 Jul 2011 21:01:00 GMT

Jæja þá er komið að því, við ætlum að hittast í Bangsabúð næstu helgi og tjalda, vinna og grilla saman.

Almennur fundur

Sat, 02 Jul 2011 15:34:00 GMT

Annaðkvöld, sunnudagskvöld kl 20:30 verður sumarfundurinn okkar haldinn í Bangsabúð. Það er ýmislegt á dagskrá, meðal annars.

Mikilvægt að menn sæki þennan fund. Kv. Stjórnin.

Gæsla á tjaldsvæði

Mon, 13 Jun 2011 23:23:00 GMT

Jæja þá er komið að bíladögum og höfum við einsog undafarin ár tekið að okkur gæslu á svæðinu. Vaktinar verða fjórar, tvær á fimmtudagskvöld og ein á föstudags og laugardagskvöld. Fyrri vaktin á fimmtudag byrjar kl 20:00 og stendur til miðnættis og þá byrjar seinni vaktin sem yrði svo fram á nótt. Vaktirnar á föstudag og laugardag byrja kl 23:00. Þeir sem hafa áhuga og geta tekið að sér vaktir endilega hafið samband við Gullu í síma 8699380 eða 8645792 eða skráið ykkur hérna í athugasemdir. Reiknað er með að 2 séu á vakt í einu þannig að um að gera að para sig saman og skrá sig ;).

Ferð í Sandbúðir

Tue, 31 May 2011 11:04:00 GMT

Í gær var "skotist" upp í Sandbúðir um Kerhólsöxl á Dalbjörg 1 og 2. Gekk ferðin gríðarvel fyrir utan "smá" bras í krapa 3 km innan við Galtaból. Allt hafðist þetta en best er að skoða myndasafnið til að fræðast meira um þessa ferð. Við skiluðum okkur aftur í hús kl 2 í nótt alsáttir.

Útkall F2

Wed, 25 May 2011 14:06:00 GMT

Þýski ferðamaðurinn sem saknað var og leitað var að í nótt hafði samband við Neyðarlínuna nú rétt fyrir hádeigi og bað um aðstoð.
Hann gat ekki gefið nákvæmar upplýsingar um staðsetningu sína en einhverjar þó, auk þess sem hægt var að miða út grófa staðsetningu út frá símasendum á svæðinu.

Hjálparsveitin Dalbjörg er lögð af stað á tveimur bílum upp Kerhólsöxl auk þess sem sleðar Dalbjargar héldu af stað ásamt sleðum Súlna upp Vatnahjalla í Eyjafjarðardal. Að auki er Flugbjörgunarsveitin á Hellu á leið upp Kvíslaveituveg á jeppum og sleðum.

Útkall F3

Wed, 25 May 2011 13:53:00 GMT

Eftirgrennslan eftir þýskum ferðamanni sem saknað er og talinn er vera staddur norðan Vatnajökuls bar engan árangur í nótt. Vélsleðamenn frá Flugbjörgunarsveitinni á Hellu, Hjálparsveitinni Dalbjörg í Eyjafirði og Súlum, björgunarsveitinni á Akureyri fóru upp úr miðnætti og könnuðu alla skála á leiðinni í Nýjadal á því svæði sem síðast heyrðist til mannsins.

Í ljós kom að hann hafði skrifað í gestabók í Versölum 14. maí en engin önnur ummerki sáust um ferðir hans.
Sleðamenn komu niður um 10 leitið í morgun eftir 250 km akstur inn í Laugafell, Sandbúðir, Galtaból, Landakot og Bergland.

Stóra helgin!

Mon, 09 May 2011 11:21:00 GMT

Þá eru nokkrir dagar í Landsþing, Björgunarleika og Árshátíð Landsbjargar sem haldið verður á Hellu 13-14 maí. Það eru 5 manns sem ætla að taka þátt í björgunaleikunum fyrir okkar hönd og fara þeir seinnipartinn á föstudag suður á Laugavatn á Patrol. Þeir gista þar og taka síðan þátt í leikunum og árshátíð á laugardagskvöldið. Síðan eru sjö manns sem ætla að taka þátt á þinginu og annari dagskrá og að sjálfsögðu árshátíðinni. Þingmannabíllinn leggur af stað snemma á föstudagsmorgun og er líklega pláss fyrir fleiri í honum. Gisting er á Laugavatni í mjög flottu húsnæði, taka með sér svefnpoka, sundföt og handklæði, það tekur síðan 50 mín að keyra niður á Hellu. Það er en þá möguleiki fyrir þá sem áhuga hafa að koma með en veriði snögg að hugsa og látið Pétur vita strax.. Þetta verður bara gaman.

Björgunarleikar á Hellu

Tue, 03 May 2011 19:29:00 GMT

Í tengslum við landsþing Landsbjargar,
helgina 13. - 15. maí verða og að venju
haldnir björgunarleikar í nágrenni Hellu.
Keppnin er að þessu sinni í umsjá Hjálparsveitar Skáta í Reykjavík
og Flugbjörgunarsveitarinnar á Hellu. Búið er að skipulegga um sjö krefjandi þrautir, þar sem reynir á
fjölþættasta kunnáttu björgunarveitarmanna.

Þrautirnar eru allt frá einföldum skyndihjálparverkefnum, aðgerðum
í byggingum, böruburði, björgun úr bílum og í erfiðari aðgerða við að
koma hópnum yfir ár og fossa auk þess sem búast má við ýmsu óvæntu.

Keppnin er hugsuð á þann hátt að áhöfn venjulegs björgunarbíls
skipi hvert lið, þannig að hvert lið verði skipað 4-6 einstaklingum.

Liðið þarf að hafa fjölbreytta kunnáttu í björgunarstörfum,
vanann bílstjóra, klifurmann, leitarmann, og skyndihjálparmann.
Þrautirnar munu reyna á alla þessa þætti.

Gefin verða stig fyrir hversu vel hóparnir leysa
þrautirnar og á hvaða tíma þær eru leystar.

Fyrir keppni verður gefið út, hvaða búnað þarf í hverja þraut.

Við í Dalbjörg erum að smíða liðið/liðin og eru nokkrir búnir að skrá sig og ætla að vera með. Ef að áhugi er hjá fleirum er alveg möguleiki á að senda tvö lið en þá vantar okkur 2-3 til að vera með. Þar sem að það er búið að fækka aðeins í liðunum í ár (4-6).
Þeir sem ætla eru:
Pétur, Kristján, Viðar, Halli, Smári, (Elmar, Sunna).. Þannig að ef einhverjir fleiri hafa áhuga endilega hafa samband sem fyrst.. (Grjóni, Steini, Hemmi)

Almennur fundur

Thu, 28 Apr 2011 21:02:00 GMT

Þá er komið að Maí fundinum og verður hann haldinn á sunnudagskvöldið í Bangsabúð. Húsið opnar kl 20:00 og fundur byrjar 20:30. Það er ýmislegt á dagskrá s.s. Landsþing, Björgunarleikar og árshátið Landsbjargar en þangað ætlum við að fjölmenna. Stefna stjórnar verður kynnt auk annara mála.

Hlökkum til að sjá ykkur á sunnudag. Stjórnin.

Fjölskyldudagurinn

Wed, 27 Apr 2011 23:33:00 GMT

Þá er komið að fjölskyldudegi Dalbjargar en hann verður næstkomandi sunnudag 1. maí í Kjarnaskógi. Sumarnefndin er komin á fullt að undibúa leiki og smá þrautir fyrir alla fjölskylduna. Formleg dagskrá byrjar kl 11.

Grill verður á staðnum og menn hafa með sér á grillið sjálfir. Við vonumst til að sjá sem flesta með fjölskylduna enda lofar veðurspáin góðu, 18° og sól.. =)

Útkall F3

Sun, 24 Apr 2011 09:48:00 GMT

Þegar sleðadeildin var rétt komin niður úr æfingaferð hjá Dalvík fengu þeir símtal frá fjórum sleðamönnum sem voru á ferð austan fjarðarins á tveimur sleðum. Hafði veðrið versnað svo mikið hjá þeim að þau voru orðin villt og rötuðu ekki aftur að bílunum sínum. Björgunarsveitarmennirnir fengu GPS punkt hjá þeim úr litlu hlaupatæki sem þau höfðu meðferðis og gátu vísað þeim gróflega leiðina um svokallað Uxaskarð. Ekkert heyrðist aftur frá þeim þannig að tækjaflokkur Dalbjargar var ræstur út. Jepparnir voru að leggja af stað úr húsi og einnig sleðamenn frá Akureyri þegar náðist til fólksins aftur, en þau voru þá að koma að bílunum heilu og höldu.

Mikið um að vera í gær

Sun, 24 Apr 2011 09:04:00 GMT

Í gær, laugardaginn 23. apríl, var sumarhátíð á Melgerðismelum sem að félagar Hestmannafélagsins Funa stóðu fyrir. Þar var margt um að vera og fóru Ingi og Jói með hjálparsveitarjeppana okkar svo að fólk gæti skoðað þá.

Sleðaflokkurinn með þá Pétur, Bubba, Vidda og Ketil fór í æfingarferð í gær út á Tröllaskagann.

Langur og góður dagur

Sun, 24 Apr 2011 08:31:00 GMT

Páskagangan var gengin núna á föstudaginn langa í Eyjafjarðarsveit. Lagt var af stað frá Steinhólum (Bangsabúð) og genginn hringurinn fram á Vatnsendabrú, niður að vestan og aftur yfir Hringmelsbrúna og til baka í Bangsabúð samtals 26 km.

Páskagangan 2011

Wed, 20 Apr 2011 13:26:00 GMT

Dagskrá í apríl

Sun, 10 Apr 2011 10:43:00 GMT

1-3 Apríl Námskeið í fjallabjörgun 1

3. Apríl Almennur fundur

4. Apríl Svalbó íþróttahús kl. 20:30 11. Apríl Svalbó íþróttahús kl. 20:30 14. Apríl Aðalfundur kl 20 í Sólgarði

15-16. Apríl Unglingadeildarferð

18. Apríl Svalbó íþróttahús kl. 20:30

22. Apríl Páskagangan

25. Apríl Svalbó íþróttahús kl. 20:30 1. maí Fjölskyldudagurinn

Sleðaflokkur á æfingu

Wed, 06 Apr 2011 19:46:00 GMT

Sleðaflokkurinn fór í æfingarferð í dag út í Fjörður og svæðið þar í kring. Farið var á þremur sleðum og firðir og dalir þræddir s.s. Leirdalur, Þjófadalur, Leiradalsheiði, Trölladalur, Þverdalur, Skörðin, Hóls og Bakkadalur, Keflavík, Fögrudalir, Afviki, Þönglabakki, Þorgeirshöfði, Þverárdalur og Grenjadalur.. Alls um 130 km í sól og blíðu.

Eldur í Eyjafjarðarsveit

Wed, 06 Apr 2011 19:35:00 GMT

Slökkvilið Akureyrar og Lögregla voru kölluð út að bænum Nesi í Eyjafirði á fjórða tímanum í gær. Var tilkynnt um eld innan dyra á bænum og talsverðan reyk. Hjálparlið Dalbjargar var þegar ræst út og var það mætt á staðinn með vatnsöflunarbúnað sinn á undan slökkviliði.

Eldurinn var ekki mikill og minni en talið var í fyrstu. Greiðlega gekk að slökkva hann og engin slys urðu á fólki. Að sögn lögreglu kom upp eldur á bænum þegar tölvusnúra brann í sundur.

Aðalfundur

Wed, 30 Mar 2011 14:38:00 GMT

Aðalfundur Hjálparsveitarinnar Dalbjörg verður haldinn fimmtudaginn 14. apríl klukkan 20 í Sólgarði. Venjuleg aðalfundarstörf og kaffiveitingar.

Kveðja stjórnin.

Stóra Dalbjargarferðin

Fri, 18 Mar 2011 13:33:00 GMT

Þá er komið að "stóru" Dalbjargarferðinni en hún verður farin næstu helgi 25-27 mars. Lagt verður af stað frá Akureyri (leiru) kl 16:30 og haldið í átt að Vopnafjarðarheiði. Stefnan er síðan að eyða helginni á Haugsöræfum og gist á svæðinu. Þeir sem ætla með verða að skrá sig hér fyrir þriðjudagskvöld, matur á laugardagskvöld og gisting tvær nætur kostar 5000 á mann. Þeir sem ætla á einkabílum mega láta vita.

Þeir sem vilja frekari upplýsingar geta talað við Eið eða Eystein.

Útkall vegna foks.

Mon, 14 Mar 2011 14:13:00 GMT

Hjálparsveitin Dalbjörg var kölluð út um hálf níu leitið í morgun vegna þaks sem var að fjúka á bænum Litla-Garði í Eyjafjarðarsveit. Þakplötur voru farnar að týnast af hlöðu sem nýtt er sem hesthús og tamningaraðstaða á bænum. Ábúandi hafði náð að hefta frekara fok áður en að björgunarsveitin kom á staðinn en þá gekk á með miklum byljum. Það tók björgunarsveitarmenn 3 tíma að koma þakplötum á sinn stað aftur og tryggja frekara fok.

Halli smellti af nokkrum myndum

Dagskrá í mars

Sun, 13 Mar 2011 21:14:00 GMT

Hérna kemur loksins dagskrá fyrir mars. 5. mars Afmæli Dalbjargar 6. mars Fundur 7. Mars Svalbó íþróttahús kl. 20:30 11-13 mars Endurmenntunarhelgi (féll niður) 14. mars Svalbó íþróttahús kl. 20:30 (Bubbi fer á Hiace frá leiru kl 20:15) 18. mars Keilukvöld (Viðar pantar brautir, skrá sig hjá honum fimmtudagskv.) 25-27 mars Stóra Dalbjargarferðin (Eysteinn og Helga skoða skipulag) 28. mars Svalbó íþróttahús kl. 20:30 (Bubbi fer á Hiace frá leiru kl 20:15)

Vel heppnaður dagur.

Thu, 10 Mar 2011 13:50:00 GMT

Síðastliðinn laugardag var opið hús í Bangsabúð á afmælisdegi Dalbjargar 5. mars en sveitin var stofnuð þann dag 1983. Þar var "nýji-gamli" bíllinn okkar formlega tekinn í notkun aftur en hann er nýkomin úr alsherjar uppfærslu hjá Hlyni og Inga en meðal annars breyttu þeir félagar honum fyrir 46" dekk, settur í hann lógír ofl.

Afmælishelgin og fundur

Thu, 03 Mar 2011 12:47:00 GMT

Þá er allt að verða klárt fyrir helgina!!

Það eiga allir að mæta í Bangsabúð kl. 13 á laugardag þá verður tekin hópmynd af okkur og tækjum með húsnæðið í baksýn, mikilvægt að allir mæti í rauðupeysunum sem að eiga hana. Eftir myndatöku verður klárað að undirbúa og allt haft klárt þegar gestir mæta til okkar í kaffi á opna deginum sem er frá 14:30-17. Endilega hvetjið alla til að mæta til okkar í heimsókn. =)

Nýir bolir verða komnir og kosta þeir 1500 kr stk. hafið með ykkur pening. =)

Um kvöldið verður síðan hittingur í Félagsborg þar sem boðið verður upp á Gúllassúpu og þurfið þið að skrá ykkur í það hjá Pétri. Mæting kl 19:30 og þið komið sjálf með drykkjarföng.

Almennur fundur er síðan á sunnudagskvöldið kl 20:30 í bangsabúð, boðið verður upp á afganga(ef það mæta undir 200 á opnadaginn). Það er ýmislegt á döfinni meðal annars námskeið, íþrótta-mánudagar og Stóra-Dalbjagarferðin.

En já að lokum þá er fullt af liði búið að vera að brasa í tækjum og húsnæði fyrir laugardagnn. Það á að bóna Patrol í kvöld og vinnukvöld í Bangsabúð þannig ef einhverjir geta mætt í kvöld mega þeir heyra í Pétri eða Halla.

Ég reikna með að þeir sem hafa ekki látið vita að þeir séu uppteknir á Laugardag mæti..

Hlökkum til að sjá ykkur á laugardag
Kveðja Stjórnin

Kjötsúpukvöld

Wed, 02 Mar 2011 16:51:00 GMT

Í tilefni afmælisins og opna dagsins þá ætlum við að hittast í Félagsborg á Hrafnagili á laugardagskvöldið kl. 19:30. Þar verður boðið upp á Gúllassúpu en þið verðið sjálf að koma með drykki. =)
Skráning þarf að berast fyrir hádeigi á föstudag, hér í athugasemdum eða hringja í Pétur.

Dalbjörg býður þér í heimsókn

Sun, 27 Feb 2011 15:32:00 GMT

Kæru vinir og velunnarar!

Þann 5. mars verður Hjálparsveitin Dalbjörg 28 ára og einnig ætlum við að taka nýjan og endurbættan björgunarsveitarjeppa okkar í notkun.

Af því tilefni verður opið hús í Bangsabúð við Steinhóla fyrir sveitunga og velunnara á afmælisdaginn okkar, laugardaginn 5. mars, frá kl. 14:30-17:00. Við viljum bjóða þér að koma og kynna þér starfsemi hjálparsveitarinnar, auk tækja og búnaðar.

Hlökkum til að sjá þig!

Hjálparsveitin Dalbjörg
Eyjafjarðarsveit.

Unglingadeild

Thu, 24 Feb 2011 20:36:00 GMT

Á morgun 25 feb. ætlar unglingadeildin að hittast og telja flöskur og dósir sem áskotnuðust á Þorrablótinu. Við ætlum að gera okkur glaðan dag í kringum þessa skemmtilegu vinnu og þegar talningu og flokkun er lokið ætlum við að skella okkur í Sund, fá okkur flatbökur og kíkja svo í Keilu. Í Unglingadeildinni okkar eru skráðir 13 hressir og duglegir unglingar og hefur starfið í vetur verið skemmtilegt.

Fundur í kvöld

Wed, 23 Feb 2011 13:56:00 GMT

Almennur fundur í Bangsabúð í kvöld - hvetjum alla til að mæta :)

Við ætlum að ræða opinn dag þann 5. mars og fleira skemmtilegt.

Íþróttasalurinn í kvöld.

Mon, 14 Feb 2011 14:31:00 GMT

Hey það er íþróttahúsið á Svalbarðseyri í kvöld kl 20. Þar ætlum við í bandí eða eitthvað sniðugt.. Halli og Bubbi K ætla á hiace og leggja af stað frá leiru kl 19:45. Allir að mæta sem komast til að leika sér..

Mikið um að vera næstu helgi..

Mon, 07 Feb 2011 08:49:00 GMT

Næstu helgi er mikið um að vera og þá sérstaklega laugardaginn 12. febrúar. Vetrarsportsýningin Éljagangur verður haldin í Boganum um helgina og líkt og í fyrra munum við aðstoða Ey-LÍV við hana. Við verðum með næturgæslu á föstudagskvöld (Kjartan og Anton kl. 00-08) og laugardagskvöld (Bubbi og Viðar).

Halli og Hemmi verða með kassaklifur á sunnudeginum frá 12-3 en þeim vantar einn með sér til aðstoðar.

Tækjamót Slysavarnafélagsins Landsbjargar er líka á laugardeginum og ætlum við líkt og undanfarin ár að vera fjölmennasta björgunarsveitin þar! Skráning er hjá Ragga og eins og venjulega er einnig hægt að koma á einkabílum. Munið að vera vel merkt í klæðnaði SL.

Að lokum er síðan gæsla á þorrablóti hjá félögum okkar á Svalbarðseyri. Stefán, Snorri, Gulla, Ólöf og Pétur voru búin að gefa kost á sig í þá gæslu.

Það er því skemmtileg helgi í vændum og gerum þetta með stæl.

Tækjamót!

Mon, 07 Feb 2011 08:38:00 GMT

Tækjamót Slysavarnafélagsins Landsbjargar verður laugardaginn 12.febrúar. Til stóð að halda Tækjamótið á Skaga en sökum snjóleysis verður mótið fært að nágreni Grenivíkur. Það verða; Björgunarsveitin Ægir á Grenivík, Súlur Björgunarsveitin á Akureyri og Hjálparsveitin Dalbjörg sem munu skipuleggja leiðir og manna fararstjórastöður. Skráningu hjá Ragnari 866-0524 þriðjudaginn 8. febrúar

Glæsilegur bíll

Mon, 07 Feb 2011 01:52:00 GMT

Við fréttum af því í gær að nýji bíllinn okkar hefði verið í fyrsta prufuakstur við Laugafell, vefurinn sendi ljósmyndara á staðinn sem náði þessari mynd af Hlyn og Inga með gripinn sem þeir hafa unnið að undanfarið.

Verð að segja.. "vel gert"

Almennur fundur.

Tue, 01 Feb 2011 10:59:00 GMT

Á sunnudaginn er fundur í Bangsabúð kl 20:30, húsið opnar kl 20. Á fundinum verður farið yfir dagskrá febrúars ásamt fleiru td. Tækjamót, keilukvöld, námskeið jeppaferð og fl.

Vonast til að sjá ykkur sem flest.

Styrkur til Dalbjargar

Tue, 01 Feb 2011 10:44:00 GMT

Á dögunum færðu tvær ungar stúlkur þær Birgitta Íris Árnadóttir og Valdís Sigurðardóttir hjálparsveitinni Dalbjörg peninga að gjöf. Þær höfðu safnað 7.809,- kr með því að selja þvottaklemmur í Reykárhverfi til styrktar Hjálparsveitinni. Klemmurnar höfðu þær sjálfar skreytt eins og fiðrildi. Við kunnum þeim bestu þakkir fyrir þetta flotta framtak. Takk stelpur =)

Útkall í Glerárdal

Wed, 19 Jan 2011 08:23:00 GMT

Sleðaflokkur Dalbjargar var kallaður út rétt fyrir kl. 16:00 í gær vegna slyss inn á Glerárdal. Þar hafði maður ekið fram af hengju á snjósleða og slasast við fallið. Tveir menn frá Dalbjörg fóru á staðinn til aðstoðar auk sleðadeildar Súlna og margra einkaaðila. Þyrla Landhelgisgæslunar sótti manninn sem var á mjög erfiðum stað með tilliti til flutnings. Hann var fluttur á FSA og dvaldi þar í nótt. Meiðsl hans reyndust ekki jafn alvarleg og talið var í fyrstu.

Fréttir af starfinu

Mon, 17 Jan 2011 09:58:00 GMT

Núna um helgina fóru Halli, Anton og Kjartan í æfinga ferð á Dalbjörg 2 upp í Réttartorfu og svæðið þar inn af. Gistu þeir eina nótt og komu heim heim í gærkvöldi.

Pétur og Viðar fóru í æfingaferð í gær á sleðunum. Ákveðið var að taka Glerárdalshringinn, upp á bakvið Hlíðarfjall og þar fram í Lamba og síðan Glerárdalinn til baka. Samtals 60 km.

Það er vinnukvöld í patrol í kvöld í bilinu hjá Bubba og Halla. Þeir sem hafa lausann tíma mæta og bóna.

Á miðvikudagskvöldið er síðan vinnukvöld í sleðunum. Það er eins og venjulega í bilinu hjá Bubba og Halla.

Dalbjargarblaðið á netinu.

Fri, 14 Jan 2011 10:21:00 GMT

Hjálparsveitin Dalbjörg gefur út blað um áramótin sem er dreift á okkar heimaslóðum og til styrktaraðila okkar. Þar er fjallað um starfið hjá okkur auk greina um björgunarmál. Blaðið má finna HÉR á tölvutæku formi.

Brjóta bein og fleira???

Wed, 12 Jan 2011 22:37:00 GMT

Þá er komið að því, núna reimum við á okkur íþróttaskóna og finnum svitaböndin og mætum út á strönd í Valsársskóla.
Mánudagskvöldið næstkomandi ætlum við í Dalbjörg og félagar okkar í Tý að mæta í íþróttahúsið þeirra í þeirra boði og leika okkar. Ræðst það af þvi hverjir mæta hvað við gerum s.s. fótbolti, bandí,körfubolti,blak eða það sem fólki dettur í hug.
Megið kvitta ef þið ætlið að mæta.

Unglingadeildin að hefja störf

Wed, 12 Jan 2011 21:56:00 GMT

Þá er starf unglingadeildarinnar Bangsa að hefjast en er að með breyttu sniði frá því sem var. Nú er unglingadeildin aðeins keyrð á vorönn og fram á sumar og er hún ætluð krökkum frá tíundabekk til 18 ára aldurs . Er hugsunin með því að hafa starfið markvissara og skilar sér betur til þeirra sem taka þátt.
Guðlaug Sigríður verður yfirumsjónarmaður og Helga umsjónarmaður en margir aðrir munu hjálpa til. Hugsunin er að þær tvær muni sjá um að halda utan um dagskrána sem er komin og sjá til þess að fá mannskap til að hjálpa til við kennslu eða verkefni. Við hin hinsvegar tökum vel í það þegar þær leita til okkar og er hugmyndin að aðeins verði leitað einu sinni til hvers og eins með að hjálpa til á hverri önn.
Starf deildarinnar verður kynnt í Hrafnagilsskóla á föstudag og þá geta krakkar skráð sig í hana sem ekki voru skráð í hana fyrir. Formleg dagskrá heldur síðan áfram í næstu viku með kassaklifri í íþróttahúsinu.

Janúar

n 14. Kynning á björgunarsveit ( í skólanum) Umsjónarmaður+stjórnarmaður .

n 18. Kassaklifur (seinnipartur í skólanum kl: 17-19) Smári+Halli+Snorri+umsjónarmaður

n 25. Kynnig á búnaði Dalbjargar, bílaflokk, sleðaflokk, hjálparliði og síðan kynning á klæðnaði og einstaklingsbúnaði (Kvöld, Bangsabúð). Bubbi+Palli+Ingi+umsjónarmaður

Febrúar

n 8. Skyndihjálparnámskeið (kvöld, Félagsborg) Umsjónarmenn+Sunna

n 22. Gönguferð Hulda+umsjónarmenn

Mars

n 8. GPS og rötun námskeið (kvöld, Félagsborg) Pétur+umsjónarmaður

n 19. Óvissunótt (ratleikur með áttavita, skyndihjálparverkefni ofl.)(föstudagskvöld, Bangsabúð) Umsjónarmenn

Apríl

n 5. Klifurveggur hjá Súlum (kvöld) Umsjónarmenn+Jóhann

n Að lokum þegar að hentar jeppaferð fyrir þá samviskusömu. Pétur, Víðir, Hlynur, Eisi, Raggi, Ingi, Viðar, Jóhann, Eysteinn, Elmar, Bubbi 3, Krisján+umsjónarmenn

Sumar

n Gönguferð í Sölvadal Umsjónarmenn+Víðir

n Tjaldútilega í Leyningshólum Umsjónarmenn+Binni.

Vinnukvöld

Wed, 12 Jan 2011 21:29:00 GMT

Annað kvöld kl. 20 verður vinnukvöld hjá okkur fram í Bangsabúð. Við þurfum að taka til eftir flugeldasöluna og snyrta húsið. Við reiknum með að vera fljót að þessu og geta sest niður og fengið okkur kaffi bolla á eftir. Við förum á Hiace frá Leirunni kl 19:30 þannig heyrið í Pétri eða Smára ef þið viljið far.

Eldur í hesthúsi

Fri, 07 Jan 2011 11:35:00 GMT

Rétt um miðnætti fékk Slökkvilið Akureyrar tilkynningu um eld í hesthúsi við Jódísarstaði í Eyjafjarðarsveit. Vonskuveður var á svæðinu og blindbylur. Ferð slökkviliðsins á eldstað sóttist hægt sökum slæms skyggnis. Hjálparsveitin Dalbjörg var einnig kölluð út, en sveitin aðstoðar slökkviliðið í eldútköllum og björgunarstörfum í Eyjafirði.

Fljótlega fengust upplýsingar um að engin dýr væru í húsunum og þegar slökkviliðið átti skammt eftir þá bárust upplýsingar um að húsið væri að mestu brunnið. Unnið var í að slökkva í glæðum og síðan að tryggja lausar þakplötur. Slökkvistarfi lauk um hálf þrjú og voru menn komnir aftur í hús klukkan fjögur í nótt.

Nýtt ár gengið í garð

Sun, 02 Jan 2011 12:43:00 GMT

Hjálparsveitin Dalbjörg óskar meðlimum hennar, íbúum Eyjafjarðarsveitar svo og landsmönnum öllum gleðilegs árs.

Fyrsti fundur ársins verður sunnudagskvöldið 9. janúar.

Útkall á Eyjafjarðardal

Fri, 31 Dec 2010 00:44:00 GMT

Á ellefta tímanum í gærkvöldi (fimmtudag) barst Hjálparsveitinni Dalbjörg ósk um aðstoð frá tveimur jeppamönnum sem voru í vandræðum inn á Eyjafjarðardal. Mennirnir sem eru á tveimur fjallajeppum höfðu ákveðið að fara niður dalinn í fyrradag, þegar þeir komu ofan í dal botninn sáu þeir að dalurinn væri ekki fær og ekki komust þeir til baka upp.

Þeir gistu inni í botni dalsins í fyrrinótt og eru í allan dag búnir að moka sig áfram um 10 km leið. Þar náðu þeir símasambandi og gátu beðið um aðstoð.
Núna eru 9 manns á þremur jeppum frá Dalbjörg komnir langleiðina að þeim. Freista á þess að ná bílunum til byggða í nótt en þeir munu vera eitthvað laskaðir eftir þessa svaðilför.

Við treystum á ykkar stuðning!

Wed, 29 Dec 2010 23:35:00 GMT

Hjálparsveitn Dalbjörg gerir út öflug björgunartæki og hefur mannskap sem leggur mikið á sig til að vera til taks fyrir þig.
Ágóði af flugeldasölu gerir okkur kleift að endurnýja búnað og mennta okkar mannskap.
Nú leitum við til þín!

Okkar árlega flugeldasala hófst í gær og er hún eins og áður í Hrafnagilsskóla. Það er opið frá kl 10-22 á morgun og á Gamlársdag frá kl 9-16.
Við treystum á ykkar stuðning.

Flugeldasalan nálgast

Tue, 21 Dec 2010 17:36:00 GMT

Þá er farið að styttast í flugeldasöluna, Hermann hefur umsjón með öllu sem tengist sölunni og ég vona að menn taki vel við sér þegar að hann óskar eftir mannskap í hana. Við verðum með söluna á Hrafnagili og byrjum 28. og þá þarf mikið af mannskap til að koma sölustaðnum upp.
Einnig vantar mannskap á næturvaktir þannig ekki bíða með að hringja í Hemma og gefa kost á ykkur í verkefnið.
Blaðið er komið í uppsetningu og verður vonadi prentað annaðkvöld. Þeir sem vilja nálgast blaðið fyrir jólin geta heyrt í mér. Annars ætlar Snorri að sjá um dreifingarmálin á því annan í jólum þannig látið hann vita ef að þið getið farið í bíltúr.
Kveðja frá formanninum ykkar.

Aðstoð við að ná kindum.

Wed, 08 Dec 2010 22:28:00 GMT

Hjálparsveitin fór síðasta laugardag og aðstoðaði bændur við að ná kindum inn á Sölva og Þormóðsstaðardal. Kindurnar höfðu orðið eftir göngum í haust og var vitað að einhverjar héldu sig inn á dölunum.

Þema litlu-jólanna í ár er.....

Thu, 02 Dec 2010 21:35:00 GMT

durururururummmmm..

SILFUR!!!

Allir að mæta í silfurfötunum sínum.. (eða a.m.k. með aukahluti) aðrir verða reknir út.

Pakkapakka...

Thu, 02 Dec 2010 09:44:00 GMT

Jæja, nú fer að líða að þessu... !

Eins og á undanförnum árum ætlum við að hafa pakkaleik á litlu-jólunum. Þeir sem vilja vera með verða að koma með einn pakka og svo verður spennandi að sjá hver fær hvaða pakka !

Við ætlum að miða við 1000 krónurnar í ár - gjöfin á ekki að kosta meira en það.
Annars er komin frábær skráning á litlu-jólin, 26 manns, svo þetta verður augljóslega mikið fjör.

Frekari upplýsingar um hátíðahöldin koma inn bráðlega.

Kveðja

Jólanefndin ógurlega.

Jólagleði Dalbjargar

Sat, 27 Nov 2010 16:47:00 GMT

Nú er hafin skráning á jólagleði Dalbjargar. Hún verður haldin í Funaborg þann 4. desember næstkomandi. Húsið opnar kl. 19:00 og dagskrá hefst kl. 19:30.

Skráningin stendur til þriðjudagskvöldsins 30. nóvember og hvetjum við alla til að skrá sig! Hægt er að skrá sig hér í athugasemdum, eða hringja í Sunnu í síma 8654926.

Kveðja

Jólanefndin ógurlega.

Slökkviliðsæfing við Torfufell

Thu, 25 Nov 2010 10:42:00 GMT

Slökkvilið Akureyrar og Hjálparlið Dalbjargar hélt seinni samæfingu af tveimur í gær við Torfufell í Eyjafjarðarsveit. Markmið æfinganna var tvíþætt annarsvegar þar sem að reyndi á stjórnunarþætti eins og aðkomu, skipulag og samskipti og hinsvegar á slökkvistörf þá aðalega reykköfun og vatnsöflun.

Það voru A og B vakt Slökkviliðs Akureyrar sem tóku þátt í æfingunni í gær auk Hjálparliðs Dalbjargar. Dagurinn byrjaði með fyrirlestrum sem að Pétur R. og Björn Heiðar sáu um og síðan tóku vaktirnar skrifborðsæfingu fyrir verkleguæfinguna.

Klukkan 12 var Slökkvilið boðað út í útkallsæfingu í Torfufell, tilkynnt var um eld í útihúsum og að tveir menn hefðu farið inn til að bjarga skeppnum. Hjálparlið Dalbjargar var boðað út með sms á sama tíma.

Æfingin var keyrð líkt og ein vakt fengi útkallið (7 manns) og hún fengi síðan liðsstyrk frá seinni vaktinni auk bíla og búnaðar.
Varðstjóri SA lét tengja saman Tetra rás slökkviliðs og útkallsrás Dalbjargar þannig að þegar að Hjálparlið fór úr húsi kölluðu þeir sig inn og gátu átt samskipti við SA og neyðarlínu. Með þessu móti gat Varðstjóri SA fengið upplýsingar af vettvangi þegar að Hjálparliðið kom á vettvang.

Hjálparliðið mætti ca. 15 mínútum á undan SA á vettvang, gáfu þeir upp stöðu til Varðstjóra SA og fóru síðan í það að leggja 450 metra langa fæðulögn í næstu á til að tryggja vatn á staðinn. Þegar að slökkviliðið mætti á staðinn voru þeir langt komnir með lögnina en þeim vantaði aðra dælu til að geta raðdælt vatni um lögnina. Þeir fengu boð um að FOX brunadæla væri væntanleg og biðu þeir eftir henni og komu henni síðan fyrir og hófu raðdælingu þegar að það var klárt.
Á meðan hóf SA lífbjörgun í gripahúsi sem var áfast hlöðu sem mikill eldur var í. Þegar liðstyrkur kom var hann að mestu notaður í reykköfun og til að reyna að verja það svæði sem lífbjörgun fór fram.
Þegar að reykköfununni lauk fóru menn að endurskipuleggja sig og leggja áherslu á meiri vatnsöflun líkt og að tvöfalda lögn í vatnsból og kalla til annan búnað líkt og haugsugur hjá bændum.

Hjálparliðið sýndi okkur hvað það er gríðarlegur styrkur fyrir okkur að hafa hóp manna sem kemur okkur til aðstoðar við svona erfið verkefni sem brunar í sveit eru. Að vita af mönnum sem leggja mikið á sig við að koma vatni til okkar meðan við einbeitum okkur að lífbjörgun sem er í forgangi hjá Slökkviliðinu.

Trommusláttur.... dururumm...

Tue, 23 Nov 2010 13:57:00 GMT

Jólanefndin ógurlega hefur ákveðið að halda hina frábæru jólagleði laugardaginn 4. desember (næstkomandi, semsagt fyrir páska). Að venju verður hún í Funaborg og auðvitað svaka flott :-)

Skráning og fleira auglýst síðar.

Kveðja

Jólanefndin ógurlega.

Jólagleði á næsta leyti

Mon, 22 Nov 2010 20:45:00 GMT

Þessi mynd af Jólanefnd Dalbjargar barst í dag þannig að það fer ekki á milli mála að það verður gríðar flott gleði þetta árið.

Námskeið vetrarins

Thu, 18 Nov 2010 12:54:00 GMT

Nú er búið að skella inn nýrri síðu um námskeiðin sem okkur langar að halda í vetur. Eins og komið hefur fram á fundum ætlum við að einbeita okkur að því að sem flestir mæti á Endurmenntunarhelgina á Dalvík 11.-13. mars 2011. Einnig viljum við halda námskeið úr Björgunarmanni 2 sem eru sérhæfðari en þau sem við höfum tekið á síðustu árum. Hugmyndir að þeim og fleiri upplýsingar eru hér til hægri undir Námskeið 2010-2011.

Endilega skoðið málið og látið í ykkur heyra ef þið hafið skoðanir um hvaða námskeið við reynum að fá til okkar eftir áramót.

Hittingur á miðvikudagskvöld

Tue, 16 Nov 2010 08:58:00 GMT

Við ætlum að vera með hitting á miðvikudagskvöldið fram í Bangsabúð kl 20. Þar ætlum við að fara yfir búnað og laga aðeins til í húsinu okkar. Smári ætlar að verkstýra norður enda og sleðadótinu. Víðir eldhúsmella og fundarsal og Pétur suðrí búnaðargeymslu.

Vonumst til að sjá sem flesta

Kveðja Stjórnin.

Samæfing á svæði 11

Wed, 10 Nov 2010 18:39:00 GMT

Laugardaginn 13. nóvember verður sameiginleg æfing björgunarsveita á svæði 11. Æfingin hefst kl 9 um morguninn og mun standa fram eftir degi. Verkefni verða fjölbreytt og við allra hæfi og er því um að gera að taka daginn frá.

Þeir sem hafa geta mætt á æfinguna mega skrifa það í athugasemdir eða láta Pétur vita í síma 861-4085.

Slökkviliðsæfing í Torfufelli

Wed, 10 Nov 2010 18:00:00 GMT

Slökkvilið Akureyrar hélt eina af tveimur haustæfingum sínum fyrir varðlið sitt og Hjálparlið Dalbjargar í gær. Æfingin var haldin á bænum Torfufelli í Eyjafjarðarsveit þar sem var æfð aðkoma og skipulag við bruna í útihúsum.

Æfingin var stillt upp þannig að Slökkviliðið fékk boð um eld í hlöðu á bænum og að tveir menn hefðu farið inn í áfast útihús til að ná skepnum út. Hjálparlið Dalbjargar var kallað út og komu þeir þeir á staðinn með kerru sem í er brunadæla og slöngur til vatnsöflunar.

Þegar að fyrsti bíll frá slökkviliði kom á staðinn fóru strax reykakafarar inn í leit voru þá hjálparliðsmenn langt komnir með að leggja hátt í 400 metra fæðilögn úr Torfufellsánni á staðinn. Síðar kom meiri liðsstykur og tæki frá slökkviliðinu og gekk æfingin þá út á að samhæfa aðgerðir eins og reykköfun og lífbjörgun, vatnsöflun, beina árás á eldinn og skipulag.

Alls komu 14 manns frá Slökkviliði Akureyrar og fimm hjálparliðsmenn frá Dalbjörgu að æfingunni sem tókst mjög vel.

Fundur á sunnudag

Thu, 04 Nov 2010 15:04:00 GMT

Um helgina er fyrsti sunnudagurinn í nóvember og þar af leiðandi fundur í Bangsabúð kl 20:30, húsið opnar kl 20. Meðal efnis á fundinum er dagskrá mánaðarins, samæfing á svæði 11. þar næstu helgi og margt fl. Þeir sem eiga eftir að fá peysurnar sínar eiga endilega að mæta og sækja þær.

Kveðja Stjórnin.

Vantar mannskap í sölu!

Mon, 01 Nov 2010 22:52:00 GMT

Við komum til með að keyra þetta í tveimur hollum allan tíman þannig að það þurfa fjórir að vera á vakt í hvert skipti. Þeir sem eru búnir að skrá sig á vaktir.

Fimmtudagur 18-22

Föstudagur 18-22

Laugardagur 10-14

Laugardagur 14-18

Sunnudagur 10-14

Sunnudagur 14-18

Hjálpið okkur að fylla í eyðurnar svo Viðar þurfi ekki að hringa út um allt. =)

Kveðja Stjórnin.

Fundur hjá sleðaflokki

Mon, 01 Nov 2010 22:40:00 GMT

Næstkomandi fimmtudagskvöld kl 20:30. verður fundur hjá sleðaflokki í bilinu hjá Bubba (Goðanesi). Þeir sem ætla að starfa með sleðadeildinni í vetur verða að mæta eða láta Bubba og/eða Smára vita. Meðal efnis á fundinum er ökumannalisti, umsjónarmenn sleðadeildar, plan fyrir veturinn ofl.

Kveðja Bubbi og Smári

Peysurnar mættar í hús

Sat, 30 Oct 2010 00:14:00 GMT

Þá eru peysurnar mætta í hús og við ætlum að hittast í Félagsborg á mánudagskvöldið kl 20 og útdeila þeim. Að auki verður farið yfir reykskynjara og neyðarkallssöluna á fundinum en salan byrjar á fimmtudag.

Allir að mæta og sækja peysuna sína

Sala á Neyðarkalli og reykskynjarayfirferð

Thu, 28 Oct 2010 09:21:00 GMT

Dagana 4.-7. nóvember munu við heimsækja öll heimili í sveitinni í árlegri yfirferð á reykskynjurum og munum við jafnframt bjóða Neyðarkallinn til sölu sem er árleg fjáröflun hjálparsveitanna.
Við viljum hvetja fólk til að taka vel á móti okkar fólki og styrkja öfluga hjálparsveit í heimabyggð.

Kveðja Hjálparsveitin Dalbjörg

Uppskeruhátíð félaga í Eyjafjarðarsveit

Tue, 19 Oct 2010 05:47:00 GMT

Kæru sveitungar. Hvernig væri að drífa sig og hittast í Funaborg fyrsta vetradag sem er 23. október 2010? Húsið opnar kl. 20:00 og borðhald hefst kl. 20:45. Á matseðli er gúllassúpa með brauði, kaffi og konfekt á eftir. Miðapantanir í síma 846-2090 Kristín, eða á netfangið; merkigil10@simnet.is, fyrir kl. 22:00 þriðjudagskvöldið 19. október. Miðinn kostar aðeins 2.500 kr. á manninn. Stuðsveitin; Í sjöundahimni, leikur fyrir dansi. Höfum gaman saman, koma svo. KvenBúnaðarHjálparfélagið SamFuni

Góð æfing í gærkvöldi

Wed, 13 Oct 2010 18:57:00 GMT

Í gærkvöldi héldum við æfingu fram við Bangsabúð. Elmar og Pétur voru búnir að setja upp þrjú verkefni og reyndu þau mismikið á þátttakendurna, s..s. í fyrstu hjálp og GPS kunnáttu. Það voru 19 manns frá Dalbjörg og Tý sem tóku þátt í æfingunni auk tveggja í svæðisstjórn.

Við viljum þakka öllum þeim sem mættu fyrir góða æfingu.

Kveðja Pétur og Elmar

Dalbjargaræfing á miðvikudag.

Mon, 04 Oct 2010 19:20:00 GMT

Fyrilestur og skipulag fyrir Dalbjargaræfinguna á miðvikudagskvöldið kl 20:00 í FÉLAGSBORG á Hrafnagili.
Nú er komið að Dalbjargaræfingunni og er hún fyrir alla félaga okkar auk þess að Týs mönnum er boðið að vera með. Elmar og Pétur sjá um að skipuleggja æfinguna sem verður í byrjun næstuviku (mán, þri eða mið). Æfingin verður keyrð að kvöldi til og er um 3 tímar. Annaðkvöld ætlum við að hittast á Hrafnagili og fara yfir skipulag á vettvangi og hvernig æfingin verður uppsett. Það er mikilvægt að allir mæti bæði kvöldið. Að auki munu nýju peysurnar verða til mátunar annað kvöld. Kveðja Pétur og Elmar

Viðurkenning til félagsmanna

Mon, 04 Oct 2010 19:08:00 GMT

Þá er komið að viðurkenningu til félaga okkar fyrir góð störf með björgunarsveitinni á þessu ári. Við erum búin að setja á list eftirtalda einstaklinga og höfðum við til viðmiðunar eftir talið. Að hafa tekið þátt í allavega þremur fjáröflunum og/eða unnið í tækjum sveitarinnar auk þess að hafa mætt á fund á þessu ári.

Ef einhvern vantar á þennan lista skal hann hafa samband sem fyrst við Pétur í síma 861-4085 eða drattarvel@hotmail.com .

Við ætlum að kaupa vandaðar ullarnærpeysur frá Hallvarssons og þurfa menn að máta þær á miðvikudagskvöldið í Félagsborg svo að hægt verð að panta þær. Aðrir sem eru nýbyrjaðir eða hafa ekki verið mjög virkir geta samt sem áður keypt sér peysuna líka og kostar hún 7500 kr. Þeir þurfa líka að máta og láta Pétur vita.

Kveðja Stjórnin.

Almennur fundur

Thu, 30 Sep 2010 06:53:00 GMT

Almennur fundur verður sunnudaginn 3. október kl. 20:30 í Bangsabúð. Húsið opnar kl. 20 þannig að það er um að gera að mæta tímanlega.

Meðal efnis á fundinum má nefna að dagskráin fyrir október verður kynnt, farið í gegnum hvað er að gerast í námskeiðsmálum, hvað ætlum við að gera í viðurkenningarmálum og auðvitað fullt af öðrum málum. Vonumst til að sjá sem flesta.

PS: Elmar mundu eftir mjólkinni.

Námskeið og fjarnám

Tue, 14 Sep 2010 12:44:00 GMT

Þeir sem mættu á síðasta fund fengu kynningu á nýju námskerfi Björgunarskólans og er það gjörbreytt. Það mun nýtast okkur sérstaklega vel þar sem að nú er meðal annars hægt að taka þrjú námskeið úr "Björgunarmanni 1" alfarið í fjarnámi á netinu.
Björgunarmaður í aðgerðum verður kennt í fjarnámi núna í haust og byrjar 27. sept. Einnig hefst námskeiðið Rötun í fjarnámi í dag. Nauðsynlegt er að skrá sig fljótlega. Við viljum hvetja alla sem eiga þessi námskeið eftir til að skrá sig á þau, því þau eru hluti af "4 námskeiðunum" til að komast á heildarútkallslistann hjá okkur.

Að auki eru fleiri námskeið í fjarnámi og félagar geta skráð sig á þau námskeið sem henta hverjum og einum. Við hvetjum alla að sækja sér menntun í "Björgunarmanni 1" með þessari aðferð. Hafið í huga að Dalbjörg greiðir fyrir námskeiðin þannig að við ætlumst til að félagar sýni áhuga og ljúki námskeiðum sem þeir skrá sig á.

Námskeið í fjarnámi:
Rötun - 15. september
Fyrsta hjálp 1 - 20. september.
Leitartækni - 20. september.

Björgunarmaður í aðgerðum - 27. september.

Stór hluti þessara námskeiða er kenndur í fjarnámi. Þau enda svo á mislöngum verklegum dögum sem eru haldnir um allt land. Hægt er að sjá hvenær þeir eru á dagskrá Björgunarskólans.

Sjá dagskrá Björgunarskólans HÉR

Til að skrá sig á námskeið eða skrá sig á innra svæði Björgunarskólans eru flestir með notendanafnið (kennitala) og síðan lykilorð (fyrstu fjórir stafir í nafni með stórann staf fyrst síðan punktur og 1234).
Dæmi fyrir Elísabet = notendanafn 2302803459 lykilorð Elis.1234

Inn á heimasíðu Landsbjargar undir Björgunarskólanum eru fullt af upplýsingum um nýja námskerfið og þið getið smellt HÉR til að horfa á myndband með lýsingu á þessu helsta.

Ef þið lendið í vandræðum með að skrá ykkur er möguleiki á því að smella á "Sækja lykilorð". Þá verður nýtt lykilorð sent til ykkar ef netfangið ykkar er skráð hjá Landsbjörg. Einnig getið þið hringt í Pétur 861-4085 eða á skrifstofu Landsbjargar í síma 570-5900.

Vinnutörn

Tue, 14 Sep 2010 12:14:00 GMT

Björgunarsveitin tók að sér að setja upp sýningarkerfi í Íþróttahöllinni líkt og við gerðum á Hrafnagili fyrir handverksýninguna. Týsmenn eru með okkur í þessu og byrjaði mannskapur á sunnudaginn að setja samann veggi en síðan mætti her manns 10 frá Dalbjörg og 4 frá Tý í gærkvöldi og henntu þessu upp á rúmlega 3 tímum.

Á fimmtudag kl 15:30 þarf síðan að rífa þetta niður á met tíma og þá þurfum við alla sem geta mögulega komist til að mæta þar sem að við höfum aðeins um 2-3 tíma í það verk. Þeir sem geta mætt verða að láta Ragnar vita.

Takk fyrir. =)

Útkall á Þverárfjall

Mon, 13 Sep 2010 13:19:00 GMT

Dalbjörg fékk ósk í um kl. 21. í gær um aðstoð við leit að gangnamanni sem týnst hafði á fjalllendinu milli Skagastrandar og Skagafjarðar í gærmorgun.

Mönnuðum við tvo, sex manna gönguhópa, tvo undanfara á klifurhjólum, bílstjóra og svæðisstjórnarmann sem voru klárir að fara á miðnætti vestur til að leysa af mannskap sem var við leit.

Gangnamaðurinn sem leitað hafði verið að kom fram heill á húfi um kl. 22. Hann gekk niður að bænum Ketu á Skaga og er talið að hann hafi gengið um 20 km. Hann var ómeiddur en nokkuð hrakinn og kaldur eftir langa göngu í slæmu veðri.

Sjá frétt á mbl.is hér .

Útkall í Hólafjall

Mon, 13 Sep 2010 10:49:00 GMT

Hjálparsveitin fór til aðstoðar í gær um kl 16. vegna gangnamanns sem slasast hafði í göngum í Hólafjalli ofan Hólakots.
Gangnamaðurinn, stúlka á táningsaldri hafði dottið og slasast á fótlegg og við það orðið viðskila við aðra gangnamenn. Fannst hún fljótlega og var búið um hana og borin niður úr fjallinu til móts við sjúkrabíl sem flutti hana til Akureyrar.

Útkall í Þorgeirsfjörð

Thu, 09 Sep 2010 10:41:00 GMT

Tækjaflokkur Dalbjargar var boðaður út kl 21:30 í gærkvöldi vegna veiks manns í Þorgeirsfirði út í Fjörðum. Fóru sjö manns á tveimur jeppum úteftir til aðstoðar.

Sjúkrabifreið með þremur sjúkraflutningamönnum fór áleiðis á staðinn ásamt björgunarsveitinni Ægi á Grenivík en þar sem slysið var utan alfaraleiðar voru fleiri björgunarsveitir boðaðar út til aðstoðar.

Þyrla Landhelgisgæslunnar var einnig boðuð út og sótti hún manninn og lenti með hann á Akureyri rétt fyrir miðnætti.

Fyrsti almenni fundur vetrarins

Tue, 07 Sep 2010 09:27:00 GMT

Hefur þú áhuga á útivist, ferðalögum og skemmtilegum félagsskap? Þá er Hjálparsveitin Dalbjörg málið fyrir þig.

Almennur fundur

Fri, 03 Sep 2010 07:40:00 GMT

Fyrsti fundur haustsins verður haldinn í Bangsabúð 11. september kl 20:00. Ákveðið var að færa hann þangað þar sem að fyrstu göngur eru núna um helgina og margir sem verða þreyttir og með strengi núna á sunnudag.
Það eru mörg áhugaverð málefni sem þarf að ræða og skýra frá s.s.

Ég vil hvetja ykkur til að mæta og taka þátt í umræðunni því nú verður margt ákveðið og stjórn vill að sem flestir komi að málunum.

Handverks-slútt!

Tue, 17 Aug 2010 22:06:00 GMT

Föstudagskvöldið 20. ágúst verður haldið handverksslútt í Laugarborg. Það hefst kl. 20:30, og verður farið yfir myndir og starfið á Handverkshátíðinni, auk þess sem léttar veitingar verða í boði. Allir sem lögðu hönd á plóg við hátíðina eru velkomnir, og við hvetjum sem flesta til að mæta!

Vinnukvöld hjá tækjaflokki

Tue, 17 Aug 2010 11:38:00 GMT

Í kvöld verður vinnukvöld hjá tækjaflokki. Það verður á Akri og mæting er kl. 20:00. Frekari upplýsingar gefur Eiður í síma 8615537.

Fjölskyldu útilega Dalbjargar í Ásbyrgi

Tue, 10 Aug 2010 21:22:00 GMT

Nú er stefnan tekin í Vesturdal við Ásbyrgi og er planið að menn hittist þar á föstudagskvöldi.

Útkall við Hrafnagil

Mon, 09 Aug 2010 18:11:00 GMT

Lögreglan á Akureyri boðaði út björgunarsveitir á svæði 11. um kl 15. í dag vegna konu sem saknað var við Hrafnagil. Konan sem er á fimmtugsaldri hafði farið í göngutúr snemma í morgun og ekkert hafði til hennar spurst eftir það. Hjálparsveitin Dalbjörg og Súlur björgunarsveit hófu leit á líklegum svæðum næst Hrafnagili. Klukkan 16:30 fundu björgunarsveitarmenn á mótorhjólum konuna í fjalllendi ofan Hrafnagils voru þá yfir 30 björgunarsveitarmenn í leit. Konan fann til slappleika og svima og hafði sofnað, henni var fylgt niður og þar hlúðu björgunarsveitarmenn að henni.

Útilega í Ásbyrgi

Sat, 07 Aug 2010 11:33:00 GMT

Helgina 13-15 ágúst stefnum við á útilegu þar sem að við ætlum að leika okkur og hafa góða stund saman.

Allt klárt fyrir Handverkshátíð

Fri, 06 Aug 2010 09:35:00 GMT

Undanfarna daga og vikur hefur verið mikið að gera hjá okkur við að undirbúa Handverkshátíð og í gær var loka dagur í undirbúningi þegar að tjöldin komu norður. Voru 14 manns frá Dalbjörgu meira og minna í allan gærdag á Hrafnagili að setja upp tjöld og útisvæðið.

Í dag klukkan 11:30 mun Gísli Einarsson fréttamaður setja sýninguna og fer þá allt á fullt á sýningarsvæðinu. Við verðum með mannskap alla dagana á sýningunni og búið að manna þetta allt en við verðum með sjúkragæslu, umsjón með brunaslöngubolta, grill og umsjón með kvöldvöku auk annara umsjónarverka þar sem að Snorri og Raggi eru á fullu.
Þeir sem hafa komið að sýningunni á einn eða annan hátt frá frítt á sýninguna, talið við Ragga og fáið armbönd.

Vil síðan minna ykkur á að ALLIR þurfa að mæta um kl 18 á mánudag til að taka niður sýninguna. það er mjög mikilvægt.

Kveðja Pétur

Fréttir af starfinu

Fri, 30 Jul 2010 10:13:00 GMT

Það er búið að vera mikið um að vera hjá okkur undanfarið og vil ég þakka ykkur öllum fyrir að vera svona jákvæð og dugleg. Hér koma nokkrir molar af því helsta sem er búið að vera í gangi hjá okkur.
Ég vil minna á að allir þeir sem að koma að vinnu við Handverk fá frítt á sýninguna. Raggi mun hafa umsjón með því að útdeila armböndum til ykkar.

# Vinna við handverk er í fullum gangi og núna er aðeins einn dagur (fimmtudagurinn 5. ágúst) í loka uppsetningu á tjöldum og öðru. Þar þurfum við alla sem mögulega geta mætt, til að hjálpa til.

# Það þarf að baka fyrir handverkið eins og þið sjáið í fréttinni hér fyrir neðan.

# Eiður, Halli og Smári eru að koma heim í dag en þeir eru búnir að vera í Hálendisgæslu á Sprengisandi síðustu vikuna og höfðu mikið að gera.

# Það var gæsla á tjaldsvæðinu á Hrafnagili um síðustu helgi.

# Gæsla á tjaldsvæðinu á Hrafnagili um versló er mönnuð og verða 10 félagar sem að skipta henni með sér.

# Dalbjörg 1 er á Akri og þar eru Hlynur og Ingi að fara að byrja að breyta og bæta bílinn.

# Dósadallinn á Hrafnagili höfum við þurft að tæma reglulega.

Ég vona að ég mæti sama viðhorfinu áfram og að þið látið vita þegar að þið komist. Þið sem hafið verið upptekin, ekki hika við að heyra í okkur því að þá verður þetta enn léttara og skemmtilegra fyrir alla.

Kveðja,

Pétur formaður.

Bakstur fyrir Handverk

Fri, 30 Jul 2010 09:32:00 GMT

Öll vinna fyrir handverk er á áætlun og núna þurfum við að biðja ykkur um að taka fram hrærivélina og baka tvær ofn skúffur. Allir sem leggja til vinnu (t.d. bakstur) fyrir handverkið fá armbönd og frítt inn á sýninguna þannig að ef þið getið ekki bakað sjálf þá er um að gera að plata einhvern nákominn til að baka !

Við getum valið um tvær tegundir til að baka og Raggi þarf að vita hverjir ætla að baka fyrir þriðjudag. Kökurnar þarf síðan að koma með á Hrafnagil á föstudag og laugardag.
Hér fyrir neðan eru uppskriftir að þeim tegundum sem við getum bakað.

Prentið þetta endilega út og gerið allt vitlaust í eldhúsinu :)

Handverkshátíð vinnuplan

Mon, 12 Jul 2010 11:32:00 GMT

Vinnan um síðustu helgi gekk mjög vel og núna erum við búin að setja niður þá daga sem við þurfum að mæta og undirbúa handverkshátíðina.
Það eru tvö kvöld og einn dagur sem að við þurfum að fá mannskap í til að setja upp búnað fyrir hátíðina, tveir menn alla hátíðina í sjúkragæslu og síðan mánudagskvöldið eftir hátíðina í frágang á öllu.

Þá er það upptalið sem við þurfum að gera í stórum dráttum svo núna skulum við gefa okkur tíma í þetta. Margar hendur vinna létt verk!
Það væri frábært ef þið gætuð skrá ykkur hérna við fréttina hvaða dag/daga þið getið komið.

P.S.
Ef þið fáið Boða eða sms þá óskum við eftir að þið látið vita til baka hvort þið komið eða komið ekki. Þetta á við um alla sem fá skilaboðin þannig að ekki þurfi að senda út mörg skilaboð.

Ragnar 866-0524
Pétur 861-4085

Handverkshátíð

Tue, 06 Jul 2010 20:25:00 GMT

Jæja félagar þá er vinna fyrir handverkshátíð að fara á fullt, Ragnar hefur umsjón með því verki og núna er búið að skipuleggja törn næstu daga. Ég vil minna fólk á að þetta var okkar stærsta fjáröflun í fyrra þannig að menn verða að gefa sér tíma til að sinna þessu og því fleiri því léttara verður þetta fyrir alla.

Hjálparsveitin mun sjá að mestu um alla uppsettningu og frágang fyrir handverkið og lítil vinna á sjálfu handverkinu. Það er kostur fyrir okkur og við getum því byrjað núna næstu daga, sölubásakerfið kemur um helgina og við þurfum að setja það upp þá (lau-sun) síðan þarf að teppaleggja og laga til í stofum og verður það núna á miðvikudags og fimmtudagskvöld. Það þýðir að við öll þurfum að mæta einhvern af þessum fjórum dögum, hringið því sem fyrst í Ragnar í síma 866-0524 og takið frá daginn sem þið komist.

Gerum þetta skemmtilegt, tökum þátt.

Kveðja Stjórnin

Almennurfundur

Sat, 03 Jul 2010 12:17:00 GMT

Annað kvöld, sunnudaginn 4. júlí verður haldinn almennur fundur í Bangsabúð. Fundurinn byrjar kl. 20:30 og þar verður dagskrá næstu tveggja mánaða kynnt. Ragnar mun fara í gegnum málefni Handverkshátíðarinnar sem verður aðra helgina í ágúst og menn eru beðnir að taka þá helgi frá. Sumarnefndin hefur skipulagt ferð í Ásbyrgi sem við ætlum að ræða um, og einnig verður fjallað um hálendisgæsluna og önnur mál.

Leyningshólar

Mon, 28 Jun 2010 17:43:00 GMT

Nú er málið að taka fram tjöldin og útilegudótið og mæta í Leyningshóla á laugardaginn!

Útkall á Eyjafjarðardal

Thu, 24 Jun 2010 12:19:00 GMT

Lögreglan á Akureyri óskaði eftir því upp úr kl. 7 í morgun að Dalbjörg færi til aðstoðar við sjö ungmenni sem höfðu farið á einum fólksbíl upp í Laugafell í gærkvöldi. Þegar þau voru á leiðinni heim aftur götuðu þau tvö dekk og gat kom á bensíntankinn þannig að lengra vildi bíllinn ekki.

Ingvar fór á "Dalbjörg 2" og sótti þau en þá voru þau komin vel niður á Eyjafjarðardal og orðin köld og hrakin. Farið var með krakkana í skýrslutöku hjá lögreglunni áður en þeim var skutlað til síns heima.

Tjaldsvæðagæsla

Mon, 14 Jun 2010 17:56:00 GMT

Núna líður að bíladögum og fólkinu sem fylgja þeim. Við höfum verið beðin að vera með gæslu á tjaldsvæðinu á Hrafnagili líkt og undanfarin ár. Því vantar okkur fólk í gæslu á miðvikudag (2x2 stöður), fimmtudag (3 stöður), föstudag (3 stöður), laugardag (3 stöður) samtals 13 stk. ca. 3-4 tíma vaktir.
Við viljum biðja ykkur að hafa samband við Eið (861-5537) til að skrá ykkur á vakt og til að fá nánari uppl.

Einnig verðum við með kassaklifur á laugardaginn vegna Kvennahlaupsins á Hrafnagili. Þeir sem vilja hjálpa til mega hafa samband við Sunnu í síma 8654926.

Girðingarskemmtiganga

Tue, 01 Jun 2010 10:51:00 GMT

Jæja þá ætlum við í heilsubótargöngu á fimmtudag upp með Mæðuveikisgirðingunni. Það er spáð 12° hita og sól þannig að þetta verður bara gaman. Mæting kl 19:30 við Rifkelsstaði og allir helst með hamar eða naglbít.

Sumarferð 5. júní

Sun, 30 May 2010 23:30:00 GMT

Nú er komið að fyrsta skipulagða atburðinum sem sumarnefndin hefur verið að plana og það er ferðin í Kotagilið, sem er í Norðurárdal. Því næst er hugmyndin að renna í Merkigil sem er í Austurdal í Skagafirði.

Planið er að leggja af stað laugardaginn 5. júní um kl. 10, labba inn í Kotagilið og snæða þar kakó og kleinur við fossin sem er í botni gilsins. Við komum svo við í Varmahlíð á leiðinni í Austurdalinn svo menn geti fengið sér pulsu og rjóma:) Rennum svo í Merkigilið og löbbum ofan í gilið en það er víst mjög flott.

Eftir það liggur leið heim, nema að menn viti um eitthvað fleira sniðugt sem er hægt að gera og ef tími gefst. Þessar leiðir eru báðar léttar og skemmtilegar en maður verður að hafa með sér aukaskó og hjálm því það geta alltaf fallið einhverjir smásteinar úr klettunum í Kotagilinu. Einnig er hugsanlegt að það þurfi að vaða ána á kafla til að komast inn að fossinum, en það er aldrei mikið í ánni þannig að menn og konur þurfa ekki að vera smeykir við hana. Ef að það eru einhverjir sem vilja koma með en eiga ekki hjálm eða hafa aðrar spurningar þá er bara að hafa samband við okkur og við reynum að redda því.

Við hvetjum alla til að skrá sig og taka þátt í þessari frábæru ferð sem verður ógley-man-leg.

Muna eftir réttum fatnaði:

Svo verða menn (og konur) að gera það upp við sjálfan sig hvað af þessu hentar.

Skráning er á síðunni í athugasemdum.
Ef einhverjar spurningar vakna þá endilega heyra í Halla í síma 847-9844

Kv. Nefndin.
Binni Síðbjúga, Haraldur Hárgrái, Massi Ferguson, Helga Marmelaði.

Hjálparslökkvilið á æfingu

Wed, 26 May 2010 23:18:00 GMT

Hjálparlið Dalbjargar var með æfingu í gær fram við Hóla. Æfingin byrjaði í Bangsabúð með yfirferð á kerru og var búnaður klár til notkunar. Hjálparliðsmenn fengu síðan 3 nýja (gamla) slökkvigalla frá Slökkviliði Akureyrar þannig að núna eru Hlynur, Víðir, Ólafur, Ingvar, Guðmundur og Jóhannes komnir með slökkvigalla.

Tekin var smá upprifjun um vatnsöflun og farið í gegnum “Bæjarmöppuna” og velt upp hvaða bæir eru erfiðir m.t.t. vatnsbóla. Pétur kom með slökkvibíl og fóru menn vel í gegnum helsta búnað á honum.
Síðan var farið suður í Hóla þar sem Ingi hafði komið fyrir öndvegis Lödu sem beið eftir okkur. Menn æfðu sig hver og einn á sveitardælunni, lögðu lagnir og síðan var kveikt í Lödunni og menn æfðu sig í að slökkva í henni og hvernig mestum árangri er náð með vatni. Æfingunni lauk um þrjú leitið.

Æfing hjá Hjálparliði

Mon, 24 May 2010 11:14:00 GMT

Þriðjudag kl 10 verður æfing hjá hjálparslökkviliði Dalbjargar. Byrjað verður á bóklegri upprifjun í Bangsabúð og síðan farið út á mörkina til æfinga.

Fundur hjá sumarnefnd.

Tue, 18 May 2010 14:05:00 GMT

Góður fundur í gærkvöldi

Mon, 03 May 2010 11:55:00 GMT

Á fundinum í gær var farið í gegnum mörg mál, gerðar breytingar á skipulagi og ákveðið að ráðast í framkvæmdir, en yfir 20 manns mættu á fundinn. Helstu mál voru:

Ekki verður unnt að taka námskeið í straumvatnsbjörgun eða björgunarmaður í aðgerðum líkt og stefnt var að. Þess í stað er í skoðun að taka "FJALLABJÖRGUN 1" sem yrði þá kennt á tveimur kvöldum og einum laugardegi. td. 26., 27. og 29. maí eða 23., 24. og 26. júní.

Fagnámskeið í leitartækni

Mon, 03 May 2010 11:25:00 GMT

Dagana 13-16 maí verður Fagnámskeið í leitartækni haldið á Akureyri. Við vonumst til að geta sent áhugasama aðila á námskeiðið og þeir síðan miðlað áfram til okkar við kennslu og stjórnun.

Allir í keilu!

Mon, 03 May 2010 11:17:00 GMT

Nú ætlum við að drífa okkur í keilu miðvikudagskvöldið 12. maí kl 20:00. Við þurfum að panta brautir í tíma þannig við viljum biðja ykkur að skrá ykkur hérna í athugasemdum.

Kveðja stjórnin =)

Almennur fundur 2. maí

Mon, 26 Apr 2010 10:09:00 GMT

Fundurinn verður að venju í Bangsabúð og hefst kl. 20:30.

Dagskrá fundar:

Dagskrá næstu mánuði:

Maí

Júní

Ársáætlun Dalbjargar má sjá hér til vinstri undir "Dagskrá".

Ný stjórn tekin til starfa

Mon, 26 Apr 2010 01:02:00 GMT

Í gærkvöldi var fyrsti fundur nýrrar stjórnar og tók Pétur R. við formennsku Dalbjargar og stjórn skipti með sér verkum.

Stjórn er þannig skipuð:

Hermann Ingi, Ingvar Þröstur og Helgi Hinrik gengu úr stjórn og viljum við þakka þeim fyrir vel unnin störf.

Fjölskyldudagurinn

Mon, 19 Apr 2010 08:59:00 GMT

Fjölskyldudagurinn heppnaðist vel í alla staði. Um 40-50 manns mættu upp á Víkurskarð í fínu veðri og sást meira að segja til sólar part úr degi.
Allir mættu með eitthvað til að renna sér á og nóg var af vélsleðum á staðnum til að draga krakkana upp brekkurnar. Eftir að allir höfðu leikið sér í góða stund var grillið tekið fram og pylsum skellt á það.

Dagurinn heppnaðist vel í alla staði og allir héldu ánægðir heim.

Ný stjórn

Fri, 16 Apr 2010 13:38:00 GMT

Ný stjórn var kosin á aðalfundi Hjálparsveitarinnar Dalbjargar í gær. Kosnir voru formaður, sérstakri kosningu, og síðan þrír stjórnarmenn. Eftir fundinn sagði gjaldkeri sveitarinnar af sér, þannig að fyrsti varamaður gekk inn í stjórn. Er hún sem hér segir:

Hinir nýju stjórnarmenn hittast von bráðar á sínum fyrsta stjórnarfundi og munu þá skipta með sér verkum.

Fjölskyldudagur Dalbjargar 2010

Thu, 15 Apr 2010 09:31:00 GMT

Nú er komið að hinum árlega fjölskyldudegi Dalbjargar. Hann verður haldinn næsta sunnudag, þann 18. apríl uppi á Víkurskarði. Þangað eiga allir sem vettlingi geta valdið að mæta með sín tæki og tól til að renna sér á, hvort sem það er snjóbretti, vélsleði, snjóþota eða bara ruslapoki!

Dalbjörg verður með grill á staðnum, þannig að allir geta tekið með sér eitthvað gott á grillið til að gæða sér á eftir rennslið. Ekki spillir ef fólk myndi kippa með sér stólum og jafnvel útileguborðum, ekki seinna vænna að taka þau í notkun.

Þeir sem þurfa far upp á Víkurskarð geta mætt við Leirunesti kl. 10:30 á sunnudagsmorgun og fengið þannig far með bílum Dalbjargar. Aðrir mæta sjálfir upp á Víkurskarð kl. 11:00.

Við vonumst auðvitað eftir góðri mætingu og skemmtilegum degi saman á Víkurskarði.
Sjáumst hress!

Aðalfundur Hjálparsveitarinnar Dalbjargar 2010

Fri, 09 Apr 2010 17:55:00 GMT

Aðalfundur Dalbjargar verður haldinn í Sólgarði, fimmtudaginn 15. apríl kl. 20:30. Á dagskrá eru venjuleg aðalfundarstörf.

Að þessu sinni verður kosið um alla stjórnarmenn; formann, gjaldkera og þrjá stjórnarmenn. Við hvetjum fólk til að íhuga framboð og kynna sér lög Hjálparsveitarinnar Dalbjargar í því sambandi. Þeir sem ætla að gefa kost á sér eru beðnir um að hafa samband við Hermann í síma 8678586 eða á tölvupóstfang hemmi_7@hotmail.com í síðasta lagi mánudaginn 12. apríl.

Við hvetjum alla til að mæta, nýta sinn kosningarétt og gæða sér á veitingum í góðra vina hópi.

Ef einhver hefur áhuga á því að baka fyrir fundinn er sá hinn sami beðinn um að láta Marsibil vita í síma 8689094.

Kveðja, stjórnin.

Skoðunarferð að gosstöðvunum á Fimmvörðuhálsi

Tue, 06 Apr 2010 17:36:00 GMT

Nú eru Dalbjargarmenn að hugsa um að fylgja tískunni og gera sér ferð að gosstöðvunum á Fimmvörðuhálsi. Ekki viljum við vera eina fólkið á landinu sem ekki sér þetta mikilfenglega gos! Hugsunin er að fara um næstu helgi, eða föstudaginn 9. apríl. Það er ekki kominn nákvæmur tími á brottför, en þó verður ekki farið seinna en kl. 17:00. Farin verður svokölluð "landleið", eða þjóðvegurinn sjálfur. Verið er að skipuleggja gistingu í björgunarsveitarhúsi á svæðinu fyrir föstudagskvöldið, og svo sennilega gistingu í Reykjavík á laugardagskvöldið.

Farið verður á öllum bílum sveitarinnar ef næg þátttaka fæst og er pláss fyrir heilmarga í ferðina. Þetta verður án efa frábær ferð og gott tækifæri til að skoða svæðið. Þátttökugjald verður sennilega um 5000 kr. fyrir ferðina, innifalið í því er gisting, sameiginlegur matur á laugardagskvöldið og fleira.

Við hvetjum alla til að skrá sig í ferðina, en til að skrá sig og fá frekari upplýsingar má tala við Inga í síma 8940732 eða Bubba3 í síma 8485565.

Útkall á Akureyri

Sat, 03 Apr 2010 13:43:00 GMT

Hjálparsveitin Dalbjörg var kölluð út ásamt Björgunarsveitinni á Dalvík kl. 01:00 aðfaranótt föstudags. Þá var þegar búið að kalla út Súlur, björgunarsveitina á Akureyri.

Dalbjargarferðin mikla

Sat, 20 Mar 2010 15:08:00 GMT

Um næstu helgi, 26.-28. mars verður Dalbjargarferðin mikla farin. Nú hefur verið ákveðið að fara upp í Réttartorfu ásamt 4x4 klúbbnum og þaðan til að skoða Geysisflakið.

Fyrsti hópur fer frá Akureyri um kl. 16 á föstudaginn, en möguleiki er á að fleiri hópar fari síðar um daginn. Þá verður farið upp í Réttartorfu þar sem gist verður um kvöldið. Snemma á laugardagsmorgun verður haldið af stað til að skoða Geysisflakið. Þaðan verður farið niður í Dreka og gist þar um nóttina. Ekki er enn ákveðið hvaða leið verður farin heim, það fer eftir færð um helgina.

Frekari upplýsingar er hægt að fá hjá Eysteini í síma 8663199. Svo er hægt að skrá sig bæði hjá honum og hér á síðunni.

Vonumst til að sjá sem flesta!

Maður sóttur í Laugarfell

Fri, 19 Mar 2010 10:37:00 GMT

Miðvikudagskvöldið 17. mars fékk Hjálparsveitin Dalbjörg beiðni um að sækja mann upp í Laugarfell. Hann var í gönguhóp sem átti leið um svæðið, en hafði orðið fyrir því óhappi að detta og fara úr axlarlið við fallið. Þar sem hann var við góðar aðstæður í Laugarfelli var tekin ákvörðun um að sækja hann morguninn eftir, en gönguhópurinn hélt áfram sína leið. Farið var á báðum bílum sveitarinnar með 4 menn og ferðin gekk vel.

Dalbjargarferð!

Mon, 15 Mar 2010 14:51:00 GMT

Eins og flestir vita var áætlað að samtvinna Dalbjargarferðina við Tækjamót Landsbjargar. Nú er komið í ljós að Tækjamótið verður ekki haldið, en við höldum þó ótrauð áfram og ætlum okkur í skemmtilega ferð helgina 26.-28. mars.

Okkur langar að fá "frumskráningu" í ferðina hér á síðunni til að hafa hugmynd um hverja langar að skella sér með.
Það er enn algjörlega opið fyrir hugmyndir um hvert á að fara, þannig að nú auglýsum við eftir hugmyndum um nýja staði sem vert væri að líta á, já eða gamla og góða staði.

Hugmyndir, "skráning" (ekki föst skráning) og umræður skulu fara fram hér í athugasemdum.

Sleðadeildir keyra

Fri, 12 Mar 2010 09:37:00 GMT

Þar sem að hætt var við að renna suður í Hvanngil um þessa helgi hefur Kári á Dalvík boðist til að lóðsa sleðadeildir um túnfótinn hans. Sunnudagurinn er líklegastur upp á veðurspá, þannig að ferðatilhögun ræðst af því. Þeir sem vilja drífa sig með ættu að heyra í Kára í síma 823-3722 (á morgun).

Æfinga- og skemmtiferð

Thu, 11 Mar 2010 11:48:00 GMT

Nú verða allir að taka sig til og fá sér frí í vinnunni því að á laugardaginn ætlum við að drífa okkur í smá æfingaferð á tækjum Dalbjargar. Þetta verður svakalega gaman og allir eru hvattir til að koma með! Ætlunin er að hittast í Bangsabúð kl. 10:30 á laugardagsmorgun. Þaðan verður farið upp Vatnahjallann og upp í Laugarfell. Dalbjörg reddar grilli, mat og meðlæti en félagar sjá um drykkjarföng sjálfir. Svo verður auðvitað farið í laugina góðu um kvöldið.

Það eina sem þið þurfið að gera er að skrapa saman 1000 kalli fyrir gamninu (gistigjald og matur) taka til útifötin, góða skapið og allt sem því fylgir og skrá ykkur hér á síðunni. Vonumst til að sjá sem flesta!

Vinnukvöld hjá snjóbílaflokk

Wed, 10 Mar 2010 14:09:00 GMT

Það verður vinnukvöld hjá snjóbílaflokknum fimmtudaginn 11. mars kl. 20:00 í Bangsabúð. Þeir sem sjá sér ekki fært að mæta skulu láta Inga vita í síma 8940732.

Listi fyrir sleðadeildir

Fri, 05 Mar 2010 10:36:00 GMT

sleðadeildir

drattarvel@hotmail.com

Sameiginleg sleðaferð björgunarsveita

Fri, 05 Mar 2010 10:20:00 GMT

Næstkomandi sunnudag 7. mars boðar sleðaflokkur Súlna til sleðaferðar um nágrenni Akureyrar. Ferðin er ætluð fyrir sleðaflokka björgunarsveita á svæði 11 og nágrennis. Keyrt verður frá hitasveituskúrunum sem eru við ruslahaugana ofan Akureyrar.

Bílaflokksfundur

Mon, 01 Mar 2010 22:13:00 GMT

Það verður fundur hjá bílaflokk kl. 20:00 á miðvikudagskvöldið í Bangsabúð. Þar verður farið yfir bílamálin og niðurstöður tækjaflokksfundarins sem var um daginn. Við hvetjum sem flesta til að mæta sem áhuga hafa á þessum málum. Ef einhver getur ekki mætt þá skal sá hinn sami hafa samband við Ragga í síma 8660524 og láta vita.

Útkall í Vatnahjalla

Mon, 01 Mar 2010 18:49:00 GMT

Sleðadeildin var rétt komin í hús í dag þegar aðstoðarbeiðni kom frá mönnum sem staddir voru í Vatnahjalla inn á Eyjafjarðardal. Mennirnir, sem eru vatnamælingamenn, voru að reyna að koma sér upp Vatnahjallann á fulllestuðum sleðum með aftaní þotum og áttu í vandræðum þar sem hjallinn er illfær vegna púðurs. Skipt var um áhöfn og fóru Tómas og Viðar á björgunarsleðunum til aðstoðar. Það tók fjóra klukkutíma að hjálpa þeim upp hjallann og upp Hafrárdalinn. Mennirnir héldu síðan áfram för sinni en þeir ætluðu í Laugafell í kvöld.

Sleðaæfing í sólinni

Mon, 01 Mar 2010 18:33:00 GMT

Brynjar og Pétur fóru í æfingarferð í dag inn á Glerárdal, Lambárdal og Finnastaðardal. Veðrið var alger snilld; sól, mikið frost og endalaust púður yfir öllu.
Eknir voru rétt tæpir 100 km.

Sleðadeildaræfing

Mon, 01 Mar 2010 18:18:00 GMT

Í gær, sunnudag, fór sleðadeildin í æfingarferð um Súlumýrar, Reykárbotna, Vaðlaheiði og Fnjóskadal. Voru það sex félagar úr Dalbjörg en að auki bættist einn Súlumaður með í hópinn og keyrði með okkur. Skyggni var frekar dapurt framan af og mikil snjóblinda en seinnipartinn rættist úr veðri. Eknir voru 110 km. Þetta var jómfrúarferð nýju sleðanna og reyndust þeir gríðarvel.

Góður sleðafundur.

Sun, 28 Feb 2010 23:57:00 GMT

Í kvöld var haldinn samhæfingarfundur sleðasveita við Eyjafjörð í Súluhúsinu á Akureyri. Fundurinn heppnaðist mjög vel og var vel sóttur, mættu 25 manns frá sex hjálparsveitum á svæðinu. Pétur frá Dalbjörg og Vagn frá Súlum héldu stuttan fyrirlestur og komu með hugmyndir að sameiginlegum æfingum sveitanna auk þess sem farið var yfir kröfur varðandi búnað björgunarsleða ofl.

Anton fjallabjörgunarmaður kynnti síðan sprungubjörgunarbúnað til að hafa í sleðum og notkun hans. Sleðar frá Dalbjörg og Súlum voru til sýnis og sá staðalbúnaður sem fylgir þeim og N1 var með kynningu á hjálmum og búnaði tengt sleðum. Mikil ánægja var með fundinn og er stefnt að fyrstu æfingaferðinni 7. mars um Glerárdal og Hlíðarfjall með Súlumönnum.

Samhæfingarfundur sleðadeilda

Mon, 22 Feb 2010 18:29:00 GMT

Sunnudagskvöldið 28 febrúar kl 20:00 verður haldinn sleðafundur í Súluhúsinu (H12). Fundurinn er fyrir alla sleðaökumenn björgunarsveita og eru Súlur, Dalbjörg, Dalvík, Tindur, Ægir og Þingey boðuð á fundinn.
Á fundinum verður farið í gegnum búnað sleða og ökumanna, sameiginlegar æfingar og til að hópurinn kynnist. Sleðar og búnaður þeirra verða til sýnis auk þess að sprungubjörgunarbúnaður verður kynntur.

Þeir sem geta mætt mega láta vita.
Pétur 861-4085
Vagn 847-4230

Tækjaflokksfundur í kvöld

Thu, 18 Feb 2010 10:53:00 GMT

Í kvöld kl. 20:30 verður tækjaflokksfundur í Bangsabúð. Þar verður tilhögun og skipulag flokksins rætt, bæði sleða- og bílaflokks, og einnig umgengni og þrif á tækjunum okkar.

Þeir sem ætla sér að vera með í tækjaflokk eða hafa áhuga á starfinu og vilja fræðast meira um það geta haft samband við Eið í síma 8615537.

Við hvetjum auðvitað sem flesta til að mæta!

Útkall á Langjökul við Skálpanes

Mon, 15 Feb 2010 10:32:00 GMT

Björgunarsveitir Slysavarnafélagsins Landsbjargar voru kallaðar út um klukkan 17:30 í dag þegar kona og unglingur sem voru í vélsleðaferð með hópi á Langjökli urðu viðskila við hann. Búið var að kalla út alla sleða- og snjóbílaflokka björgunarsveitanna á höfuðborgarsvæðinu og allar sveitir á Suðurlandi.
Svæðisstjórn á svæði 11 fékk ósk um að fá alla sleðaflokka af svæðinu og vorum við settir í viðbragðsstöðu klukkan 21. Klukkan 23 var ákveðið að sleðasveitir Dalbjargar, Súlna, Dalvíkur og Tinds á Ólafsfyrði leggðu af stað í Hveravelli og myndu síðan hefja leit í birtingu. Vonsku veður var á landinu og mikil hálka á vegum. Þegar við vorum á leið suður Kjöl um kl 01:30 var útkall afboðað, fólkið var fundið heilt á húfi.

Snjóflóðaleit og snjóflóðamat

Mon, 01 Feb 2010 22:57:00 GMT

Nú er komið að næsta námskeiði hjá okkur, sem er snjóflóðaleit og -mat. Leiðbeinandi verður Anton Berg Carrasco og skráning fer fram hér . Námskeiðið byrjar fimmtudagskvöldið 4. febrúar kl. 20:00 í húsnæði Súlna, Hjalteyrargötu 12 . Það heldur svo áfram á laugardag og sunnudag, en nánari tími fyrir helgina verður ákveðinn á fimmtudagskvöldið.

Helstu þættir námskeiðs verða : Orsakir, eðli og gerðir snjóflóða, boðun snjóflóðaútkalla, fyrsta skipulag björgunarsveita, fyrri og seinni björgunarhópar, skipulag snjóflóðaleitar, leitaraðferðir, lífslíkur manns sem grafinn er í snjóflóði, meðhöndlun slasaðra og fleira.

Allir verða að hafa snjóflóðaýli og vera í góðum útifatnaði fyrir verklegar æfingar.

Við hvetjum auðvitað alla til að skrá sig, þetta er skyldunámskeið hjá okkur og nauðsynlegt til að ljúka Björgunarmanni 1. Einnig er þetta mjög mikilvægt námskeið fyrir alla sleðamenn.

Óveðursútkall

Wed, 27 Jan 2010 19:50:00 GMT

Um kl. 17:00 mánudaginn 25. janúar fóru 8 manns frá Dalbjörg að Ytri-Tjörnum þar sem þakgluggi hafði fokið upp. Farið var með rústabjörgunarkerruna, bönd og verkfæri og glugginn festur niður. Þegar aðgerð var lokið var haft eftirlit með glugganum til að gæta að því að hann fyki ekki upp aftur. Um kl. 19:00 hurfu björgunarsveitarmennirnir á brott, enda var farið að lægja.

Nýjir vélsleðar

Thu, 21 Jan 2010 22:07:00 GMT

Hjálparsveitin Dalbjörg hefur nú fest kaup á tveimur nýjum vélsleðum af gerðinni Arctic Cat Crossfire 8 Sno Pro. Eldri sleðarnir sem sveitin átti eru þegar seldir og hefur vinnan við sölu eldri sleðanna og kaup þeirra nýju gengið hratt og vel með hjálp góðra manna. Í dag koma nýju sleðarnir í hús og vinnan við að gera þá útkallshæfa fer á fullt.

Á myndinni sjást tveir stjórnarmenn Dalbjargar taka formlega við sleðunum úr höndum Péturs frá Arctic Sport innflutningsaðila Arctic Cat, og Birkis frá K2M sem er umboðsaðili Arctic Cat á Akureyri.

Fyrirtaks námskeið!

Tue, 19 Jan 2010 10:42:00 GMT

Mikil ánægja var með fjallamennskunámskeiðið meðal þátttakenda. Frá Dalbjörg fóru 5 manns og frá Tý á Svalbarðseyri mættu 3 félagar. Hægt er að fullyrða að allir skemmtu sér mjög vel, lærðu nýja hluti og rifjuðu upp gamla, og allir áttu það sameiginlegt að vera þreyttir en ánægðir eftir helgina.

Fjallamennska 1

Sun, 10 Jan 2010 14:36:00 GMT

Nú er búið að bæta aðeins við búnaðarlistann á fjallamennskunámskeiðið. Námskeiðið hófst í gær með fyrirlestri og hnútakennslu og skemmtu allir sér vel. Við ætlum svo að hittast hjá Munkaþverárgilinu kl. 08:30 í fyrramálið. Endilega skoðið listann vel og hafið samband við Smára ef eitthvað vantar.
Búnaður þáttakenda:

Það eru nokkrir þættir á þessum lista sem félagar eiga ekki allir í sínum einkabúnaði og þyrftu að fá lánað, en nokkrir sem fara ekki á námskeiðið eiga þennan búnað og eru tilbúnir að lána hann. Einnig er hægt að fá leigðan búnaðinn sem uppá vantar.

Þess vegna biðjum við þá sem annað hvort vantar búnað eða geta lánað búnað fyrir þetta námskeið að láta Smára vita í síma 8666186, en hann heldur utan um skráningu o.fl. fyrir þetta námskeið.

Við hvetjum þá sem eiga eftir að skrá sig að gera það hið fyrsta, þetta verður bara gaman!

Fjallamennska 1

Tue, 05 Jan 2010 09:16:00 GMT

Þetta námskeið verður haldið hjá okkur dagana 15.-17. janúar 2010. Námskeiðið byrjar á föstudagskvöldi í Bangsabúð þar sem hnútar verða kenndir. Á laugardegi og sunnudegi verður svo haldið á fjöll, þar sem verður farið í grunnatriði fjallamennsku. Þá verður farið yfir hvernig búnað skal hafa meðferðis á fjöllum, leiðarval, notkun ísaxar og hvernig á að ganga á mannbroddum. Það verður farið yfir snjó- og ístryggingar og línumeðferð, og einnig verður farið í létt ísklifur og sig. Leiðbeinandi er Friðjón Snorrason.

Þetta námskeið er mjög skemmtilegt og við hvetjum alla til að skrá sig. Þetta er líka hluti af björgunarmanni 1 sem allir verða að taka. Þeir sem hafa tekið námskeiðið en langar að fara aftur til að rifja hlutina upp eru líka hvattir til að skrá sig.

Skráning fer fram hér , eða á skrifstofu Landsbjargar.

Fundur annað kvöld

Sat, 02 Jan 2010 20:33:00 GMT

landsbjorg.is

Flugeldasala Dalbjargar í Hrafnagilsskóla

Wed, 30 Dec 2009 01:03:00 GMT

Flugeldamarkaður Dalbjargar er eins og áður í Hrafnagilsskóla og er sölustaðurinn opinn sem hér segir: 28. desember 10-22 29. desember 10-22 30. desember 10-22 31. desember 09-16 Vonumst til að sjá sem flesta til að styrkja mikilvægt málefni.

Dalbjargarblaðið 2009

Wed, 30 Dec 2009 00:52:00 GMT

Þá er blaðið komið út, stærra og auðvitað flottara með hverju árinu. Það er verið að dreifa blaðinu þessa dagana og verður því lokið fyrir áramótin. Ef þið smellið HÉR þá þá geti þið lesið net útgáfuna af blaðinu.

Kveðja Ritstjórnin

Sleðamenn í vandræðum

Sun, 27 Dec 2009 00:00:00 GMT

Seinnipartinn í dag fóru Smári og Valgeir á “Dalbjörg 2” að aðstoða sleðamenn sem voru að vandræðast á Eyjafjarðará við Torfur.
Þeir höfðu verið að aka eftir ánni og síðan ekið inn á svæði þar sem hún hafði rutt sig og bólgnað og var aðeins krapaskæni á ánni með nýföllnum sjó ofan á. Misstu þeir niður þrjá sleða mismikið og mislangt frá árbakkanum en mjög djúpt niður á botninn. Það þurfti að notast við spil, planka og langt tóg til að ná í sleðana. Björgunin tókst gríðarvel og var eftir á að hyggja góð æfing og reynsla sem nýtist fyrir félaga okkar sem voru staddir þarna.

Gleðileg jól

Sat, 26 Dec 2009 13:02:00 GMT

Við viljum óska ykkur gleðilegra jóla og farsæls nýs árs. Þökkum liðnar stundir á árinu og hlökkum til að halda áfram okkar öfluga starfi á nýju ári. Jólakveðja, stjórnin.

Mikið um að vera á næstunni

Mon, 21 Dec 2009 11:45:00 GMT

Þá er blaðið klárt í prentun. Það er bæði stærra og glæsilegra en í fyrra og vonandi verður hægt að sækja það á morgun. Í kvöld verður lögð lokahönd á vinnuna vegna blaðsins.

Snorri Páll stjórnar dreifingunni á blaðinu, en því verður dreift annan í jólum og þeir sem geta tekið þátt í því geta sett sig í samband við hann og fengið blöð.

Hemmi er að undibúa flugeldavertíðina á fullu og félagar þurfa að fylgjast með hér á síðunni eða setja sig í samband við hann ef þeir geta aðstoðað hann í þeirri vinnu.

Aðstoðarbeiðni

Fri, 11 Dec 2009 17:40:00 GMT

Laust eftir hádegi í gær fékk Eiður formaður símtal frá lögreglu um að bíll væri fastur við eyðibýlið Háls í Eyjafjarðarsveit. Hlynur og Víðir héldu af stað á Dalbjörg 2 og losuðu bílinn. Þarna var á ferð fólk sem er með skógræktarreit á Hálsi og var að höggva jólatré, en voru svo óheppin að festa bílinn sinn. Björgunarmennirnir fengu auðvitað bestu þakkir fyrir.

Vinnukvöld hjá sleðahóp

Tue, 08 Dec 2009 23:47:00 GMT

Þá er komið að vinnukvöldi hjá sleðahóp. Við ætlum að mæta í iðnaðarbilið hjá Bubba og Halla kl. 20:30 á fimmtudagskvöldið. Þar ætlum við að lagfæra sleðakerruna og síðan verður stuttur fundur á eftir um sleðahópinn og nýju sleðana sem eru væntanlegir. Þeir sem stefna á að vera í sleðahóp í vetur verða að mæta og/eða láta Pétur eða Smára vita.

Umsjónarmenn.

Klifurhópur

Tue, 08 Dec 2009 23:31:00 GMT

Núna ætlum við að smala saman mönnum til að mæta á æfingar með okkur í sigi, klifri og annarri spottabjörgun. Við stefnum á að vera með stuttar æfingar tvö sunnudagskvöld í mánuði.

Þeir sem hafa áhuga á að vera með okkur í fjallabjörgunarhóp eru beðnir að skrá sig hér í athugasemdum við fréttina.

Kveðja Pétur og Smári.

Námskeið í gærkvöldi

Sat, 05 Dec 2009 10:06:00 GMT

Í gærkvöldi var námskeiðið "Vélsleðamaður 1" haldið í Súluhúsinu á Akureyri. Yfirleiðbeinandi björgunarskólans í vélsleðamálum, Gílsi Páll Hannesson úr Kyndli í Mosfellsbæ sá um námskeiðið.

Mjög góð þátttaka var á námskeiðinu, rúmlega 20 manns frá björgunarsveitum á svæðinu. Frá sleðadeild Dalbjargar fóru 8 manns auk þess að formaðurinn okkar sat námskeiðið.

Námskeiðið var góð upprifjun og nokkrir punktar sem gott var að brýna á. Það markverðasta var samt kröfur og búnaður sem alltaf eru að aukast á sleðaflokka björgunarsveita. Meðal annars að sleðar séu alltaf útbúnir með sprungubjörgunarbúnaði og að ökumenn sleða hafi lokið "Björgunarmanni 1" auk vélsleðamanni 1, fyrstahjálp 2, Snjóflóðamat og veðurfræði á fjöllum.

Af þessum kröfum sýnist mér við standa mjög vel búnaðarlega, helst er að við þurfum að bæta sigbúnað sem fylgir sleðunum en ekki einstaklingsbúnað eins og þetta er í dag. Við þurfum samt að taka okkur aðeins á í námskeiðsmálum, þótt flestir séu búnir með "björgunarmann 1", fyrstuhjálp 2 og núna vélsleðamann 1.

Næstu námskeið sem verða tekin eru GPS-rötun upprifjun og snjóflóðaleit en þau verða bæði eftir áramót hjá okkur í Dalbjörgu. Síðast en ekki síst er fjallabjörgun 1 sem við tökum í vor, ég vil samt benda sleðadeildarmönnum á að mæta á æfingu/ar með "fjallabjörgunarhópnum" sem reynt er að hafa tvisvar í mánuði.

Fundur á sunnudagskvöldið

Fri, 04 Dec 2009 22:36:00 GMT

Það verður haldinn almennur fundur í Bangsabúð núna á sunnudagskvöldið, 6. nóvember. Öll skil á efni í blaðið verða að vera í síðasta lagi á fundinum og svo verður rætt um flugeldasöluna okkar og margt fleira. Vonumst til að sjá sem flesta !

Námskeið Vélsleðamaður 1

Sun, 29 Nov 2009 22:22:00 GMT

Föstudaginn 4. des verður haldið námskeiðið vélsleðamaður 1 í H-12 og hefst kl. 20:00. Leiðbeinandi verður Gísli Páll Hannesson

Námskeiðið er ætlað að búa byrjendur undir starf með sleðaflokkum björgunarsveita og rifja upp fyrir hina reyndari.

Skráning er á landsbjorg.is (munið kennitalan ykkar sem notendanafn og síðan fyrstu 4 stafirnir í nafninu ykkar síðan PUNKTUR og 1234) td. 101010-3459 og Sunn.1234

Nánari upplýsingar eru hjá Vagga í síma 847 4230

Litlu jólin 2009 - Ekki fyrir viðkvæma!

Wed, 25 Nov 2009 22:00:00 GMT

Jæja, nú eru litlu jólin um helgina og ég vona að það séu ALLIR búnir að skrá sig sem ætla sér að mæta!

Gleðskapurinn hefst stundvíslega kl 20:00 í Funaborg

Boðið verður uppá glæsilegan matseðil sem samanstendur af baneitruðum fordrykk, möndlubúðing í forrétt, aðalrétt ala nefndin og svo ljúffengum eftirrétt að hætti hússins.

Skemmtidagskráin verður þétt og þess má til gamans geta að boðið verður uppá söng, myndasýningu(alls ekki fyrir viðkvæmar sálir), leikþátt, annál og HAPPDRÆTTI þar sem spennan verður í hámarki, enda glæsilegir vinningar í boði. Við ætlum einnig að skiptast á pökkum eins og í fyrra og viljum við biðja ykkur að miða við 500kr.

Ekki verður gefið upp hver stjóri þessarar veislu verður en það mun koma skemmtilega á óvart!

Nefndin vill biðja ykkur um að mæta í snyrtilegum klæðnaði, í andlegu jafnvægi og með góða skapið!!

Við erum að sjálfsögðu eins og spenntir rottubogar af tilhlökkun og vonum að þið séuð það líka!

Kveðja, nefndin

Litlu jól Dalbjargar "SKRÁNING"

Sun, 22 Nov 2009 23:59:00 GMT

Laugardagskvöldið 28. nóvember (næstu helgi) höldum við litlu jól Dalbjargar. Þau verða haldin í Funaborg á Melgerðismelum og hefst gleðin kl 19:30. Boðið verður upp á dýrindis jólamat og skemmtun. Ég vil hvetja alla til að skrá sig og maka sem fyrst hér á síðunni .

Kveðja frá litlujólanefndinni

Unglingadeildarferð

Tue, 17 Nov 2009 11:55:00 GMT

Núna um helgina verður farin ferð með unglingadeildina upp í Réttartorfu. Það verður farið á bílum Dalbjargar frá Leirunesti kl. 10:00 á laugardagsmorgun og gist í skála Eyjafjarðardeildar 4x4 klúbbsins í Réttartorfu um nóttina. Það sem þarf að hafa með í ferðina er:

Frekari upplýsingar er hægt að fá hjá Marsibil í síma 8689094. Skráning er líka hjá Marsibil og henni lýkur kl. 18:00 á morgun, miðvikudag. Eftir þann tíma er ekki hægt að skrá sig lengur!

Frekari upplýsingar um hvað verður gert í ferðinni koma í skilaboðum og á síðunni á föstudaginn.

Námskeið í leitartækni

Mon, 16 Nov 2009 22:15:00 GMT

landsbjorg.is

Flugeldakynning

Fri, 06 Nov 2009 11:14:00 GMT

Þriðjudaginn 10. nóvember kl 19:00 verður Jón Ingi frá SL með kynningu á flugeldum í húsi Súlna á Akureyri. Þarna verða kynntar nýjar kappatertur, nýjar rakettur og margt fleira. Hann mun fara yfir nýjungarnar, ræða um flugelda og svo verður skotið upp. Þessi kynning er hugsuð fyrir alla félaga björgunarsveita, þannig að þeir sem ætla sér að vinna í flugeldasölunni um áramótin eru hvattir til að mæta og kynna sér vörurnar sem við verðum að selja.

Fundur hjá hjálparliðinu

Thu, 05 Nov 2009 23:58:00 GMT

Í kvöld var fyrsti fundur vetrarins hjá hjálparliði Dalbjargar. Gengið var frá eftir æfinguna á þriðjudag, dælan löguð auk annara lagfæringa á búnaði. Hugað var að öðrum lagfæringum á kerrunni eins og nýr dregari og dekk, inniljós og fl.

Neyðarkallinn og reykskynjarayfirferð

Wed, 04 Nov 2009 12:47:00 GMT

Um næstu helgi, eða 6.-8. október verður hin árlega reykskynjarayfirferð um sveitina. Meðlimir Dalbjargar munu að venju fara í öll hús í sveitinni og selja rafhlöður í reykskynjara, og einnig verður Neyðarkall björgunarsveitanna til sölu þessa helgi.

Eins og flestir vita er nauðsynlegt að skipta um rafhlöður í reykskynjurum einu sinni á ári, og nú þegar nær líður jólum er gott að huga að þessum málum. Einnig þarf að hafa í huga að skipta út gömlum reykskynjurum, en þá er hægt að panta í gegnum Dalbjörg, sem og annan búnað eins og slökkvitæki, eldvarnateppi og sjúkrakassa.

Neyðarkallinn verður til sölu sömu helgi og vonumst við eftir góðum móttökum eins og undanfarin ár.

Einnig verða félagar Dalbjargar með hundatalningu fyrir Eyjafjarðarsveit, en alla hunda þarf að skrá hjá skrifstofu Eyjafjarðarsveitar.

Við hvetjum félaga Dalbjargar sem eiga eftir að skrá sig hjá Ragnari að láta hann vita í síma 8660524, jafnvel þótt þið komist ekki.

Sjáumst hress um helgina!

Haustæfing með Hjálparliði Dalbjargar

Tue, 03 Nov 2009 22:41:00 GMT

Það var byrjað á að fara yfir málefni hjálparliðsinns s.s. fastan fundartíma sem verður fyrsta fimmtudagskvöld hvers mánaðar. Víðir Ágústsson var settur umsjónarmaður hjálparliðsins og Jóhannes Jakobsson honum til aðstoðar. Farið var í gegnum búnað liðsins og hvað vantar í hann.

Þar á meðal þarf að fá strax vatnsbólamöppu, skóflu, stunguspaða, járnkarl, verkfærakassa, minnislista fyrir þrýstingstap og breytitöflu Bör vs pund.

Bóklegur fyrirlestur um þrýstingstap var tekinn fyrir hádegi og vatnsbólamappan úr 61-132 var skoðuð með tillit til innstu bæa.
Tekið var stutt hádegishlé þar sem menn gæddu sér á “Girðingarsúpu”, brauði og fl.

Eftir hádegi var farið út í Hríshól og tekin æfing með dæluna og búnað frá Slökkviliði Akureyrar (61-132).

Að lokum var frágangur í Bangsabúð og smá rýnifundur.

Þeir sem mættu voru eftirtaldir og þrír boðuðu forföll.

Víðir Ágústsson
Jóhannes Jakobsson
Guðbjörn Elfarsson
Sverrir Reynisson
Hlynur Þórsson

Æfingin var frá kl 10-16:30.

Pétur R Tryggvason.

Æfing fyrir Hjálparlið Dalbjargar

Sun, 01 Nov 2009 11:36:00 GMT

Æfing verður með Hjálparliði Dalbjargar þriðjudaginn 3. nóvember í Bangsabúð. Æfingin er bæði bókleg og verkleg og verður farið í gegnum það sem ætlast er til af hjálparliðsmönnum. Boðið verður upp á léttan hádegisverð fremra. Kennari er Pétur Tryggvason s:861-4085

Dagskrá

10-12 Fyrirlestur um vatnsöflun.
12-12.30 Matur
12:30 Farið yfir búnað og í framhaldinu verkleg æfing með dælu sveitarinnar, auk dælu frá SA.
16-16:30 Frágangur, rýnifundur og æfingu lokið.

Almennur fundur á sunnudaginn

Fri, 30 Oct 2009 20:48:00 GMT

Á sunnudaginn verður haldinn fundur í Bangsabúð og þar ætlum við að ræða margt skemmtilegt. Fyrir fundinn verður vinnudagur - planið er að gera allt rosa fínt í húsinu. Eiður og Smári verða mættir í Bangsabúð uppúr kl. 14:00 og fólk getur byrjað að mæta þá og frameftir degi. Það verða pizzur í boði fyrir fundinn sem byrjar kl. 20:30 eins og venjulega.
Á fundinum verður rætt um hvernig landsæfingin var, reykskynjarayfirferðina og sölu á Neyðarkallinum um næstu helgi, Smári verður með fatakynningu og svo verður rætt um útkallsæfingu sem er áætluð í nóvember.

Þetta verður semsagt mjög fjölbreyttur og skemmtilegur fundur og við hvetjum fólk eindregið til að mæta.

Aðstoð við rjúpnaskyttu

Fri, 30 Oct 2009 20:00:00 GMT

Í dag fóru Elmar og Hlynur til aðstoðar rjúpnaskyttu sem hafði misst bílinn sinn út af veginum ofan við Þormóðsstaði í Sölvadal. Bíllinn var kominn út af veginum í sneiðingunum ofan við Þormóðsstaði og var í þann veginn að falla fram af. Félagi mannsins var líka á staðnum.

Hlynur og Elmar fóru á tveimur jeppum, Patrol hjálparsveitarinnar og einkabíl Elmars til að spila bílinn upp. Það gekk vel og gátu mennirnir haldið heim á leið um 5 leytið.

Fundur hjá sleðadeild

Wed, 28 Oct 2009 00:53:00 GMT

Fundur sleðadeildar 15.10.2009 Sleðadeildin hélt fyrsta fund vetrarins núna á dögunum fram í Bangsabúð. Byrjað var á því að þrífa sleðana, bóna og yfirfara þá. Auk þess sem við fórum yfir annan búnað sleðadeildar. Sleðarnir eru í topplagi og ekkert sem þarf að gera fyrir þá fyrir átök vetrarins. Dalbjörg 6. er keyrður 3155 km og Dalbjörg 7. er keyrður 3011 km. Að lokinni yfirferð settumst við niður og funduðum um málefni sleðadeildar. Í vetur eru uppi hugmyndir með að virkja meira samstarf milli sleðadeilda á svæðinu og eru Pétur og Vagn hjá Súlum búnir að velta upp nokkrum flötum á því meðal annars að vera með nokkrar sameiginlegar æfingaferðir. Búið er að panta námskeiðið “Sleðamaður 1” hingað norður og er reiknað með því að það verði miðvikudagskvöldið 25. nóv. Geymsla á sleðunum var rædd og erum við sammála um að þeir þurfi að vera geymdir á Akureyri yfir vetrartímann. Búið er að setja Tómas í að athuga með geymsluaðstöðu en Kristján er til í að leyfa okkur að hafa viðgerðaraðstöðu upp í iðnaðarbilinu hjá honum og Halla. Umsjónarmenn sleðadeildar eru að vinna í endurnýjunar málum á sleðum sveitarinnar, virðist það ekki raunhæft miðað við verðlag á nýjum sleðum í dag sem er um 3 milljónir. Verið er að skoða aðrar leiðir og skýrist það fljótlega. Stefnt er að GPS og rötun fyrir sleðamenn núna fljótlega. Önnurmál Fjarskiptamál rædd, GSM VS NMT. Klifurbúnaður er klár til að hafa með sér á sleða. Athuga með að fá fasta VHF stöð á hin sleðann, er í skoðun. Síðan ætlar sleðadeildin að aðstoða Palla við að græja sleðann hans betur. Mættir Kristján, Smári, Guðjón Páll, Elmar, Pétur, Snædís og Ásþór. Helgi, Viðar og Tómas boðuðu forföll.

Frábær landsæfing

Mon, 26 Oct 2009 09:10:00 GMT

Landsæfingu 2009 er nú lokið og við skemmtum okkur frábærlega um helgina. Björgunarsveitir á Reykjanesi eiga hrós skilið fyrir frábæra æfingu. Verkefnin voru skemmtileg og krefjandi og það gerði öllum gott að komast á svona æfingu og reyna á þekkingu sína.

Landsæfing!

Wed, 21 Oct 2009 22:16:00 GMT

Jæja, þá er það lokaspretturinn og ekkert annað eftir en að setja upp ofurbrosið og hafa góða skapið með sér! Planið er svona: Hittingur hjá Gellunesti (Shell) kl 16:30 á morgun, föstudag og er stefnt á að leggja af stað ekki seinna en kl 17:00.

Hér má svo sjá uppfærðan lista og frekari upplýsingar um landsæfinguna.

Sunna
Marsibil
Tobba
Sandra
Guðjón

Tækjahópur:
Eiður
Ingi
Smári

Eins og hefur komið fram hér áður þá hefst fundur fyrir hópstjóra kl. 7 og æfingin sjálf kl. 8. Henni lýkur svo kl 17 og öllum er svo boðið til veislu í boði Landsbjargar kl 18, einnig fáum við frítt í sund.

Við gistum í skólastofum í Holtaskóla í Reykjanesbæ á föstudagskvöldið - munið eftir dýnum og svefnpokum. Það sjá allir um að nesta sig sjálfir alla helgina, nema á laugardagskvöldið en þá ætlum við að elda saman í bústað sem við höfum leigt.

Svo verða auðvitað allir að muna eftir sínum persónulega búnaði fyrir svona æfingu.

Áður en við förum er gott að allir rifji upp grunnatriðin í fyrstu hjálp og kynni sér Siðareglur Landsbjargar sem má finna hér til hliðar. Við tökum svo nokkrar bækur með til að skoða á leiðinni.

Sjáumst svo hress og kát um helgina!

Skráning á landsæfingu

Sun, 18 Oct 2009 00:06:00 GMT

Ég vil minna ykkur á að skráningu á Landsæfinguna lýkur í hádeginu á mánudaginn nk. hjá Hemma í síma 867-8586. Þannig að nú er bara lokahnykkurinn, ALLIR að skrá sig =)

En hér kemur listi yfir þá sem eru búnir að skrá sig á landsæfinguna...

Pétur

Sigrún

Marsibil og Eisi

Hemmi

Smári

Ingi

Tobba (Halli)

Sunna

Jói Jakobs (er það ekki annars rétt hjá mér)

(Hrund)

Þetta eru þeir sem ég er með á blaði en vonandi eru fleiri búnir að skrá sig hjá Hemma og vil ég biðja þá um að bæta sér við í kommentum =)

Þetta er allt á réttri leið hjá okkur, og sýnist mér þetta verða alveg þrælmagnaður hópur sem er við erum komin með nú þegar!

Stefnt er á að leigja jafnvel bústað í Borgarfirði á laugardagskvöldinu þar sem við myndum grilla og gera eitthvað skemmtilegt =) Þá er líka styttra heim á sunnudaginn! =)

Það er þó ekki alveg komið á hreint.

En eins og þið vitið þá eru í fréttinni hérna fyrir neðan, allar upplýsingar um Landsæfinguna

Over and out..

Landsæfing

Mon, 12 Oct 2009 19:06:00 GMT

Landsæfing 2009 verður haldin laugardaginn 24. október á Reykjanesi og verða það björgunarsveitir á Reykjanesi sem sjá um æfinguna. Verkefni verða við allra hæfi, þ.á.m. tækjaverkefni, fjallabjörgun, rústabjörgun, leitartækni, hundar, fyrsta hjálp og almenn verkefni.

Undirbúin hafa verið mörg fjölbreytt og skemmtileg verkefni við allra hæfi og hópar munu því leysa mörg verkefni yfir daginn.

Boðið verður upp á gistingu, bæði á föstudags- og laugardagskvöld í Holtaskóla við Sunnubraut í Reykjanesbæ. Gist verður í skólastofum og þurfa þátttakendur því að koma með svefnpoka og dýnur. Einnig verður þátttakendum boðið í sund að lokinni æfingu í Sundmiðstöðinni í Reykjanesbæ. Slysavarnafélagið Landsbjörg býður þátttakendum svo til veislu eftir æfinguna.

Nú er málið að fjölmenna á þessa æfingu og ætlum við að hittast miðvikudaginn 14. október í Bangsabúð kl. 20:00. Þar ætlum við að ræða um hvernig við ætlum að skipta niður verkefnum og fleira svo það er um að gera að mæta.
Þeir sem geta ekki mætt en vilja koma með suður geta skráð sig hjá Hermanni í síma 867-8586.

Skutl upp í Laugafell

Mon, 12 Oct 2009 12:41:00 GMT

Um helgina fóru nokkrir félagar frá Dalbjörg upp í Laugafell. Við fórum á sunnudagsmorgni upp Eyjafjarðardalinn ásamt félögum okkar úr Þingey og Súlum og áttum góðan dag í fínu veðri. Seinnipartinn var svo haldið heim á leið.

Haustferð, Fjarskipti 1 og sleðafundur

Mon, 05 Oct 2009 11:15:00 GMT

Nú er margt að gerast og um að gera að fylgjast með! Hér koma fréttir af haustferðinni sem verður um næstu helgi, námskeiði í fjarskiptum sem verður á miðvikudaginn og svo verður sleðafundur í næstu viku...

Fyrsta hjálp 1

Mon, 28 Sep 2009 16:13:00 GMT

Nú verður haldið námskeið í Fyrstu hjálp 1. Það hefst föstudaginn 2. okt og stendur yfir alla helgina. Mæting er í Hrafnagilsskóla kl. 19:30 helst aðeins fyrr.

Að vanda er það hún Anna Sigrún sem kennir þetta námskeið. Hún hefur kennt þetta oft og fer vel ofan í alla liði sem við þurfum að þekkja í skyndihjálp. Þetta er skyldumæting fyrir alla þá sem ætla að ná að verða björgunarmaður 1, og einnig fyrir þá sem þurfa að rifja upp frá því á síðasta námskeiði. Skráningin er hér á dalbjorg.is og verður að vera búið að skrá sig fyrir miðvikudagskvöld.

Allir að skrá sig sem fyrst!

Inflúensufaraldur og Björgunarsveitir

Wed, 23 Sep 2009 14:23:00 GMT

Mánudaginn 21. september fóru þær Sigrún og Marsibil sem fulltrúar Dalbjargar á námskeið á Dalvík sem nefnist "Inflúensufaraldur - Hvert er hlutverk björgunarsveita?". Þær höfðu gaman að, þar sem fyrirlesarinn var hinn skemmtilegi Einar Örn, sjúkraflutningamaður frá Suðurlandi.

Á námskeiðinu var rætt um hvað inflúensa er, hvernig hún smitast og hvað við getum gert til að forðast smit. Einnig var rætt um til hvaða ráða við gætum þurft að grípa ef til þess kæmi að Almannavarnir gæfu út Neyðarstig, sem yrði til þess að loka þyrfti landinu.

Það væri sterkur leikur hjá ykkur björgunarsveitarfólki að skoða glærurnar sem fylgdu þessu námskeiði, en þær er hægt að nálgast hér. Þegar þangað er komið veljið þið "Innskrá", því næst sækið þið ykkur lykilorð og eftir það leiðir kerfið ykkur í gegn. Björgunarskólinn mælir eindregið með því að allir fari yfir þessar glærur svo við getum verið sem best undirbúin fyrir það sem gæti gerst.

Munið svo að þvo ykkur vel um hendurnar og helst spritta líka, og svo auðvitað að henda öllum snýtibréfum og pappírsþurrkum beint í ruslið.

Kynning frá Fjallakofanum

Sun, 20 Sep 2009 20:39:00 GMT

Næsta miðvikudag, þann 23. september er okkur boðið á kynningu frá Fjallakofanum. Hún verður haldin í H12, Súluhúsinu, kl. 20:00. Þetta verður án efa skemmtileg kynning á góðum útivistarvörum og við hvetjum því sem flesta til að mæta.

Aðstoð við ferðafólk

Tue, 15 Sep 2009 20:43:00 GMT

Fimmtudagskvöldið 10. september rakst Ingi á slæptan þýskan hjólamann sem var á gangi skammt frá Hólsgerði. Hjólið hans hafði bilað inn á dal og hann var búinn að ganga um 6 km til byggða í roki og ausandi rigningu.

Kappanum var kippt um um borð, hjólið sótt og honum veitt gisting i Ártúni. Svo var gert við hjólið daginn eftir og kappinn hélt sína leið.

Um 9:30 á sunnudagsmorgun bankaði svo jeppamaður upp á í Ártúni með gat a dekki, það var tappað og hann hélt sína leið á fjöllin.

Fyrsta hjálp 1

Mon, 14 Sep 2009 22:23:00 GMT

Námskeið í fyrstu hjálp 1 verður haldið í Hrafnagilsskóla um næstu helgi, dagana 18.-20. september. Við ætlum að byrja á föstudagskvöldinu frá 20:00-23:00 og tala saman um hvernig tímunum verður háttað um helgina. Leiðbeinandinn verður Anna Sigrún eins og síðustu skipti sem við höfum haldið námskeið í fyrstu hjálp.

Eins og þið vitið öll er þetta eitt mikilvægasta námskeiðið sem við þurfum að taka, þannig að við hvetjum alla til að skrá sig í athugasemdunum hér að neðan, í síðasta lagi á fimmtudag.

Sjáumst hress og vonandi sem flest á föstudagskvöldið!

Útkall á Garðsárdal

Tue, 08 Sep 2009 21:51:00 GMT

Laugardaginn 5. september fengu Hjálparsveitin Dalbjörg og Súlur, björgunarsveitin á Akureyri útkallsbeiðni vegna manns sem hafði slasast í göngum inn á Garðsárdal.

Margt á prjónunum

Sat, 05 Sep 2009 21:33:00 GMT

Það er margt að gerast hjá okkur í vetur og það byrjar með viðburðaríku hausti. Námskeið í fyrstu hjálp, haustferð og landsæfing eru meðal atburða á næstunni. Helgina 17.-20. september verður námskeið í Fyrstu hjálp 1 haldið hjá okkur. Eins og þið vitið er þetta námskeið mjög mikilvægt fyrir alla þá sem starfa í björgunarsveit og er eitt af grunnnámskeiðunum okkar. Við hvetjum því fólk til að taka helgina frá og skrá sig á námskeiðið, einnig þótt það hafi tekið þetta námskeið áður því það er nauðsynlegt að rifja hlutina upp. Við setjum inn nýja frétt þegar nær dregur og þá verður skráning í athugasemdum.

Haustferðin okkar verður 9.-11. október. Þetta árið verður farið í Skagafjörð þar sem okkur mun örugglega ekki leiðast. Þar eru gönguleiðir og fleira skemmtilegt, við ætlum að reyna að heimsækja björgunarsveitarnar á svæðinu, farið í Grettislaug, heimsækja Skagfirðingasveit á fös kvöld og Skagaströnd á laugardegi - Grettislaugin, hinn fornfræga verslunarstað Kolkuós og margt fleira. Þið getið semsagt strax farið að hlakka til frábærrar ferðar!

Landsæfingin verður þann 24. október á Reykjanesi. Frekari upplýsingar um hana eru ekki komnar en þetta verður áreiðanlega skemmtilegur dagur. Við höfum farið á landsæfingar undanfarin ár og það er ávallt gaman að takast á við mismunandi verkefni á hverri æfingu. Hafið þennan dag endilega í huga.

Þessir atburðir verða auglýstir betur þegar nær dregur, fylgist vel með !

Fundur og ýmislegt

Sun, 30 Aug 2009 15:27:00 GMT

Fyrsti almenni fundur vetrarins verður í kvöld í Bangsabúð kl. 20:30. Þar verða kaffiveitingar í boði og spjallað verður um starf vetrarins. Það stefnir allt í að nóg verði að gera hjá okkur í vetur. Haustferðin okkar verður einhverja af næstu helgum, námskeið í Fyrstu hjálp 1 er á dagskrá bráðlega auk þess sem Landsæfing 2009 verður haldin þann 24. október.

Dagskráin frá Landsbjörg fyrir veturinn er komin á vefinn og hægt er að skoða okkar námskeið undir flipanum "Námskeið" hér til vinstri. Þar eru einnig sett inn ýmis námskeið sem eru haldin nálægt okkur og svo fagnámskeið sem tilheyra björgunarmanni 3, eflaust hafa einhverjir áhuga á þeim.

Allir eru hvattir til að mæta á fyrsta fundinn okkar í kvöld, og ef þið vitið af fólki sem langar til að ganga í björgunarsveit, þá er um að gera að draga þau með.

Sjáumst sem flest í kvöld!

Girðingavinna, Handverksslútt og fundur

Tue, 25 Aug 2009 22:37:00 GMT

Sælir félagar og velkomin á nýtt starfsár :) Haustið byrjar með látum, það er meira en nóg að gera hjá okkur. Fyrst ber að nefna girðingavinnuna sem verður annað kvöld og á fimmtudagskvöldið í Grænuhlíð; hafið samband við Eið ef þið komist eða komist ekki.

Eftirgrennslan að beiðni lögreglu

Fri, 21 Aug 2009 16:13:00 GMT

Fimmtudagskvöldið 13.ágúst um kl. 21:50 barst beiðni frá lögreglu um að svipast um eftir fólki sem ætlaði frá Akureyri upp í Laugarfell en hafði ekki skilað sér. Við nánari athugun og samtal við fólk sem var að koma niður dalinn var líklegur bíll staðsettur um 25 km innan við Hólsgerði eða mjög norðarlega á fjallinu inn af Eyjafirði.

Ingi í Ártúni fór af stað fram dalinn og hafði með sér hjólatjakk ásamt slatta af verkfærum. Um kl. 22:45 kom hann að fólkinu þar sem þau voru búin að vera stopp í 7 klukkustundir. Ástæðan var sú að dekk á bílnum hafði sprungið og sat fast þótt þau og fleiri væru búin að reyna að ná því undan bílnum. Málum var auðvitað bjargað snarlega og fólkinu svo fylgt áleiðis til Akureyrar þar sem lögreglan var upplýst um gang mála.

Þegar skúffukökur bakast...

Tue, 04 Aug 2009 20:35:00 GMT

Nú er komið að frábæru handverkshátíðinni sem er haldin í sveitinni okkar á hverju ári. Í ár verður hátíðin með örlítið breyttu sniði og við ætlum að taka meiri þátt í henni en við höfum áður gert - og þetta verður bara skemmtilegt. Ásamt UMF Samherjum, Lions klúbbnum Vitaðsgjafa, Hestamannafélaginu Funa og kvenfélögum sveitarinnar ætlum við að hjálpa til við að gera þessa hátíð sem glæsilegasta. Það er tvennt sem við ætlum að gera:

Baka kökur og manna söluvaktir í tjaldinu okkar.

Allir þeir sem sleif geta valdið eru hvattir til að leggja sitt af mörkum og baka, heimilið græðir auðvitað bara á því þar sem alltaf er hægt að baka aukaskammt! Hægt er að velja á milli þriggja "bökunarleiða":

Annað hvort eru þetta tvær ofnskúffur sem bakað er í eða 4 löng álform (fást í búðum). Ef þið bakið í ofnskúffur passið þá upp á að merkja þær vel. Svo var okkur bent á að Betty Crocker pakki passar í eitt svona álform :)
Það vantar alveg fullt af kökum svo endilega leggið ykkar af mörkum. Ef þið getið ekki bakað gæti verið að Raggi geti fundið önnur verkefni handa ykkur.

Næsta verkefni er að manna söluvaktirnar í tjaldinu okkar. Það vantar fólk á vaktir frá kl. 12-19 föstudag, laugardag, sunnudag og mánudag. Við ætlum að reyna að hafa þetta bara eina vakt yfir daginn og fá svo fólk inn á milli til að leysa af.

Nú verða allir að vera duglegir og hjálpa til við þessa stærstu fjáröflun sumarsins sem er auðvitað mjög mikilvæg fyrir okkur. Það er heill vetur framundan og við viljum geta gert alla skemmtilegu hlutina sem við gerum venjulega !

Hafið samband við Ragga í síma 8660524 ef þið viljið hjálpa til - sem þið viljið nú auðvitað :)

Sprungið dekk

Mon, 20 Jul 2009 16:15:00 GMT

Á dögunum fór einn félagi Dalbjargar, Ingvar í Ártúni, til hjálpar drengjum sem voru fastir inni á Eyjafjarðardal þar sem það hafði sprungið dekk undir bílnum þeirra. Þeir voru búnir að bíða í nokkrar klukkustundir þar sem ekkert farsímasamband var á staðnum en svo vel vildi til að fólk sem átti leið hjá gat komið skilaboðum til byggða um að þá vantaði hjálp. Ingvar keyrði til þeirra með varadekk sem var svo skipt um, og drengirnir komust heilu og höldnu til byggða.

Óvissudagurinn og Leyningshólagrill

Tue, 14 Jul 2009 21:40:00 GMT

Jæja þá erum við hér sveitt á enn einum fundinum ;). Það lýtur út fyrir að þessi dagur verði ÓGLEYMANLEGUR í alla staði ;). Síminn hefur ekki stoppað hjá Fanney og Gullu og ef fram fer sem horfir verður þröngt um manninn á Leyningshólum þessa helgi ;). en þröngt mega sáttir sitja, eta, syngja og kúra ;). Á boðstólnum þetta kvöldið verður svínakjöt og meðlæti.
Óvissudagurinn hefst að hádegi laugardagsins í Leyningshólum og er áætlað að dagskrá hans tæmist um 5 leytið og gefst fólki þá tími til að taka sig til fyrir kvöldið ;). Kvöldvakan hefst með tilheyrandi dagskrá 19:30 mun hún standa frameftir morgni. Enþá eru nokkur sæti laus!! ;).
Endilega allir að skrá sig hér að neðan eða Gulla 8699380 Fanney 8479828
ef eitthvað vefst fyrir ykkur þá má bara endilega hringja í okkur ;)
Líf og Fjör ;)

Sumarnefndin ;)

Óvissudagur + Leyningshólar :)

Tue, 07 Jul 2009 21:22:00 GMT

Sumarnefndin fékk þá snilldarhugmynd að slá saman hinum gríðarlega óvissudegi og hinni geysi skemmtilegu Leyningshólaútilegu..... ;) Laugardaginn 18 júlí ætlum við að byrja geimið og mun það ekki taka enda fyrr en á sunnudagsmorgun. Einnig er spurning um að mæta í Leyningshóla og föstudagskvöldið, tjalda, koma sér fyrir og eiga gott kvöld saman fyrir átökin ;). endilega kommentið á það. Það væri gott að fá skráningu og hefst hún hér með í kommentunum og stendur yfir til miðvikudagsins 15 júlí. Nánari dagskrá auglýst síðar ;) Frábæra Sumarnefndin ;)

Fjallganga

Mon, 22 Jun 2009 19:56:00 GMT

Fjallgöngunni verður frestað vegna girðingarvinnu. Það verða allir að mæta þangað því þetta er skemmtileg vinna sem skiptir sveitina miklu máli.

Girðingavinna

Mon, 22 Jun 2009 13:41:00 GMT

Nú er komið að því! Við ætlum í girðingavinnu í sveitinni okkar góðu á þriðjudag og fimmtudag í þessari viku. Þetta er auðveld og skemmtileg fjáröflun og hvetjum við alla sem hamri og nagla geta valdið að drífa sig og hitta félagana.

Frekari upplýsingar gefur Eiður formaður og endilega látið líka vita ef þið getið ekki mætt.

Vaktir á Bíladögum

Tue, 16 Jun 2009 20:06:00 GMT

Hérna eru vaktirnar sem verða um helgina og eru þær frá 6-11 og 11 þangað til allt er orðið rólegt Það vantar enn á seinustu vaktina á laugardag, þannig að hafið samband ef þið komist. Vaktir Fimmtudag Föstudag Laugardag 6-11 Marsibil/Tobba Gulla/ Jóhann Fanney/Helga 11-? Eysteinn/Sigrún/Pétur K Hafdís/Hermann/Jón Vantar á vakt (p.s) Klifur og sig í Munka fellur niður vegna bíladaga. Kveðja Hermann

Gæsla á Bíladögum

Sun, 14 Jun 2009 21:08:00 GMT

Þá er komið að okkar árlegu gæslu á Hrafnagili vegna Bíladaga. Hún verður þægilegri en var í fyrra en alltaf jafn skemmtileg og gefandi. Það eru nokkrir búnir að skrá sig en það þarf nokkra í viðbót. Þeir sem geta verið einhverjar vaktir endilega látið mig vita því þetta er mjög skemmtilegt og auðveld fjáröflun fyrir sveitina.

Fundur næsta sunnudag

Wed, 03 Jun 2009 21:00:00 GMT

Það verður "auka síðasti fundur" vetrarins næsta sunnudag. Hann verður í Bangsabúð að venju kl. 20:30 og við ætlum að ræða um fjáraflanir sumarsins ásamt málefnum næsta vetrar. Ef einhverjir eru með mál sem þeir vilja ræða þá er þetta tækifærið til að koma þeim á framfæri. Kveðja stjórnin.

Allir í fótbolta

Tue, 02 Jun 2009 09:23:00 GMT

Allir að mæta í fótbolta á Hrafnagili kl. 8 á miðvikudagskvöldið. Það verður svakalega gaman og ennþá skemmtilegra eftir því sem fleiri mæta.

Námskeiðinu að ljúka.

Sat, 30 May 2009 00:04:00 GMT

Þá er maður á síðustu metrunum á þessu námskeiði. Í morgun fórum við í gegnum uppsetningu á leiðarlínum og notkun á þrífótum og búnaði til að halda undir línu á brúnum. Tókum síðan verklega æfingu í að binda A-ramma niður til upphækkunar á brún.
Seinnipartinn eyddum við í Hvalfirði í roki og sudda auðvitað við að setja upp 150 metra leiðarlínu ofan af ca. 30 metra háum kletti, niður brattan slakka og niður á jafnsléttu.

Ég rétt náði í Fjallakofann í dag og bað þá um tilboð á nokkrum hlutum sem gott væri fyrir okkur að eignast, bæði sveitin og einstaklingar svo að við getum samhæft og æft okkur heima. Keypti auðvitað eitt belti handa Valla ásamt 4 karabínum og síðan eitt Reverso handa Smára.
Síðan þurfum við að koma upp hóp sem æfir vinnubrögðin, skyldumæting á Sunnu, Elmar, Smára, Sigrúnu, Valla, Halla, Pétur K og þeim sem hafa áhuga. Fyrst þurfum við auðvitað að finna helgi undir námskeið og fara vel yfir grunninn og síðan pökkum við þessu saman.

Varðandi búnað þá er ekki margt sem að okkur vantar og það væri sniðugt að við tækjum saman það sem einstaklingar þurfa að eiga og fengjum tilboð í það í einum pakka. Þannig að ef einhver er að spá í þennan búnað þá bara endilega hafa samband.
Á morgun lýkur námskeiðinu og ég kem beint heim í sveitina til að hrista af mér Reykjavíkur hrollinum.

Kv Pétur

Óvissudagurinn!

Thu, 28 May 2009 23:09:00 GMT

Óvissudagurinn fellur niður af óviðráðanlegum orsökum. Hann verður haldinn seinna í sumar og verður það auglýst þegar nær dregur.
En á miðvikudaginn næsta 3. júní ætlum við að hittast og spila fótbolta á Hrafnagili og við hvetjum alla sem hafa gaman af fótbolta að mæta kl. 8 og skemmta sér saman.

Dagur 5, alltaf eitthvað nýtt.

Thu, 28 May 2009 22:48:00 GMT

Dagurinn var notaður í félagabjörgun í klifri, þar sem gert var ráð fyrir að menn væru tveir á ferð og lítill búnaður. Við byrjuðum auðvitað í morgun með því að hlusta á fyrirlestra og var farið í gegnum krafta sem hafa áhrif á akkeri. Eftir það fórum við í bílageymsluna og renndum í gegnum vinnubrögð í tveggja manna félagabjörgun.

Síðan renndum við upp á Þingvelli, skiptum okkur i þriggja manna hópa þar sem einn var öryggismaður og hinir tveir æfðu vinnubrögðin. Friðrik Hvergerðingur og Ágúst frá Árborg voru með mér og renndum við þrisvar í gengum þetta svo allir fengu að reyna sig. Að lokum fóru Kirk og Mike í gegnum vinnubrögð þegar bjarga á manni upp úr sprungu á jökli og vengaveltur í kringum það.

Veðrið var glæsilegt á æfingunni miðað við hvernig það var í morgun þegar ég skreið úr rekkju, vindnauð og rigningar slagviðri að sunnlenskum sið. Núna get ég ekki beðið eftir því að komast heim og sýna og kenna mönnum (stelpunum líka) það sem ég hef lært á þessu námskeiði.

Pelastikk er málið!

Wed, 27 May 2009 19:16:00 GMT

Þá er maður kominn heim af enn einum frábærum degi á námskeiðinu. Dagskipunin var sig með börur niður bratta þar sem slaka þurfti niður börum og allt að þremur börumönnum. Í morgun fóru þeir félagar frá Kanada í gegnum eðlisfræði og annað varðandi þyngdir, aðdráttarafl jarðar og auðvitað hvað við megum bjóða búnaðinum.

Rigging, dagur 3

Tue, 26 May 2009 23:55:00 GMT

Dagurinn byrjað eins og síðustu daga á fyrirlestrum og verklegri sýnikennslu. Viðfangsefni dagsins var björgun úr klettum með börum. Farið var yfir hvernig binda á börur og tryggja sjúkling í börur og síðan var einnig farið í gegnum dobblunarkerfi og nokkrar útgáfur settar upp svosem einföld dobblun og samsettar dobblanir.

Í hádeginu var stefnan tekin í heimahaga hans Gunnars Vilhjálms í Akrafjalli. Þar gengum við upp fyirr fyrstu kletta og settum upp aðgerð sem fólst í því að láta björgunarmann og sjúkling í börum síga fram af brún og niður klettavegg og síðan þurfti að breyta sigkerfinu yfir í dobblunarkerfi og hífa björgunarmann og sjúkling upp aftur.

Þrælgóð æfing og við vorum sex saman í liði og náðum að rótera á öllum stöðvum. Eins og það er nú ótrúlegt þá var sól á okkur í allan dag og laust við að maður findi fyrir smá heimþrá í sólinni en það hverfur örugglega í rigningunni á morgun. :)

Koma svo...

Mon, 25 May 2009 22:33:00 GMT

... allir að skrá sig á Óvissudag:) Skráið ykkur hér eða hafið samband við Gullu. Svo er júní-dagskráin komin hér til hliðar, fylgist líka með því :)

Góður dagur á Rigging.

Mon, 25 May 2009 20:31:00 GMT

Þá er dagur 2 að kvöldi kominn og ég ný kominn heim af námskeiðinu, byrjuðum kl 8 í morgun og kominn heim 12 tímum seinna. Í dag var farið í félagabjörgun og var bóklegt fram undir hádeigi með smá verklegum sýnidæmum, tókum við síðan stefnuna út og renndum við austur í Þingvelli þar sem við æfðum félagabjörgun verklega.

Gekk hún þannig fyrir sig að maður var látinn síga hálfa leið niður klettavegg og kyrrsettur þar. Fjórir voru í hóp og rétt dugði það í kerfið sem sett er upp með aðal- og öryggslínu ásamt dobblunarsístemi 5:1. Fór síðan einn maður niður og tengdi sig og öryggslínuna við þann fasta, þeir síðan lyft aðeins til að hægt yrði að losa línuna hans og síðan sigið niður með manninn.

Góðar æfingar og kallinn lærði helling af þessu og mér sýnist ég ekki þurfa að kenna þessum mönnum neitt um þetta.

Veðrið var auðvitað frábært, örlítil rigning með vindi svona að mestu neðan frá að mér virtist en síðan var sól eða hagl með hléum. Námskeiðið samt frábært þannig að ég gleymi alveg að njóta þeirrar upplifunar að ég er í Reykjavík.

Kveðja Pétur R.

Stórar fréttir hjá okkur Dalbjargarmönnum

Sun, 24 May 2009 19:34:00 GMT

Síðastliðinn föstudag tók stjórn Dalbjargar þá stóru ákvörðun eftir stíf fundarhöld að nú skyldi Dalbjörg koma sér upp fjallabjörgunarhóp. Þar sem stjórnin er ekki þekkt fyrir að tvínóna við hlutina var strax farið í að finna mann sem skyldi sendur á námskeið í Höfuðborginni til að læra og miðla til okkar manna.

Haft var samband við undiritaðan þar sem hann hefur mikið dálæti á stórborgarmenningu Reykjavíkur og menn vissir um að hann myndi njóta sín best í sudda og hvassviðri. Undirritaður tók sér ákaflega stuttan umhugsunarfrest og dreif sig á námskeið með allan nýjasta búnað okkar eins og stórbaggabönd frá Hríshóli.

Rigging for rescue námskeið hófst kl. 9 í morgun (sunnudag), 12 þátttakendur eru á því frá sveitum á stór-Reykjavíkursvæðinu ásamt mér. Námskeiðið er mjög vandað og leiðbeinendurnir eru aðalkarlarnir sem hafa með fjallabjörgun að gera í Kanada.

Fyrsti dagurinn gekk mjög vel og vorum við innan dyra við fyrirlestra og verklegar æfingar, ss. júmmun með prússellum, síga niður fyrir hnút á línu og fleiral.

Læt hérna aðra mynd fljóta með en þetta var það fyrsta sem blasti við mér þegar ég gekk inn í húsnæði HSSR. Spurning hvort að blaðið sé svona mikið lesið eða að stúlkan á forsíðunni veki svona mikla eftirtekt að vanda.. :)

Ég reyni að láta menn fylgjast með hvað er um að vera hjá mér en núna er best að fara í heimavinnuna.

Kv Pétur R.

Undanfarar Súlna á námskeiði.

Thu, 21 May 2009 22:08:00 GMT

Rakst á skemmtilega frétt hjá félögum okkar í Súlum þar sem þeirra bestu menn eru á námskeiði núna. Fréttina má sjá á www.sulur.is en það sem er áhugavert fyrir okkur er að á morgun mun hópurinn búa til mjög viðamikla línubrú eftir endilöngu gilinu inn við Munkaþverá. Hvet ég alla sem hafa áhuga á spottum að fara og virða verkið fyrir sér, en það ætti að vera orðið tilbúið uppúr klukkan 15:00.

Skráning er hafin...

Thu, 21 May 2009 21:05:00 GMT

á hinn óendanlega skemmtilega óvissudag! Eða svo segir sumarnefndin:) Þau vilja alveg endilega fá skráningu fyrir næsta mánudag. Hægt er að skrá sig hér á síðunni eða hafa samband við Gullu.

Auðvitað eru allir hvattir til að skrá sig því að þetta verður án efa mjög skemmtilegur dagur og því fleiri, því betra!

Sumardagskráin

Wed, 20 May 2009 21:38:00 GMT

Dagskráin í sumar verður mjööög skemmtileg eins og sumarnefndin greindi frá í dag ! Fyrst ber að nefna Óvissudaginn mikla sem verður haldinn laugardaginn 30. maí. Allir eiga því að taka þann dag frá því að nefndin ætlar að reyna að toppa frábæra daginn sem var haldinn í fyrra ;)

Síðan er ætlunin að hafa hitting einu sinni í viku í sumar og gera eitthvað skemmtilegt saman, hafa æfingu, fara út að hjóla, klifra, síga, eða bara það sem okkur dettur í hug hverju sinni. Þessir hittingar munu ekki alltaf vera á sama vikudegi þannig að þótt einhver komist ekki eina vikuna á hann möguleika á að koma þá næstu.

Hittingarnir byrja núna í fyrramálið, en þá ætlar hópur að hittast við Munkaþverárgilið með sigbúnaðinn og halda smá æfingu.

Vonumst til að sjá sem flesta, og munið að taka 30. maí frá!

Nú er komið að því...

Mon, 18 May 2009 21:17:00 GMT

... það er vinnukvöld annað kvöld! Nú er helgin liðin, sem var frábær í alla staði. Stjórnin skemmti sér vel á landsþingi, liðin okkar náðu góðum árangri á björgunarleikum og árshátíðin heppnaðist vel.
Nú þurfum við að laga aðeins til eftir helgina, og því verður vinnukvöld í Bangsabúð annað kvöld þar sem gengið verður frá búnaðinum okkar og farið yfir niðurstöður helgarinnar.

Við hlökkum til að sjá sem flesta!

Dagskrá - Landsþing og björgunarleikar 2009

Wed, 13 May 2009 23:49:00 GMT

hér

• Þing hefst kl. 14:00 og stendur til kl. 18:00.
• Sveitaball með þemanu ,,Gamalt íslenskt“ í Hlíðarbæ kl. 20:00-23:00. Rútur fara klukkan 19:30 með félagsfólk fram og til baka frá miðbæ Akureyrar og allir beðnir um að skilja björgunarsveitabíla eftir inni á Akureyri. Grillað verður ofan í mannskapinn. Sjá auglýsingu hér .

Laugardagur 26. maí:
•    Þing hefst kl. 9:00 og áætluð lok um 16:00.
•    Umræðuhópar og kosning verða í Brekkuskóla við hliðina á Íþróttahöllinni.

Eftirfarandi umræðuhópar verða í gangi:

         1.    Aðgerðamál og svæðisstjórnir
               •    Tillaga um áherslur er varða lágmarksmenntun björgunarmanna SL
         2.    Unglingamál
         3.    Menntun og þjálfun björgunarsveitafólks
               •    Björgunarskólinn stuðli að því að vera með fleiri leiðbeinendur á landsbyggðinni
         4.    Fjarskipti
         5.    Fatamál
         6.    Sjóbjörgun
         7.    Bókhald og hagkvæmur rekstur eininga
               •    Flutningskostnaður inn í verð flugelda
               •    Tillaga um endurskoðun og innra eftirlit á ársreikningum eininga
               •    Tillaga um samræmt bókhaldskerfi eininga SL
         8.    Árangur af kvennaþingi og áframhald þeirrar vinnu
         9.    Slysavarnir barna
       10.    Ný nálgun í rekstri deilda og verkefni
       11.    Innra starf félagsins
               •    Tillaga um fyrirkomulag formannssetu stjórnarmanna SL í einingum
               •    Tillaga um atkvæðamagn eininga SL
               •    Dagskrártillaga. Lagt til að þar komi fram ályktanir um slysavarnamál, björgunarmál,
                    unglingamál og aðkomu Slysavarnafélagins Landsbjargar að ýmsum málefnum
                  samfélagsins.

Einingar eru hvattar til að skipta sér niður á hópa í stað þess að allir sem sækja þing frá tiltekinni einingu fari í sama umræðuhópinn.

•    Björgunarleikar hefjast klukkan 9:00 á laugardeginum og standa fram eftir degi.
•    Árshátíð hefst kl. 20:00 en húsið opnar kl. 19:30. Sjá auglýsingu hér .
•    Veislustjóri verður Óskar Pétursson, Álftagerðisbróðir.
•    Matti, Magni og félagar leika fyrir dansi.

Björgunarleikar

hér

Peysudagur

Fri, 08 May 2009 14:10:00 GMT

Peysudagur SL verður mánudaginn 11. maí, en þann dag eru allir hvattir til að vera í fötum merktum félaginu. Þið getið lesið nánar um daginn hér .

Árshátíð og landsþing!

Tue, 05 May 2009 09:51:00 GMT

Jæjjjja... nú fer hver að verða síðastur að skrá sig á árshátíð og landsþing ef menn ætla sér að fara. Hér kemur listinn yfir þá sem eru þegar skráðir.

Og svo ef til vill einhverjir fleiri sem gleymdu að kommenta. En með þessu erum við orðin 36 talsins, sem er nú alveg ágætt! Látið endilega vita ef þið gleymduð að skrá ykkur og þá redda Gulla eða Sunna málunum.

Fundur annað kvöld

Sat, 02 May 2009 10:03:00 GMT

Það er almennur fundur í Bangsabúð annað kvöld kl. 20:30. Við hvetjum auðvitað sem flesta til að mæta á þennan síðasta fund fyrir sumarfrí, en þar verða málefni sumarsins rædd ásamt öðru.
Við viljum einnig minna félaga á að skrá sig á árshátíð Landsbjargar á www.landsbjorg.is því við ætlum auðvitað að fjölmenna þangað! Skrifið ykkur svo í athugasemdir á fréttina um árshátíðina hér fyrir neðan svo við sjáum hverjir ætla að mæta.
Ef þið lendið í vandræðum með skráningu, hafið þá samband við Sunnu.

Sjáumst hress!

Fjölskyldudagurinn

Sat, 02 May 2009 09:55:00 GMT

Fjölskyldudagurinn okkar var haldinn uppi á Víkurskarði þann 1. maí. Hann heppnaðist mjög vel í alla staði og mætingin var mjög góð, eða um 30-40 manns. Lagt var af stað frá Leiru um kl. 11:30 á tveimur jeppum hjálparsveitarinnar og svo einkabílum. Margir voru með vélsleða með sér og einnig snjóbretti, snjóþotur og Stiga sleða. Auðvitað var grillið með í för og við grilluðum pylsur sem voru borðaðar með góðri lyst.
Fyrst leit út fyrir að veðrið yrði ekkert sérstakt, en svo rættist heldur betur úr því, vindinn lægði og sólin lét sjá sig. Það er óhætt að fullyrða að allir skemmtu sér mjög vel og þökkum við félögum Dalbjargar og fjölskyldum þeirra kærlega fyrir daginn!

Klifur hjá unglingadeild

Fri, 24 Apr 2009 14:54:00 GMT

Sælir krakkar

Nú er búið að ákveða hvenær við förum í klifur í klifurveggnum hjá Súlum, en það verður næsta mánudag, þann 27. apríl. Mæting er í Súluhúsinu (rétt hjá Hagkaup) kl. 20:30.
Þetta verður auðvitað rosa gaman og við hvetjum alla þá sem einhvern áhuga hafa á klifri, sigi og svoleiðis hlutum að mæta til að prófa.
Frekari upplýsingar eru hjá Marsibil eða Sunnu.

Sjáumst hress!

Fjölskyldudagur Dalbjargar

Mon, 20 Apr 2009 11:45:00 GMT

Jæja nú er komið að fjölskyldudegi Dalbjargar. Hann verður þann 1. maí og það er mæting á Leiru kl. 11:30. Það er enn ekki alveg ákveðið hvert við förum því við ætlum að láta það ráðast af veðrinu. Það er þó öruggt að það verður farið á stað þangað sem allir komast á sínum bílum, hvort sem það eru fólksbílar eða jeppar.
Við komum með grill á staðinn og svo komið þið með það sem þið vilijið á grillið, og eitthvað að drekka líka.

Eins og undanfarin ár eru allir hvattir til að mæta með fjölskylduna sína og öll tæki og tól sem fólki dettur í hug; vélsleða, snjóþotur, Stiga sleða, ruslapoka eða bara hvað sem er sem fer áfram eða rennur:)
Það væri gaman að sjá sem flesta, og endilega látið vita í kommentum hér fyrir neðan hvort þið hugsið ykkur að koma.

Sjáumst hress á laugardaginn!

P.S. Fyrir þá sem hafa hugsað um það, þá er straumvatnsbjörgunarnámskeiðinu frestað fram á haustið þar sem það hentar betur upp á allar aðstæður úti við að hafa það að hausti til.

Landsþing, björgunarleikar og árshátíð SL

Fri, 17 Apr 2009 16:34:00 GMT

Jæja nú líður að Landsþingi SL sem verður haldið á Akureyri 15.-17. maí. Í tengslum við það verða haldnir björgunarleikar sem Súlur ætla að sjá um, sveitaball í Hlíðabæ á föstudagskvöldinu og svo verður árshátíð SL haldin á laugardagskvöldinu. Þetta verður að vanda mikið fjör og er ætlunin að mæta með lið á björgunarleikana - undirbúningur er hafinn:) Það er búið að stofna síðu fyrir björgunarleikana; bjorgunarleikar.bloggar.is sem er mjög gott að kíkja á.

Til að taka þátt í gamninu verðið þið að skrá ykkur. Það gerið þið með því að fara inn á landsbjorg.is , fara í Innskráning til hægri á síðunni og velja þar Nýtt innra svæði.
Þið ættuð að hafa fengið póst um það hvernig þið skráið ykkur þarna inn, þ.e.a.s. ef þið eruð á póstlistanum hjá Landsbjörg. Ef þið vitið ekki hvernig á að skrá ykkur inn, hafið þá samband við Sunnu.
Ef þið viljið láta skrá ykkur á póstlistann, sendið þá póst á olof@landsbjorg.is.

Eftir að þið hafið skráð ykkur á Landsbjargarsíðunni, skráið ykkur endilega í komment hér fyrir neðan svo við sjáum hve margir ætla að mæta frá okkur.
Auðvitað ætlum við að fjölmenna á árshátíðina eins og fyrri ár, þannig að skráið ykkur endilega sem flest!

Páskarnir liðnir...

Wed, 15 Apr 2009 21:32:00 GMT

Nú eru páskarnir liðnir og páskagangan okkar búin. Dagurinn var mjög skemmtilegur og allt gekk vel. Mæting í gönguna var alveg ágæt og vöfflurnar runnu ljúflega ofan í gesti. Margir lögðu einnig leið sína í Bangsabúð gagngert til þess að smakka á vöfflunum.

Páskagangan

Thu, 02 Apr 2009 19:31:00 GMT

/* /*]]>*/ Eins og undanfarin ár verður páskaganga Dalbjargar á föstudaginn langa, þann 10. apríl. Gangan hefst við Bangsabúð kl. 10 og genginn verður innri Saurbæjarhringurinn sem er u.þ.b. 26 km. Bílar frá Dalbjörg verða á staðnum eins og venjulega og flytja þá sem ekki vilja ganga alla leið aftur í Bangsabúð.

Fundur á sunnudaginn

Thu, 02 Apr 2009 19:16:00 GMT

Almennur fundur verður næsta sunnudag, 5. apríl kl. 20:30. Þetta verður skemmtilegur og efnismikill fundur og því er um að gera að mæta.

Stjórnarframboð

Fri, 27 Mar 2009 19:36:00 GMT

Nú líður að aðalfundi og þá verður kosin ný stjórn. Þeir sem hafa áhuga á því að bjóða sig fram til stjórnarsetu ættu því að fara að huga að því.

Stjórnarheimsókn á svæðum 10, 11 og 12

Mon, 23 Mar 2009 14:12:00 GMT

Fimmtudagskvöldið 26. mars, eða næsta fimmtudag, verður haldinn fundur í Súluhúsinu í tilefni af stjórnarheimsókn á svæði 10, 11 og 12.

Aðalfundur Dalbjargar 2009

Mon, 23 Mar 2009 14:08:00 GMT

Aðalfundur Dalbjargar verður haldinn í Sólgarði fimmtudagskvöldið 16. apríl kl. 20:30. Á dagskrá eru venjuleg aðalfundarstörf. Það verður kaffi og meðlæti á boðstólnum, og við hvetjum sem flesta til að mæta. Kveðja stjórnin.

Björgun skíðagöngumanna

Sat, 14 Mar 2009 00:39:00 GMT

Hjálparsveitin Dalbjörg fékk útkall upp úr kl 18 í dag vegna tveggja skíðagöngumanna sem voru í vanda á hálendinu. Skíðagöngufólkið, maður og kona frá Frakklandi, voru á göngu suður yfir hálendið. Þau lentu í vondu veðri í dag og fauk tjald þeirra niður. Þau óskuðu eftir hjálp í gegnum tengilið sinn í Frakklandi sem kom skilaboðunum áfram til Slysavarnarfélagsins Landsbjargar.

Stóra Dalbjargarferðin

Wed, 11 Mar 2009 11:09:00 GMT

Nú hefur verið ákveðið hvert á að fara í ferðinni um næstu helgi. Hér kemur ferðaáætlunin:
Föstudagur
Kl. 17:00 - Lagt af stað frá Leiru á báðum Dalbjargarbílunum, sleðum, snjóbíl og fleiri tækjum.
Keyrt áleiðis í Réttartorfu, upp Bárðardalinn.
Kl. 21:00? - Allir koma sér fyrir í skála og fara snemma að sofa til að búa sig undir átök laugardagsins:)

Laugardagur
Kl. 08:00 - Eiður formaður vekur alla með því að lemja í potta og pönnur, og auðvitað verður hann búinn að elda hafragraut handa mannskapnum.
Kl. 08:10 - Allir klára morgunmatinn sinn og búnir að taka sig til
Kl. 08:12 - Lagt af stað! :)

Laugardeginum verður varið í að kanna svæðið í kringum Réttartorfu, allt fer eftir færð og veðri.

Kl. 18:00? - Allir komnir í skála og grillmeistararnir taka til við eldamennskuna
Kl. 19:00 - Allir sprengja sig af góðum mat
Kl. 21:00 - Söngbækurnar teknar fram og sungið frameftir kvöldi.

Sunnudagur
Kl. 08:00 - Allir vaktir með látum, þið verðið vonandi orðin vön þessu bráðum:)
Kl. 09:00 - Allir búnir að borða morgunmat og hjálpast að við að þrífa skálann
Kl. 10:00 - Heimleiðin ákveðin og lagt af stað á ný.

Skemmtið ykkur vel !

Stóra Dalbjargarferðin

Wed, 04 Mar 2009 12:22:00 GMT

Eins og flestir vita verður Stóra Dalbjargarferðin farin helgina 13.-15. mars, og verður það að vanda mikið fjör. Það er enn ekki ákveðið hvert verður farið, þannig að ef þið eruð með sniðugar uppástungur eða hugmyndir megið þið endilega hafa samband.
Einnig megið þið huga að því að fara að skrá ykkur sem fyrst, svo að hægt sé að skipuleggja hve mikinn mat þarf á laugardagskvöldinu, á hvaða tækjum verður farið og fleira í þeim dúr.
Hægt er að skrá sig hér á síðunni með því að setja athugasemdir við fréttina, og þá má einnig taka fram hvort þið hafið hugsað ykkur að fara á einhverju farartæki, eða hvort ykkur vantar far.
Frekari upplýsingar eru hjá Elmari í síma 8917981.

Vinnukvöld hjá sleðamönnum

Tue, 03 Mar 2009 09:15:00 GMT

Í gærkvöldi var vinnukvöld hjá sleðaflokki. Fengum við inni hjá Halla Gulla og Bubba í Iðnaðarbilinu þeirra við Goðanes. Þar mættu Pétur, Palli, Smári, Bubbi K, Bubbi T, Viðar og Erna og sinntu viðhaldi á sleðunum.

Skipt var um olíu á drifunum, kúplingar hreinsaðar, skipt um kerti, pústventlar teknir í sundur og þrifnir, búkkarnir smurðir, sleðarnir þrifnir og bónaðir og síðan smíðaði Bubbi K nýja festingu fyrir VHF sem brotnar ekki.

Síðan erum við búin að panta nýjan sjópoka á annan sleðann, kaupa 230v hleðslutæki fyrir VHF, varagrímu inn í hjálmana, vara rafhlöður (AAA) fyrir snjóflóðaýla og ennisljós ( í búnaðartösku).

Umsjónarmenn vilja brýna á því að þeir sé látnir vita um allt sem varðar sleðana. Hvort að eitthvað tjónast, eitthvað óeðlilegt við sleðana/búnað, skipt er um reim, kerti osfv. (reim og kerti í einn sleða kostar 27.000 kr.) UMGENGNISREGLUR
    Einnig að það sé bara teknar út vörur á kortið í sleðunum sem varðar þá. Hiace hefur sitt eigið kort.

    Varðandi búnaðinn þá eru hjálmarnir í búnaðartösku ekki til almennra nota, þeir eru ætlaðir útkallsökumönnum í útköllum og í lengri ferðum.
    Það verða allir að leggjast á eitt með að halda þessum tækjum í topp ástandi svo að þeir séu alltaf klárir í útkall.

Sleðaflokkurinn þarf síðan að hittast aftur fljótlega og skipuleggja ferðir sem við ætlum í núna í vetur. Ráðgert er að fara allavega tvær stórar ferðir og hafa eina útkallsæfingu fyrir beltatæki. Síðan verða menn að vera duglegir að fara í styttri ferðir til að halda sér í æfingu og læra á landið.
Næsta skipulagða ferð er Dalbjargarferðin og þá fara sleðarnir með og menn geta rætt við umsjónarmenn um að fara í þá ferð.

Sleðarnir eru í mjög góðu ástandi, hreinir og klárir í slaginn. Vilja umsjónarmenn þakka ökumönnum þá virðingu sem þeir hafa fyrir þessum tækjum og vonum við að þessi vetur verði jafn farsæll og síðustu 5 vetur.

Einnig mætti formaðurinn okkar hann Eiður ásamt Sindra og Eysteinn leit í kaffi.

Kveðja frá umsjónarmönnum, Pétur og Smári

Það sem er um að vera!

Sun, 01 Mar 2009 23:37:00 GMT

Almennur fundur var í kvöld fram í Bangsabúð. Voru mættir yfir 20 manns og farið yfir dagskrána á næstunni. Helst ber að nefna Dalbjargarferðina sem verður farin um aðra helgi og allir hvattir til að taka helgina frá og mæta.

Ferðaáætlun kemur síðar en Elmar tók að sér að skipuleggja ferðina.

Annað kvöld (mánudag) verður vinnukvöld hjá sleðamönnum í Goðanesi (iðnaðarbilið hjá Bubba og Halla). Skipta á um olíu á drifum, smyrja búkka, bóna og yfirfara sleðana. Síðan verður sest niður og ferðir á næstunni skipulagðar. Þeir sem eru á útkallslista sleðaflokks eiga að mæta en aðrir sleðaáhugamenn eru velkomnir að mæta og læra á hlutina.

Björgunarverkefni um helgina

Sun, 01 Mar 2009 22:44:00 GMT

Um helgina var tvisvar óskað eftir aðstoð Dalbjargarmanna við jeppamenn. Á laugardagskvöldið óskuðu jeppamenn eftir aðstoð í Vatnahjalla, en þeir voru að koma ofan úr Laugafelli í mjög þungu færi og komnir niður að sneiðingunum, sem voru þá slétt fullir og ófærir.

Ingi í Ártúni fór á snjóbíl sveitarinnar og stakk í gengum sneiðingana. Það tók hann um klukkustund frá því að aðstoðarbeiðnin barst þar til að hann var mættur upp í efsta sneiðing.

Á sunnudagsmorgun fór Ingi aftur af stað á snjóbílnum ásamt tveimur jeppum og sleðaflokknum upp Vatnahjallann til að ná í jeppa sem var skilinn eftir sunnan við Bergland daginn áður vegna bilunar. Ferðin gekk vel og gert var við bilunina svo hægt var að aka bílnum niður í byggð.

Sleðaflokkurinn hélt þá för sinni áfram inn á hálendið. Farið var niður að Grána og Geldingsárdrögin skoðuð, þaðan var farið vestarlega leið suður í Laugafell.

Frá Laugafelli var tekinn hringur suður fyrir Hnjúkinn og kíkt á Tóbakstorfu, og svo þaðan upp á Hnjúkinn til að dást að útsýninu. Þaðan sást vel í kring; vestur á Illviðrahjúka, norður á Mælifellið og alla leið austur á Herðubreið. Við renndum aftur við í Laugafelli og "trökkuðum" nýja leið á hefðbundnum slóðum í gegnum Bergland og niður Vatnahjallann.

Góð ferð í sól og blíðu, þar sem við ókum um 100 km.

Fundur á sunnudaginn

Thu, 26 Feb 2009 23:32:00 GMT

Næsta sunnudag, þann 1. mars verður almennur fundur í Bangsabúð, stundvíslega kl. 20:30. Það verður fjölbreytt og skemmtileg dagskrá, rætt verður um hjálmakaup, aðalfundinn og stóru Dalbjargarferðina sem nálgast óðum. Allir eiga að sýna lit og mæta:)

Æfingaferð fyrir óreynda ökumenn

Mon, 16 Feb 2009 16:33:00 GMT

Laugardaginn 21. febrúar, eða um næstu helgi, verður farin æfingaferð fyrir óreynda ökumenn. Öll tæki sveitarinnar verða notuð, bílar, sleðar og snjóbíll. Það verður farið af stað að morgni, og ætlunin er að fara upp á Vaðlaheiði. Þar fá óreyndir félagar að prófa tækin undir umsjón reyndari ökumanna. Undir kvöld verður svo lagt af stað heim aftur.

Þeir sem vilja taka þátt í þessum degi skulu skrá sig hér í athugasemdir, og taka fram hvernig ökutæki þeir vilja prófa. Félögum er einnig velkomið að koma á einkabílum, sleðum eða öðrum ökutækjum.

Til að fá nánari upplýsingar má hringja í Eið í síma 8615537.

Tetra framhaldsnámskeið

Mon, 16 Feb 2009 16:19:00 GMT

Um síðustu helgi fóru 3 meðlimir úr Dalbjörg á Tetra framhaldsnámskeið á Dalvík. Það voru þeir Eiður, Ragnar og Smári sem fóru frá okkur á þetta námskeið, sem er í flokknum Björgunarmaður 2. Á því voru kenndir ýtarlegri hlutir en á venjulegum Tetra námskeiðum, og lærðu þeir félagar meðal annars að tengja VHF stöðvar við Tetra stöðvar, tengja stöð í stöð utan kerfis og margt fleira nytsamlegt. Þekkingin mun nýtast þeim vel og ef félagar hafa áhuga á að kynnast Tetra kerfinu frekar er um að gera að hafa samband við þá.

Æfingaferð hjá sleðaflokk.

Sun, 15 Feb 2009 20:21:00 GMT

/**/ /*]]>*/ Þann 7. febrúar lögðu Hermann og Jón af stað í æfingarferð á sleðum sveitarinnar. Í fyrstu var ætlunin að fara inn á Glerárdal en þegar þeir sáu hversu gott veðrið var ákváðu þeir að renna upp í Laugafell.

Skyndihjálp hjá unglingadeild

Tue, 10 Feb 2009 22:45:00 GMT

Þann 9 febrúar sl. héldum við skyndihjálparnámskeið fyrir unglingadeildina. Einnig mættu félagar úr unglingadeildinni hjá Týr á Svalbarðseyri. Alls voru 33 krakkar mættir í Bangsabúð og er það frábær mæting.

Leiðbeinandi var Pétur Róbert sem starfar sem slökkviliðs- og sjúkraflutningamaður hjá Slökkviliði Akureyrar. Hann tók grunnatriðin í skyndihjálp og skiptum við svo hópnum í 3 hópa og fór hver hópur á ákveðna stöð sem við höfðum sett upp. Sigrún var með aðra sjúkratöskuna okkar og sýndi krökkunum blóðsykursmæli og súrefnismettunarmæli og krakkarnir fengu að sjálfsögðu að prófa. Marsibil var svo með leik þar sem við vorum búin að setja upp þrjá þríhyrninga og krakkarnir fengu miða með ýmsum atriðum og áttu að raða í rétta þríhyrninga, allt eftir þríhyrningareglunni sem kennd er í skyndihjálp. Pétur og Helga voru svo með spelkur og fóru yfir þau atriði sem þarf að hafa í huga þegar komið er á vettvang, og krakkarnir fengu svo að prófa spelkurnar og bakbretti.
Þetta gekk prýðilega og við viljum þakka krökkunum frá okkur og einnig félögum úr Björgunarsveitinni Tý fyrir frábæra þáttöku.

Námskeið á mánudaginn

Fri, 06 Feb 2009 21:20:00 GMT

Á mánudaginn verður námskeið í fyrstu hjálp fyrir unglingadeildina. Námskeiðið verður haldið í Bangsabúð. Það hefst stundvíslega kl. 19:30 og lýkur um 21:30-22:00 og Pétur verður leiðbeinandi.
Nokkrir krakkar frá Björgunarsveitinni Tý á Svalbarðseyri ætla líka að koma á námskeiðið, og það verður gott tækifæri fyrir okkur að kynnast hvort öðru.

Þetta námskeið er góður undirbúningur fyrir alvöru námskeið í fyrstu hjálp sem þið takið þegar þið verðið félagar í Hjálparsveitinni, og auðvitað er þetta einnig nauðsynleg almenn þekking.

Við vonumst til að sjá ykkur sem flest á námskeiðinu!

Kveðja umsjónarmennirnir

Margt að gera !

Tue, 03 Feb 2009 14:51:00 GMT

Nú eftir áramótin hefur verið margt að gera hjá okkur og auðvitað er einnig margt á döfinni. Námskeiðið Björgunarmaður í aðgerðum var í Bangsabúð þann 28. janúar. Mætingin á það var mjög góð og allir þátttakendur ánægðir með skemmtilegt námskeið.
Við tókum að okkur gæslu og sjoppuna á þorrablótinu í Hrafnagilsskóla og það gekk mjög vel.

Sunnudaginn 1. febrúar var almennur fundur í Bangsabúð. Það var góð mæting og spjallað um margt. Ragnar sýndi okkur einstaklingsbúnaðinn sinn, og auðvitað var hann með nóg af vettlingum.
Stjórnin sagði frá fyrirhugaðri jeppaferð fyrir óreynda ökumenn, sem á að fara þann 22. febrúar. Þátttaka í henni verður könnuð þegar nær dregur.
Við horfðum á myndband sem Slysavarnafélagið Landsbjörg lét gera í tilefni af 80 ára afmæli Slysavarnafélagsins á síðasta ári, og skoðuðum myndir af Litlu-jólunum okkar og óvissudeginum í fyrra.
Svo er nóg að gera við að dútla í bílunum og snyrta þá til, þannig að þeir sem vilja hjálpa til við það næstu kvöld geta haft samband við Eið.

Það eru nokkur námskeið í kringum okkur á næstu vikum sem við hvetjum fólk til að skoða og tala við Eið ef einhver hefur áhuga á að fara. Þessi námskeið má sjá á linknum hér til hliðar, Námskeið veturinn 2008.

Unglingadeildin

Tue, 03 Feb 2009 14:27:00 GMT

Unglingadeildin hefur margt að gera um þessar mundir og þátttakan er góð. Um miðjan janúar var haldinn skemmtidagur í Bangsabúð sem heppnaðist mjög vel.
Þangað mættu um 14 krakkar auk meðlima í hjálparsveitinni. Hópnum var skipt í tvennt, annar helmingurinn fór út að síga af þakinu en hinn var inni að kynna sér skyndihjálparbúnaðinn. I
nni í húsi voru Sunna og Marsibil með sjúkrabúnaðinn. Þar var allt prófað sem hægt var að prófa, þeim var leiðbeint með að binda sjúkling á bakbretti og setja í börur, þau prófuðu KED vesti og hálskraga, við tókum blóðþrýstinginn og mældum súrefnismettun og svo mætti lengi telja.
Úti voru Halli og Tobba með sig niður af þakinu og skemmtu krakkarnir sér ekki síður vel þar. Þau lærðu að setja á sig sigbeltin og hvernig þau ættu að bera sig að við að síga. Sumum leist svo vel á að þau fóru oftar en einu sinni.
Þegar allir voru búnir að prófa báðar stöðvar voru Eiður og Ingi með stutta kynningu um fjarskipti og GPS tæki og reyndist það ekki síður gagnlegt.

Eins og sjá má heppnaðist dagurinn rosalega vel, og okkur entist ekki tími til að gera allt sem okkur langaði til. En það er auðvitað bara góð ástæða til að hittast aftur, og það er einmitt áformað í næstu viku. Þá ætla krakkarnir frá Svalbarðsströnd líka að kíkja til okkar.

Sjáumst hress í næstu viku
kveðja, frábæru umsjónarmennirnir:)

Björgunarmaður í aðgerðum

Wed, 21 Jan 2009 22:29:00 GMT

Á miðvikudaginn í næstu viku, þann 28. janúar, verður námskeiðið Björgunarmaður í aðgerðum haldið í Bangsabúð. Þetta námskeið er kvöldnámskeið og verður nánari tímasetning sett hér inn þegar nær dregur. Námskeiðið er hluti af Björgunarmanni 1, sem eru námskeiðin sem allir þurfa að taka til að teljast fullgildir félagar, og til að komast á útkallsskrá.
Það er hægt að skoða hvaða námskeið tilheyra Björgunarmanni 1 hér til hliðar undir flipanum "Námskeið".

Við viljum hvetja alla til að skrá sig á námskeiðið, en það gerið þið með því að fara inn á www.landsbjorg.is og smella á viðeigandi námskeið lengst til vinstri undir "Næstu námskeið" dálknum. Þar inni veljið þið "Skrá mig á þetta námskeið" og svo segir framhaldið sig sjálft.

Þegar þið hafið skráð ykkur, látið þá vita í athugasemdum hér fyrir neðan eða hafið samband við Eið til að við getum haldið utan um fjöldann.

Endilega skráið ykkur sem flest á þetta námskeið, það er mjög gagnlegt og skemmtilegt.

Sjáumst hress!

Skemmtidagur í Bangsabúð

Wed, 14 Jan 2009 21:55:00 GMT

Næsta laugardag ætlum við að halda skemmtilegan dag í Bangsabúð fyrir bæði unglingadeildina og hjálparsveitarmeðlimi. Þar verður margt til gamans gert, til dæmis ætlum við að læra skyndihjálp, skoða allan búnaðinn sem við eigum, skoða bílana og svo ætlum við að prófa að síga fram af þakinu á hjálparsveitarhúsinu, og svo bara allt sem okkur dettur í hug.
Þetta verður allt saman í gangi frá kl. 10-15 á laugardaginn, og hvetjum við ykkur til að mæta snemma og eiga skemmtilegan dag með okkur í Bangsabúð. Þið þurfið einungis að koma í hlýjum og þægilegum fötum, og það verður hádegismatur í boði.

Við hlökkum til að sjá ykkur sem flest til að við kynnumst öll betur, jafnt unga sem aldna:)

Kveðja frá umsjónarmönnum unglingadeildar.

Vinnukvöld

Tue, 13 Jan 2009 20:19:00 GMT

Sælir félagar
Það verður vinnukvöld annað kvöld í Bangsabúð. Mæting er kl. 19:00 og svo... eru pizzur í boði um kl. 20:00 fyrir duglegt fólk. Þeir sem geta mætt eiga að skrá sig hér á síðunni eða hafa samband við Eið í síma 8615537.

Við hvetjum auðvitað alla til að mæta til að taka til hendinni í húsinu okkar og auðvitað til að hittast og hafa það skemmtilegt saman:)

Sjáumst hress!

Flugeldasala á Þrettándanum.

Mon, 05 Jan 2009 23:30:00 GMT

Flugelda sala stendur yfir í Bangsabúð 6 Janúar frá klukkan 12:00 - 16:00 . Flugeldasíminn er 8441380.

Aðstoð við að bjarga hestum.

Mon, 05 Jan 2009 12:00:00 GMT

Á Nýársdag var farið að grenslast fyrir um 3 hesta sem voru horfnir frá Brúnagerði í Fnjóskadal. Sáust slóðir sem lágu norður dalinn og þar upp á Vaðlaheiði, sást síðan daginn eftir til þeirra vestarlega á Bíldsársskarði.

Björgunarsveitin Þingey fór síðan á laugadag og leitaði af hestunum en snjór og ekkert skyggni var á heiðinni og sáu þeir því ekki til ferð þeirra.
   Félagar okkar í Þingey fengu því Dalbjörgu og Tý á Svalbarðsströnd í lið með sér í gær, upp á Vaðlaheiði að leita af hestunum. Fundust hestarnir austarlega á Bíldsársskarði, sunnann við Sölvabás. Ekki gekk að koma múl á hestana en þeir voru svangir og hrifsu til sín pizzur og brauð sem björgunamenn gáfu þeim.
   Þar sem mikið svell var í brekkum og klettar víða í kring var ákveðið að reka hestana stóran krók fyrir Sölvagilið og þaðan í norður og niður hjá Steinkirkju. Nokkrir bílar fóru á undan og tróðu slóð sem hestarnir fylgdu síðan alla leið niður.
   Frá Steinkirkju voru hestanir reknir suður þjóðvegin að Brúnagerði þar sem þeir voru settir inn. Öllum var síðan boðið inn á Brúnagerði í pönnsur, kaffi og bakkelsi.
Alls tóku þrjár björgunarsveitir á 8 jeppum, 6 fjórhjólum, 4 snjósleðum og um 30 manns þátt í verkefninu.

Bændurnir á Brúnagerði vilja koma fram þökkum til allra sem aðstoðuðu við að ná hestunum.

Sleðadeildarfundur í gær.

Mon, 05 Jan 2009 11:31:00 GMT

Í gærkvöldi var fundur hjá sleðadeild fram í Bangsabúð. Mjög góð mæting var á fundinn eða 14 manns en á hann mættu líka eigendur fjórhjóla þar sem mikil samlegð er með þessum tækjum. Gengur sleðadeildin því nú undir nafninu skoppara og mottudeildin.

Á fundinum var farið yfir hverjir verða á útkallslista í vetur og síðan skráðu sig þó nokkrir til viðbótar í deildina.
Búnaður sleða var kynntur fyrir öllum en mjög góður búnaður er alltaf til staðar á þeim og eiga þeir að vera tilbúnir í útkall hvar sem þeir eru staddir.
Að lokum var farið yfir dagskrá vetrarins en þar er ráðgert að fara í 2 langar ferðir (2-3 gistinátta) auk þess sem menn voru hvattir til að nota sleðana óspart og æfa sig á þeim í styttri ferðum. Ingi hefur síðan tekið að sér að fá GPS námskeið fljótlega fram í Bangsabúð og þar verðum við öll að mæta.
Hér komist þið beint inn á ökumannalista sleðadeildar.

Með kveðju frá umsjónarmönnum sleðadeildar.

Fundur annað kvöld

Sat, 03 Jan 2009 17:51:00 GMT

Almennur fundur verður í Bangsabúð annað kvöld stundvíslega kl. 20:30. Þar verður flugeldasalan rædd, dagskrá vetrarins og fleira skemmtilegt.
Sleðadeildin verður með fund í Bangsabúð kl. 19:30, eða klukkustund á undan almenna fundinum. Þeir sem starfa í sleðadeild eða hafa áhuga á að starfa með sleðadeild eiga að mæta á þennan fund.

Vonumst til að sjá ykkur sem flest!

Nýtt ár að ganga í garð

Tue, 30 Dec 2008 23:21:00 GMT

Nú er en eitt árið að baki og við fögnum nýju ári að vanda. Íslendingar haft þann sið til margra ára að fagna nýju ári og kveðja það gamla með því að skjóta upp flugeldum. Flugeldar og meðferð þeirra getur verið varasöm og valdið mönnum og skepnum óþægindum.

Viljum við hjá Dalbjörgu brýna fyrir fólki nokkur atriði.

Sýnum öðrum tillitsemi og fögnum nýjum slysalausum áramótum.

Munið að flugeldasalan er stærsta fjáröflunarleið Dalbjargar og með því að kaupa flugelda af okkur eru þið að styrkja beint við bakið á okkur.

Gleðileg Jól.

Wed, 24 Dec 2008 16:31:00 GMT

Þar sem að Jólin eru nú á næsta leiti þá er ekki seinna en vænna að segja........

Gleðileg Jól og hafiði það sem allra best um hátíðarnar.

Sjáumst hress í Flugeldasölunni.

Björgunarsveitin safnar símum

Mon, 22 Dec 2008 00:55:00 GMT

Björgunarsveitir Slysavarnafélagsins Landsbjargar eru að hefja nýtt fjáröflunar- og endurvinnsluátak undir heitinu „Svaraðu kallinu!“ Átakið felst í því að björgunarsveitir safna gömlum gsm símum en ljóst er að slíkir símar leynast víða hjá landsmönnum. Björgunarsveitirnar koma símunum áfram til þýska fyrirtækisins Greener Solutions sem sérhæfir sig í endurvinnslu og endurnýtingu á gsm símum, og fá greitt fyrir hvert eintak. Greener Solutions flokkar símana, hluti þeirra fer í endurvinnslu þar sem ýmsir málmar, svo sem gull og palladium, og plastið er endurunnið. Þeir símar sem eru nothæfir eru gerðir upp og sendir til þróunarlanda. Með þessu átaki hagnast allir; fólk losnar við gömlu símana, styrkir björgunarsveitir, sýnir umhverfisvernd í verki og aðstoðar fátækari íbúa heimsins að eignast síma sem oft koma að góðum notum, bæði félagslega og fjárhagslega.

Björgunarsveitirnar munu taka á móti gsm símum á flugeldasölustöðum um allt land en þeir opna sunnudaginn 28. desember.

Við tökum á móti gömlum símum á Flugeldamarkaði sveitarinnar á Hrafnagili.

Flugeldasala í fullum gangi

Mon, 22 Dec 2008 00:37:00 GMT

Flugeldasölustaðurinn er opinn 28 - 30 des. frá kl 10-22 og 31 des frá 9-16. Hvetjum alla til að styrkja okkar góðu björgunarsveit.

Dalbjargarblaðið

Mon, 22 Dec 2008 00:22:00 GMT

Dalbjargarblaðið rennur út úr prenntvélinni á morgun og verður dreift á annann í jólum. Þið getið skoðað það á tölvutækuformi hér á síðunni með því að smella hér .

Kveðja Ritnefndin

Flugeldafundur

Sun, 21 Dec 2008 23:00:00 GMT

Í kvöld var haldinn flugeldafundur fram í Bangsabúð. Þar mættu 13 manns og var farið yfir skipulag á flugeldasölu og raðað niður á vaktir. Ennþá vantar samt ennþá menn á einhverjar vaktir og á næturvaktir

þannig að nú verða menn að láta Ragga s:8660524 vita hvaða vaktir þeir geta tekið.

Flugeldasalan er okkar stærsta fjáröflun og því gríðarlega mikilvægt að sem flestir séu með, og það geta allir lagt sitt af mörkum. Munið að margar hendur vinna létt verk.

Á fundinum var líka farið yfir blaðið en það er í prentun nú um helgina. Því verður dreift eins og venjulega á annan í jólum til sveitunga okkar. Við hvetjum félaga til að nálgast það hjá Pétri á morgun svo að þið getið komið því til vinnufélaga og kunningja.

Að lokum var farið yfir átak sem stendur yfir í söfnun á gömlum farsímum og hún verður í gangi á flugeldasölunni og eftir áramót. Við fáum greitt fyrir hvern síma í hvaða ástandi sem hann er og er því mjög mikilvægt að við stöndum saman og söfnum saman eins mörgum símum hjá okkur, vinum og sveitungum.

Fundurinn var skemmtilegur og voru miklar umræður. En við minnum aftur á að þeir sem ekki gátu mætt á fundin en vilja og geta lagt sitt af mörkum í okkar stærstu fjáröflun að setja sig í samband við Ragga s:8660524 sem fyrst.

Samningur milli Slökkviliðs Akureyrar og Hjálparsveitarinnar Dalbjargar

Tue, 16 Dec 2008 21:26:00 GMT

Þann 15. desember undirrituðu Þorbjörn Haraldsson slökkviliðsstjóri og Helgi Schiöth félagi í Hjálparsveitinni Dalbjörg samstarfssamning milli Slökkviliðs Akureyrar og Hjálparsveitarinnar Dalbjargar. Samningurinn felur í sér að Hjálparsveitin Dalbjörg tekur að sér að aðstoða Slökkvilið Akureyrar við slökkvi- og björgunarstörf í Eyjafjarðarsveit og nágrenni.Slökkvikerra með dælu, slöngum og öðrum búnaði verður staðsett í Bangsabúð, húsnæði hjálparsveitarinnar að Steinhólum. Slökkvilið Akureyrar mun sjá um að þjálfa og halda æfingar fyrir hjálparsveitina en ráðgert er að innan hennar muni 6-8 manna hópur sjá um þennan þátt. Þar að auki mun Slökkviliðið styðja við bakið á hjálparsveitinni með námskeiðum og annarri fræðslu. Þessi samningur er stór viðurkenning fyrir Dalbjörg á því starfi sem hún hefur sinnt síðustu ár.

Litlu jólin!!!

Mon, 08 Dec 2008 17:50:00 GMT

Litlu jól Dalbjargar verða haldin laugardaginn 13. desember, eða núna um næstu helgi. Að vanda verður þetta mikið fjör:) Eins og undanfarin ár verður geimið haldið að Melgerðismelum. Húsið opnar kl. 19:00 en dagskráin byrjar kl. 19:30. Fínasti jólamatur verður í boði sveitarinnar, og svo verða auðvitað einhverjar uppákomur frá skemmtinefnd.
Við ætlum líka að hafa pakkaleik, þannig að þeir sem ætla að vera með geta komið með pakka og lagt í púkkið. Hámarksverð á gjöfinni er 1000 kr.

Nú hvetjum við bara alla til að mæta! Þeir sem hafa mætt undanfarin ár vita hversu skemmtilegt þetta er og hinir sem ekki hafa komið ættu að nota tækifærið til að lyfta sér upp. Þið viljið ekki láta ykkur vanta að þessu sinni:)

Skráning er hjá Ragnari í síma 8660524, í síðasta lagi á miðvikudagskvöldið.

Leit á Skáldabúðarheiði

Mon, 08 Dec 2008 17:45:00 GMT

Í síðustu viku fóru 5 manns frá Dalbjörg til leitar á Skáldabúðarheiði, en þar hafði maður verið týndur í rúma viku. Þau fóru á fimmtudagskvöldi, leituðu á föstudegi og komu svo til baka um nóttina. Leitin bar ekki árangur og henni hefur nú formlega verið hætt.

Góð æfing í gærkvöldi.

Wed, 19 Nov 2008 10:13:00 GMT

Í gær kvöldi var haldin björgunaræfing inn á Eyjafjarðardal, æfingin var boðuð út sem útkall og var sent sms "Æfing, Útkall F1 Rauður, Bílslys Eyjafjarðardal, 2 slasaðir, Æfing" á Dalbjörgu.
Þá voru mættir 16 manns í Bangsabúð, þau skipulögðu sig, tóku búnað og lögðu af stað á Dalbjörg 1,2 og 3.

Sjúklingurinn fékk góða aðhlynningu.

Halli að mæla blóðþrýsting.

Þau fyrstu sem komu að sjúklingnum.

Leitarhópurinn lagðu af stað út í sortann

Helgi alltaf svo glaður..

Námskeið í gærkvöldi

Mon, 17 Nov 2008 20:05:00 GMT

Í gærkvöldi var námskeið í stjórnun og skipulagi haldið í Bangsabúð. Mættu 16 manns og fóru yfir hvernig við ætlum að bera okkur að á vettvangi. Vakti þetta miklar umræður og allir á því að brýna þennann þátt innan sveitarinnar.

Kvöldinu lauk síðan með upprifjun í skyndihjálp. Þannig að núna bíða menn eins og spenntir rottubogar eftir æfingunni á morgun.

Æfing á næstunni

Mon, 10 Nov 2008 12:46:00 GMT

ATH. Æfingi á Þriðjudagskvöld 18 nóv. kl 19.00! Elmar og Pétur hafa tekið að sér að skipuleggja stóra æfingu fyrir okkur Dalbjargarmenn. Hún verður mjög raunveruleg og í líkingu við æfinguna sem við vorum með í fyrra þótt aðaláherslan verði ekki skyndihjálp eins og þá. Æfingin verður í næstu viku á þriðjudagskvöldið. Munið hitting í Bangsabúð á sunnudagskvöldið kl 20. Upprifjun í skyndihjálp og skipulag á vettvangi. Markmiðið með æfingunni er að allur hópurinn æfi sig saman til að gera okkur markvissari og betri í okkar starfi. Þetta er æfing fyrir alla meðlimi Dalbjargar og er skyldumæting fyrir alla. Æfingin sjálf byrjar kl 19:00 og verða menn að verða mættir fyrir þann tíma í Bangsabúð. Reiknað er með að við séum komin aftur í hús milli kl. 21-22 þá verður farið yfir æfinguna og henni lokið kl. 22:30. Nú er gott að menn noti tímann þangað til í að rifja upp þríhyrningana þrjá í skyndihjálp, rifja upp hvaða búnaður er í bílunum, finna búnaðinn sinn og yfirfara hann. Hvað þarf góð björgunarsveit að geta gert? Hún þarf að hafa búnað til að koma sér á staðinn. Við þurfum sjálf að hafa þekkingu og getu til að nota tækin og þekkja umhverfið þar sem við ferðumst. Þegar við erum á staðnum þurfum við að getað leystviðkomandi verkefni og þá er skyndihjálpin númer eitt. Auk þess þurfa skipulagsatriði eins og leitartækni, snjóflóðaleit, sigbjörgun og fleira að vera á hreinu. Til þess að geta leist verkefnið þurfum við góðan búnað í skyndihjálp auk annars búnaðar. Á meðan við gerum þetta allt þurfum við að vinna skipulega og skila mikilvægum upplýsingum frá okkur í gegnum fjarskipti. Dalbjörg stendur mjög vel með tæki og við eigum mjög góðan skyndihjálparbúnað. Við erum með margt fólk sem kann að nota tækin og þekkir til á svæðinu. Við höfum annan lágmarks björgunarbúnað t.d. sigbúnað. Svo er það skyndihjálparkunnátta og regluleg endurmenntun hjá mannskapnum sem er mjög mikilvæg fyrir aðra þætti starfsins. Þannig að núna þurfum við að æfa okkur sem heild og fá betra skipulag á okkur og fá sjálfstraustið upp úr öllu valdi. Við vonumst til að sjá ykkur sem flest og ekki reyna að hunsa þessa æfingu því þið munið sjálf sjá eftir því, þetta verður svo gaman :) Þið sem voruð á æfinguni í fyrra munið hvað það skildi eftir fyrir ykkur og núna höldum við áfram. Kveðja Pétur R.

Leitartækninámskeið um næstu helgi.

Tue, 04 Nov 2008 08:13:00 GMT

Um næstu helgi verður leitartækninámskeið haldið á Dalvík. Þó nokkrir eru búnir að skrá sig frá okkur og viljum við hvetja þá sem eiga þetta eftir til að skrá sig hjá Eið í síma 861-5537. Leitartækni er eitt af stórunámskeiðunum sem við þurfum að taka til að verða "Björgunarmaður 1".

Fundur.

Sat, 01 Nov 2008 20:17:00 GMT

Komiði Blessuð og sæl. Bara að minna á fundinn annað kvöld eða Sunnudaginn 2 nóvember. Það er stundvísleg mæting Kl. 20:15 í Bangsabúð. Endilega allir að mæta Nýliðar sem og Gamlar kempur !

Reykskynjarayfirferð og Neyðarkallinn

Sat, 01 Nov 2008 16:14:00 GMT

Þessa helgi er hin árlega reykskynjarayfirferð Dalbjargar um Eyjafjarðarsveit, en þá förum við á alla bæji í sveitinni og seljum rafhlöður í reykskynjara. Einnig höfum við til sölu slökkvitæki, eldvarnarteppi, sjúkrakassa og reykskynjara.
Við erum líka að selja Neyðarkallinn, sem er fjáröflun fyrir björgunarsveitir landsins og er nú seldur þriðja árið í röð.
Nú þegar jólin fara að nálgast með öllum jólaljósunum og kertunum er einmitt tíminn til að fara að huga að þessum málum og þarf hver að athuga hvernig málin standa á sínum bæ. Framleiðendur reykskynjara ábyrgjast þá í 5 ár, en eftir þann tíma ætti að skipta þeim út fyrir nýja. Reykskynjarar eru tiltölulega ódýr öryggistæki sem eru nauðsynleg á hverju heimili. Einnig ætti að vera a.m.k. eitt slökkvitæki og eldvarnarteppi á hverju heimili, og gott er að eiga lítinn sjúkrakassa með því helsta sem maður kynni að þurfa að nota heima við.

Við vonum að allir skoði það sem betur má fara á sínum heimilum og endurnýji það sem þarfnast endurnýjunar.

Haustferð 2008

Tue, 09 Sep 2008 20:28:00 GMT

Nú er komið að haustferð Dalbjargar 2008 og verður hún farin helgina 3.-5. október. Á föstudeginum verður farið upp í Réttartorfu og gist þar, og haldið áfram og eitthvað skemmtilegt gert á laugardeginum. Á laugardagskvöldinu verður sameiginlegt grill eins og venjulega.

Þeir sem vilja skrá sig eða fá frekari upplýsingar um tilhögun ferðarinnar eiga að hafa samband við Ragga í síma 8660524 fyrir næsta miðvikudag.

Margt að gera í byrjun vetrar!

Tue, 09 Sep 2008 20:08:00 GMT

Jæja félagar, það er margt að gera hjá okkur strax í byrjun vetrar. Námskeið, haustferð og leyniverkefni, ásamt því að unglingastarfið fer að hefjast.
Fyrst ber að nefna að 19. - 21. september verður rötunar- og ferðamennskunámskeið í Bangsabúð. Þetta eru í raun tvö námskeið sem verður skeytt saman í eina helgi, og mikilvægt er að sem flestir skrái sig þar sem þau eru bæði hluti af Björgunarmanni 1. Námskeiðin sem þarf að taka til að verða Björgunarmaður 1 getið þið séð hér til hliðar undir "Námskeið", eða á www.landsbjorg.is.

Ákveðið var að fara í haustferð fyrstu helgina í október, eða 3. - 5. október. Frekari fréttir af henni ásamt því hvar á að skrá sig koma síðar.

Svo er eitt leyniverkefni í gangi í sveitinni, sem verður næsta laugardag, þann 13. september. Til að fá upplýsingar um það, og ef þið viljið hjálpa til, hafið þá samband við Marsibil í síma 8689094.

Unglingastarfið fer einnig að byrja og eru það þær Marsibil og Guðlaug sem hafa yfirumsjón með því í vetur. Starfið hefur þegar verið kynnt fyrir 9. og 10. bekk Hrafnagilsskóla, og vonumst við eftir góðri þátttöku, enda margt í boði fyrir hressa krakka. Fyrsti fundur verður auglýstur síðar.
Í sumar fóru tvær stúlkur úr unglingadeildinni í Útilífsskólann á Gufuskálum og skemmtu sér rosalega vel. Ferðasagan þeirra verður sett inn á síðuna um leið og hún er tilbúin.

Við hvetjum ykkur til að byrja veturinn af krafti og taka þátt í öllu sem býðst. Takið nýja félaga endilega með til að kynna fyrir þeim sveitina.

Fyrsti fundur vetrarins

Sat, 06 Sep 2008 11:20:00 GMT

Fyrsti almenni fundur vetrarins verður haldinn í Bangsabúð á morgun, stundvíslega kl. 20:00.
Farið verður yfir námskeið vetrarins, sumarstarfið rætt og margt fleira. Við hvetjum auðvitað sem flesta til að mæta svo við getum hafið vetrarstarfið af krafti.

Handverkshátíðin á Hrafnagili

Wed, 06 Aug 2008 20:28:00 GMT

Nú er enn og aftur komið að hinni árlegu handverskhátíð á Hrafnagili. Eins og undanfarin ár tökum við þátt í undirbúningi og vinnu við hátíðina, bæði við uppsetningu, miðasölu og fleira.

Þeir sem hafa áhuga á að hjálpa til, hvort sem það er við vaktir yfir hátíðina, uppsetningu eða þegar gengið verður frá eftir hátíðina megið endilega hafa samband. Sá sem sér um skráningu er Ragnar, í síma 8660524.

Munið að margar hendur vinna létt verk!

Hjálparbeiðni við Laugafell

Fri, 18 Jul 2008 11:31:00 GMT

Mánudaginn 14. júlí kom beiðni til Dalbjargarmanna um að sækja bilaðan Land Cruiser sem stóð um 10 km austan við Laugafell.

Sex manns fóru á tveimur bílum Dalbjargar með kerru til að ná í bilaða bílinn. Farið var um kl. 21:00 á mánudagskvöldi, og komið heim aftur kl. 04:00 um morguninn. Aðgerðin gekk vel í alla staði.

Útkall í Garðsárdal

Wed, 25 Jun 2008 22:07:00 GMT

Á mánudaginn rétt fyrir kl. 16 var Dalbjörg kölluð út til aðstoðar í Garðsárdal. Þar hafði maður dottið á vélhjóli og fótbrotnað. Óhappið varð austan við ána til móts við eyðibýlið Helgársel. Fjórir Dalbjargarmenn fóru af stað á fjórhjólum og fjórir til viðbótar komu á eftir á tveimur jeppum sveitarinnar. Einnig voru 3 bílar frá Björgunarsveitinni Súlum með í för.

Aðgerðin gekk vel, búið var um manninn og hann borinn á börum nokkur hundruð metra. Hann var kominn á sjúkrahús um kl. 18:00.

Tilkynning til Dalbjargarfélaga og sveitunga

Wed, 11 Jun 2008 22:43:00 GMT

Við vorum beðin um að koma tilkynningu frá fjölskyldunni í Grænuhlíð á framfæri. Nú er komin tímasetning á veisluna líka.

Laugardaginn 21. júní verður um það bil eitt og hálft ár liðið frá skriðuföllunum hjá Grænuhlíð. Í tilefni af því að allt er komið í samt horf, nokkurn veginn eins og það var áður en skriðurnar féllu, vill fjölskyldan bjóða öllum þeim sem hjálpuðu til eða komu að málinu á einn eða annan hátt til veislu þennan dag í Grænuhlíð. Þar verður kaffi og grillað ofan í mannskapinn frá hádegi og fram á kvöld.

Við hvetjum fólk til að taka daginn frá til að heilsa upp á fjölskylduna í Grænuhlíð og samfagna þeim.

Kassaklifur í Kvennahlaupi

Sat, 07 Jun 2008 18:57:00 GMT

Hið árlega kvennahlaup var haldið um allt land í dag, þar á meðal á Hrafnagili. Þar vorum við með kassaklifur í íþróttasalnum eins og við höfum gert síðustu ár, og eins og venjulega var mikil aðsókn í það. Krakkarnir stóðu sig rosalega vel og hvert metið var slegið á fætur öðru. Í þetta skiptið stóð kvenþjóðin sig áberandi best, en hún Kristjana á Hranastöðum var með flesta kassa, eða 21. Það er það hæsta sem hægt er að fara, því lofthæðin leyfir ekki hærri kassaturn. Næst kom Birgitta Íris í Vallartröð með 19 kassa og á eftir henni voru Sveinborg, Guðmundur og Júlíus, öll með 17 kassa. Við ætlum að halda tölum þessa árs til haga og vonum að sem flestir mæti á næsta ári og bæti sig enn frekar. Þetta var mjög skemmtilegur dagur, og við hlökkum til að sjá ykkur aftur á næsta ári.

Unglingadeild

Tue, 03 Jun 2008 18:47:00 GMT

Sælir krakkar

Á föstudagskvöldið ætlum við út að borða saman, og reyna að panta pláss í keilu fyrir okkur líka. Við höfum í huga að fara og fá okkur pizzuhlaðborð á Greifanum og fara annað hvort í keilu fyrir eða eftir mat, eftir því hvort hentar betur.

Þeir sem vilja koma með verða að skrá sig hjá Sunnu, Gullu eða Marsibil í síðasta lagi kl. 19:00 annað kvöld, vegna þess að við þurfum að panta pláss fyrir okkur á báðum stöðum. Frekari upplýsingar, ásamt tímasetningu koma á morgun.

Verið nú dugleg að skrá ykkur og sjáumst sem flest á föstudagskvöldið!

Óvissuferðin...

Wed, 28 May 2008 17:19:00 GMT

... heppnaðist auðvitað gífurlega vel og allir skemmtu sér konunglega. Það var reyndar ekki farið langt, en við þurfum nú ekki að yfirgefa Eyjafjörðinn til að skemmta okkur.
Mæting var á Leirunni kl. 10:30 á laugardagsmorgni, og síðan var haldið út í óvissuna. Leiðin lá inn í sveit, þar sem liðinu var skipt upp í 3 hópa sem reyndu sig svo við hinar ýmsu þrautir sem hin stórkostlega óvissunefnd eyddi mörgum dögum í að undirbúa;)

Þrjár stöðvar voru fyrir þrautirnar, og á einni stöðinni reyndi á sveitahuginn í fólki. Þar var verkefnið að rúnta um á lyftara, hoppa á trampólíni og handmjólka kú svo eitthvað sé nefnt. Eitthvað þvældist síðastnefnda verkefnið fyrir sumum, sem bættu fyrir það með því að drekka mjólkina. Á næstu stöð þurfti fólk að brjóta heilann um hvernig væri best að hella vatni á milli brúsa, leika sér á fjórhjóli og leita að týndum snjóflóðaýlum. Á þriðju stöðinni var skyndihjálparverkefni þar sem hinir ýmsu þættir voru metnir hjá liðunum, liðin þurftu að svara spurningum sem reyndust þeim miserfðar og rifja upp námskeið í fyrstu hjálp.

Fjórða þrautin var eins konar kapphlaup, þar sem liðin hlupu upp og niður sandhóla með börur og tíndu steina upp í þær. Eftir þetta komu aukafötin sér vel, því sumir tóku upp á því að stinga sér til sunds með börurnar. Fólk var alveg búið á því eftir hlaupið, en þar sem við erum kúbein þá tók ekki langan tíma að jafna sig. Næst stoppuðum við á Hrafnagili og fórum í reipitog og heilsuðum upp á fólk á tjaldstæðinu.

Eftir þetta lá leiðin til Akureyrar þar sem liðin reyndu með sér í keilu, og þar kom í ljós að fólk er mishæft í þessum létta leik, að minnsta kosti var ekki vilji hjá öllum til að tjá sig um stigin sín eftir leik. Því næst fóru allir til síns heima og pússuðu sig upp, óvissunefndin taldi stig dagsins og um kvöldið grilluðum við saman og veittum dýrindis verðlaun.

Óvissunefndin vill þakka öllum fyrir þennan frábæra dag og skorar á vinningsliðið að setja saman nefnd að ári!
Takk fyrir okkur.

Óvissuferðin!

Thu, 22 May 2008 23:52:00 GMT

Jæja, nú eru komnar frekari upplýsingar um óvissuferðina, eins og þið fenguð skilaboð um í kvöld. Það er mæting á Leiru kl. 10:30, stundvíslega á laugardaginn! Þeir óstundvísu verða bara skildir eftir á bílastæðinu. Þið þurfið að vera í fötum sem eru ætluð til útivistar, klædd eftir veðri, og ekki skemmir að hafa með sér eins og eitt aukasett af fötum. Þið þurfið að sjá um matinn sjálf yfir daginn, svo hafið með ykkur nesti. Allt prógrammið verður væntanlega búið um kl. 18:30 og þá getur fólk farið heim og snyrt sig örlítið til, og svo verður grillað á leyndó-stað um kvöldið. Þessi ferð mun hafa örlítinn kostnað í för með sér fyrir ykkur, eins og minnst var á í boðanum.
Þeir sem komast ekki yfir daginn geta mætt með okkur um kvöldið, og biðjum við fólk að skrá sig sérstaklega í það líka.

Ef það eru frekari spurningar, Eurovision sérþarfir eða eitthvað sem þið eruð að spá, endilega hafið samband eða skrifið hér í athugasemdir;)

Óvissuferð

Sun, 18 May 2008 21:25:00 GMT

Næsta laugardag, 24. maí, er stefnt á að fara í óvissuferð. Þetta verður auðvitað alveg ofsalega skemmtilegt, þannig að það er skyldumæting fyrir alla þá sem eru félagar í hjálparsveitinni.

Það er mæting á leyndó-stað kl. 10:30 og þetta verður alveg súper dagur. Skráning er hér á síðunni eða hjá Elmari, Sunnu, Ragga eða Smára. Svo verður að skrá sig fyrir þriðjudag! Frekari upplýsingar koma síðar...

Verið nú dugleg og skráið ykkur krúttin!

Þetta er LEYNDÓ

Unglingadeild

Tue, 06 May 2008 23:06:00 GMT

Við ætlum að hittast í Bangsabúð laugardaginn 10. maí frá kl. 13:00-15:00. Þar ætlum við að finna okkur eitthvað skemmtilegt að gera, svo sem hafa upprifjun í skyndihjálp, afhenda peysurnar sem við pöntuðum og síðast en ekki síst kynna ykkur hvað við höfum hug á því að gera í ferðalaginu okkar sem verður væntanlega eftir prófin.

Fyrsta hjálp 2

Tue, 06 May 2008 23:00:00 GMT

Fyrirhugað er að halda námskeið í Fyrstu hjálp 2 laugardaginn 17. maí og 3 kvöld í vikunni á eftir. Þeir sem ætla sér að taka þátt í hálendisgæslunni í sumar þurfa að taka þetta námskeið. Einnig er þetta hluti af Björgunarmanni 1, og eins og þið vitið leggjum við mikið upp úr því að eiga öflugt og vel menntað fólk í fyrstu hjálp, þannig að allir sem sjá sér fært að mæta mega endilega taka daginn frá.

Dagsetningar og tími eru sem hér segir:

Laugardagur 17. maí frá kl. 10-15

Mánudagur 19. maí, þriðjudagur 20. maí og miðvikud. 21. maí frá kl. 20-22:30.

Svo höfum við fimmtudaginn 22. maí til vara ef eitthvað næst ekki á hinum dögunum.

Björgunarsveitir líta í heimsókn

Thu, 01 May 2008 09:57:00 GMT

Í dag komu Björgunarsveitirnar Blanda á Blönduósi, Strönd á Skagaströnd og Húnar á Hvammstanga/Laugabakka í heimsókn. Við tókum auðvitað vel á móti þeim með bakkelsi og góðum félagsskap.

Það er árviss viðburður hjá Húnunum að heimsækja aðrar björgunarsveitir 1. maí og buðu þeir nágrannasveitum sínum að fara með. Hin ýmsu mál voru rædd og skemmti fólk sér mjög vel. Um kl. 15:00 kvöddum við félagana sem héldu ferð sinni áfram til að heimsækja fleiri staði. Við þökkum þeim kærlega fyrir komuna.

Hér má sjá heimasíður björgunarsveitanna Húna og Blöndu.

Skráningar til Landsbjargar

Mon, 28 Apr 2008 16:49:00 GMT

Nú er verið að vinna í því að uppfæra félagaskráninguna okkar hjá Landsbjörg, og verður vonandi búið í vikunni. Það sem vantar oftast í skráninguna eru netföngin okkar og við vorum beðin að finna eins mörg og við gætum. Þeir sem eru komnir með nýtt netfang, eru nýlega búnir að skrá sig eða bara vilja láta okkur vita svona til öryggis, endilega látið okkur vita svo við getum skráð ykkur rétt.
Þið getið sett netfangið ykkar hér í athugasemdir með fréttinni, eða sent það á sunnaax@hotmail.com
sem allra fyrst. Einnig ef það er eitthvað annað sem þið viljið breyta, heimilisfang eða eitthvað þannig, þá má það endilega fljóta með.

Ef þið viljið vera skráð á póstlista Landsbjargar getið þið einnig sent póst á olof@landsbjorg.is og þið verðið skráð á póstlistann.

Verið nú dugleg að láta vita af ykkur!

Almennur Fundur

Mon, 28 Apr 2008 11:14:00 GMT

Almennur fundur fram í Bangsabúð næstkomandi sunnudag kl 20:15.

Tækjamót í Jökuldal

Mon, 28 Apr 2008 09:45:00 GMT

Helgina 25.-26. apríl hélt Hjálparsveitin Dalbjörg Tækjamót Landsbjargar í Jökuldal. Mæting var í Jökuldal á föstudagskvöldinu, en þar biðu skálarnir heitir eftir gestunum.
Klukkan 10 á laugardagsmorgun var brottför og var stefnan tekin meðfram Hofsjökli inn að miðju Íslands við Illviðrahnjúka.

Mikið um að vera

Sun, 27 Apr 2008 16:50:00 GMT

Það er margt búið að vera að gera í starfinu núna síðustu daga og ekki unnist tími til að setja allt hér inn. Hér kemur yfirlit yfir atburði síðastliðna viku.

16. apríl fóru Valli og Palli upp Garðsárdal og inn í Laugafell á sleðum. Þeir fóru upp á Laugafellið og aðeins um svæðið í kring. Síðan fóru þeir aftur niður í Garðsárdal og skoðuðu sig um áður en þeir héldu aftur heim. Þetta var samtals um 220 km leið.

17. apríl fóru Pétur, Elmar og Bubbi K á sleðunum út í Fjörður og Flateyjardal. Þeir skoðuðu alla helstu staði í Fjörðunum og litu við í Heiðarhúsum og Þönglabakka. Eknir voru tæplega 200 km í sól og blíðu.

20. apríl fóru Pétur og Sigrún á Patrol upp Vatnahjallann með bensín í Laugafell.

21. apríl voru sleðarnir yfirfarnir af Valla, Smára og Palla.

21. apríl var fundur um tækjamót haldinn í Bangsabúð og mættu 12 manns á fundinn.

24. apríl var síðan farið á 4 jeppum upp í Nýjadal til að standsetja skálana. Við þurftum að moka okkur inn í gamla skálann og laga til. Við kveiktum upp í Solo vélunum og virkuðu þær fínt. Snjór var yfir öllu á svæðinu og svolítið þungt færi, þannig að það leit vel út fyrir tækjamótið sem var um helgina.

Aðstoð við Eyjafjarðará

Thu, 24 Apr 2008 07:20:00 GMT

Aðfaranótt miðvikudags fór Ingi og aðstoðaði unga menn sem voru að athafna sig í Eyjafjarðará. Þeir höfðu fest bílinn í sandi neðan við Hrafnagil og vatn var byrjað að flæða inn í bílinn. Bíllinn var spilaður upp svo að þeir félagar gætu farið að þurrka hann.

Aðalfundi lokið

Mon, 21 Apr 2008 11:41:00 GMT

Aðalfundurinn okkar var haldinn síðastliðið laugardagskvöld að Öngulsstöðum. Mætingin var mjög góð og fundurinn skemmtilegur í alla staði. Það voru 5 manns sem skráðu sig í sveitina, og 9 manns sem starfað hafa með okkur frá síðasta aðalfundi voru formlega teknir inn sem félagar. Einnig kusum við nýja stjórn og samþykktum lagabreytingar á aukafundi.

Heimsókn frá Húnum

Tue, 15 Apr 2008 23:41:00 GMT

Björgunarsveitin Húnar er búin að boða komu sína til okkar 1. maí. Er það árlegt hjá þeim að bregða undir sig betri fætinum og heimsækja aðrar sveitir, þannig að nú er bara að taka vel á móti þeim.

Tækjamót 2008

Tue, 15 Apr 2008 23:31:00 GMT

Hjálparsveitin Dalbjörg býður til Tækjamóts laugardaginn 26. apríl. Tækjamótið verður haldið að þessu sinni í Nýjadal og verður farið um næsta nágrenni norðan við.

Sæll bóndi

Tue, 15 Apr 2008 08:40:00 GMT

Gærdagurinn byrjaði með nokkrum örvæntingarfullum símtölum til að fá menn til að dratthalast út í góða veðrið. Ég vaknað um 7 leitið vitandi að ég hafði enga ástæðu til að fara á fætur fyrr en klukkutíma seinna en þá var mér litið út um gluggann. Við mér blasti heiðskýr himinn og þvílík blíða. Nokkur árangurslaus símtöl sem voru öll á sömu vísuna “Pétur ég er að fara að vinna” eða “ég er að verða búin að skrópa mig úr skólanum”. Þá var bara eitt að gera, athuga hvernig gengi í fjósi hjá Hlyn.

Það stóð ekki á Hlyn frekar en fyrri daginn, hann var klár á sleða. Lögðum við í smá “skreppu” inn á Glerárdal um 10:30 og það var allt eins og best var á kosið, veðrið og færið hrikalega gott og snilldar ferðafélagi. Neðan við Súlur var fyrsta stoppið, það var allt svo dásamlegt að það var klárt að við færum inn í Laugafell og bara upp á Vatnajökul.

Þannig fór það, hugmyndin komin og af stað inn Glerárdalinn í Lamba. Áfram upp gilið og upp á Þrömina, niður í Skjóldal og suður upp úr honum. Þræddum við kambana en það var grunnt á þeim þar til að við enduðum í Klakahöllinni (Litla-Kot). Snjóléttasti parturinn að baki og nú var stóra gjöfin í gengum Bergland og í Laugafell enda bóndinn orðinn svangur. Snæddum við hádegismatinn kl 13:30 og lögðum af stað beina leið að Tungnafellsjökli.

Færið var orðið rosalegt þegar við nálguðumst jökulinn púður og meira púður. Upp á jökulinn fórum við örlítið sveittir eftir baráttu við nokkur gil og festur. Af jöklinum skelltum við okkur niður í Vonarskarð og þaðan upp Jaðarinn og upp á Köldukvíslarjökul.

Upp á Vatnajökli rann upp fyrir okkur að þetta gæti ekki varað endalaust þannig að við stoppuðum. Búnir að keyra um 150 km leið nánast úr miðbæ Akureyrar og upp á Vatnajökul. Jæja þetta var ágætt, Hlynur þóttist heyra eitthvað í fjarska kanski beljurnar hans, hver veit. Af stað heim niður af Vatnajökli, norður Vonarskarð upp Gjóstuklifið framhjá Hníflunum yfir jaðar Tungnafelssjökuls og beinustu leið upp á Fjórðungsöldu. Já og þetta gerðirst nánast svona hratt, ýmindaðu þér bara púður og sól með. Klukkan 18 vorum við í Laugafelli aftur og afgangurinn af nestinu borðaður auk þess sem við bættum eldsneyti á fákana.

Skelltum við fram þeirri snilldar hugmynd að fara bara niður Garðsárdalinn og auðvitað var hún samþykkt samhljóða. Þannig að næsti áfangastaður var Landakot og þaðan yfir snjóbreiðurnar þar sem hvergi sá á dökkann díl (nema kanski bóndann) að Gönguskarði. Skelltum við okkur þar niður og niður úr skarðinu og ofan í Garðsárdal. Sólin lék en við okkur þar sem við tættum niður dalinn í kapp við hvorn annann þar til við stoppuðumst á kerrunni okkar á Garði. Palli Hefill hafði auðvitað reddað bílnum og kerrunni okkar yfir í Garð.

Klukkan rétt orðin átta og góður dagur með 330 km skrepp að baki.

Við fengum að svitna hressilega þarna.

Upp á Fjórðungsöldu.

Pétur R.

Unglingadeildarfundur

Sun, 13 Apr 2008 22:28:00 GMT

Sælir krakkar

Á morgun er fundur hjá okkur í Bangsabúð kl. 19:00. Við ætlum að tala um hvað okkur langar að gera í sumar, og einnig í vor ef þið viljið til dæmis gera eitthvað eftir prófin. Þetta er hugmyndafundur, svo allir með góðar hugmyndir eiga að mæta - og hinir líka:)

Kveðja umsjónarmennirnir.

Ýmislegt úr starfinu

Wed, 09 Apr 2008 23:12:00 GMT

Hittingur var hjá nokkrum sleðamönnum í kvöld. Sleðarnir voru smurðir, bónaðir og kúplingarnar hreinsaðar. Skipt var um kerti og dittað að hlífðarpönnu á öðrum þeirra. Í síðustu viku var farið með sleðana og Patrol á opnadaga í Verkmenntaskólanum til að kynna starf sveitarinnar. Daginn eftir var síðan farið með annann sleðann í Mótormax þar sem þeir skiptu út skemmdu hlutunum í gírhúsinu.

Síðast liðin mánudag fóru Rolf, Pétur og Jóri í smá ferð inn á Garðsárdal og Vaðlaheiði.

Næstu helgi eru Hemmi og Jón Elvar (litli Hemmi) búnir að óska eftir að fara að æfa sig á sleðunum á laugardeginum og síðan eru Valli og Palli (vá gegt fyndið) búnir að óska eftir að fara á þeim á sunnudag.

Síðan er auðvitað verið að leita eftir fólki í gæslu á Söngkeppni framhaldsskólana sem verður í Íþróttahöllinni á laugardagskvöldið. Þeir sem geta mætt látið vita til Jóra í síma 868-1401.

Munið síðan fjölskyldudaginn og Aðalfundinn um þar næstu helgi.

Aðalfundur Dalbjargar 2008

Mon, 07 Apr 2008 07:13:00 GMT

Laugardagskvöldið 19. apríl kl. 20:00 verður aukaaðalfundur Hjálparsveitarinnar Dalbjargar haldinn. Á dagskrá eru lagabreytingar.

Aðalfundur Hjálparsveitarinnar Dalbjargar 2008 verður haldinn laugardagskvöldið 19. apríl kl. 20:30. Á dagskrá eru venjuleg aðalfundarstörf.

Fundirnir verða haldnir að Ferðaþjónustunni á Öngulsstöðum. Kaffiveitingar verða í boði og vonumst til að sjá ykkur sem flest.

Fjölskyldudagurinn okkar verður einnig sama dag. Það kemur betur í ljós síðar hvar hann verður haldinn, en eins og alltaf verður þetta rosalega skemmtilegt og hvetjum við alla til að taka daginn frá.

Kveðja stjórnin.

Fundur í kvöld

Sun, 06 Apr 2008 07:19:00 GMT

í kvöld sunnudaginn 6 apríl er almennur fundur í Bangsabúð. Fundurinn hefst að venju kl 20:15 og núna þarf að ræða aðalfundinn og finna menn í stjórn. Allir að mæta

Æfingaferð á Flateyjardalsheiði

Sun, 30 Mar 2008 13:57:00 GMT

Föstudaginn 28. mars lögðum við upp í Hjálparsveitarferð út á Flateyjardalsheiði. Ferðinni var heitið inn í Heiðarhús, sem er gangnamannaskáli útá Flateyjardal. Við hittumst að venju við Leiru þar sem við komum okkur í bíla og gerðum allt klárt. Við vorum tólf talsins á báðum bílunum okkar, með báða sleðana og gamla snjóbílinn okkar Bangsa, auk einkasleða og fjórhjóls. Þrír menn frá Týr á Svalbarðseyri slógust í för með okkur á sínum jeppa og tók Máni (risaeðlan) með sér trailerinn sinn (Arctic cat).

Erindrekafundur

Thu, 27 Mar 2008 11:01:00 GMT

Næsta þriðjudag, þann 1. apríl verður erindrekstrarfundur í Bangsabúð - og þetta er ekki gabb:) Hann Ingólfur kemur frá SL og kynnir okkur starfið og það sem framundan er, og viljum við hvetja alla til að mæta og spyrja hann um allt sem fólk vill vita.
Sjáumst sem flest á þriðjudaginn!

Snjóbíllinn liðkaður

Wed, 26 Mar 2008 19:51:00 GMT

Síðasta laugardag fórum við með snjóbílinn inn á Hafrárdal. Þar var reyndar afar lítið skyggni, en engu að síður virkaði hann vel. Við lentum í því að missa eitt hjól úr búkka en það var soðið undir aftur um kvöldið.

Á páskadag var lagt í hann aftur og nú í björtu veðri, og vorum við ekki nema rúman klukkutíma fra Torfufelli og inn í Bergland. Þar sem bíllinn hefur ekki verið hreyfður lengi þá komu fram einhverjar olíustíflur, en þegar þetta er skrifað er búið að tæma og hreinsa tanka og nýjar síur verða settar í, þannig að bíllinn ætti að verða klár aftur þegar líður á kvöldið.

Ef félagar hafa áhuga á því að hjálpa til við að græja snjóbílinn okkar enn frekar, hafið þá endilega samband við Inga.

Ferð næstu helgi.

Tue, 25 Mar 2008 16:24:00 GMT

Nú ætlum við að fara með tækin okkar út á Flateyjardal um næstu helgi. Hugmyndin er að leggja af stað frá Akureyri kl 18 og keyra austur í Dalsmynni að Þverá. Þar keyrum við síðan yfir Flateyjardalsheiði að Heiðarhúsum, þar sem við grillum pylsur og gistum. Það er góð spá fyrir Laugardaginn og hann ætlum við að nýta til að þvælast um dalinn og niður að sjó. Ferðin er fyrir félaga hjálparsveitarinnar þannig að menn þurfa að vera orðin 16 ára til að fara með. Menn þurfa að hafa með sér nesti, svefnpoka og jafnvel bretti eða annað rennelsi. Síðan er mönnum frjálst að koma á sínum tækjum, bílum, fjórhjólum eða sleðum. Þannig að nú er bara að skrá sig. Það vantar síðan ökumenn á öll tækin þannig að heyra í Pétri 861-4085 eða Smára 866-6186 sem fyrst svo að það sé hægt að púsla þessu saman.

Unglingadeild

Thu, 20 Mar 2008 13:10:00 GMT

Sælir krakkar
Við viljum byrja á því að óska öllum gleðilegra páska og vonum að þið njótið páskafrísins!
Einnig viljum við minna ykkur á að við ætlum í klifurvegginn í Súluhúsinu laugardaginn 29. mars og þeir sem vilja fara með verða að skrá sig.
Einnig urðu mistök í síðasta Boða sem var sendur, en það er búið að panta peysurnar ykkar. Enginn hefur þó haft samband svo sennilega hefur enginn misst af pöntun. Við vitum ekki hvenær peysurnar koma en látum ykkur vita um leið og við fáum upplýsingar um það.

Svo er það Útivistarskólinn, endilega hafið samband ef ykkur vantar upplýsingar og við reynum að bjarga því. Talið líka saman um dagsetningar svo þið getið farið saman í hóp ef margir vilja fara. Það er frábær upplifun að fara í Útivistarskólann og við hvetjum ykkur til að fara.

Annars sjáumst við vonandi sem flest í klifri laugardaginn 29. mars!!

Kveðja umsjónarmennirnir

Sól, sól og aftur sól á fjöllum

Tue, 18 Mar 2008 08:47:00 GMT

Að morgni sunnudagsins fórum við á ról um 8 leytið og tókum við stefnuna á Skagafjörð. Þar sem færi var mjög létt og veður frábært tókum við smá útúrdúr vestur í Ingólfsskála. Þar hittum við félaga úr Strákum á Siglufirði en þeir voru á ferðinni á 4 bílum, 3 sleðum og snjóbíl. Stoppið varð þó aðeins lengra en áætlað var því nokkrir meðlimir Dalbjargar fengu að taka aðeins í snjóbílinn þeirra og aðrir fengu að setjast á sleðana og varð einn félagi okkar nærri því eftir uppá Hofsjökli við þá skemmtun. Gaman var að hitta á þennan hóp og þökkum við Strákunum kærlega fyrir. Við héldum leið okkar áfram og stoppuðum á miðju Íslands við Illviðrahnjúka áður en við héldum til baka og niður í Skagafjörð.

Heimferðin gekk mjög vel og vorum við komin til Akureyrar um 18:30 eftir rúmlega 600 km ferðalag.

Fjallaferð

Tue, 11 Mar 2008 09:27:00 GMT

Um næstu helgi verður farið í 3 daga fjallaferð á vegum sveitarinnar. Lagt verður á stað á föstudags seinnipart ca. 16-18 og haldið austur í Bárðardal, ekki er búið að ákveða hvar verður gist en það koma nokkrar leiðir til greina og skálar eins og Laugafell, Réttartorfa, Dyngjufjallaskáli, Dreki og Kistufell.

Ráðgert er að koma heim seinnipartinn á sunnudag. Menn þurfa að vera búnir að skrá sig hjá Ragga 8660524 eða Víði 8999821 fyrir miðvikudagskvöldið og jeppamenn hvattir til að taka þátt svo að sem flestir komist með. Skálagjöld eru 3500 krónur og þurfa menn að hafa það með sér í reiðufé, innifalið er sameiginlegt grill á laugardagskvöldið og gríðarleg stemming.

Unglingadeild

Mon, 10 Mar 2008 13:38:00 GMT

Sæl öll!
Fundinum sem átti að vera í kvöld hjá okkur verður frestað fram á miðvikudag og þá verða allir að vera duglegir og mæta kl. 19:00 eins og venjulega. Það er margt að gera og svo ætlum við að fræða ykkur aðeins um Útilífsskólann og kanna hverjir vilja fara þangað í sumar. Fljótlega ætlum við að fara í klifurvegginn í Súluhúsinu, en erum ekki komin með dagsetningu. Fyrst þurfum við að fá að vita hverjir vilja fara með og hvaða tími hentar best. Þetta verður allt rætt á fundinum á miðvikudaginn, svo endilega reynum að mæta sem flest.
Sjáumst hress,
kveðja umsjónarmennirnir.

GPS námskeið

Wed, 05 Mar 2008 11:24:00 GMT

Búið er að fresta GPS námskeiðinu sem átti að vera í Bangsabúð í kvöld. Það verður haldið fljótlega með von um betri þátttöku:)

Unglingadeild

Wed, 05 Mar 2008 00:09:00 GMT

Sælir krakkar
Nú erum við búin að fá meiri upplýsingar um útivistarskólann. Það verða haldin grunnnámskeið á Gufuskálum í sumar, eitt í júní og tvö í júlí. Svo verður eitt grunnnámskeið haldið á Austurlandi í ágúst. Þetta eru mjög skemmtileg námskeið þar sem þið getið lært margt, og ef ykkur langar að fara, hafið þá samband við eitthvert af okkur umsjónarmönnunum og við getum gefið ykkur meiri upplýsingar. Það er gott að við getum skráð þá sem ætla að fara í mars, þannig að þið skuluð fara að hugsa um hvort þið viljið fara. Námskeiðin bókast fljótt upp þannig að það er gott að geta skráð ykkur snemma. Svo er möguleiki að fara á framhaldsnámskeið næsta sumar ef þið takið grunnnámskeið í sumar.

Við ætlum líka bráðum að reyna að fara að klifra eða fara í kassaklifur, þið verðið látin vita um leið og við vitum meira.

Svo að lokum viljum við minna á peysurnar, þeir sem vilja merktar Landsbjargarpeysur en hafa ekki látið okkur vita, endilega drífið í því vegna þess að við förum að panta í þessari viku eða strax eftir helgi.
Kveðja umsjónarmennirnir:)

Hálendisferð sleðaflokks.

Tue, 04 Mar 2008 21:16:00 GMT

Um síðustu helgi fór sleðaflokkur sveitarinnar í ferð upp á hálendið. Farið var á fjórum sleðum, Dalbjargarsleðunum tveimur, Smári Sig á sínum sleða og síðan fékk Pétur nýjan Artic Cat M8 sleða lánaðan hjá Tryggva Aðalbjörns. Hópurinn lagði af stað á föstudagskvöldið og farið var upp Vatnahjallann, suður í Laugafell og gist þar.

Snjóbíllinn klár

Fri, 29 Feb 2008 09:32:00 GMT

Víðir og Ingi hafa verið að dunda í snjóbílnum núna nokkur kvöld og má með sanni segja að hann sé allur að koma til. Það er búið að laga tönnina og setja VHF og SSB stöðvarnar í aftur. Síðan er búið að laga til í rafmagninu, setja smurþrýsti, volta og hitamæli i hann Ljósin yfirfarin og í kvöld var tékkað á öllum olíum. Þannig að kvikindið fer að verða klár i slaginn.

Ingvar Þ.

Vinnukvöld hjá sleðaflokk

Wed, 27 Feb 2008 09:04:00 GMT

Í gærkvöldi mættu félagar úr sleðaflokki sem ætla í hálendisferð um næstu helgi heim til Péturs. Þar voru ferðaplön rædd og síðan var farið í að skipta um drifolíu. Þegar var verið að skipta um olíuna komumst við að galla í öðrum sleðanum, bolti sem heldur driftannhjóli hafði losnað og étið sig út í gegnum drifhúsið. Ákváðum við að gera bráðabirgðaviðgerð á sleðanum.

Unglingadeild

Sat, 23 Feb 2008 15:52:00 GMT

Sælir krakkar og takk fyrir daginn og gærkvöldið. Ég vil minna ykkur á að þeir sem ætla að fá peysur og eiga eftir að máta, endilega drífið ykkur í 66°N og finnið ykkar stærð svo við getum farið að panta. Og ef einhverjir sem eru ekki í unglingadeildinni vantar peysur, mátið þá líka og látið vita svo við getum gert eina pöntun.

Fjáröflunarvinna

Fri, 22 Feb 2008 21:55:00 GMT

Það verður vinna núna um helgina á Grund við að hjálpa nýjum eigendum að taka til í útihúsum. Það eru margir búnir að skrá sig í vinnu á sunnudag en okkur vantar en nokkra á laugardag. Endilega hefið samband við Helga og leggið ykkar af mörkum. Já og gott að minna ykkur á að taka frá helgina 14-15 mars en þá verður farið í fjallaferð.. :-)

Tetra námskeið

Wed, 20 Feb 2008 10:41:00 GMT

hér

Sleðadeildarfundur

Tue, 19 Feb 2008 10:51:00 GMT

Á miðvikudagskvöldið kl. 20 verður fundur hjá sleðadeildinni í Sunnutröð 3 (hjá Pétri).
Núna þurfum við að ákveða dagsetningu fyrir ferð á hálendið og eins að ræða um æfingu fyrir sleðahópinn.
Farið verður yfir sleðana og búnað þeirra svo að allir kunni á hann. Merkingar verða vonandi komnar svo að við getum merkt þá. Hjálmasett
VHF stöðvar.
Tetra og ath með útiloftnet.
NMT síminn.
Búnaður sem taka á með í útköll á sleðum.
Ný búnaðarkort verða afhent og farið yfir endurvarpakort fyrir VHF. Það verður farið yfir námskeið sem þarf að taka, breytingar á ökumannslistum ofl. HÉR eru nýjar upplýsingar um sleðadeildina.

Fréttir af Bangsa snjóbíl.

Mon, 18 Feb 2008 23:24:00 GMT

Í síðustu viku fóru Ingi og Víðir með snjóbílinn okkar fram í Torfufell. Bíllinn var búinn að vera í geymslu hjá Óskari í Grænuhlíð en verður nú geymdur í Torfufelli. Þeir félagar eru búnir að vera að ditta að honum og heyrst hefur að stefnt sé á að prófa Vatnahjallann um næstu helgi. Við felagarnir Viðir og eg höfum verið að dunda i snjobilnum okkar nuna siðustu kvöld og ma segja að hann hefur færst i betra horf, buið að laga tönnina, taka soldið til i rafmagni,setja v.h.f og s.s.b. talstöðvarnar i aftur,einnig hita ,smur og spennumæli,i kvöld a að yfirfara loft i dekkjum,oliu a nadrifum setja nyja spegla og þa fer kvikindið að verða klar...

Erindrekafundur

Mon, 18 Feb 2008 23:19:00 GMT

Á morgun, þriðjudag, kl. 20:00 verður erindrekafundur í Bangsabúð. Spjallað verður um það sem er á döfinni hjá okkur, og einnig hvað er framundan hjá Landsbjörg. Þetta verður mjög skemmtilegur og fróðlegur fundur og hvetjum við sem flesta til að mæta.

Nýliði æfir á sleða

Thu, 14 Feb 2008 14:11:00 GMT

Í dag fóru Pétur, Snædís og nýliði í sleðahóp sem vildi ekki láta nafn síns getið í æfingarferð upp í Reykárbotna. Það þurfti að þræða snjóinn til að komast upp eftir frá Hrafnagili og var færið meyrt en síðan hart eftir því sem ofar dró. Nýliðinn stóð sig með prýði þrátt fyrir smá örðugleika og látum við nokkrar myndir fljóta með.

Björgun á frönskum skíðagöngumönnum

Tue, 12 Feb 2008 22:10:00 GMT

Svæðisstjórn á svæði 11 var kölluð út upp úr hálf tvö í dag vegna tveggja skíðagöngumanna sem voru í vandræðum á hálendinu ofan Eyjafjarðar. Mennirnir lögðu af stað inn á hélendið í gær og ætluðu að ganga suður og yfir það. Þegar þeir voru komnir upp að Urðarvötnum urðu þeir að tjalda og halda kyrru fyrir þar sem vonskuveður var á svæðinu.

Fundur hjá unglingadeild

Mon, 11 Feb 2008 08:23:00 GMT

Sælir krakkar. Munið eftir fundinum í kvöld kl. 19:00 í Bangsabúð. Við ætlum að ræða dagskrána okkar fram á sumar og gera eitthvað fleira skemmtilegt ef tími er til þess. Ef ykkur vantar far, hafið þá samband við Sunnu, Gullu, Hemma eða Marsibil. Sjáumst í kvöld!

Óveðrið í nótt

Sat, 09 Feb 2008 17:44:00 GMT

Mikið óveður gekk yfir landið í gærkvöldi og í nótt. Í Eyjafirði var mjög hvasst og fór vindhraði í 47,3 metra á vindmæli við Öxnafell. Nokkrar skemmdir urðu á trjám og einnig fauk stór þakgluggi af lausagöngufjósi á bænum Ytri-Tjörnum. Björgunarsveitin var kölluð út til að aðstoða ábúendur við að negla fyrir gluggann.

Unglingadeild

Wed, 06 Feb 2008 19:44:00 GMT

Ég vil minna ykkur á að ef þið viljið kaupa ykkur Landsbjargar flíspeysu merkta unglingadeildinni, farið þá endilega í 66°N og mátið hvaða stærð þið þurfið. Svo er fundur hjá okkur næsta mánudag, kl. 19:00 í Bangsabúð, og þá væri gott ef þið gætuð sagt okkur stærðirnar ykkar. Við sjáum svo um að panta. Einnig getið þið haft samband við okkur ef þið getið ekki mætt á fundinn. Smellið HÉR ef þið viljið skoða hvernig peysurnar líta út.
Við ætlum að mæta með áætlun um hvað við gerum í vetur og vor á fundinn, þannig að ef þið hafið skemmtilegar hugmyndir um hvað þið viljið gera hafið þá endilega samband við Sunnu, Hemma, Gullu eða Marsibil.
Annars vonumst við til að sjá ykkur sem flest á mánudaginn!

Sleðamenn æfa.

Wed, 06 Feb 2008 18:15:00 GMT

Í dag fóru Hermann, Tómas og Rolf á sleða og var ferðinni heitið inn á Glerárdal en vegna veðurs var snúið við í miðri hlíð og haldið yfir á betri bakkann. Þaðan var svo haldið suður og farið upp að Öxnafelli og reyndum við að komast upp í neðri skálina að vestan en þar komust ekki allir upp (Rolf) þannig að við renndum upp að norðan. Þegar við vorum svo á leiðinni heim, duttum við í kaffi á Rútsstöðum og svo var brunað á Hrafnagil í skúrinn hjá Pétri og sleðarnir gerðir klárir á ný. En annars bara góður túr og skemmtilegur.

Hermann Ingi Gunnarsson

Talstöðin virkar vel!

Tue, 05 Feb 2008 12:23:00 GMT

Sleða veður!!

Tue, 05 Feb 2008 08:38:00 GMT

Smá innskot frá veðurstofunni. Sól, logn og 5° frost. (Er það ekki nálægt lagi hjá mér Óli?)

Vinna í sleðum.

Tue, 05 Feb 2008 07:47:00 GMT

Í gærkvöldi unnu Smári, Pétur og Palli við að setja talstöð og loftnet á annann sleðann og vindlakveikjara í báða sleðana. Núna þurfa menn aðeins að taka mér sér heyrnartól af td. ipod, síma eða einhverju sem er með venjulegum Jack þegar farið er í ferðir.

Sleðadeildin á Glerárdal.

Tue, 05 Feb 2008 07:23:00 GMT

Félagar sleðadeildarinnar fóru í tvær ferðir inn á Glerárdal 22 janúar. Um morguninn fóru Pétur, Tómas og Helgi á þremur sleðum inn Glerárdal í Lamba, héldu síðan áfram fram af Þröminni og niður í Skjóldal. Fínt sleðafæri var í Skjóldalnum og var kíkt ofan í Bægirsárdal og Þverárdal í Öxnadal.
Hermann og Binni fóru síðan ásamt Smára Sig og fleiri strákum inn á Glerárdal um kvöldið og fóru þeir svipaðar slóðir og hópurinn fyrr um daginn.

Fundur

Fri, 01 Feb 2008 18:56:00 GMT

Almennur fundur verður í Bangsabúð næsta sunnudag, 3. febrúar, kl. 20:15. Vonumst til að sjá sem flesta.

Unglingadeildin!

Fri, 25 Jan 2008 18:24:00 GMT

Sælir krakkar. Okkur datt í hug að hafa skyndihjálparnámskeið næsta þriðjudagskvöld og viljum kanna þátttökuna áður en það verður alveg ákveðið. Þetta er jafnt fyrir þá sem hafa aldrei farið á námskeið og fyrir þá sem vilja rifja upp, enda er alltaf þörf á því.

Unglingadeildin

Tue, 22 Jan 2008 21:27:00 GMT

Í gærkvöldi var haldinn unglingadeildarfundur í Bangsabúð. Þar mættu margir nýjir og ferskir meðlimir í bland við gamla og góða. Við ræddum um starfið sem er framundan hjá okkur og allir ætla að koma með góðar hugmyndir um hvað við getum gert í vetur á næsta fund sem verður sennilega 11. febrúar. Einnig bættust í hópinn fleiri umsjónarmenn í viðbót við Hemma og Binna sem hafa verið með þessa deild, en það eru Gulla, Marsibil og Sunna. Við viljum líka hvetja fleiri krakka til að koma og taka þátt með okkur ef áhugi er fyrir hendi. Sjáumst hress á næsta fundi, kveðja Sunna.

Sleðafundur.

Tue, 22 Jan 2008 14:43:00 GMT

Í kvöld kl 19.00 verður fundur og vinnukvöld hjá sleðadeild. Við verðum á verkstæðinu hjá Guðmundi Hjálmars (Draupnisgötu) og þar sýna Helgi og Tómas hvað þarf að yfirfara á sleðunum. Það er mikilvægt að þeir sem ætla að vera með í sleðahópnum að þeir mæti og læri á tækin og þann búnað sem skilt verður að hafa með í æfingum og útköllum. Eins og kom fram á síðasta fundi er öllum fullgildum félögum velkomið að vera í sleðahóp og geta menn verið í fleiri en einni deild. Pétur og Smári Sig. eru umsjónamenn sleðadeildar og verða menn að hafa samband við þá ef þeir hafa áhuga.

Vinnukvöldið í gær.

Fri, 18 Jan 2008 10:58:00 GMT

Það var góð mæting á vinnukvöldið í gær eða 18 manns. Lagað var til í búnaði og tækjum auk þess sem gengið var frá dóti eftir flugeldasölu. Snjósleðarnir eru komnir niður á Hrafnagil og ef menn þurfa að nota þá á að hafa samband við Pétur eða Smára.

Vinnukvöld í kvöld

Thu, 17 Jan 2008 12:08:00 GMT

Í kvöld verður vinnukvöld í Bangsabúð. Við ætlum að fara yfir flugeldana, búnaðinn okkar og laga til í húsinu. Léttar veitingar verða í boði fyrir duglegt fólk!! Endilega mætið í kvöld, þetta verður rosa skemmtilegt. Sjáumst hress og kát!

Ferðamennsku námskeið.

Wed, 09 Jan 2008 17:49:00 GMT

Á laugardaginn verður Ferðamennsku námskeið haldið í Varmahlíð (9-17). Þetta námskeið er eitt af grunnnámskeiðum til að verða björgunarmaður. Ef það er nægur áhugi hjá okkur er mjög líklegt að það verði haldið hér. Þannig að allir sem eiga þetta námskeið eftir, skrá sig hjá Ragga í síma 866-0524. Nánari uppl. um námskeiðið.

Tegund:	Grunnnámskeið	Almennt:	8.800 kr.
Svið:	Ferðamennska	Fyrir félaga:	4.400 kr.
Flokkur:	Björgunarmaður 1
Réttindi:	Enginn	Tímafjöldi:	8

Sleðaflokkur vinnukvöld.

Tue, 08 Jan 2008 23:08:00 GMT

Jæja þá er kominn tími til að dusta rykið af færiböndunum. Núna þurfum við að ákveða vinnukvöld hjá sleðadeildinni til að yfirfara sleðana og setja nýju stöðina á annann sleðann. Þeir sem hafa áhuga á því að fara að æfa sig á sleðunum og kynna sér sleðaflokkinn eru endilega beðnir um að mæta. Látið mig endilega vita hvaða kvöld hentar best eða skráið athugasemd við fréttina.

Myndir úr Haustferð.

Tue, 08 Jan 2008 01:13:00 GMT

Núna eru komnar inn nýjar myndir úr haustferðinni. Þið getið smellt hér eða farið í myndir hér til vinstri og skoðað þær þar.

Kveðja Pétur

Maður brenndist á fæti.

Sun, 06 Jan 2008 20:24:00 GMT

Hjálparsveitin var kölluð út í dag vegna manns sem brenndist á fæti á bænum Grænuhlíð. Maðurinn var að vinna við að rafsjóða þegar neistar frá rafsuðunni urðu til þess að eldur kviknaði í fötum hans. Maðurinn náði að slökkva eldinn og koma sér úr fötunum. Tveir björgunarsveitarmenn voru staddir í Bangsabúð vegna flugeldasölu og fóru þeir strax í Grænuhlíð. Maðurinn hlaut annars stigs bruna á læri og var búið um áverkana með sérstökum brunagrisjum. Ákvað maðurinn að hann skyldi sjálfur koma sér á sjúkrahús ef þess yrði þörf þar sem honum var farið að lýða betur og ekki djúpur bruni.

Flugeldasalan fór vel.

Sun, 06 Jan 2008 14:44:00 GMT

Halló kæru meðlimir. Við seldum jafnmikið af tundri eins og í fyrra . Takk fyrir vinnuframlagið og gleðilegt ár Kv HelgiS.

Vinna vegna tjóns í dag.

Mon, 31 Dec 2007 17:45:00 GMT

Í birtingu í morgun var 10 manna hópur mættur í Sigtún til að endurnýja þak á kálfafjósi sem fauk í rokinu í gær. Var unnið hörðum höndum fram eftir degi og klæddir um 100 m2 af þaki.

Þegar að þeirri vinnu lauk fór megnið af hópnum í Garð til að

loka nýja fjósinu. Þar hafði stór þakgluggi sem er eftir endilöngum mæninum fokið að mestu í burtu.

Lauk vinnutörninni um klukkan 17.

Flugeldasalan stóð frá 9-16 og gekk mjög vel.

Viljum við þakka sveitungum og öðrum fyrir stuðninginn og árið sem er að líða.

Innköllun á Miðnæturbombu.

Mon, 31 Dec 2007 09:20:00 GMT

Slysavarnafélagið Landsbjörg hefur innkallað flugeld sem kallaður er Miðnæturbomban þar sem vart hefur orðið við galla í slíkum flugeldum. Miðnæturbomban er stór flugeldur sem hefur verið seldur fyrir þessi áramót á flugeldamörkuðum björgunarsveitanna.

Við viljum biðja fólk sem hefur keypt slíkan flugeld að koma og skipta honum hjá okkur á Hrafnagili.

Óveðursútköll í dag

Sun, 30 Dec 2007 23:48:00 GMT

Aftakaveður hefur gengið yfir landið í dag og höfum við ekki farið varhluta af því hér í sveitinni. Í Öxnafelli mældist vindhraði 43,7 m/s um kaffileytið í dag, ekki hefur mælst meiri vindstyrkur þar síðan mælingar hófust. Á Torfum fór vindhraði í hviðum upp í 34 m/s.

Björgunarsveitin hefur verið kölluð út þrisvar sinnum í dag til að aðstoða íbúa sveitarinnar vegna hvassviðris og skemmda af völdum þess.

Upp úr kl 16 var óskað eftir aðstoð við að hemja mótauppslátt við Öngulsstaði sem var farinn að fjúka af stað.

Fljótt upp úr því fauk fóðursíló og síðan stór partur þaks á kálfafjósi í Sigtúnum. Tíu björgunarsveitarmenn unnu við að negla niður lausar plötur, fergja brak og tryggja fóðursílóið við dráttarvélar.

Á sama tíma var óskað eftir aðstoð björgunarsveitarinnar í Uppsali en þar voru útihús farin að láta undan veðurofsanum. Sjö manns fóru þangað til að styrkja veggi og negla niður þakjárn.

Flugeldasala hafin.

Sat, 29 Dec 2007 17:58:00 GMT

Já Flugeldasalan er hafin á Hrafnagili. Nú er um að gera og styrkja gott málefni og kaupa sér flugelda. Opnunartímar eru sem hér segir. 28 des. Kl. 10-22 / 29 des. Kl. 10-22 30 des. Kl. 10-22 / 31 des. Kl. 9-16 Við þökkum fyrir að sinni og við óskum öllum landsmönnum gleðilegs nýs árs og Þökkum fyrir það gamla.

Gleðileg Jól

Mon, 24 Dec 2007 17:17:00 GMT

Stjórn Dalbjargar og Heimasíðu vilja óska öllum meðlimum Gleðilegra Jóla og farsældar á komandi ári og þakka að sama skapi fyrir það liðna.

Blaðið komið í prentun.

Sun, 23 Dec 2007 13:41:00 GMT

Dalbjargar blaðið var prentað í gær og verður klárað strax eftir jól. Blaðið hefur stækkað frá síðasta ári og er orðið 28 blaðsíður. Í blaðinu eru greinar um almenn björgunarmál og eins um starfið hjá okkur í Dalbjörgu.

Blaðinu verður dreift 27 desember í Eyjafjarðarsveit og á Svalbarðsströnd. Þeir sem hafa tíma um hádegi 27 des. mega skrá sig í athugasemdir.

Kveðja frá ritstjóra.

Flugeldafundur.

Tue, 18 Dec 2007 09:49:00 GMT

Núna er tími aðalfjáraflana hjá okkur, Dalbjargarblaðið og flugeldasalan. Blaðið er að fara í prentun og hafa Pétur, Hemmi og Sunna haft í nógu að snúast í kringum það.

Flugeldarnir eru að koma í hús á næstu dögum og eru 10 dagar í sölu á þeim. Við verðum með fund í Bangsabúð kl 20 á fimmtudagskvöldið. þar verður salan skipulögð og fleira sem þarf að gera í kringum Jól og áramót. Mikilvægt að menn mæti og gefi kost á sér í sölu og næturvaktir.

Unglingadeildarfundur í gærkvöldi.

Thu, 13 Dec 2007 19:03:00 GMT

Fundur var haldinn hjá Unglingadeildinni í gær. Það var ágætis mæting og nýliðar voru kynntir fyrir búnaði sveitarinnar. Á dagskrá er að virkja Deildina en betur, ráðgert er að fara í kassaklifur og Borg fljótlega. Ákveðið var að stefna á að fara í Borg 12. janúar, þar sem talsvert er liðið frá því seinast var farið. Sunnudaginn 18. janúar verður næsti fundur haldinn í Bangsabúð og hvetjum við alla til að mæta þar.

Skráning á litlu Jólin.

Tue, 11 Dec 2007 10:05:00 GMT

Þá er komið að því að skrá sig á litlu Jólin sem verða í Funaborg á Melgerðismelum núna á föstudagskvöldið. Mæting er kl 19:45 stundvíslega, jólaföt og skapið er auðvitað skilyrði.

Síðan verða allir að koma með jólapakka að andvirði 500 kr. Allir félagar og makar þeirra eru velkomin á gleðina. Þið þurfið að skrá ykkur núna sem fyrst hjá Elmari eða Sigrúnu, þið getið líka skráð ykkur í athugasemd með þessari frétt.

Matseðill

Forréttur Ris al a mande með sósu og súkkulaði spænum.

Aðalréttur Jólalambalæri, kartöflugratin, sveppasósa al a FF og meðlæti.

Eftirréttur Hátíðarís með Jólasósu.

Fordrykkur og léttarveitingar.

Skemtidagskrá dans og gleði fram eftir kvöldi. Nefndin vonast til að sjá sem flesta félaga.

Pétur, Elmar, Sigrún og Eysteinn.

Reykskynjarayfirferðin

Wed, 05 Dec 2007 16:08:00 GMT

Hægt er að hafa samband við Sunnu í síma 8654926.

Í sambandi við könnunina um eldvarnir í útihúsum, þá er verið að vinna í þeim málum. Niðurstöður koma væntanlega eftir áramót.

Annars óskum við ykkur alls hins besta og hlökkum til að sjá ykkur í flugeldasölunni um áramótin.

Litlu Jólin.

Tue, 04 Dec 2007 18:59:00 GMT

Fundur.

Sat, 01 Dec 2007 19:59:00 GMT

Fundur verður haldinn næstkomandi sunnudag 2 des. Að venju hefst fundur kl. 20:15 og verða ýmis mál rædd svosem flugeldar, Ingi greinir frá fulltrúafundi Landsbjargar. Svo minni ég á alla þá sem að tóku með sér neyðarkall að skila af sér við komu á fundinn. Endilega allir að mæta og nýliðar velkomnir.

Ökumaður í vanda við Möðrufell.

Fri, 16 Nov 2007 19:08:00 GMT

Stór pallbíll með hestflutningavagn lenti útaf heimreiðinni á Möðrufelli í byrjun mánaðarins. Ökumaðurinn ætlaði sér að keyra upp heimreiðina en var ekki staðkunnugur þannig að hann gerði sér ekki grein fyrir brattanum á heimreiðinni.

Fyrir utan það að það væri myrkur var hálka og snjókoma og stöðvaðist bíllinn í brekkunni og rann aftur á bak og noður af, ofan í skurð.

Þrír menn fóru frá okkur á bíl auk þess að Hlynur á Kvisti kom á stórri dráttarvél. Þurfti mikil átök til að draga bílinn og vagninn, sem vógu um 5 tonn upp á veginn aftur.

Bílstjórinn var mjög þakklátur aðstoðinni enda var hann orðinn nett taugastrekktur eftir þessa uppákomu.

Bíllinn og vagninn skemmdust lítillega.

Eldvarnahelgi

Thu, 15 Nov 2007 01:02:00 GMT

Helgina 24.-25. nóvember mun Hjálparsveitin fara sína árlegu yfirferð um sveitina til að yfirfara eldvarnabúnað. Rafhlöður í reykskynjara verða seldar á kostnaðarverði

Einnig verður hægt að kaupa reykskynjara og eldvarnarteppi. Þeim sem vantar slökkvitæki geta líka pantað þau og fengið þau send heim til sín.

Við vonum að þið takið vel á móti okkar fólki eins og undanfarin ár.

Þeir sem missa af okkur en vantar búnað geta haft samband við Sunnu Axelsdóttur í síma 865-4926

Skyndihjálparæfing í gærkvöldi.

Wed, 14 Nov 2007 12:20:00 GMT

Það var gríðarleg góð þátttaka á skyndihjálparæfingunni í gærkvöldi. Það mættu 14 skyndihjálparmenn á æfinguna sem Pétur og Helgi sjúkraflutningamenn sáu um.

Mannskapurinn var að mæta í hús upp úr kl 19 og fór yfir búnað og græjuðu sig í 2 hópa. Æfingin var keyrð sem útköll og unnið átti að finna sjúklinga, hlúa að þeim og afhenta þá síðan til sjúkrabíls.

Fyrsta æfingin var tilkynnt um mann sem var meðvitundarlítill í bíl inn á Eyjafjarðardal. Við skoðun var hann með góða öndun og púls en svaraði bara miklu áreiti. Eftir að björgunarmenn höfðu tekið lífsmörk og skoðun komust þeir að því að hann var lágur í sykri og gáfu honum hypostopp. Saga hans var tekin og hann síðan fluttur á móts við sjúkrabíl.

Önnur æfing var innan dyra, forsaga var að menn voru staddir í Laugarfelli og einn félaga þeirra birtist inn í skálann til þeirra móður og másandi og með verk í baki eða brjósti. Eftir að hafa gefið súrefni, farið vel í gegnum sögu og tekið lífsmörk. Komust þeir að því að félaginn væri með slæmann brjóstverk og ákveðið að flytja hann strax niður í Eyjafjörð til móts við sjúkrabíl.

Þriðja æfing þar sem hóparnir 2 fóru saman í var tilkynnt um mann sem var á rjúpnaveiðum upp í Núpufellshálsi. Hann hafði dottið fram af smá kletti og rotast en félagi mannsin náði sambandi við hann stuttu seinna. Þeir reyndu að standa á fætur en maðurinn var of ruglaður og með lélegt jafnvægi til að standa í lappirnar. Félagi mannsin labbaði í bíl þeirra eftir hjálp og beið síðan þar eftir björgunarsveit þar sem hann rataði ekki aftur til þess slasaða. Þurfti þess vegna að byrja á því að leita að manninum og var stillt upp í breiðleit á líklegasta svæðinu og fannst hann fljótlega. Við skoðun komu í ljós áverkar á höfði , fæti og opið beinbrot á handlegg. Lífsmörk voru ágæt en maðurinn orðin frekar kaldur og aðeins illa áttaður. Tók smá tíma að koma manninum á bretti og upp í bíl. Þar var gert frekar að sárum og lífsmörk tekin reglulega.

Ég vil þakka þeim sem mættu og gerðu þessa æfingu svona skemtilega þrátt fyrir að hún hafi staðið til 23:30.

Já og auðvitað þarf að þakka sjúklingunum okkar þeim Kristjáni Hreinssyni og Tryggva Óskarssyni fyrir góða leik.

Unglingadeild á skauta.

Fri, 09 Nov 2007 22:05:00 GMT

Góða Kvöldið. Unglingadeildin fór á skauta í kvöld og hafði gaman af. Eitthvað var um sviftingar aðalega hjá Hemma.

Æfing á þriðjudagskvöldið.

Fri, 09 Nov 2007 12:41:00 GMT

Við verðum með alvöru skyndihjálparæfingu á þriðjudagskvöldið. Mæting er klukkan 19 í Bangsabúð

þar verður mönnum skipt í bílana okkar og einkabíla sem fylgja. Verður æfing þannig að menn fá tilkynningu um slasaðan sjúkling og eiga að komast að honum, hlúa að honum og flytja hann síðan ákveðna leið og melda hann inn á sjúkrahús eða til sjúkrabíls. Skyldumæting...

Skyndihjálparnámskeið

Fri, 09 Nov 2007 10:37:00 GMT

Núna stendur yfir skyndihjálparnámskeið hjá okkur og eru 22 félagar á því. En það eru bæði nýliðar

og allt upp í félaga sem hafa verið í sveitinni frá upphafi. Er það stefna okkar að hafa á að skipa skyndihjálparfólki í fremstu röð og taka allir meðlimir okkar virkan þátt í því markmiði. Námskeiði er haldið í Hrafnagilsskóla og er kennt 3 kvöld og einn laugardagur. Anna Sigrún er yfirkennari en sjúkrafl. og Wildernes fólkið okkar hjálpa til við kennsluna. Námskeiðinu líkur á morgun með prófi.